National News
ഗുജറാത്തിലെ ബിജെപി കോട്ടയിൽ ഹാട്രിക് പ്രതീക്ഷയുമായി മോദി
ഗുജറാത്തിലെ ബിജെപി കോട്ടയിൽ ഹാട്രിക് പ്രതീക്ഷയുമായി മോദി
Sunday, May 5, 2024 2:15 AM IST
അ​ഹ​മ്മ​ദാ​ബാ​ദി​ൽ​നി​ന്ന് ജോ​ർ​ജ് ക​ള്ളി​വ​യ​ലി​ൽ

ബി​ജെ​പി​യു​ടെ ഉരുക്കുകോ​ട്ട​യാ​യ ഗു​ജ​റാ​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ആ​ഭ്യ​ന്ത​ര​മ​ന്ത്രി അ​മി​ത് ഷാ​യും ഹാ​ട്രി​ക് നേ​ടു​മോ എ​ന്ന​താ​ണു ചോ​ദ്യം. കേ​ന്ദ്ര​സ​ർ​ക്കാ​രി​ലെ ആ​ദ്യ ര​ണ്ടു സ്ഥാ​ന​ങ്ങ​ളി​ൽ പ​ത്തു വ​ർ​ഷ​മാ​യി തു​ട​രു​ന്ന ര​ണ്ടു ഗു​ജ​റാ​ത്തി​ക​ളും ഗു​ജ​റാ​ത്തി​ലെ സ​ന്പ​ന്ന​രു​ടെ​യും സാ​ധാ​ര​ണ​ക്കാ​രു​ടെ​യും അ​ഭി​മാ​നം (അ​സ്മി​ത) ആണെ​ന്ന​താ​ണ് ബി​ജെ​പി പ്ര​ചാ​ര​ണ​ത്തി​ന്‍റെ കാ​ത​ൽ.

2014ലും 2019​ലും ഗു​ജ​റാ​ത്തി​ലെ ആ​കെ​യു​ള്ള 26 സീ​റ്റു​ക​ളും തൂ​ത്തു​വാ​രി​യ ബി​ജെ​പി​ക്ക് പ​ക്ഷേ ഇ​ത്ത​വ​ണ വ​ള​രെക്കു​റ​ച്ചു സീ​റ്റു​ക​ളി​ലെ​ങ്കി​ലും വെ​ല്ലു​വി​ളി ഉ​യ​ർ​ത്താ​ൻ കോ​ണ്‍ഗ്ര​സ്- ആം ​ആ​ദ്മി പാ​ർ​ട്ടി സ​ഖ്യ​ത്തി​നു ക​ഴി​യു​ന്നുണ്ട്. വ​ട​ക്ക​ൻ ഗു​ജ​റാ​ത്തി​ലാ​ണ് കോ​ണ്‍ഗ്ര​സി​നു പ്ര​തീ​ക്ഷ.

ഗു​ജ​റാ​ത്ത് ഉ​ൾ​പ്പെ​ടെ 12 സം​സ്ഥാ​ന​ങ്ങ​ളി​ലെ 94 സീ​റ്റു​ക​ളി​ലേ​ക്കു​ള്ള പ​ര​സ്യ​പ്ര​ചാ​ര​ണം ഇ​ന്ന് അ​വ​സാ​നി​ക്കും. കേ​ര​ള​ത്തി​ലേ​തു​പോ​ലു​ള്ള കൊ​ട്ടി​ക്ക​ലാ​ശം പ​തി​വി​ല്ലെ​ങ്കി​ലും പ്ര​ചാ​ര​ണം തീ​രു​ന്ന​തി​നു തൊ​ട്ടു​മു​ന്പു പോ​ലും തെ​ര​ഞ്ഞെ​ടു​പ്പു​ചൂ​ട് ഒ​രി​ട​ത്തും ദൃ​ശ്യ​മല്ല. മൂ​ന്നാം ഘ​ട്ട​ത്തി​ലെ വോ​ട്ടെ​ടു​പ്പ് ചൊ​വ്വാ​ഴ്ച​യാ​ണ്.

ബി​ജെ​പി​ക്ക് വ്യ​ക്ത​മാ​യ മേ​ധാ​വി​ത്വ​മു​ള്ള സം​സ്ഥാ​ന​ത്ത് ര​ണ്ടോ മൂ​ന്നോ സീ​റ്റ് പി​ടി​ച്ചെ​ടു​ക്കാ​മെ​ന്ന മോ​ഹ​മു​ണ്ടെ​ങ്കി​ലും അ​തി​ന​നു​സ​രി​ച്ചു​ള്ള പ്ര​വ​ർ​ത്ത​നം കോ​ണ്‍ഗ്ര​സ്-എ​എ​പി സ​ഖ്യം ന​ട​ത്തു​ന്നി​ല്ല. കേ​ര​ള​ത്തി​ലേ​തു​പോ​ലു​ള്ള പ്ര​ചാ​ര​ണം ഗു​ജ​റാ​ത്തി​ൽ ഒ​രി​ക്ക​ലും ഉ​ണ്ടാ​കാ​റി​ല്ല. കാ​ര്യ​മാ​യ വെ​ല്ലു​വി​ളി ഇ​ല്ലാ​ത്ത​തി​നാ​ലാ​കാം ബി​ജെ​പി​യും ഏ​താ​നും മോ​ദി റാ​ലി​ക​ളും ബോ​ർ​ഡു​ക​ളി​ലും മു​ഖ്യ പ്ര​ചാ​ര​ണം ഒ​തു​ക്കി​യി​രി​ക്കു​ക​യാ​ണ്. പ​ര​സ്യ ഏ​ജ​ൻ​സി​ക​ൾ​ക്കു ക​രാ​ർ ന​ൽ​കി ഉ​യ​ർ​ത്തി​യ മോ​ദി​യു​ടെ ഫോ​ട്ടോ മാ​ത്ര​മു​ള്ള ഏ​താ​നും ബോ​ർ​ഡു​ക​ളാ​ണ് ചി​ല​യി​ട​ത്തെ​ങ്കി​ലും കാ​ണാ​നു​ള്ള​ത്.

കോ​ണ്‍ഗ്ര​സാ​ക​ട്ടെ അ​തു​പോ​ലു​മി​ല്ലാ​ത്ത നി​ല​യാ​ണു മി​ക്ക​യി​ട​ത്തും. പാ​ർ​ട്ടി പ്ര​സി​ഡ​ന്‍റ് മ​ല്ലി​കാ​ർ​ജു​ൻ ഖാ​ർ​ഗെ അ​ഹ​മ്മ​ദാ​ബാ​ദി​ലെ​ത്തി പ​ത്ര​സ​മ്മേ​ള​നം ന​ട​ത്തി​യെ​ങ്കി​ലും രാ​ഹു​ൽ ഗാ​ന്ധി ഗു​ജ​റാ​ത്തി​ലേ​ക്ക് തി​രി​ഞ്ഞു​നോ​ക്കി​യി​ല്ല. എ​എ​പി​ക്കു​വേ​ണ്ടി അ​ര​വി​ന്ദ് കേ​ജ​രി​വാ​ളി​ന്‍റെ ഭാ​ര്യ സു​നി​ത ഒ​രു ദി​വ​സം എ​ത്തി റോ​ഡ്ഷോ ന​ട​ത്തി. ബി​ജെ​പി​യും കോ​ണ്‍ഗ്ര​സും പ്ര​ചാ​ര​ണം കൊ​ഴു​പ്പി​ക്കു​ന്നി​ല്ലെ​ങ്കി​ലും എ​ല്ലാ മ​ണ്ഡ​ല​ങ്ങ​ളി​ലും ആരംഭിച്ച ചി​ല തെ​ര​ഞ്ഞെ​ടു​പ്പ് ഓ​ഫീ​സു​ക​ളാ​ണ് ഇ​തി​നൊ​രു അ​പ​വാ​ദം. നേ​താ​ക്ക​ളു​ടെ ആ​വേ​ശം വോ​ട്ട​ർ​മാ​ർ​ക്കു​മി​ല്ല.

ഗു​ജ​റാ​ത്തി​ക​ളു​ടെ അ​ഭി​മാ​ന​വും മോ​ദി​യു​ടെ ജ​ന​പ്രീ​തി​യു​മാ​ണ് ഇ​ത്ത​വ​ണ​യും ബി​ജെ​പി​യു​ടെ തു​റു​പ്പു​ചീ​ട്ട്. മോ​ദി​യു​ടെ ജ​ന​പ്രീ​തി ഗു​ജ​റാ​ത്തി​ലെ​ങ്കി​ലും മ​ങ്ങി​യി​ട്ടി​ല്ലെ​ന്ന് ബി​ജെ​പി സം​സ്ഥാ​ന പ്ര​സി​ഡ​ന്‍റ് സി.​ആ​ർ. പാ​ട്ടീ​ൽ പ​റ​ഞ്ഞു. മു​ഴു​വ​ൻ സീ​റ്റി​ലും വ​ൻ ഭൂ​രി​പ​ക്ഷ​ത്തോ​ടെ ജ​യം ആ​വ​ർ​ത്തി​ച്ച് ഹാ​ട്രി​ക് നേ​ടു​മെ​ന്നും പാ​ട്ടീ​ൽ ത​റ​പ്പി​ച്ചു​പ​റ​ഞ്ഞു.

കോ​ണ്‍ഗ്ര​സ് സ്ഥാ​നാ​ർ​ഥി​യെ​യും ഡ​മ്മി​യെ​യും കൂ​ട്ടു​പി​ടി​ച്ച് സൂ​റ​ത്തി​ൽ എ​തി​രി​ല്ലാ​തെ ജ​യി​ച്ച​തോ​ടെ വോ​ട്ടെ​ടു​പ്പി​നു മു​ന്പു​ത​ന്നെ ഒ​രു സീ​റ്റ് ബി​ജെ​പി പോ​ക്ക​റ്റി​ലാ​ക്കി. എ​ന്നാ​ൽ, മോ​ദി​ക്കെ​തി​രേ ജ​ന​വി​കാ​രം ശ​ക്ത​മാ​ണെ​ന്നും രൂ​ക്ഷ​മാ​യ വി​ല​ക്ക​യ​റ്റം, തൊ​ഴി​ലി​ല്ലാ​യ്മ, സാ​ന്പ​ത്തി​കത​ള​ർ​ച്ച, കാ​ർ​ഷി​ക പ്ര​തി​സ​ന്ധി തു​ട​ങ്ങി​യ​വ തു​ണ​യ്ക്കു​മെ​ന്നു​മാ​ണ് കോ​ണ്‍ഗ്ര​സ് സം​സ്ഥാ​ന പ്ര​സി​ഡ​ന്‍റ് ശ​ക്തി​സിം​ഗ് കോ​ഹ്‌​ലി​ന്‍റെ വാ​ദം.


ബി​ജെ​പി​ക്കെ​തി​രേ പ​ല വി​ഭാ​ഗ​ങ്ങ​ളി​ലും ക​ടു​ത്ത അ​മ​ർ​ഷ​മു​ണ്ട്. ക്ഷ​ത്രി​യ സ​മൂ​ഹ​മാ​കെ പ​ര​സ്യ​മാ​യി ബി​ജെ​പി​ക്കെ​തി​രേ രം​ഗ​ത്തി​റ​ങ്ങി​യി​ട്ടു​ണ്ട്. ന്യൂ​ന​പ​ക്ഷ സ​മു​ദാ​യ​ങ്ങ​ളും ഭൂ​രി​പ​ക്ഷ സ​മു​ദാ​യ​ത്തി​ലെ ചി​ല പ്ര​ബ​ല വി​ഭാ​ഗ​ങ്ങ​ളും ക​ടു​ത്ത അ​മ​ർ​ഷ​ത്തി​ലാ​ണെ​ന്നും പി​സി​സി പ്ര​സി​ഡ​ന്‍റ് പ​റ​ഞ്ഞു.

എ​എ​പി​യു​മാ​യു​ള്ള സ​ഖ്യ​വും ഗു​ണം ചെ​യ്യു​മെ​ന്ന് കോ​ണ്‍ഗ്ര​സ് പ്ര​തീ​ക്ഷി​ക്കു​ന്നു. പ​ര​ന്പ​രാ​ഗ​ത വോ​ട്ട് ബാ​ങ്കു​ക​ൾ ഏ​കീ​ക​രി​ക്കാ​നും സം​വ​ര​ണ സീ​റ്റു​ക​ളി​ൽ മി​ക​ച്ച പ്ര​ക​ട​നം ന​ട​ത്താ​നും എ​എ​പി​യു​മാ​യു​ള്ള സ​ഖ്യം സ​ഹാ​യി​ക്കും. എ​എ​പി ര​ണ്ടു സീ​റ്റി​ലും കോ​ണ്‍ഗ്ര​സ് 24 സീ​റ്റി​ലു​മാ​ണു മ​ത്സ​രി​ക്കു​ന്ന​ത്.

സൂ​റ​ത്തി​ലെ സ്വ​ന്തം സ്ഥാ​നാ​ർ​ഥി ച​തി​ച്ച​തോ​ടെ ഇ​പ്പോ​ൾ 23 സീ​റ്റി​ലാ​ണ് കോ​ണ്‍ഗ്ര​സി​ന്‍റെ മ​ത്സ​രം. അ​ഹ​മ്മ​ദ് പ​ട്ടേ​ലി​ന്‍റെ മ​ര​ണ​ത്തി​നു​ശേ​ഷം ത​ന്ത്രം മെ​ന​യാ​ൻ മി​ടു​ക്കു​ള്ള നേ​താ​ക്ക​ളു​ടെ അ​ഭാ​വ​മാ​ണ് കോ​ണ്‍ഗ്ര​സി​ന്‍റെ ത​ല​വേ​ദ​ന. ശ​ക്ത​രാ​യ പ​ല നേ​താ​ക്ക​ളെ​യും ബി​ജെ​പി കൂ​റു​മാ​റ്റി​ച്ച​തും തി​രി​ച്ച​ടി​യാ​യി.

ബി​ജെ​പി​യു​ടെ അ​ഹ​ന്ത​യ്ക്കു തി​രി​ച്ച​ടി ന​ൽ​കു​മെ​ന്ന ക്ഷ​ത്രി​യ സ​മു​ദാ​യ നേ​താ​ക്ക​ളു​ടെ പ്ര​സ്താ​വ​ന​യി​ൽ ബി​ജെ​പി​ക്കു​ള്ളി​ലും ആ​ശ​ങ്ക​ക​ളു​ണ്ട്. കേ​ന്ദ്ര​മ​ന്ത്രി​യും രാ​ജ്കോ​ട്ടി​ലെ ബി​ജെ​പി സ്ഥാ​നാ​ർ​ഥി​യു​മാ​യ പ​ർ​ഷോ​ത്തം രു​പാ​ല ക്ഷ​ത്രി​യ​രെ അ​പ​മാ​നി​ച്ച​തി​നു പ​ക​രം വീ​ട്ടു​മെ​ന്ന വാ​ശി​യി​ൽ സം​സ്ഥാ​ന​ത്തു പ​ല​യി​ട​ത്തും ക്ഷ​ത്രി​യ​ർ പ​ര​സ്യ​മാ​യി രം​ഗ​ത്തി​റ​ങ്ങി. എ​ന്നാ​ൽ പ്ര​ധാ​ന​മ​ന്ത്രി മോ​ദി​യു​ടെ ജാം​ന​ഗ​ർ, ആ​ന​ന്ദ് റാ​ലി​യു​ടെ​യും രു​പാ​ല​യു​ടെ ക്ഷ​മാ​പ​ണ​ത്തി​ന്‍റെ​യും അ​ടി​സ്ഥാ​ന​ത്തി​ൽ വ​ലി​യ തി​രി​ച്ച​ടി ഉ​ണ്ടാ​കി​ല്ലെ​ന്ന് ബി​ജെ​പി പ്ര​തീ​ക്ഷി​ക്കു​ന്നു.

ഗു​ജ​റാ​ത്തി​ലെ ക്ഷ​ത്രി​യ, ര​ജ​പു​ത്ര വി​ഭാ​ഗ​ക്കാ​രും ശ​ക്ത​രാ​യ പ​ട്ടേ​ലു​ക​ളു​മാ​യി ദീ​ർ​ഘ​കാ​ല​മാ​യി നി​ല​വി​ലു​ള്ള ജാ​തി അ​സ​മ​ത്വ​ങ്ങ​ൾ ബി​ജെ​പി​ക്ക് വ​ലി​യ ത​ല​വേ​ദ​ന​യാ​ണ്. ബി​ജെ​പി​യു​ടെ പ​ര​ന്പ​രാ​ഗ​ത അ​നു​ഭാ​വി​ക​ളാ​ണ് പ​ട്ടേ​ലു​ക​ൾ.

1980ക​ളി​ൽ വ​രെ ദ​ളി​ത്, ആ​ദി​വാ​സി, മു​സ്‌​ലിം വോ​ട്ടു​ക​ളോ​ടൊ​പ്പം ക്ഷ​ത്രി​യ​രും കോ​ണ്‍ഗ്ര​സി​നെ​യാ​ണ് തു​ണ​ച്ചി​രു​ന്ന​ത്. എ​ന്നാ​ൽ പി​ന്നീ​ട് ക്ഷ​ത്രി​യ​ർ ബി​ജെ​പി​ക്കൊ​പ്പം പോ​യി. ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ൽ ക്ഷ​ത്രി​യ​രി​ലെ​യും രു​പാ​ല ഉ​ൾ​പ്പെ​ട്ട പ്ര​ബ​ല​മാ​യ പാ​ട്ടി​ദാ​ർ സ​മു​ദാ​യ​ത്തി​ലെ​യും 65 ശ​ത​മാ​നം പേ​രും ബി​ജെ​പി​ക്കു വോ​ട്ട് ചെ​യ്തി​രു​ന്നു.

പു​തി​യ വി​വാ​ദ​ത്തി​ന്‍റെ വെ​ളി​ച്ച​ത്തി​ൽ പ​ട്ടി​ദാ​ർ, ക്ഷ​ത്രി​യ വി​ഭാ​ഗ​ങ്ങ​ൾ​ക്കി​ട​യി​ലെ അ​തൃ​പ്തി​യും രോ​ഷ​വും കോ​ണ്‍ഗ്ര​സി​ന് നേ​രി​യ ​തോ​തി​ലെ​ങ്കി​ലും നേ​ട്ട​മാ​കും. ഇ​തോ​ടൊ​പ്പം പി​ന്നാ​ക്ക വി​ഭാ​ഗ​ങ്ങ​ളി​ലെ കു​റ​ച്ചു​പേ​രെ​ങ്കി​ലും ബി​ജെ​പി​ക്കെ​തി​രേ തി​രി​യു​മെ​ന്നും കോ​ണ്‍ഗ്ര​സ് ക​ണ​ക്കു​കൂ​ട്ടു​ന്നു.

ക​ർ​ഷ​ക​ർ, തൊ​ഴി​ലാ​ളി​ക​ൾ തു​ട​ങ്ങി​യ​വ​രും ദ​ളി​ത്, ആ​ദി​വാ​സി, പി​ന്നാ​ക്ക, ന്യൂ​ന​പ​ക്ഷ വോ​ട്ടു​ക​ളും സ​മാ​ഹ​രി​ച്ച് വ​ട​ക്ക​ൻ ഗു​ജ​റാ​ത്തി​ലെ ചി​ല സീ​റ്റു​ക​ളി​ൽ തി​രി​ച്ചു​വ​രാ​നു​ള്ള ശ്ര​മ​ത്തി​ലാ​ണു കോ​ണ്‍ഗ്ര​സ്. ശ​രാ​ശ​രി 30 ശ​ത​മാ​നം വ​രെ ഭൂ​രി​പ​ക്ഷ​മു​ള്ള ബി​ജെ​പി​യു​ടെ ഏ​ഴു മു​ത​ൽ 10 ശ​ത​മാ​നം വ​രെ​യെ​ങ്കി​ലും വോ​ട്ട് കു​റ​യു​മെ​ന്നും ര​ണ്ടു മു​ത​ൽ അ​ഞ്ചു വ​രെ സീ​റ്റു​ക​ൾ ജ​യി​ക്കാ​മെ​ന്നു​മാ​ണ് കോ​ണ്‍ഗ്ര​സി​ന്‍റെ ക​ണ​ക്കു​കൂ​ട്ട​ൽ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.