വിദൂര വിദ്യാഭ്യാസ വിഭാഗം ഗ്രേഡ് കാർഡുകൾ
കണ്ണൂർ സർവകലാശാലയുടെ ഫലം പ്രസിദ്ധീകരിച്ച വിദൂര വിദ്യാഭ്യാസം വിഭാഗം (മേഴ്സി ചാൻസ്) ഒന്നും രണ്ടും മൂന്നും വർഷ ബിസിഎ/ബികോം/ബിബിഎ/ബിഎസ്സി/ബിഎ അഫ്സൽ ഉൽഉലമ മാർച്ച്/ഏപ്രിൽ 2017 സപ്ലിമെന്ററി (2010 നും അതിനു മുന്പുമുള്ള അഡ്മിഷൻ) ഗ്രേഡിംഗ് + നോണ് ഗ്രേഡിംഗ് പാറ്റേണിലുള്ള വിദ്യാർഥികളുടെ ഗ്രേഡ്കാർഡുകൾ സർവകലാശാലയുടെ താവക്കര കാന്പസിലെ ബന്ധപ്പെട്ട സെക്ഷനുകളിൽനിന്ന് ഹാൾടിക്കറ്റുമായി വന്ന് കൈപ്പറ്റണം. ബിഎ, ബികോം പാർട്ട് ഒന്നും രണ്ടും പരീക്ഷകളുടെ മാർക്ക് ലിസ്റ്റുകൾ/ഗ്രേഡ്കാർഡുകൾ വിതരണം ചെയ്യുന്ന തീയതി പിന്നീട് അറിയിക്കും.
എംഎസ്സി അപ്ലൈഡ് സുവോളജി ഡിഗ്രി പ്രായോഗിക പരീക്ഷ
ഒന്നാം സെമസ്റ്റർ എംഎസ്സി അപ്ലൈഡ് സുവോളജി ഡിഗ്രി (സിസിഎസ്എസ് റഗുലർ/സപ്ലിമെന്ററി നവംബർ 2017 )യുടെ പ്രായോഗിക പരീക്ഷ 6, 7 തീയതികളിൽ മാനന്തവാടി കാന്പസിലെ ഡിപ്പാർട്ട്മെന്റ് ഓഫ് അപ്ലൈഡ് സുവോളജിയിൽ നടക്കും. രജിസ്റ്റർ ചെയ്ത വിദ്യാർഥികൾ പഠനവകുപ്പുമായി ബന്ധപ്പെടണം.