നാലാം സെമസ്റ്റർ പിജി പരീക്ഷാഫലം
കണ്ണൂർ സർവകലാശാലയുടെ പഠനവകുപ്പുകളിലെ നാലാം സെമസ്റ്റർ എംഎ ഇംഗ്ലീഷ്, എംഎസ്സി കെമിസ്ട്രി, വുഡ് സയൻസ് ആൻഡ് ടെക്നോളജി, ക്ലിനിക്കൽ സൈക്കോളജി, അപ്ലൈഡ് സുവോളജി, എംബിഎ, എംഎൽഐഎസ് സി (സിസിഎസ്എസ് മേയ് 2018) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഉത്തരക്കടലാസുകളുടെ പകർപ്പ് എന്നിവയ്ക്കുള്ള അപേക്ഷകൾ നവംബർ മൂന്നുവരെ സ്വീകരിക്കും.
പരീക്ഷാഫലം
രണ്ടാം സെമസ്റ്റർ എംഫിൽ ഫിസിക്കൽ എഡ്യുക്കേഷൻ (റഗുലർ ജൂണ് 2017) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
രണ്ടാം സെമസ്റ്റർ എംഎസ്ഡബ്ല്യു (റഗുലർ,സപ്ലിമെന്ററി മാർച്ച് 2018) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഉത്തരക്കടലാസുകളുടെ പകർപ്പ് എന്നിവയ്ക്കുള്ള അപേക്ഷകൾ നവംബർ അഞ്ചുവരെ സ്വീകരിക്കും.
ആറാം സെമസ്റ്റർ ബിഎഎൽഎൽബി (റഗുലർ, സപ്ലിമെന്ററി ഏപ്രിൽ 2017) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഉത്തരക്കടലാസുകളുടെ പകർപ്പ് എന്നിവയ്ക്കുള്ള അപേക്ഷകൾ നവംബർ രണ്ടുവരെ സ്വീകരിക്കും.
പിജി മേഴ്സി ചാൻസ് പരീക്ഷകൾ
ഒന്നും രണ്ടും മൂന്നും നാലും സെമസ്റ്റർ ബിരുദാനന്തര ബിരുദ (2013നും അതിനുമുന്പുമുള്ള അഡ്മിഷൻ മേഴ്സി ചാൻസ്) സപ്ലിമെന്ററി പരീക്ഷകൾ 31 മുതൽ ആരംഭിക്കും. വിശദമായ ടൈംടേബിൾ സർവകലാശാല വെബ്സറ്റിൽ ലഭ്യമാണ്.
പ്രായോഗിക, വാചാ പരീക്ഷ
രണ്ടാം സെമസ്റ്റർ എംഎസ്സി കൗണ്സിലിംഗ് സൈക്കോളജി ഡിഗ്രിയുടെ (മാർച്ച് 2018) പ്രായോഗിക, വാചാ പരീക്ഷ 29, 30 തീയതികളിൽ വിളയാങ്കോട് വാദിഹുദ ഇൻസ്റ്റിറ്റ്യൂട്ട് ഓഫ് റിസർച്ച് ആൻഡ് അഡ്വാൻസ്ഡ് സ്റ്റഡീസിൽ നടക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം
ബികോം പരീക്ഷ റദ്ദാക്കി
കഴിഞ്ഞ 22ന് നടത്തിയ അഞ്ചാം സെമസ്റ്റർ ബികോം ഡിഗ്രിയുടെ ഇൻകം ടാക്സ് ലോ ആൻഡ് പ്രാക്ടീസ് രണ്ട് എന്ന പരീക്ഷ റദ്ദാക്കി. പുനഃപരീക്ഷാതീയതി പിന്നീട് അറിയിക്കും.
സംവാദം
മലയാളത്തിൽ ഗവേഷണം നടത്തുന്ന കെ.എം. മഞ്ജുള പിഎച്ച്ഡിക്കായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം (ഓപ്പണ് ഡിഫൻസ്) 30ന് രാവിലെ പത്തിന് നീലേശ്വരത്തെ ഡോ. പി.കെ. രാജൻ മെമ്മോറിയൽ കാന്പസിൽ നടത്തും. പ്രസ്തുത പ്രബന്ധം സെമിനാറിന് മൂന്നു ദിവസം മുന്പ് മുതൽ ഡോ.പി.കെ രാജൻ മെമ്മോറിയൽ കാന്പസിലെ മലയാളവിഭാഗം ലൈബ്രറിയിൽ പരിശോധനയ്ക്ക് ലഭിക്കും.