വെ​ല്ലിം​ഗ്‌​ട​ണ്‍: ഇം​ഗ്ല​ണ്ടി​നെ​തി​രാ​യ ര​ണ്ടാം ക്രി​ക്ക​റ്റ് ടെ​സ്റ്റി​ൽ ന്യൂ​സി​ല​ൻ​ഡി​ന് ബാ​റ്റിം​ഗ് ത​ക​ർ​ച്ച. ആ​ദ്യം ബാ​റ്റ് ചെ​യ്ത ഇം​ഗ്ല​ണ്ട് ഉ​യ​ർ​ത്തി​യ 280 റ​ൺ​സ് പി​ന്തു​ട​ർ​ന്ന് ബാ​റ്റിം​ഗ് ആ​രം​ഭി​ച്ച കി​വീ​സ് ആ​ദ്യ​ദി​നം ക​ളി​നി​ർ​ത്തു​മ്പോ​ൾ അ​ഞ്ചു​വി​ക്ക​റ്റ് ന​ഷ്ട​ത്തി​ൽ 86 റ​ൺ​സെ​ന്ന നി​ല​യി​ലാ​ണ്.

ഏ​ഴു റ​ൺ​സു​മാ​യി ടോം ​ബ്ല​ണ്ട​ലും റ​ണ്ണൊ​ന്നു​മെ​ടു​ക്കാ​തെ വി​ല്യം ഒ​റൂ​ർ​ക്കെ​യു​മാ​ണ് ക്രീ​സി​ൽ. കെ​യ്ൻ വി​ല്യം​സ​ൺ (37), ടോം ​ലാ​ഥം (17), ഡെ​വ​ൺ കോ​ൺ​വേ (11), ര​ചി​ൻ ര​വീ​ന്ദ്ര (മൂ​ന്ന്), ഡാ​രി​ൽ മി​ച്ച​ൽ (ആ​റ്) എ​ന്നി​വ​രു​ടെ വി​ക്ക​റ്റു​ക​ളാ​ണ് ആ​തി​ഥേ​യ​ർ​ക്കു ന​ഷ്ട​മാ​യ​ത്.

ഇം​ഗ്ല​ണ്ടി​നു വേ​ണ്ടി ബ്രൈ​ഡ​ൺ ക​ഴ്സ് ര​ണ്ടും ക്രി​സ് വോ​ക്സ്, ഗ​സ് അ​റ്റ്കി​ൻ​സ​ൺ, ബെ​ൻ സ്റ്റോ​ക്സ് എ​ന്നി​വ​ർ ഓ​രോ വി​ക്ക​റ്റ് വീ​ത​വും വീ​ഴ്ത്തി.

നേ​ര​ത്തെ, ഹാ​രി ബ്രൂ​ക്കി​ന്‍റെ ത​ക​ർ​പ്പ​ൻ സെ​ഞ്ചു​റി​യു​ടെ ബ​ല​ത്തി​ലാ​ണ് ഇം​ഗ്ല​ണ്ട് മി​ക​ച്ച സ്കോ​റി​ലെ​ത്തി​യ​ത്. 115 പ​ന്തി​ല്‍ 11 ബൗ​ണ്ട​റി​ക​ളും അ​ഞ്ചു സി​ക്സ​റു​മു​ൾ​പ്പെ​ടെ 123 റ​ണ്‍​സാ​ണ് ബ്രൂ​ക്ക് അ​ടി​ച്ചു​കൂ​ട്ടി​യ​ത്. ഒ​ല്ലി പോ​പ്പ് 66 റ​ൺ​സെ​ടു​ത്തു. അ​തേ​സ​മ​യം മ​റ്റു ബാ​റ്റ​ർ​മാ​ർ​ക്ക് ആ​ർ​ക്കും കാ​ര്യ​മാ​യ സം​ഭാ​വ​ന ന​ല്കാ​നാ​യി​ല്ല.

സാ​ക്ക് ക്രോ​ളി(17), ബെ​ന്‍ ഡ​ക്ക​റ്റ് (പൂ​ജ്യം), ജേ​ക്ക​ബ് ബേ​ഥ​ല്‍ (16), ജോ ​റൂ​ട്ട് (മൂ​ന്ന്), ബെ​ൻ സ്റ്റോ​ക്സ് (ര​ണ്ട്), ക്രി​സ് വോ​ക്സ് (18), ഗ​സ് അ​റ്റ്കി​ൻ‌​സ​ൺ (നാ​ല്), ബ്രൈ​ഡ​ൺ ക​ഴ്സ് (ഒ​മ്പ​ത്) എ​ന്നി​വ​ർ കാ​ര്യ​മാ​യ ചെ​റു​ത്തു​നി​ല്പ് കൂ​ടാ​തെ കീ​ഴ​ട​ങ്ങി.

ന്യൂ​സി​ല​ന്‍​ഡി​നാ​യി ന​ഥാ​ന്‍ സ്മി​ത്ത് നാ​ലും വി​ല്യം ഒ​റൂ​ർ​ക്കെ മൂ​ന്നും മാ​റ്റ് ഹെ​ന്‍റി ര​ണ്ടും വി​ക്ക​റ്റെ​ടു​ത്തു. ആ​ദ്യ ടെ​സ്റ്റ് ജ​യി​ച്ച ഇം​ഗ്ല​ണ്ട് മൂ​ന്ന് മ​ത്സ​ര പ​ര​മ്പ​ര​യി​ല്‍ 1-0ന് ​മു​ന്നി​ലാ​ണ്.