ശ്രീരാമചന്ദ്ര യൂണിവേഴ്സിറ്റി ദക്ഷിണാഫ്രിക്കയിലെ കേപ് ടൗണ്‍ യൂണിവേഴ്സിറ്റിയുമായി സഹകരിച്ചു നടത്തുന്ന രണ്ടു നൂതന മാസ്റ്റേഴ്സ് പ്രോഗ്രാമുകളിലേക്ക് അപേക്ഷ ക്ഷണിച്ചു. ബയോകൈനറ്റിക്സ്, ബയോമെക്കാനിക്സ് എംഎസ്‌സി കോഴ്സുകളിലേക്കാണ് അപേക്ഷിക്കാവുന്നത്. രണ്ടു വർഷ മുഴുവൻ സമയ കോഴ്സുകളാണ്. ആകെ 15 സീറ്റുകൾ വീതം. പ്രതിവർഷം 7.5 ലക്ഷം രൂപയാണ് ഫീസ്. 22നകം അപേക്ഷിക്കണം. 31ന് നടത്തുന്ന ഇന്‍റർവ്യുവിന്‍റെ അടിസ്ഥാനത്തിലാണ് അഡ്മിഷൻ.1000 രൂപയാണ് അപേക്ഷാ ഫീസ്.
ബയോകൈനറ്റിക്സ്: കായികാഭ്യാസം, റിഹാബിലിറ്റേഷൻ മേഖലയുമായി ബന്ധപ്പെട്ട് സമഗ്ര കാഴ്ചപ്പാട് നൽകാൻ ഉതകുന്നതാണു കോഴ്സ്. ഹെൽത്ത്, വെൽനെസ്, സ്പോർട്സ്, എക്സർസൈസ് എന്നീ രംഗങ്ങളിൽ തൊഴിൽ അവസരം പ്രദാനം ചെയ്യുന്നതാണു കോഴ്സ്. ബയോ കൈനറ്റിക്സ്റ്റ്, സ്ട്രെംഗ്ത് ആൻഡ് കണ്ടീഷനിംഗ് കോച്ച്, അധ്യാപകൻ, ഗവേഷകൻ എന്നീ മേഖലകളിൽ തിളങ്ങാനാകും. ഹെൽത്ത് സയൻസ്, സ്പോർട്സ്, ഫിസിക്കൽ എഡ്യൂക്കേഷൻ എന്നിവയിൽ ബിരുദം നേടിയവർക്ക് അപേക്ഷിക്കാം.
ബയോമെക്കാനിക്സ്: മനുഷ്യന്‍റെ ചലനങ്ങളുമായി ബന്ധപ്പെട്ട വിഷയങ്ങൾ ഉൾപ്പെടുത്തിയിരിക്കുന്ന കോഴ്സ് കായികതാരങ്ങളുടെ പ്രകടനം മെച്ചപ്പെടുത്താനും പരിക്കുകൾ ഒഴിവാക്കാനും വേണ്ട മാർഗ നിർദേശം നൽകാൻ പര്യാപ്തമാക്കും. സ്പോർട്സ് ബയോമെക്കാനിസ്റ്റ്, പെർഫോമൻസ് അനലിസ്റ്റ്, സ്പോർട്സ് എക്യുപ്മെന്‍റ് ഡെവലപ്പർ എന്നീ മേഖലകളിൽ അവസരങ്ങൾ കാത്തിരിക്കുന്നു. ഹെൽത്ത് സയൻസ്, എൻജിനിയറിംഗ്, സ്പോർട്സ്, ഫിസിക്കൽ എഡ്യൂക്കേഷൻ എന്നിവയിൽ ബിരുദം നേടിയവർക്ക് അപേക്ഷിക്കാം. www.sriramachandra.edu.in