രജനീകാന്ത്-ശങ്കർ കൂട്ടുകെട്ടിലൊരുങ്ങുന്ന എന്തിരന്‍റെ രണ്ടാം ഭാഗത്തു നിന്നും താൻ പിന്മാറാൻ ഒരുങ്ങിയതാണെന്ന വെളിപ്പെടുത്തലുമായി രജനീകാന്ത്. ചിത്രത്തിന്‍റെ ഓഡിയോ ലോഞ്ചിംഗ് വേളയിലാണ് താരം മനസ്തുറന്നത്. ആരോഗ്യപ്രശ്നങ്ങളായിരുന്നു അങ്ങനെ ചെയ്യാൻ എന്നെ പ്രേരിപ്പിച്ചത്. എന്നാൽ ശങ്കറിന്‍റെ വാക്കുകളാണ് എന്നെ പിടിച്ചു നിർത്തിയതെന്നും രജനി പറഞ്ഞു.
ഞാൻ ഇക്കാര്യത്തെ കുറിച്ച് ശങ്കറിനോട് പറഞ്ഞു. എന്നാൽ അദ്ദേഹത്തിന്‍റെ മറുപടി ഇങ്ങനെയായിരുന്നു. സാർ, ഒന്നും പേടിക്കണ്ട. സാറിനു ചെയ്യാൻ പറ്റുന്നതു പോലെ ചെയ്താൽ മതി. നമ്മൾക്ക് അതുപോലെ ഷൂട്ട് ചെയ്യാം. സാർ ഇല്ലെങ്കിൽ ഈ ചിത്രവുമില്ല.
ഇതെപ്പറ്റി അറിഞ്ഞ നിർമാതാവിന്‍റെ മറുപടിയെകുറിച്ചും രജനി വാചാലനായി. പണം പോകുന്നെങ്കിൽ പോകട്ടെ, നിങ്ങൾ ആരോഗ്യവാനായി വരുന്നതു വരെ ഞങ്ങൾ കാത്തിരിക്കുമെന്നാണ് അദ്ദേഹം പറഞ്ഞത്. ഇവർ രണ്ടുപേരുടെയും മറുപടിയാണ് ചിത്രം പൂർത്തിയാക്കാൻ എനിക്ക് ധൈര്യം പകർന്നതെന്നും രജനി പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.