മന്ത്രി അബ്ദുറഹ്മാന്റെ സ്റ്റാഫ് ക്വാട്ടേഴ്സില് മരിച്ച നിലയില്
Friday, July 11, 2025 12:19 PM IST
തിരുവനന്തപുരം: മന്ത്രി വി.അബ്ദുറഹ്മാന്റെ സ്റ്റാഫിനെ ക്വാട്ടേഴ്സില് മരിച്ച നിലയില് കണ്ടെത്തി. മന്ത്രിയുടെ ഓഫീസ് അസിസ്റ്റന്റ് ബിജു ആണ് മരിച്ചത്.
നളന്ദ എന്ജിഒ ക്വാട്ടേഴ്സിലാണ് മൃതദേഹം കണ്ടെത്തിയത്. ഇവിടെ ഭാര്യയ്ക്കൊപ്പമാണ് ഇയാള് താമസിച്ചിരുന്നത്.ഭാര്യ വ്യാഴാഴ്ച വൈകുന്നേരം നാട്ടിലേക്ക് പോയിരുന്നു. ഇന്ന് രാവിലെ ബിജു ഓഫീസിലെത്താത്തതിനെ തുടര്ന്ന് സുഹൃത്തുക്കള് ഫോണില് വിളിച്ച് നോക്കിയെങ്കിലും പ്രതികരിച്ചില്ല.
തുടര്ന്ന് മുറിയിലെത്തി നോക്കിയപ്പോഴാണ് തൂങ്ങിമരിച്ച നിലയില് കണ്ടെത്തി. പോലീസ് സ്ഥലത്തെത്തി പരിശോധന നടത്തുകയാണ്. നിലവില് അസ്വാഭാവിക മരണത്തിന് പോലീസ് കേസെടുത്തിട്ടുണ്ട്. വയനാട് സ്വദേശിയാണ് മരിച്ച ബിജു.