പിജി മേഴ്സി ചാൻസ് പരീക്ഷാ ടൈംടേബിൾ
കണ്ണൂർ സർവകലാശാലയുടെ രണ്ടാം സെമസ്റ്റർ മേഴ്സി ചാൻസ് ബിരുദാനന്തര ബിരുദ സപ്ലിമെന്ററി പരീക്ഷകൾ 31നും നാലാം സെമസ്റ്റർ നവംബർ 14നും മൂന്നാം സെമസ്റ്റർ ഡിസംബർ അഞ്ചിനും ഒന്നാം സെമസ്റ്റർ ഡിസംബർ 17നും ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
റദ്ദാക്കിയ അഞ്ചാം സെമസ്റ്റർ ബികോം പരീക്ഷ നവംബർ 14ന്
കഴിഞ്ഞ 22ന് നടത്തിയതും പിന്നീട് റദ്ദാക്കിയതുമായ അഞ്ചാം സെമസ്റ്റർ ബികോം ഡിഗ്രിയുടെ ഇൻകം ടാക്സ് ലൊ ആൻഡ് പ്രാക്ടീസ്രണ്ട് പുനഃപരീക്ഷ നവംബർ 14ന് നടക്കും.
പരീക്ഷാഫലം
2017 മേയിൽ നടന്ന ഒന്നാം സെമസ്റ്റർ പിജിഡിഎൻടി (റഗുലർ, ഇംപ്രൂവ്മെന്റ്, സപ്ലിമെന്ററിമാർച്ച് 2016) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. ഗ്രേഡ്കാർഡുകൾ അതത് കോളജുകൾ മുഖേന പിന്നീട് വിതരണം ചെയ്യും. പുനഃപരിശോധന, സൂക്ഷ്മപരിശോധന, ഉത്തരക്കടലാസുകളുടെ പകർപ്പ് എന്നിവയ്ക്കുള്ള അപേക്ഷകൾ നവംബർ ഏഴുവരെ സ്വീകരിക്കും.
ഇന്റേണൽ മാർക്കുകൾ ഓണ്ലൈനായി സമർപ്പിക്കണം
മൂന്നാം സെമസ്റ്റർ ബിരുദ പരീക്ഷ നവംബർ 2018ന്റെ ഇന്റേണൽ മാർക്കുകൾ ഓണ്ലൈനായി 30 മുതൽ നവംബർ ഒൻപത് വരെ സമർപ്പിക്കും. സാക്ഷ്യപ്പെടുത്തിയ പ്രിന്റൗട്ടുകൾ നവംബർ 17ന് മുന്പായി സർവകലാശാലയിൽ എത്തിക്കണം.
പരീക്ഷാ ഹാൾടിക്കറ്റുകൾ
30 മുതൽ ആരംഭിക്കുന്ന മൂന്നാം സെമസ്റ്റർ ബിരുദ (സിബിസിഎസ്എസ് ആൻഡ് സിസിഎസ്എസ്) പരീക്ഷകളുടെ ഹാൾടിക്കറ്റുകൾ സർവകലാശാല വെബ്സൈറ്റിൽ ലഭ്യമാണ്.
പരീക്ഷാഫലം
നാലാം സെമസ്റ്റർ എംഎസ്സി മാത്തമാറ്റിക്സ്, ഫിസിക്സ്, സ്റ്റാറ്റിസ്റ്റിക്സ്, സുവോളജി, മൈക്രോബയോളജി, ബയോടെക്നോളജി, കംപ്യൂട്ടർ സയൻസ്, ഇലക്ട്രോണിക്സ്, ജിയോളജി, കൗണ്സലിംഗ് സൈക്കോളജി (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2018) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഉത്തരക്കടലാസുകളുടെ പകർപ്പ് എന്നിവയ്ക്കുള്ള അപേക്ഷകൾ നവംബർ ഏഴു വരെ സ്വീകരിക്കും.
വാക്ക് ഇൻ ഇന്റർവ്യു 30ന്
കണ്ണൂർ സർവകലാശാലയുടെ ഡിപ്പാർട്ട്മെന്റ് ഓഫ് വുഡ് സയൻസ് ആൻഡ് ടെക്നോളജിയിൽ അസി. പ്രഫസർ തസ്തികയിൽ കരാറടിസ്ഥാനത്തിൽ നിയമനത്തിനുള്ള വാക്ക് ഇൻ ഇന്റർവ്യു 30ന് താവക്കര ആസ്ഥാനത്ത് നടക്കും. യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പും അപേക്ഷഫീസിനത്തിൽ 210 രൂപ അടച്ച ചലാൻ രസീതുമായി അന്നേദിവസം രാവിലെ പത്തിന് എത്തണം. വിശദവിവരങ്ങൾ സർവകലാശാലയുടെ വെബ് സൈറ്റിൽ ലഭിക്കും.