കണ്ണൂർ സർവകലാശാലയുടെ 16ന് ആരംഭിക്കുന്ന രണ്ടാം സെമസ്റ്റർ പിജിഡിസിപി/പിജിഡിഎൽഡി (മേയ് 2020) റഗുലർ പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്. സപ്ലിമെന്ററി വിദ്യാർഥികൾ പരീക്ഷാകേന്ദ്രത്തിൽനിന്ന് ഹാൾടിക്കറ്റ് കൈപ്പറ്റേണ്ടതാണ്.
സീറ്റൊഴിവ്
കണ്ണൂർ സർവകലാശാലയുടെ മാനന്തവാടി കാമ്പസിൽ ഒന്നാംവർഷ എംഎസ്സി പ്ലാന്റ് സയൻസസ് പ്രോഗ്രാമിൽ എസ്സി /എസ് ടി വിഭാഗത്തിൽ രണ്ടു സീറ്റ് ഒഴിവുണ്ട്. ബിഎസ്സി ബോട്ടണി/ പ്ലാന്റ് സയൻസ് യോഗ്യതയുള്ളവർ അസൽ രേഖകൾ സഹിതം മാനന്തവാടി കാമ്പസിലെ പ്ലാന്റ് സയൻസസ് വകുപ്പിൽ 15ന് രാവിലെ 10.30ന് ഹാജരാകണം.
ടെക്നിക്കൽ അസിസ്റ്റന്റ് നിയമനം
കണ്ണൂർ സർവകലാശാലയുടെ പാലയാട് ഡോ. ജാനകി അമ്മാൾ കാമ്പസിലെ ബയോടെക്നോളജി ആൻഡ് മൈക്രോബയോളജി പഠനവകുപ്പിൽ കരാറടിസ്ഥാനത്തിൽ ടെക്നിക്കൽ അസിസ്റ്റന്റിനെ നിയമിക്കുന്നു. ഉദ്യോഗാർഥികൾ യോഗ്യത തെളിയിക്കുന്ന രേഖകളുടെ അസലും പകർപ്പും സഹിതം 17ന് രാവിലെ 9.30ന് മുമ്പ് താവക്കര ആസ്ഥാന കാര്യാലയത്തിൽ അഭിമുഖത്തിന് ഹാജരാകണം. വിശദ വിവരങ്ങൾ വെബ്സൈറ്റിൽ ലഭ്യമാണ്.