എംഎസ്സി എംഎൽടി പ്രായോഗിക പരീക്ഷ
നാലാം സെമസ്റ്റർ എംഎസ്സി മെഡിക്കൽ ലബോറട്ടറി ടെക്നോളജി (എംഎൽടി) ഡിഗ്രി (2015 പ്രവേശനം)(റഗുലർ, സപ്ലിമെന്ററി ഡിസംബർ 2017) യുടെ പ്രായോഗിക പരീക്ഷകൾ, വൈവവോസി നാളെ മുതൽ തലശേരി സ്കൂൾ ഓഫ് ഹെൽത്ത് സയൻസസിൽ നടക്കും. രജിസ്റ്റർചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.
എംബിഎ പരീക്ഷാഫലം
കണ്ണൂർ സർവകലാശാല നടത്തിയ ഒന്നാം സെമസ്റ്റർ എംബിഎ (റഗുലർ 2017 അഡ്മിഷൻ ) ജനുവരി 2018 , മൂന്നാം സെമസ്റ്റർ എംബിഎ (റെഗുലർ 2016 അഡ്മിഷൻ) ജനുവരി 2018, രണ്ടാം സെമസ്റ്റർ എംബിഎ (റഗുലർ 2016 അഡ്മിഷൻ ) ജൂലൈ2017 എന്നീ പരീക്ഷകൾ എഴുതിയ മാലിക്ദിനാർ കോളജിലെ വിദ്യാർഥികളുടെ പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മപരിശാധന, ഫോട്ടോകോപ്പി എന്നിവക്കുള്ള അപേക്ഷകൾ 16 വരെ സർവകലാശാലയിൽ സ്വീകരിക്കും
ഗ്രേഡ് കാർഡ് വിതരണം
വിദൂരവിദ്യാഭ്യാസ വിഭാഗം അവസാന വർഷ ബിഎ സപ്ലിമെന്ററി മാർച്ച് 2017 (മേഴ്സി ചാൻസ്), പാർട്ട് ഒന്ന്, സപ്ലിമെന്ററി ഏപ്രിൽ 2017 (മേഴ്സി ചാൻസ്) എന്നീ പരീക്ഷകളുടെ ഗ്രേഡ് കാർഡുകൾ നാളെ താവക്കര കാന്പസിലെ പരീക്ഷാവിഭാഗത്തിൽനിന്ന് വിതരണം ചെയ്യും.
പരീക്ഷാ ഫലം
പയ്യന്നൂർ കാന്പസിലെ രണ്ടാം സെമസ്റ്റർ എംഎ മ്യൂസിക് (റഗുലർ, സപ്ലിമെന്ററി) പരീക്ഷാഫലം പ്രസിദ്ധീകരിച്ചു. പുനഃപരിശോധന, സൂക്ഷ്മ പരിശോധന, ഫോട്ടോ കോപ്പി എന്നിവയ്ക്ക് അപേക്ഷിക്കേണ്ട അവസാന തീയതി 16.
പുനർമൂല്യനിർണയ ഫലം
2017 നവംബറിൽ നടത്തിയ ഒന്നാം സെമസ്റ്റർ ബിരുദപരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. മൂല്യനിർണയം പൂർത്തിയായ ഫലങ്ങളാണ് ഇപ്പോൾ പ്രസിദ്ധീകരിച്ചിട്ടുള്ളത്. പൂർണ ഫലപ്രഖ്യാപനം മൂല്യനിർണയം പൂർത്തിയാകുന്ന മുറയ്ക്ക് നടത്തും.