സൂര്യ നായകനാകുന്ന സൂരറൈ പോട്ര് എന്ന ചിത്രത്തിനു വ്യത്യസ്തമായൊരു പ്രൊമോഷൻ പരിപാടി സംഘടിപ്പിക്കാനൊരുങ്ങുകയാണ് അണിയറ പ്രവർത്തകരും നിർമാതാക്കളും. ചിത്രത്തി ന്‍റെ ഓഡിയോ റിലീസ് സ്പൈസ് ജെറ്റ് 737ൽ ആകാശത്ത് വെച്ചാണ് നടക്കുക.
എന്നാൽ ഇതുകൊണ്ടൊന്നും തീരുന്നില്ല പ്രത്യേകതകൾ. വിമാനത്തിൽ ഇതുവരെ യാത്ര ചെയ്യാത്ത നൂറ് കുട്ടികളാണ് അതിഥികൾ. ഇവർക്ക് മുന്നിലാണ് ഓഡിയോ റിലീസ് ചെയ്യുന്നത്. തമിഴ്നാ‌ട്ടിലെ സർക്കാർ സ്കൂളുകളിൽ സിനിമയുടെ അണിയറപ്രവർത്തകർ ഉപന്യാസ മത്സരം നടത്തിയിരുന്നു. മത്സരത്തിലെ വിജയികൾക്കാണ് വിമാനയാത്രയ്ക്ക് അവസരമൊരുങ്ങുന്നത്.
സുധ കൊങ്കര സംവിധാനം ചെയ്യുന്ന സൂരറൈ പോട്രിൽ അപർണ ബാലമുരളിയാണ് നായിക. ജി.വി പ്രകാശ് കുമാറാണ് പാട്ടുകൾ ഒരുക്കിയിരിക്കുന്നത്. സൂര്യ ഒരു പാട്ട് പാടുന്നുമുണ്ട്. തമിഴ് കൂടാതെ കന്നടത്തിലും ചിത്രം ഡബ്ബ് ചെയ്ത് റിലീസ് ചെയ്യും. ഫാമിലി ആക്ഷൻ എന്‍റർടെയിനറായ സൂരറൈ പോട്ര് മധ്യവേനൽ അവധിക്കാലത്ത് സ്പാർക്ക്പിക്ചേഴ്സ് കേരളത്തിൽ റിലീസ് ചെയ്യും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.