സൂര്യയുടെ നായികയായി അപർണ ബാലമുരളി അഭിനയിക്കുന്ന ചിത്രത്തിന് പേരിട്ടു. "സൂരരൈ പോട്രു' എന്നാണ് ചിത്രത്തിന്‍റെ പേര്. ചിത്രത്തിന്‍റെ ഫസ്റ്റ് ലുക്ക് പോസ്റ്ററും പുറത്തുവിട്ടു. എൻജികെ, കാപ്പാൻ എന്നീ ബിഗ് ബജറ്റ് ചിത്രങ്ങൾക്കു പിന്നാലെ ഒരുങ്ങുന്ന സൂര്യയുടെ പുതിയ ചിത്രം സംവിധാനം ചെയ്യുന്നത് സുധ കൊങ്ങരയാണ്.
സൂര്യയുടെ 38-ാം ചിത്രമാണിത്. ചിത്രത്തിന്‍റെ പൂജ ഏതാനും ദിവസങ്ങൾക്കു മുന്പ് ചെന്നൈയിൽ നടന്നു. ഇതിന്‍റെ ചിത്രങ്ങൾ അപർണ സോഷ്യൽ മീഡിയയിൽ പങ്കുവച്ചിരുന്നു. അപർണയുടെ രണ്ടാമത്തെ തമിഴ് ചിത്രമാണിത്. ചിത്രത്തിന്‍റെ ഷൂട്ടിംഗും ആരംഭിച്ചു.
എയർ ഡെക്കാൻ വിമാന കന്പനി സ്ഥാപകൻ ക്യാപ്റ്റൻ ഗോപിനാഥിന്റെ ബയോപിക്കാണ് ചിത്രമെന്നാണ് സൂചന. സൂര്യയുടെ തന്നെ പ്രൊഡക്ഷൻ ബാനറായ 2ഡി എന്‍റർടെയ്ൻമെന്‍റാണ് ചിത്രം നിർമിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.