Business News
ലക്ഷം ഹെക്ടറില്‍ റബര്‍ ടാപ്പിംഗ് മുടങ്ങി ; വര്‍ഷം രണ്ടു ലക്ഷം ടണ്‍ ഉത്പാദന നഷ്ടം
ലക്ഷം ഹെക്ടറില്‍ റബര്‍ ടാപ്പിംഗ് മുടങ്ങി ; വര്‍ഷം രണ്ടു ലക്ഷം ടണ്‍ ഉത്പാദന നഷ്ടം
Tuesday, July 15, 2025 11:26 PM IST
റെ​ജി ജോ​സ​ഫ്

കോ​ട്ട​യം: വി​വി​ധ കാ​ര​ണ​ങ്ങ​ളാ​ല്‍ കേ​ര​ള​ത്തി​ല്‍ ഒ​രു ല​ക്ഷം ഹെ​ക്ട​ര്‍ റ​ബ​ര്‍ തോ​ട്ട​ങ്ങ​ളി​ല്‍ ടാ​പ്പിം​ഗ് ന​ട​ക്കു​ന്നി​ല്ല. സ്ലോ​ട്ട​ര്‍ ടാ​പ്പിം​ഗി​നു ശേ​ഷ​വും മ​ര​ങ്ങ​ള്‍ വെ​ട്ടി​മാ​റ്റാ​ത്ത​തും തൊ​ഴി​ലാ​ളി​ക​ളെ കി​ട്ടാ​നി​ല്ലാ​ത്ത​തും ഉ​ട​മ​ക​ള്‍ സ്ഥ​ല​ത്തി​ല്ലാ​ത്ത​തും വി​ല​യി​ലെ വ്യ​തി​യാ​ന​വും ഉ​ള്‍​പ്പെ​ടെ കാ​ര​ണ​ങ്ങ​ളാ​ലാ​ണ് ഉ​ത്പാ​ദ​നം ന​ട​ക്കാ​ത്ത​ത്.

രാ​ജ്യ​ത്ത് വ്യ​വ​സാ​യ ആ​വ​ശ്യ​ങ്ങ​ള്‍​ക്ക് ഈ ​വ​ര്‍​ഷം 14.1 ല​ക്ഷം ട​ണ്‍ ആ​വ​ശ്യ​മാ​യി​രി​ക്കേ എ​ട്ടു ല​ക്ഷം ട​ണ്‍ മാ​ത്ര​മാ​ണ് ആ​ഭ്യ​ന്ത​ര ഉ​ത്പാ​ദ​നം. ട​യ​ര്‍ നി​ര്‍​മാ​ണം ഉ​ള്‍​പ്പെ​ടെ വ്യ​വ​സാ​യ​ങ്ങ​ള്‍​ക്ക് ആ​റു ല​ക്ഷം ട​ണ്‍ ഇ​റ​ക്കു​മ​തി ചെ​യ്യു​ന്നു. ടാ​പ്പിം​ഗ് വേ​ണ്ടെ​ന്നു വ​ച്ച​തി​നാ​ല്‍ കേ​ര​ള​ത്തി​ല്‍ വ​ര്‍​ഷം ര​ണ്ടു ല​ക്ഷം ട​ണ്ണി​ന്‍റെ ഉ​ത്പാ​ദ​ന ന​ഷ്ട​മാ​ണു​ണ്ടാ​കു​ന്ന​ത്.

കേ​ര​ള​ത്തി​നു പു​റ​മേ ത​മി​ഴ്‌​നാ​ട്, ക​ര്‍​ണാ​ട​കം ഉ​ള്‍​പ്പെ​ടെ സം​സ്ഥാ​ന​ങ്ങ​ളി​ല്‍ ല​ക്ഷം ഹെ​ക്ട​റി​ല്‍​ കൂ​ടി ടാ​പ്പിം​ഗ് ന​ട​ക്കു​ന്നി​ല്ല. അ​വി​ടെ​യും ര​ണ്ടു ല​ക്ഷം ട​ണ്ണി​ന്‍റെ ഉ​ത്പാ​ദ​ന ന​ഷ്ട​മാ​ണു​ണ്ടാ​കു​ന്ന​ത്.

2030ല്‍ ​ഇ​ന്ത്യ​യി​ലെ റ​ബ​ര്‍ ഡി​മാ​ന്‍​ഡ് 20 ല​ക്ഷം ട​ണ്ണി​ലേ​ക്കു​യ​രും. ഇ​ന്ന​ത്തെ സാ​ഹ​ച​ര്യ​ത്തി​ല്‍ വ​ട​ക്കു-​കി​ഴ​ക്ക​ന്‍ സം​സ്ഥാ​ന​ങ്ങ​ളി​ല്‍ ഉ​ള്‍​പ്പെ​ടെ 10 ല​ക്ഷം ട​ണ്ണാ​യി​രി​ക്കും വാ​ര്‍​ഷി​ക ആ​ഭ്യ​ന്ത​ര ഉ​ത്പാ​ദ​നം. അ​ങ്ങ​നെ​യെ​ങ്കി​ല്‍ ഓ​രോ വ​ര്‍​ഷ​വും 10 ല​ക്ഷം ട​ണ്ണി​ന്‍റെ ഇ​റ​ക്കു​മ​തി ആ​വ​ശ്യ​മാ​യി വ​രും. അ​താ​യ​ത് ആ​കെ ഡി​മാ​ന്‍​ഡി​ന്‍റെ 40-45 ശ​ത​മാ​ന​വും ഇ​റ​ക്കു​മ​തി​യാ​യി​രി​ക്കും. സം​സ്ഥാ​ന​ത്തെ റ​ബ​ര്‍ കൃ​ഷി​യി​ല്‍ 20 ശ​ത​മാ​ന​വും 30 വ​ര്‍​ഷം ടാ​പ്പിം​ഗ് പൂ​ര്‍​ത്തി​യാ​ക്കി വെ​ട്ടി​മാ​റ്റേ​ണ്ട തോ​ട്ട​ങ്ങ​ളാ​ണ്.


ഡി​മാ​ന്‍​ഡ് അ​നു​സ​രി​ച്ച് റ​ബ​ര്‍ കി​ട്ടാ​നി​ല്ലാ​ത്ത സാ​ഹ​ച​ര്യം നേ​രി​ടാ​നാ​ണ് മു​ന്‍​നി​ര ട​യ​ര്‍ ക​മ്പ​നി​ക​ളു​ടെ സം​ഘ​ട​ന ആ​ത്മ വ​ട​ക്കു-​കി​ഴ​ക്ക​ന്‍ സം​സ്ഥാ​ന​ങ്ങ​ളി​ല്‍ 1100 കോ​ടി രൂ​പ ചെ​ല​വി​ല്‍ 2030നു​ള്ളി​ല്‍ ര​ണ്ടു ല​ക്ഷം ഹെ​ക്ട​റി​ല്‍ റ​ബ​ര്‍ വ്യാ​പ​നം ല​ക്ഷ്യ​മി​ടു​ന്ന​ത്. ഇ​തി​ല്‍ 1.25 ല​ക്ഷം ഹെ​ക്ട​റി​ല്‍ കൃ​ഷി ന​ട​ത്തി​ക്ക​ഴി​ഞ്ഞു.

ക​ഴി​ഞ്ഞ സാ​മ്പ​ത്തി​ക വ​ര്‍​ഷം 25,051 കോ​ടി രൂ​പ​യു​ടെ ട​യ​ര്‍ ക​യ​റ്റു​മ​തി​യു​ണ്ടാ​യി. 25 ശ​ത​മാ​നം തീ​രു​വ ഒ​ഴി​വാ​ക്കാ​ന്‍ ഇ​റ​ക്കു​മ​തി കു​റ​ച്ച് അ​ഭ്യ​ന്ത​ര ഉ​ത്പാ​ദ​നം പ​ര​മാ​വ​ധി വ​ര്‍​ധി​പ്പി​ക്കാ​നാ​ണ് വ്യ​വ​സാ​യി​ക​ളു​ടെ തീ​രു​മാ​നം. വി​ദേ​ശ​ങ്ങ​ളി​ല്‍ ട​യ​ര്‍ നി​ര്‍​മാ​ണ​ത്തി​ല്‍ 60 ശ​ത​മാ​നം സി​ന്ത​റ്റി​ക് റ​ബ​ര്‍ ഉ​പ​യോ​ഗി​ക്കു​മ്പോ​ള്‍ ഇ​ന്ത്യ​യി​ല്‍ 60 ശ​ത​മാ​ന​വും സ്വാ​ഭാ​വി​ക റ​ബ​റാ​ണ് ഉ​പ​യോ​ഗി​ക്കു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.