പിജി ഏകജാലകം: ഒന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു
പിജി ഏകജാലകം: ഒന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു; ഒന്നാം സപ്ലിമെന്ററി അലോട്ട്മെന്റിൽ പ്രവേശനത്തിനു അർഹത നേടിയവർ നാളെ വൈകുന്നേരം 4.30ന് മുന്പായി ബന്ധപ്പെട്ട കോളജുകളിൽ പ്രവേശനം നേടണം.
ഏകജാലകം വഴിയുള്ള പിജി പ്രവേശനത്തിനുള്ള (2018) ഒന്നാം സപ്ലിമെന്ററി അലോട്ട്മെന്റ് പ്രസിദ്ധീകരിച്ചു. ഒന്നാം സപ്ലിമെന്ററി അലോട്ട്മെന്റ് ലഭിച്ച അപേക്ഷകർ ഓണ്ലൈനായി സർവകലാശാലാ അക്കൗണ്ടിൽ വരേണ്ട ഫീസടച്ച് അലോട്ട്മെന്റ് മെമ്മോയുടെ പ്രിന്റൗട്ട് എടുത്ത് യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം നാളെ വൈകുന്നേരം 4.30ന് മുന്പായി അലോട്ട്മെന്റ് ലഭിച്ച കോളജിൽ ഹാജരായി പ്രവേശനം നേടണം. നാളെ ഫീസ് ഒടുക്കാത്തവരുടെയും ഫീസൊടുക്കിയശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും.
ബിഎൽഐഎസ് സി, ബിപിഎഡ് ഏകജാലകം: പട്ടികജാതി,പട്ടികവർഗ വിഭാഗക്കാർക്കായുള്ള ഒന്നാം പ്രത്യേക അലോട്ട്മെന്റ് പ്രസിദ്ധീകരിച്ചു; പ്രത്യേക അലോട്ട്മെന്റിൽ പ്രവേശനത്തിന് അർഹത നേടിയവർ ഇന്നു വൈകുന്നേരം 4.30ന് മുന്പായി പ്രവേശനം നേടണം.
ഏകജാലകം വഴിയുള്ള ബിഎൽഐഎസ്സി, ബിപിഎഡ് പ്രവേശനത്തിനുള്ള (2018) പട്ടികജാതി, പട്ടികവർഗ്ഗ വിഭാഗക്കാർക്കായുള്ള ഒന്നാം പ്രത്യേക അലോട്ട്മെന്റ് പ്രസിദ്ധീകരിച്ചു. ഒന്നാം പ്രത്യേക അലോട്ട്മെന്റ് ലഭിച്ച അപേക്ഷകർ ഓണ്ലൈനായി യൂണിവേഴ്സിറ്റി അക്കൗണ്ടിൽ വരേണ്ട ഫീസടച്ച് അലോട്ട്മെന്റ് മെമ്മോയുടെ പ്രിന്റൗട്ട് എടുത്ത് യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം ഇന്നു വൈകുന്നേരം 4.30ന് മുന്പായി അലോട്ട്മെന്റ് ലഭിച്ച കോളജിൽ ഹാജരായി പ്രവേശനം നേടണം. ഇന്ന് ഫീസ് ഒടുക്കാത്തവരുടെയും ഫീസൊടുക്കിയശേഷം പ്രവേശനം നേടാത്തവരുടെയും അലോട്ട്മെന്റ് റദ്ദാക്കും.
പരീക്ഷാഫലം
2017 നവംബർ മാസത്തിൽ നടത്തിയ നാല്, അവസാന സെമസ്റ്റർ എംഎസ്സി ഫിഷറി ബയോളജി ആൻഡ് അക്വാകൾച്ചർ പരീക്ഷകളുടെ ഫലം പ്രസിദ്ധപ്പെടുത്തി.
2018 മാർച്ച് മാസത്തിൽ സ്കൂൾ ഓഫ് ബിഹേവിയറൽ സയൻസസിൽ നടത്തിയ ഒന്നാം സെമസ്റ്റർ എംഫിൽ സ്പെഷൽ എഡൂക്കേഷൻ ആൻഡ് റീഹാബിലിറ്റേഷൻ സയൻസസ് (സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.
2018 ജൂലൈയിൽ സ്കൂൾ ഓഫ് കെമിക്കൽ സയൻസസിൽ നടത്തിയ നാലാം സെമസ്റ്റർ എംഎസ്സി കെമിസ്ട്രി (ഇൻ ഓർഗാനിക്, ഓർഗാനിക്, ഫിസിക്കൽ ആൻഡ് പോളിമർ)(സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.
സീറ്റൊഴിവ്
ഇന്റർനാഷണൽ ഇന്റർ യൂണിവേഴ്സിറ്റി സെന്റർ ഫോർ നാനോ സയൻസ് ആൻഡ് നാനോടെക്നോളജി (ഐഐയുസിഎൻഎൻ)ൽ ഡിആർഡിഒ പ്രോജക്്ടിൽ ജെആർഎഫ് ഒഴിവുണ്ട്. 15 ദിവസത്തിനകം അപേക്ഷ നൽകണം. 0481 2731669, 9400552374