Cinema
മ​നം ക​വ​രു​ന്നു... ആ​ഗ്ര​ഹ സാ​ക്ഷാ​ത്കാ​ര​ത്തി​ന്‍റെ വാ​ങ്ക്
Friday, January 29, 2021 11:54 AM IST
ചെ​റി​യ ഇ​ഷ്ട​ങ്ങ​ളും ആ​ഗ്ര​ഹ​ങ്ങ​ളും നേ​ടി​യെ​ടു​ക്കാ​ൻ ഏ​റെ വെ​ന്പു​ന്ന​വ​രാ​ണ് നാം ഓ​രോ​രു​ത്ത​രും. ചി​ല​പ്പോ​ൾ ഏ​റെ പ്രി​യ​ങ്ക​ര​മാ​യ മു​ഖ​ത്തു നി​ന്നൊ​രു പു​ഞ്ചി​രി​യോ ആ​ശ്ലേ​ഷ​മോ ആ​കാം, അ​ല്ലെ​ങ്കി​ൽ ഒ​രു ചേ​ർ​ത്തുപി​ടി​ക്ക​ലാ​കാം. അ​തു​മ​ല്ലെ​ങ്കി​ൽ ചി​ല ഇ​ഷ്ട​ങ്ങ​ൾ നേ​ടി​യെ​ടു​ക്ക​ലാ​കാം.

മ​റ്റു ചി​ല​പ്പോ​ൾ എ​പ്പോ​ഴോ മ​ന​സി​ൽ പ​തി​ഞ്ഞു പോ​യി വ​ർ​ഷ​ങ്ങ​ൾ​ക്കു ശേ​ഷം ത​ട്ടി​യു​ണ​ർ​ത്തി​യ ന​മ്മു​ടേ​തു​ മാ​ത്ര​മാ​യ ഒ​രു കൗ​തു​ക​മാ​കാം. അ​ത്ത​ര​ത്തി​ൽ ആ​ഗ്ര​ഹ​ങ്ങ​ൾ നേ​ടി​യെ​ടു​ക്കു​ന്ന പാ​ത​യി​ൽ മ​ധു​ര​വും ക​യ്പും നോ​വും നൊന്പ​ര​വു​മൊ​ക്കെ​യു​ണ്ടാ​യ ഒ​രു ക​ഥ പ​റ​ഞ്ഞ് പ്രേ​ക്ഷ​ക മ​ന​സ് കീ​ഴ​ട​ക്കു​ക​യാ​ണ് "വാ​ങ്ക്'.



പെ​ണ്ണി​ന്‍റെ ആ​ഗ്ര​ഹ​ങ്ങ​ളു​ടെ ക​ഥ പെ​ണ്ണ് പ​റ​യു​ന്നു എ​ന്ന​താ​ണ് വാ​ങ്കി​നെ ശ്ര​ദ്ധേ​യ​മാ​ക്കു​ന്ന​ത്. പെ​ണ്‍​പ​ക്ഷ​ത്തു നി​ന്നു​കൊ​ണ്ട് വ​ള​രെ ല​ളി​ത​മാ​യി, കാ​ഴ്ച​ക്കാ​ര​ന്‍റെ ഹൃ​ദ​യ​ത്തി​ൽ ഒ​ന്നു സ്പ​ർ​ശി​ച്ചാ​ണ് വാ​ങ്ക് കാ​ഴ്ചാ​നു​ഭ​വം സൃ​ഷ്ടി​ക്കു​ന്ന​ത്.

അ​പ്പോ​ഴും അ​തൊ​രു പ​ക്ഷ​ത്തി​ന്‍റേതു മാ​ത്ര​മാ​യി ഒ​തു​ങ്ങാ​തെ സ​മ​കാ​ലി​ക സ​മൂ​ഹ​ത്തി​ൽ മ​ത​ങ്ങ​ളു​ടെ പേ​രി​ൽ മ​നു​ഷ്യ​ർ സൃ​ഷ്ടി​ക്കു​ന്ന വേ​ലി​ക്കെ​ട്ടു​ക​ൾ​ക്കു നേ​രെ​യു​ള്ള ചോ​ദ്യ​ചി​ഹ്ന​മാ​യും മാ​റു​ന്നു. വ​രും ദി​വ​സ​ങ്ങ​ളി​ൽ വാ​ങ്ക് വി​വി​ധ​ങ്ങ​ളാ​യ ച​ർ​ച്ച​ക​ളെ സൃ​ഷ്ടി​ക്കാ​നൊ​രു​ങ്ങു​ന്ന​തി​ന്‍റെ കാ​ര​ണ​വും അ​താ​കാം.



ചി​ത്ര​ത്തി​ന്‍റെ അ​മ​ര​ക്കാ​രി​ക്കും അ​ണി​യ​റ പ്ര​വ​ർ​ത്ത​ക​ർ​ക്കും മി​ക​ച്ച കൈയ​ടി​ ചി​ത്രം സ​മ്മാ​നി​ക്കു​ന്ന​ത് ഉറപ്പാണ്. സം​വി​ധാ​യ​ക​ൻ വി.​കെ. പ്ര​കാ​ശി​ന്‍റെ മ​ക​ൾ കാ​വ്യ പ്ര​കാ​ശ് ആ​ദ്യ​മാ​യി സം​വി​ധാ​നം ചെ​യ്ത ചി​ത്ര​മാ​ണ് വാ​ങ്ക്. അ​തി​ന്‍റെ അ​ര​ങ്ങി​ലും അ​ണി​യ​റ​യി​ലും ഒ​രു​പി​ടി ക​ലാ​കാ​രി​ക​ളെ​ന്ന​തും പ്ര​ത്യേ​ക​ത​യാ​ണ്.

വാ​ങ്ക് എ​ന്ന പേ​രി​ൽ ഏ​റെ ച​ർ​ച്ച​യാ​യ ഉ​ണ്ണി ആ​റി​ന്‍റെ ക​ഥ​യു​ടെ ച​ല​ച്ചി​ത്ര രൂ​പ​മാ​ണ് ചി​ത്രം. ക​ഥ​യു​ടെ ആ​ത്മാ​വി​ൽ നി​ന്നു​കൊ​ണ്ടു ത​ന്നെ സ്വാ​ത​ന്ത്ര്യ​ത്തെ ദി​നം​പ്ര​തി സ​ങ്കു​ചി​ത​മാ​ക്കി മാ​റ്റു​ന്ന ഒ​രു വി​ഭാ​ഗം ജ​ന​ജീ​വി​ത​വും ചി​ത്ര​ത്തി​ലൂ​ടെ മു​ന്നി​ലേ​ക്കു​വ​യ്ക്കു​ന്നു​ണ്ട്.



ഒ​രു ക​ഥ​യെ അ​തി​നാ​വ​ശ്യ​മാ​യ ലാ​ളി​ത്യ​വും ലാ​വ​ണ്യ​വും പ​ക​ർ​ന്ന് അ​വ​ത​രി​പ്പി​ക്കു​ന്പോ​ഴും പ്രേ​ക്ഷ​ക​ർ​ക്കു മു​ന്നി​ലേ​ക്കുവ​യ്ക്കു​ന്ന ചോ​ദ്യ​ങ്ങ​ൾ സ​മാ​കാ​ലി​ക സ​മൂ​ഹ​ത്തി​ന്‍റെ നേ​ർ​ക്കാ​ഴ്ച​ക​ളാ​യി മാ​റു​ന്ന​താ​ണ് വാ​ങ്കി​ന്‍റെ മ​ർ​മ്മം.

മ​ത​ത്തി​ന്‍റെ വേ​ലി​ക്കെ​ട്ടി​ന​ക​ത്ത് സ്വാ​ത​ന്ത്ര്യ​ത്തി​നും ആ​ഗ്ര​ഹ​ങ്ങ​ൾ​ക്കും ആ​ശ​ക​ൾ​ക്കും അ​തി​ർ​വ​ര​ന്പി​ട്ടു പ​ല​പ്പോ​ഴും നി​ശ്ബ്ദ​യാ​ക്ക​പ്പെ​ടു​ന്ന സ്ത്രീ​ജീ​വി​ത​ങ്ങ​ളെ ഇ​വി​ടെ പ​ച്ച​യാ​യി കാ​ണി​ച്ചി​രി​ക്കു​ന്നു.



എ​ന്നാ​ൽ മ​തവി​കാ​ര​ങ്ങ​ളെ വ്ര​ണ​പ്പെ​ടു​ത്താ​തെ ത​ന്നെ അ​തി​നു​ള്ളി​ലെ ചി​ല രാ​ഷ്ട്രീ​യ​ങ്ങ​ൾ​ക്കു നേ​രെ​യാ​ണ് വാ​ങ്ക് ക​ണ്ണാ​ടി​യാ​യി മാ​റു​ന്ന​ത്. അ​തി​നെ​ല്ലാം ഒ​ടു​വി​ൽ എ​ല്ലാ പ്ര​തി​സ​ന്ധി​ക​ളേ​യും ഒ​രു പു​ഞ്ചി​രി​കൊ​ണ്ട് നേ​രി​ടു​ന്ന വ​ലി​യൊ​രു ലോ​ക സ​ത്യ​ത്തി​ലേ​ക്കും ചി​ത്രം ന​മ്മ​ളെ കൊ​ണ്ടെ​ത്തി​ക്കു​ന്നു​ണ്ട്.

റ​സി​യ അ​ട​ങ്ങു​ന്ന നാ​ലു പെ​ണ്‍​കു​ട്ടി​ക​ളി​ലൂ​ടെ​യാ​ണ് ക​ഥ സ​ഞ്ച​രി​ക്കു​ന്ന​ത്. അ​വ​ർ കോ​ള​ജ് പ​ഠ​ന​ത്തി​ന്‍റെ അ​വ​സാ​ന വ​ർ​ഷം ത​ങ്ങ​ളു​ടെ ഓ​രോ ആ​ഗ്ര​ഹ സാ​ക്ഷാ​ത്കാ​ര​ത്തി​നാ​യു​ള്ള ഒ​രു​ക്ക​ത്തി​ലാ​ണ്. മൂ​ന്നു​പേ​രു​ടെ​യും കു​റു​ന്പും കു​സൃ​തി​യും വാ​ൽ​സ​ല്യ​വു​മൊ​ക്കെ നി​റ​ഞ്ഞ ആ​ഗ്ര​ഹം പൂ​ർ​ത്തി​യാ​ക്കി​ക്ക​ഴി​യു​ന്പോ​ഴാ​ണ് റ​സി​യ​യു​ടെ ഊ​ഴ​മെ​ത്തു​ന്ന​ത്.



ചെ​റു​പ്പം മു​ത​ൽ ത​ന്‍റെ ജീ​വി​ത​ത്തി​നോ​ട് ഇ​ഴ ചേ​ർ​ന്ന, ജീ​വി​ത രാ​ഗ​മാ​യി​മാ​റി​യ വാ​ങ്ക് വി​ളി​ക്ക​ണ​മെ​ന്ന​താ​യി​രു​ന്നു റ​സി​യ​യു​ടെ ഒ​രേ​യൊ​രു ആ​ഗ്ര​ഹം. എ​ന്നാ​ൽ അ​തു തീ​ർ​ത്ത വെ​ല്ലു​വി​ളി​ക​ൾ ചെ​റു​താ​യി​രു​ന്നി​ല്ല. അ​തു​വ​രെ അ​വ​ളോ​ടു പു​ഞ്ചി​രി​ച്ച ലോ​കം പെ​ട്ടെ​ന്നു മു​ന്നി​ൽ പ​ല്ലിറു​മ്മി, ദം​ഷ്ട്ര​ക​ൾ പ്ര​ക​ട​മാ​ക്കി. വീ​ടും നാ​ടും കു​ടും​ബ​വും എ​തി​രാ​യി മാ​റി.

അ​വി​ടെ നി​സ​ഹാ​യ​യാ​യ, എ​ന്നാ​ൽ ത​ന്‍റെ മ​ക​ളെ അ​റി​ഞ്ഞ അ​മ്മ അ​വ​ൾ​ക്കൊ​പ്പം നി​ന്നു. അ​വി​ടെ നി​ന്നും റ​സി​യ​യു​ടെ ത​ന്നെ തി​രി​ച്ച​റി​വാ​യി​രു​ന്നു, ത​ന്നെ, പ്ര​കൃ​തി​യെ, താ​നെ​ന്ന പ​ച്ച​പു​ത​ച്ച പ്ര​കൃ​തി​യെ. പി​ന്നീ​ട് അ​വ​ളു​ടെ ആ​ഗ്ര​ഹ​ത്തി​ന്‍റെ പൂ​ർ​ണ​ത​യ്ക്കു സാ​ക്ഷി​യാ​കു​ന്ന​തും ആ ​പ്ര​കൃ​തി​യാ​ണ്. അ​വി​ടെ​യും എ​പ്പോ​ഴ​ത്തെ​യും പോ​ലെ അ​വ​ൾ പു​ഞ്ചി​രി​ച്ചു. വ​ള​രെ നി​ർ​വൃ​തി​യോ​ടെ...



ഉ​ണ്ണി ആ​റി​ന്‍റെ ക​ഥ​യ്ക്കു തി​ര​ക്ക​ഥ എ​ഴു​തി​യി​രി​ക്കു​ന്ന​ത് ന​ർ​ത്ത​കി​യാ​യ ഷ​ബ്ന മു​ഹ​മ്മ​ദാ​ണ്. ഒ​രു ചെ​റുക​ഥ​യി​ൽ​നി​ന്നും സി​നി​മാ രൂ​പ​ത്തി​ലേ​ക്കു​ള്ള രൂ​പ​മാ​റ്റ​ത്തി​ൽ ഷ​ബ്ന​യു​ടെ ത​ന്നെ ജീ​വി​ത ചു​റ്റു​പാ​ടും അ​നു​ഭ​വ​ങ്ങ​ളും അ​റി​ഞ്ഞ ജീ​വി​ത​ങ്ങ​ളും തു​ണ​യാ​യി മാ​റി​യി​ട്ടു​ണ്ട്.

അ​തു ത​ന്നെ​യാ​ണ് ഇ​വി​ടെ വെ​ള്ളി​ത്തി​ര​യി​ൽ ജീ​വി​തം നേ​ർ​കാ​ഴ്ച​ക​ളാ​യി മാ​റു​ന്ന​തി​ന്‍റെ കാ​ര​ണ​വും. എ​ഴു​ത്തി​നൊ​പ്പം റ​സി​യ​യു​ടെ മാ​താ​വാ​യി ചി​ത്ര​ത്തി​ലെ​ത്തി അ​ഭി​ന​യ​വും ത​നി​ക്കു വ​ഴ​ങ്ങു​മെ​ന്നു ഷ​ബ്ന തെ​ളി​യി​ച്ചി​രി​ക്കു​ന്നു.



ത​ണ്ണീ​ർ​മ​ത്ത​ൻ ദി​ന​ങ്ങ​ൾ എ​ന്ന ചി​ത്ര​ത്തി​ലൂ​ടെ പ്രി​യ​താ​ര​മാ​യി മാ​റി​യ അ​ന​ശ്വ​ര രാ​ജ​ൻ വീ​ണ്ടും പ്രേ​ക്ഷ​ക ഹൃ​ദ​യ​ങ്ങ​ൾ ക​വ​ർ​ന്നെ​ടു​ക്കു​ക​യാ​ണ് റ​സി​യ​യി​ലൂ​ടെ. റ​സി​യ​യു​ടെ എ​ല്ലാ ഭാ​വ​പ​രി​ണാ​മ​ങ്ങ​ളേ​യും അ​നാ​യാ​സ​മാ​യി പ​ക​ർ​ന്നാ​ടാ​ൻ ഈ ​യു​വ​ന​ടി​ക്കു ക​ഴി​ഞ്ഞി​ട്ടു​ണ്ട്. ഇ​വ​ർ​ക്കൊ​പ്പം ന​ന്ദ​ന, മീ​നാ​ക്ഷി, ഗോ​പി​ക, വി​നീ​ത്, സ​ര​സ ബാ​ലു​ശേ​രി, തെ​സ്നി ഖാ​ൻ തു​ട​ങ്ങി​യ താ​ര​നി​ര​യും എ​ത്തി​യി​രി​ക്കു​ന്നു.

ചി​ത്ര​ത്തി​നാ​യി സം​ഗീ​തം ഒ​രു​ക്കി​യ ഔ​സേ​പ്പ​ച്ച​നും ഏ​റെ പ്ര​ശം​സയ്ക്കുള്ള വ​ക വാ​ങ്ക് ന​ൽ​കു​ന്നു. പ​ശ്ചാ​ത്ത​ല സം​ഗീ​ത​ത്തി​ലും ഗാ​ന​ത്തി​ലും ക​ഥ​യു​ടെ ആ​ത്മാ​വു​മാ​യി ചേ​ർ​ന്നുനി​ൽ​ക്കു​ന്ന സം​ഗീ​ത സ്പ​ർ​ശ​മൊ​രു​ക്കാ​ൻ അ​ദ്ദേ​ഹ​ത്തി​നു ക​ഴി​ഞ്ഞു.



റ​സി​യ​യു​ടെ വൈ​കാ​രി​ക ത​ല​ത്തി​ലേ​ക്കു പ്രേ​ക്ഷ​ക​രെ​യും പെ​ട്ട​ന്നു​കൊ​ണ്ടെ​ത്തി​ക്കു​ന്ന​തി​ൽ അ​ദ്ദേ​ഹ​ത്തി​ന്‍റെ സം​ഗീ​ത​ത്തി​നു വ​ലി​യ പ​ങ്കാണുള്ള​ത്. അ​തു​ത​ന്നെ​യാ​ണ് ചി​ത്രം ക​ണ്ടി​റ​ങ്ങു​ന്ന പ്രേ​ക്ഷ​ക​ർ​ക്കൊ​പ്പം ആ ​ക​ഥാ​പാ​ത്ര​ങ്ങ​ളും സം​ഗീ​ത​വും ഒ​പ്പം കൂ​ടുന്നതിനു കാ​ര​ണ​വും.

ഒ​രു ചെ​റുക​ഥ വാ​യി​ക്കു​ന്ന ലാ​ളി​ത്യ​ത്തോ​ടെ ത​ന്നെ സി​നി​മ​യെ അ​നു​ഭ​വ​മാ​ക്കാ​ൻ ക​ഴി​ഞ്ഞ​താ​ണ് സം​വി​ധാ​യി​ക കാ​വ്യ പ്ര​കാ​ശി​ന്‍റെ വി​ജ​യം. ഒ​രു സ്ത്രീ ​തി​ര​ക്ക​ഥാ​കൃ​ത്തി​ന്‍റെ ര​ച​ന മ​റ്റൊ​രു സ്ത്രീ ​സം​വി​ധാ​നം ചെ​യ്യു​ന്ന​ത് മ​ല​യാ​ള​ത്തി​ൽ ആ​ദ്യ​ത്തെ സം​ഭ​വ​മാ​ണ്.



ആ​രു പ​റ​യു​ന്നു എ​ന്ന​ത​ല്ല, പ​റ​യു​ന്ന കാ​ര്യ​ത്തി​ന്‍റെ ക​ഴ​ന്പ് എ​ന്താ​ണെ​ന്നു​ള്ള​താ​ണ് കാ​ര്യ​മെ​ന്നു ഇ​രു​വ​രും ആ​ദ്യ ചി​ത്ര​ത്തി​ലൂ​ടെ തെ​ളി​യി​ച്ചി​രി​ക്കു​ന്നു. ആ​ദ്യ ചി​ത്രം​കൊ​ണ്ട് മ​ല​യാ​ള​ത്തി​ന്‍റെ മി​ക​ച്ച സം​വി​ധാ​യി​ക​മാ​രു​ടെ പ​ട്ടി​ക​യി​ലേ​ക്കു ഇ​ടം നേ​ടാ​നും കാ​വ്യ​യ്ക്കും സാ​ധി​ച്ചി​ട്ടു​ണ്ട്.

ലിജിൻ കെ. ഈപ്പൻ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.