സഭാശുശ്രൂഷകൾ ഫലപ്രദമാകാൻ ഏകോപനം അനിവാര്യം: മാർ തട്ടിൽ : Deepika.com Kerala News |

Click here for detailed news of all items

സഭാശുശ്രൂഷകൾ ഫലപ്രദമാകാൻ ഏകോപനം അനിവാര്യം: മാർ തട്ടിൽ

Thursday, July 17, 2025 2:02 AM IST

കൊച്ചി: സഭാശുശ്രൂഷകളുടെ ഫലപ്രദമായ നിർവഹണത്തിന് ഏകോപനം അനിവാര്യമെന്നു സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ.

സീറോമലബാർ സഭയിലെ വിവിധ കമ്മീഷൻ സെക്രട്ടറിമാരുടെയും ഓഫീസുകളുടെ ഭാരവാഹികളുടെയും സമ്മേളനം സഭാ ആസ്ഥാനമായ കാക്കനാട് മൗണ്ട് സെന്‍റ് തോമസിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കൂട്ടായ്മയും ശുശ്രൂഷകളുടെ തുടർച്ചയും പൊതുവായ ലക്ഷ്യത്തിലേക്ക് ഒരുമിച്ച് അധ്വാനിക്കാനുള്ള സന്നദ്ധതയും ഉണ്ടാകണം.

ഒറ്റപ്പെട്ട ലക്ഷ്യങ്ങളും പ്രവർത്തനശൈലിയുമായി മുന്നോട്ടുപോയാൽ ദൈവരാജ്യ സംസ്ഥാപനം എന്ന സഭയുടെ ദൗത്യം നിറവേറ്റുന്നതിൽ നാം പരാജയപ്പെടും.

സംഘാതാത്മകതയും സഹകരണവും സഭയിലെ പ്രവർത്തനത്തിന്‍റെ മുഖമുദ്രയായി മാറണമെന്നും മേജർ ആർച്ച്ബിഷപ് ഓർമിപ്പിച്ചു.

കൂരിയ ബിഷപ് മാർ സെബാസ്റ്റ്യൻ വാണിയപ്പുരയ്ക്കൽ, ചാൻസലർ റവ. ഡോ. ഏബ്രഹാം കാവിൽപുരയിടത്തിൽ എന്നിവർ പ്രസംഗിച്ചു. കമ്മീഷനുകളുടെ പ്രതിനിധികൾ വാർഷിക രൂപരേഖയും പ്രവർത്തനറിപ്പോർട്ടും അവതരിപ്പിച്ചു.

സീറോമലബാർ സഭയിലെ 28 കമ്മീഷനുകൾ നിലവിൽ വ്യത്യസ്തമായ സഭാശുശ്രൂഷകളെ ആഗോളതലത്തിൽ ഏകോപിപ്പിച്ചു പ്രവർത്തിക്കുന്നുണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.