Cinema
കാ​ഴ്ചാ​നു​ഭ​വ​ത്തി​ന്‍റെ പു​ത്ത​ൻ വാ​താ​യ​ന​ങ്ങ​ൾ തു​റ​ന്ന ച​ല​ച്ചി​ത്ര​കാ​ര​ൻ
Sunday, September 15, 2019 4:31 PM IST
മ​ല​യാ​ളി​ക​ൾ​ക്ക് കാ​ഴ്ചാ​നു​ഭ​വ​ത്തി​ന്‍റെ പു​ത്ത​ൻ വാ​താ​യ​ന​ങ്ങ​ൾ തു​റ​ന്നു​കൊ​ടു​ത്ത ച​ല​ച്ചി​ത്ര​കാ​ര​നാ​ണ് എ. ​വി​ൻ​സ​ന്‍റ്. ഛായാ​ഗ്ര​ഹ​ണ​ത്തി​ലും സം​വി​ധാ​ന​ത്തി​ലും മ​ല​യാ​ള​മു​ൾ​പ്പെ​ടെ വി​വി​ധ ഭാ​ഷാ സി​നി​മ​ക​ളി​ൽ നി​ര​വ​ധി മാ​സ്റ്റ​ർപീ​സു​ക​ൾ ഒ​രു​ക്കി​യ ഇ​ദ്ദേ​ഹ​ത്തി​ന്‍റെ സൃ​ഷ്ടി​ക​ൾ പ​തി​റ്റാ​ണ്ടു​ക​ൾ പി​ന്നി​ട്ടി​ട്ടും ച​ല​ച്ചി​ത്ര​മേ​ഖ​ല​യ്ക്ക് അ​ദ്ഭു​ത​മാ​യി നി​ല​കൊ​ള്ളു​ന്നു.

മ​ല​യാ​ള​ത്തി​നൊ​പ്പം വി​വി​ധ ഭാ​ഷാ സി​നി​മ​ക​ളു​ടെ അ​ണി​യ​റ​യി​ൽ തി​ള​ങ്ങി​നി​ന്ന ഇ​ദ്ദേ​ഹം ത​മി​ഴ് സി​നി​മ​യും രാ​ഷ്ട്രീ​യ​വും നി​യ​ന്ത്രി​ച്ച എം.​ജി.​ആ​ർ, ശി​വാ​ജി ഗ​ണേ​ശ​ൻ, ജെ​മി​നി ഗ​ണേ​ശ​ൻ, ജ​യ​ല​ളി​ത തു​ട​ങ്ങി​യ പ​ല വ​ന്പന്മാ​ർ​ക്കും അ​ക്ഷ​രാ​ർ​ഥ​ത്തി​ൽ മാ​സ്റ്റ​ർ ത​ന്നെ​യാ​യി​രു​ന്നു. അ​ര​നൂ​റ്റാ​ണ്ടി​ല​ധി​കം ച​ല​ച്ചി​ത്ര​ലോ​ക​ത്തു നി​റ​ഞ്ഞു​നി​ന്ന വി​ൻ​സെ​ന്‍റ് മാ​ഷ് 87-ാം വ​യ​സി​ലാ​ണു കാ​ല​യ​വ​നി​ക​യ്ക്കു​ള്ളി​ൽ മ​റ​ഞ്ഞ​ത്. മ​ല​യാ​ള​ത്തി​ൽ മാ​ത്ര​മാ​യി 30 ചി​ത്ര​ങ്ങ​ൾ സം​വി​ധാ​നം​ചെ​യ്ത ഇ​ദ്ദേ​ഹം അ​വ​സാ​നം ഒ​രു​ക്കി​യ മ​ല​യാ​ള ചി​ത്രം 1986-ൽ ​പു​റ​ത്തി​റ​ങ്ങി​യ കൊ​ച്ചു​തെ​മ്മാ​ടി​യാ​ണ്.



ചെ​ന്നൈ​യി​ലു​ള്ള ജെ​മി​നി സ്റ്റു​ഡി​യോ​യി​ൽ അ​സി​സ്റ്റ​ന്‍റ് കാ​മ​റാ​മാ​നാ​യി​രു​ന്ന സ​മ​യ​ത്ത് ബ്ര​ദ​രു തെ​രു​കു എ​ന്ന തെ​ലു​ങ്കു സി​നി​മ​യി​ലൂ​ടെ​യാ​ണ് മാ​ഷ് സ്വ​ത​ന്ത്ര ഛായാ​ഗ്രാ​ഹ​ക​നാ​യ​ത്. 1954-ൽ ​രാ​മു കാ​ര്യാ​ട്ട്- പി. ​ഭാ​സ്ക​ര​ൻ ടീ​മി​ന്‍റെ നീ​ല​ക്കു​യി​ലി​ലൂ​ടെ​യാ​ണ് മ​ല​യാ​ള​ത്തി​ലെ​ത്തി​യ​ത്. സാ​ങ്കേ​തി​ക​ത്വം ഇ​ത്ര​യ​ധി​കം വി​ക​സി​ച്ചി​ട്ടി​ല്ലാ​ത്ത അ​ക്കാ​ല​ത്ത് കാ​മ​റ​യി​ൽ പു​തി​യ പ​രീ​ക്ഷ​ണ​ങ്ങ​ൾ ന​ട​ത്താ​ൻ വി​ൻ​സ​ന്‍റ് മാ​ഷി​നു ക​ഴി​ഞ്ഞു.

നീ​ല​ക്കു​യി​ലി​ലൂ​ടെ മ​ല​യാ​ള സി​നി​മ ചി​ത്രീ​ക​ര​ണ​ത്തി​ന് ആ​ദ്യ​മാ​യി ക്രെ​യി​ൻ ഷോ​ട്ട് ഉ​പ​യോ​ഗി​ച്ച ച​ല​ച്ചി​ത്ര​കാ​ര​ൻ എ​ന്ന ക്രെ​ഡി​റ്റ് ഇ​ദ്ദേ​ഹ​ത്തി​നാ​ണ്. നീ​ല​ക്കു​യി​ലി​നു​ശേ​ഷം ത​മി​ഴ്, തെ​ലു​ങ്ക്, ഹി​ന്ദി ഛായാ​ഗ്ര​ഹ​ണ മേ​ഖ​ല​യി​ൽ നി​റ​ഞ്ഞു​നി​ന്നി​രു​ന്ന ഇ​ദ്ദേ​ഹം ഇ​ക്കാ​ല​ത്തെ ചി​ല സൂ​പ്പ​ർ​ഹി​റ്റ് ചി​ത്ര​ങ്ങ​ളാ​യ മു​ടി​യ​നാ​യ പു​ത്ര​ൻ, മൂ​ടു​പ​ടം, ത​ച്ചോ​ളി ഒ​തേ​ന​ൻ തു​ട​ങ്ങി​യ​വ​യ്ക്കു​പി​ന്നി​ലും പ്ര​വ​ർ​ത്തി​ച്ചു.



1964-ൽ ​ഭാ​ർ​ഗ​വീ​നി​ല​യം എ​ന്ന ഹൊ​റ​ർ ചി​ത്ര​ത്തി​ലൂ​ടെ സം​വി​ധാ​ന​രം​ഗ​ത്തേ​ക്കു പ്ര​വേ​ശി​ച്ചു. വൈ​ക്കം മു​ഹ​മ്മ​ദ് ബ​ഷീ​റി​ന്‍റെ നീ​ല​വെ​ളി​ച്ചം എ​ന്ന ചെ​റു​ക​ഥ ന​സീ​ർ, മ​ധു, വി​ജ​യ നി​ർ​മ​ല തു​ട​ങ്ങി​യ താ​ര​ങ്ങ​ളെ ഉ​ൾ​പ്പെ​ടു​ത്തി ച​ല​ച്ചി​ത്ര​മാ​ക്കി​പ്പോ​ൾ സാ​ങ്കേ​തി​കത്വ​ത്തി​ൽ അ​തു​വ​രെ ആ​രും പ്ര​യോ​ഗി​ക്കാ​ത്ത പു​ത്ത​ൻ ത​ന്ത്ര​ങ്ങ​ളാ​ണ് മാ​ഷ് പ​രീ​ക്ഷി​ച്ച​ത്. മ​ല​യാ​ള സി​നി​മ​യ്ക്ക് എ​ക്കാ​ല​വും അ​ഭി​മാ​ന​മാ​യി നി​ല​കൊ​ള്ളു​ന്ന ഭാ​ർ​ഗ​വീ​നി​ല​യ​ത്തി​നു പ​ക​രം വ​യ്ക്കാ​ൻ മ​റ്റൊ​രു ഹൊ​റ​ർ ചി​ത്ര​വും ഇ​തു​വ​രെ ഉ​ണ്ടാ​യി​ട്ടി​ല്ലെ​ന്ന​തും ശ്ര​ദ്ധേ​യ​മാ​ണ്.

ഭാ​ർ​ഗ​വീ​നി​ല​യ​ത്തി​നു​ശേ​ഷം സം​വി​ധാ​നം ചെ​യ്ത മു​റ​പ്പെ​ണ്ണ് ദേ​ശീ​യ ശ്ര​ദ്ധ നേ​ടി. പി​ൽ​ക്കാ​ല​ത്ത് എ​ഴു​ത്തി​ലും സം​വി​ധാ​ന​ത്തി​ലു​മാ​യി പ്ര​ശ​സ്തി​യാ​ർ​ജി​ച്ച എം.​ടി. വാ​സു​ദേ​വ​ൻ നാ​യ​ർ എ​ന്ന അ​തി​കാ​യ​ന്‍റെ സി​നി​മാ പ്ര​വേ​ശ​നം ഈ ​ചി​ത്ര​ത്തി​ലൂ​ടെ​യാ​യി​രു​ന്നു. തു​ട​ർ​ന്നു എം​ടി​യു​ടെ തി​ര​ക്ക​ഥ​യി​ൽ ന​ഗ​ര​മേ ന​ന്ദി എ​ന്നൊ​രു ചി​ത്രം​കൂ​ടി ഇ​ദ്ദേ​ഹം സം​വി​ധാ​നം​ചെ​യ്തു.



മ​ല​യാ​ള സി​നി​മ​യി​ൽ ഇ​ന്നും ച​ർ​ച്ച ചെ​യ്യ​പ്പെ​ടു​ന്ന തു​ലാ​ഭാ​രം, ന​ദി, ത്രി​വേ​ണി, ചെ​ണ്ട തു​ട​ങ്ങി​യ ചി​ത്ര​ങ്ങ​ളും തൊ​ട്ട​ടു​ത്ത വ​ർ​ഷ​ങ്ങ​ളി​ൽ മാ​ഷ് സം​വി​ധാ​നം നി​ർ​വ​ഹി​ച്ച​വ​യാ​ണ്. മി​ക​ച്ച ക​ഥ​യ്ക്കൊ​പ്പം മ​നോ​ഹ​ര ഗാ​ന​ങ്ങ​ളും ഗാ​ന ചി​ത്രീ​ക​ര​ണ​വും ഈ ​ചി​ത്ര​ങ്ങ​ളെ പ്രേ​ക്ഷ​ക​രു​ടെ പ്രി​യ​ങ്ക​ര​ങ്ങ​ളാ​ക്കി. ഇ​വ​യി​ൽ മി​ക്ക​വ​യും സം​സ്ഥാ​ന, ദേ​ശീ​യ അ​വാ​ർ​ഡു​ക​ളും ക​ര​സ്ഥ​മാ​ക്കി. ന​സീ​ർ, മ​ധു, ശാ​ര​ദ ടീ​മി​ന്‍റെ തു​ലാ​ഭാ​രം 1968-ലെ ​മി​ക​ച്ച ര​ണ്ടാ​മ​ത്തെ ചി​ത്ര​ത്തി​നു​ള്ള ദേ​ശീ​യ അ​വാ​ർ​ഡ് നേ​ടി​യ​തി​നൊ​പ്പം ശാ​ര​ദ​യ്ക്ക് ഉ​ർ​വ​ശി അ​വാ​ർ​ഡും നേ​ടി​ക്കൊ​ടു​ത്തു. മൂ​ന്നു കു​ടും​ബ​ങ്ങ​ളു​ടെ അ​വ​ധി​ക്കാ​ല ക​ഥ പ​റ​ഞ്ഞ ന​ദി, സ​ത്യ​ൻ- ശാ​ര​ദ ജോ​ഡി​ക​ളു​ടെ ത്രി​വേ​ണി, മ​ധു- ശ്രീ​വി​ദ്യ ജോ​ഡി​ക​ളു​ടെ ചെ​ണ്ട എ​ന്നീ ചി​ത്ര​ങ്ങ​ൾ ഏ​റെ നി​രൂ​പ​ക പ്ര​ശം​സ നേ​ടി​യ ചി​ത്ര​ങ്ങ​ളാ​ണ്.

ആ​ഭി​ജാ​ത്യം, തീ​ർ​ഥ​യാ​ത്ര, ഗ​ന്ധ​ർ​വ​ക്ഷേ​ത്രം, ന​ഖ​ങ്ങ​ൾ, വ​യ​നാ​ട​ൻ ത​ന്പാ​ൻ തു​ട​ങ്ങി​യ​വ​യും എ​ഴു​പ​തു​ക​ളി​ലെ സൂ​പ്പ​ർ​ഹി​റ്റ് ചി​ത്ര​ങ്ങ​ളാ​യി മാ​റി​യ​ത് മാ​ഷി​ന്‍റെ സം​വി​ധാ​ന​മി​ക​വു​കൊ​ണ്ടു​ത​ന്നെ. മോ​ഹ​ൻ​ലാ​ലി​നെ നാ​യ​ക​നാ​ക്കി ഒ​രു​ക്കി​യ ശ്രീ​കൃ​ഷ്ണ​പ്പ​രു​ന്ത് എ​ന്ന ചി​ത്ര​വും ഏ​റെ പ്ര​ശം​സ​ക​ൾ നേ​ടി. വി​വി​ധ ഭാ​ഷ​ക​ളി​ലാ​യി എ​ഴു​പ​തി​ലേ​റെ ചി​ത്ര​ങ്ങ​ൾ​ക്ക് സം​വി​ധാ​ന​വും 250-ലേ​റെ ചി​ത്ര​ങ്ങ​ൾ​ക്കു ഛായാ​ഗ്ര​ഹ​ണ​വും നി​ർ​വ​ഹി​ച്ച വി​ൻ​സെ​ന്‍റ് മാ​ഷി​ന്‍റെ മ​ക്ക​ളാ​യ ജ​യാ​ന​ൻ വി​ൻ​സ​ന്‍റും അ​ജ​യ​ൻ വി​ൻ​സ​ന്‍റും പി​താ​വി​ന്‍റെ പാ​ത​ത​ന്നെ​യാ​ണു പി​ന്തു​ട​ർ​ന്ന​ത്.

ത​യാ​റാ​ക്കി​യ​ത്: സാ​ലു ആ​ന്‍റ​ണി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.