ടാ​ർ​ഗ​റ്റ​ഡ് ട്രീ​റ്റ്മെ​ന്‍റും ഇമ്യൂണോ തെറാപ്പിയും- കാൻസർ ചികിത്സയിലെ പുതുവഴികൾ
Friday, February 4, 2022 1:37 PM IST
ക്ലോ​സ് ദ ​കെ​യ​ർ ഗ്യാ​പ്പ് - അ​താ​ണ് ഇ​ത്ത​വ​ണ​ത്തെ അ​ർ​ബു​ദ ദി​നാ​ച​ര​ണ​ത്തി​ലെ ചി​ന്താ​വി​ഷ​യം. ലോ​ക​രാ​ജ്യ​ങ്ങ​ൾക്കിടയിൽ കാ​ൻ​സ​ർ ചി​കി​ത്സാ സൗ​ക​ര്യ​ങ്ങ​ളി​ൽ, അ​വ​യു​ടെ ല​ഭ്യ​ത​യി​ൽ പ​ല​ത​ര​ത്തി​ലു​ള്ള അ​ന്ത​രം നി​ല​നി​ൽ​ക്കു​ന്നു​ണ്ട്. അ​ർ​ബു​ദ ചി​കി​ത്സ​യു​ടെ ചെ​ല​വി​ലും വ​ലി​യ അ​ന്ത​ര​മു​ണ്ട്.

ആ​വ​ശ്യ​മു​ള്ള കൃ​ത്യ​മാ​യ ചി​കി​ത്സ കൃ​ത്യ​സ​മ​യ​ത്തു കി​ട്ടു​ന്ന​തി​ൽ ലോ​ക​ത്തെ​വി​ടെ​യു​മു​ള്ള കാ​ൻ​സ​ർ രോ​ഗി​ക​ൾ ധാ​രാ​ളം ക​ട​ന്പ​ക​ൾ ക​ട​ക്ക​ണം. വ​രു​മാ​നം, വി​ദ്യാ​ഭ്യാ​സം, വം​ശം, ലിം​ഗം, പ്രാ​യം, വൈ​ക​ല്യ​ങ്ങ​ൾ, ജീ​വി​ത​നി​ല​വാ​രം ഇ​വ​യു​ടെ​യൊ​ക്കെ അ​ടി​സ്ഥാ​ന​ത്തി​ലു​ള്ള വേ​ർ​തി​രി​വു​ക​ൾ ഗു​ണ​നി​ല​വാ​ര​മു​ള്ള കാ​ൻ​സ​ർ ചി​കി​ത്സ​യു​ടെ ല​ഭ്യ​ത​യെ സ്വാ​ധീ​നി​ക്കു​ന്നു​ണ്ട്. അ​താ​ണ് കെ​യ​ർ ഗ്യാ​പ്പ്. പ​ണ​മു​ള്ള​വ​ർ​ക്കും മു​ൻ​ഗ​ണ​ന​യു​ള്ള​വ​ർ​ക്കും കാ​ര്യ​ങ്ങ​ൾ എ​ളു​പ്പ​മാ​ണ്. അ​തി​നു മാ​റ്റ​മു​ണ്ടാ​വ​ണം.

ഗുണനിലവാരമുള്ള കാൻസർ ചികിത്സയ്ക്ക് ഒന്നും തടസമാകരുത്

ജ​നി​ച്ച രാ​ജ്യം, സ്ഥ​ലം, വം​ശം, സാ​ന്പ​ത്തി​കം, ലിം​ഗ​വ്യ​ത്യാ​സം, ശാ​രീ​രി​ക വൈ​ക​ല്യ​ങ്ങ​ൾ, ജോ​ലി, പ്രാ​യം, ചി​കി​ത്സാ ചെ​ല​വ്... ​എ​ന്നി​വ​യൊ​ന്നും ഏ​റ്റ​വും മെ​ച്ച​പ്പെ​ട്ട ചി​കി​ത്സ കി​ട്ടു​ന്ന​തി​നു ത​ട​സ​മാ​ക​രു​ത്. ഇ​തി​ന്‍റെ​യൊ​ക്കെ പേ​രി​ൽ ലോ​ക​ത്ത് ഏ​തു പ്ര​ദേ​ശ​ത്തു​ള്ള​യാ​ൾ​ക്കും ഗു​ണ​നി​ലാ​ര​മു​ള​ള, ഏ​റ്റ​വും ആ​ധു​നി​ക​മാ​യ കാ​ൻ​സ​ർ ചി​കി​ത്സ ല​ഭി​ക്കാ​തെ പോ​ക​രു​ത്.

വി​വി​ധ രാ​ജ്യ​ങ്ങ​ളി​ലെ ചെ​ല​വു​ക​ളി​ലെ അ​ന്ത​രം രോ​ഗ​നി​ർ​ണ​യം മു​ത​ൽ ചി​കി​ത്സ വ​രെ​യു​ള്ള കാ​ര്യ​ങ്ങ​ളി​ൽ ത​ട​സ​മാ​ക​രു​ത്. അ​ർ​ബു​ദ വി​മു​ക്ത ലോ​ക നി​ർ​മി​തി​യി​ൽ ന​മു​ക്ക് എ​ന്തു ചെ​യ്യാ​നാ​വും. അ​തു മു​ൻ​നി​ർ​ത്തി​യു​ള്ള പ്ര​ചാ​ര​ണ പ​രി​പാ​ടി​ക​ൾ​ക്കാ​ണ് അ​ർ​ബു​ദ ദി​ന​ത്തി​ൽ തു​ട​ക്കം കു​റി​ക്കു​ന്ന​ത്.

പുതിയ ചികിത്സകൾ

സർജിക്കൽ ഓങ്കോളജി, മെഡിക്കൽ ഓങ്കോളജി, റേഡിയേഷൻ ഓങ്കോളജി എന്നിവയാണ് കാൻസർ ചികിത്സയിലെ മൂന്നു സങ്കേതങ്ങൾ. അതൊക്കെ നല്കിയിട്ടും ചില രോഗികളിൽ കാൻസർ വീണ്ടെടുക്കുന്നതായി കണ്ടു. അതിന്‍റെ പിന്നിൽ എന്താണ്? അത്തരം ചിന്തകളും ഗവേഷണങ്ങളും കാൻസറിനു പിന്നിൽ വേറെയും കാരണങ്ങളുണ്ട് എന്ന കണ്ടെത്തലിൽ എത്തിച്ചു. അതിനു പോംവഴിയും ഗവേഷകർ കണ്ടെത്തി. അങ്ങനെയാണ് ഓങ്കോളജിസ്റ്റുകൾ പുതിയ ചികിത്സകളിലേക്ക് എത്തുന്നത്.

കോംപ്രിഹെൻസീവ് ജീൻ പ്രൊഫൈലിംഗ് എന്തിന്?

എല്ലാ കാൻസർ രോഗികളിലും വീണ്ടും കാൻസർ ഉണ്ടാകണമെന്നില്ല. ടെസ്റ്റ് ചെയ്തെങ്കിൽ മാത്രമേ അതു മനസിലാവുകയുള്ളൂ. അത് ആവശ്യമുള്ള ആളുകളെ കണ്ടെത്തുന്നതിനു സ്പെഷൽ ടെസ്റ്റുണ്ട്. കോംപ്രിഹെൻസീവ് ജീൻ പ്രൊഫൈലിംഗ് (C.G.P). ‌

ചികിത്സ നല്കുന്പോൾ വളരെ മോശമായ രീതിയിൽ റിസൾട്ട് ലഭിക്കുന്ന ചില കാൻസറുകളുണ്ട്. പാൻക്രിയാസ് , ശ്വാസകോശം, മൂത്രസഞ്ചി, ഓവറി, കുടൽ തുടങ്ങിയ അവയവങ്ങളെ ബാധിക്കുന്ന കാൻസറുകൾക്ക് ഈ ടെസ്റ്റ് ചെയ്യുന്നത് ഉചിതമാണ്. ഇത്തരം കാൻസർ ബാധിതരിൽ മിക്കവാറും റിസൾട്ട് മോശമായിരിക്കും. അവർക്ക് എന്തെങ്കിലും പ്രതീക്ഷ കൊടുക്കാനാകുമോ എന്നറിയാൻ ഈ ടെസ്റ്റ് ചെയ്യുന്നതാണ് ഏറ്റവും നല്ലത്.

ഇത്തരത്തിലുള്ള ആക്രമണസ്വഭാവമുള്ള കാൻസറുകൾക്കു മുൻകൂട്ടിത്തന്നെ കോംപ്രിഹെൻസീവ് ജീൻ പ്രൊഫൈലിംഗ് ചെയ്യുന്നത് ഏറ്റവും ഉചിതമായിരിക്കും.

പേ​ഴ്സ​ണ​ലൈ​സ്ഡ് മെ​ഡി​സി​ൻ അ​ഥ​വാ പ്രി​സി​ഷ​ൻ മെ​ഡി​സി​ൻ

സെ​ലി​ബ്രി​റ്റി​ക​ൾ അ​മേ​രി​ക്ക​ൽ പോ​യി ആ​ധു​നി​ക ചി​കി​ത്സ​യെ​ടു​ത്ത് രോ​ഗ​മു​ക്ത​രാ​കു​ന്ന വാ​ർ​ത്ത​ക​ൾ നി​ര​ന്ത​രം കേ​ൾ​ക്കു​ന്നു​ണ്ട്. അ​പ്പോ​ൾ ന്യാ​യ​മാ​യും ഒ​രു സം​ശ​യം സാ​ധാ​ര​ണ​ക്കാ​ര​നു​ണ്ടാ​വാം. ഇ​ന്ത്യ​യി​ൽ അ​ത്ത​രം ചി​കി​ത്സാസൗകര്യം ഇ​ല്ലേ?

റി​സേ​ർ​ച്ച് ലാ​ബു​ക​ളെ​ല്ലാം യു​എ​സി​ലും യൂ​റോ​പ്പി​ലു​മാ​ണ്. അ​വി​ടെ ഓ​രോ രോ​ഗി​യു​ടെ​യും സാ​ന്പി​ൾ എ​ടു​ത്ത് കോം​പ്രി​ഹെ​ൻ​സീ​വ് ജീ​ൻ അ​നാ​ലി​സി​സ് ന​ട​ത്തി കാ​ൻ​സ​ർ ഉ​ണ്ടാ​ക്കാ​ൻ സാ​ധ്യ​ത​യു​ള്ള ജീ​നു​ക​ളി​ലേ​ക്ക് ഗ​വേ​ഷ​ക​ർ​ക്ക് എ​ത്താ​നാ​വും. ട്യൂ​മ​റു​ക​ളെ ഈ ​ടെ​സ്റ്റി​നു വി​ധേ​യ​മാ​ക്കു​ന്പോ​ൾ അ​തി​ൽ ഏ​തൊ​ക്കെ​യാ​ണു പോ​സി​റ്റീ​വാ​കു​ന്ന​തെ​ന്നു മ​ന​സി​ലാ​ക്കാം. അ​ത​നു​സ​രി​ച്ച് ആ ​രോ​ഗി​ക്കു മാ​ത്രം ഫ​ല​പ്ര​ദ​മാ​കു​ന്ന മ​രു​ന്നു​ക​ൾ നി​ർ​ദേ​ശി​ക്കും.

കീ​മോ​തെ​റാ​പ്പി കൊ​ടു​ത്താ​ൽ പ്ര​ശ്ന​ക്കാ​രാ​യ​തും കു​ഴ​പ്പ​മി​ല്ലാ​ത്ത​തും ഉ​ൾ​പ്പെ​ടെ എ​ല്ലാ കോ​ശ​ങ്ങ​ളും ന​ശി​ക്കും. അ​തൊ​ഴി​വാ​ക്കു​ന്ന​തി​നാ​ണ് പേ​ഴ്സ​ണ​ലൈ​സ്ഡ് മെ​ഡി​സി​ൻ അ​ഥ​വാ പ്രി​സി​ഷ​ൻ മെ​ഡി​സി​ൻ. ഒ​രു കാ​ൻ​സ​ർ ബാ​ധി​ത​ന്‍റെ ശരീരകോശങ്ങളിൽ ഏ​താ​ണോ അ​ബ്നോ​ർ​മാ​ലി​റ്റി(ക്രമവിരുദ്ധതയുള്ളത്) ആ ​അ​ബ്നോ​ർ​മാ​ലി​റ്റി​ക്കു മാ​ത്രം മ​രു​ന്നു കൊ​ടു​ക്കു​ക എ​ന്ന​താ​ണ് പ്രി​സി​ഷ​ൻ എ​ന്ന വാ​ക്കു കൊ​ണ്ട് ഉ​ദ്ദേ​ശി​ക്കു​ന്ന​ത്.

രോ​ഗി​യു​ടെ പ്രാ​യം, ലിം​ഗം, ട്യൂ​മ​ർ ടൈ​പ്പ് തു​ട​ങ്ങി​യ ഘ​ട​ക​ങ്ങ​ളെ അ​യാ​ളു​ടെ മാ​ത്രം ജീ​വി​ത​ശൈ​ലി​യു​മാ​യി ബ​ന്ധ​പ്പെ​ടു​ത്തി മ​രു​ന്നു ന​ല്കു​ന്നു എ​ന്ന​താ​ണ് പേ​ഴ്സ​ണ​ലൈ​സ്ഡ് എ​ന്ന വാ​ക്കു​കൊ​ണ്ട് ഉ​ദ്ദേ​ശി​ക്കു​ന്ന​ത്.

കാ​ൻ​സ​റി​നെ​തി​രേയുള്ള ര​ണ്ടു പുതിയ ചികിത്സാരീതികൾ

1. ടാ​ർ​ഗ​റ്റ​ഡ് ട്രീ​റ്റ്മെ​ന്‍റ്
2. ഇ​മ്യൂ​ണോ തെ​റാ​പ്പി.

ടാ​ർ​ഗ​റ്റ​ഡ് ട്രീ​റ്റ്മെ​ന്‍റ്

ട്യൂമ​റി​ന​ക​ത്തെ അ​സാ​ധാ​ര​ണ​ത്വ​മു​ള്ള (സ്പെ​സി​ഫി​ക്കാ​യ) കാ​ര്യ​ങ്ങ​ൾ ക​ണ്ടു​പി​ടി​ച്ച ശേ​ഷം ന​ട​ത്തു​ന്ന ചി​കി​ത്സ ടാ​ർ​ഗ​റ്റ​ഡ് ട്രീ​റ്റ്മെ​ന്‍റ്. ചി​ല​പ്പോ​ൾ ട്യൂ​മ​റി​നു ചി​ല പ്ര​ത്യേ​ക​ത​രം സ്വ​ഭാ​വ​ങ്ങ​ളു​ണ്ടാ​വും. അ​തു ക​ണ്ടെ​ത്താ​നാ​യാ​ൽ ആ ​രോ​ഗി​ക്ക് അ​തി​നെ​തി​രാ​യി മാ​ത്രം മ​രു​ന്നു കൊ​ടു​ത്താ​ൽ മ​തി. ബ്ര​സ്റ്റ് കാ​ൻ​സ​ർ, കോ​ള​ൻ കാ​ൻ​സ​ർ എ​ന്നി​വ​യി​ലൊ​ക്കെ അ​തു സാ​ധ്യ​മാ​ണ്. രോ​ഗ​വ്യാ​പ​ന​ത്തി​ന്‍റെ സ്റ്റേ​ജ് ഈ ​ചി​കി​ത്സ​യി​ൽ പ​രി​ഗ​ണി​ക്കേ​ണ്ട​തി​ല്ല.

ഇന്ന ത​രം കാ​ൻ​സ​ർ ഉ​ണ്ടാ​ക്കു​മെ​ന്നു ഏ​വ​ർ​ക്കു​മ​റി​യാ​വു​ന്ന ഒ​രു കാ​ൻ​സ​ർ ഏ​ജ​ന്‍റ് ശ​രീ​ര​ത്തി​ൽ ഒ​രി​ക്ക​ലും പ്ര​തീ​ക്ഷി​ക്കാ​ത്ത മ​റ്റൊ​രു ത​രം കാ​ൻ​സ​റി​നും കാ​ര​ണ​മാ​വാം. എ​ന്‍റെ ഒ​രു പ്ര​ഷ്യ​ന്‍റി​നു പാ​ൻ​ക്രി​യാ​സ് കാ​ൻ​സ​റാ​യി​രു​ന്നു. കോ​പ്രി​ഹെ​ൻ​സീ​വ് ജീ​ൻ പ്രൊ​ഫ​യി​ലിം​ഗ് എ​ന്ന ടെ​സ്റ്റ് ചെ​യ്ത​പ്പോ​ൾ അ​വ​ർ​ക്കു പാ​ൻ​ക്രി​യാ​സ് കാ​ൻ​സ​ർ ഉ​ണ്ടാ​കാ​ൻ കാ​ര​ണം ആ​ൻ​ജ​ലീ​ന ജോ​ളി​ക്കു ബ്ര​സ്റ്റ് കാ​ൻ​സ​ർ ഉ​ണ്ടാ​ക്കാ​ൻ കാ​ര​ണ​മാ​യ അ​തേ ജീ​നാ​ണെ​ന്നു ക​ണ്ടെ​ത്തി.


അ​താ​യ​ത് ബ്ര​സ്റ്റ് കാ​ൻ​സ​റു​ണ്ടാ​ക്കാ​ൻ ക​ഴി​വു​ള്ള ജീ​നി​നു പാ​ൻ​ക്രി​യാ​റ്റി​ക് കാ​ൻ​സ​ർ ഉ​ണ്ടാ​ക്കാ​ൻ പ​റ്റു​മെ​ന്ന് അ​തി​ൽ നി​ന്നു മ​ന​സി​ലാ​യി.​ അ​പ്പോ​ൾ അ​തി​നെ​തി​രേ​യു​ള്ള മ​രു​ന്നു കൊ​ടു​ത്താ​ൽ ആ ​രോ​ഗി ര​ക്ഷ​പ്പെ​ടും. അ​താ​ണ് ടാ​ർ​ഗ​റ്റ​ഡ് ട്രീ​റ്റ്മെ​ന്‍റ്.

ഇ​മ്യൂ​ണോ തെ​റാ​പ്പി

നേ​ര​ത്തേ ക​ണ്ടെ​ത്തി ചി​കി​ത്സി​ച്ചാ​ൽ 80 ശ​ത​മാ​നം കാ​ൻ​സ​റു​ക​ളും സു​ഖ​പ്പെ​ടു​ത്താം. 20 ശ​ത​മാ​നം പ​രാ​ജ​യ​മാ​കു​ന്ന​തെ​ന്താ​ണ്? അ​വി​ടെ​യാ​ണ് ആ​ധു​നി​ക ശാ​സ്ത്രം ഇ​മ്യൂ​ണോ തെ​റാ​പ്പി എ​ന്ന ചി​കി​ത്സാ​രീ​തി അ​വ​ത​രി​പ്പി​ക്കു​ന്ന​ത്. ഈ ​അ​ർ​ബു​ദ ദി​ന​ത്തി​ൽ ന​മ്മു​ടെ ച​ർ​ച്ച​ക​ൾ ഈ ​നൂ​ത​ന ചി​കി​ത്സാ​രീ​തി​യെ​ക്കു​റി​ച്ചാ​വ​ണം. നി​ര​വ​ധി സെ​ലി​ബ്രി​റ്റി​കളെ അർബുദത്തിൽ നിന്നു രക്ഷിച്ച ചികിത്സാരീതി യെന്ന നിലയിലും ഇ​മ്യൂ​ണോ തെ​റാ​പ്പി​ ശ്രദ്ധ നേടുന്നുണ്ട്.

ടി ​സെ​ൽ

ന​മ്മു​ടെ ശ​രീ​ര​ത്തി​ൽ രോ​ഗ​പ്ര​തി​രോ​ധ ശേ​ഷി കൊ​ണ്ടു​വ​രാ​ൻ ഏ​റ്റ​വും ശ​ക്ത​മാ​യി പ്ര​യ​ത്നി​ക്കു​ന്ന​തു വെ​ളു​ത്ത ര​ക്താ​ണു​ക്ക​ളാ​ണ്(​ഡ​ബ്ള്യു​ബി​സി സെ​ല്ലു​ക​ൾ). അ​തി​ലു​ള്ള ഒ​രു സെ​ല്ലാ​ണ് ടി ​സെ​ൽ. ടി ​സെ​ല്ലു​ക​ളാ​ണ് എ​ല്ലാ പ്ര​തി​രോ​ധ ത​ന്ത്ര​ങ്ങ​ളും നി​യ​ന്ത്രി​ക്കു​ന്ന​ത്. ശ​രീ​ര​ത്തി​ലെ പോ​ലീ​സു​കാ​ര​ൻ - അ​ങ്ങ​നെ​യാ​ണ് ടി ​സെ​ൽ അ​റി​യ​പ്പെ​ടു​ന്ന​ത്.

ശ​രീ​ര​ത്തി​ൽ എ​വി​ടെ പ്ര​ശ്ന​മു​ണ്ടെ​ങ്കി​ലും അ​തു ക​ണ്ടു​പി​ടി​ക്കും. അ​വി​ടെ​പ്പോ​യി അ​തു പ​രി​ഹ​രി​ക്കും. ടി ​സെ​ല്ലി​ന്‍റെ ഈ ​ക​ഴി​വി​നെ ഓ​രോ ത​രം കാ​ൻ​സ​റി​നും ഏ​തി​രാ​യ രീ​തി​യി​ൽ ഉ​ദ്ദീ​പി​പ്പി​ക്കു​ക​യാ​ണെ​ങ്കി​ൽ ശ​രീ​രം അ​ഡോ​പ്റ്റീ​വ് ഇ​മ്യൂ​ണി​റ്റി - ന​മ്മ​ൾ വ​ള​ർ​ത്തി​യെ​ടു​ത്തു കൊ​ണ്ടു​വ​രു​ന്ന ഒ​രു ത​രം പ്ര​തി​രോ​ധം - എ​ന്ന അ​വ​സ്ഥ​യി​ലെ​ത്തും.

ടി ​സെ​ല്ലി​നെ ഉ​ണ​ർ​ത്താം

സാ​ധാ​ര​ണ​ഗ​തി​യി​ൽ ടി ​സെ​ല്ലു​ക​ൾ ഉ​റ​ക്ക​ത്തി​ലാ​യി​രി​ക്കും. അ​ത് എ​പ്പോ​ഴും ഉ​ണ​ർ​ന്നി​രു​ന്നാ​ൽ അ​തു ന​മ്മു​ടെ ശ​രീ​ര​ത്തെ ത​ന്നെ ആ​ക്ര​മി​ക്കും. ചി​ല ഫു​ഡ് ക​ഴി​ച്ചാ​ൽ അ​ല​ർ​ജി​യാ​ണെ​ന്നു പ​റ​യാ​റി​ല്ലേ. ആ ​ഫു​ഡി​ലു​ള്ള വി​ഷ​പ​ദാ​ർ​ഥ​ങ്ങ​ളെ ന​ശി​പ്പി​ക്കാ​നാ​യി ടി ​സെ​ൽ അ​വി​ടെ​പ്പോ​യി അ​തി​നു​മേ​ൽ പ്ര​വ​ർ​ത്തി​ക്കു​ന്പോ​ഴാ​ണ് ന​മു​ക്ക് അ​ല​ർ​ജി​യാ​യി തോ​ന്നു​ന്ന​ത്.

ഇ​തു​പോ​ലെ കാ​ൻ​സ​ർ ഉ​ള്ള ആ​ളു​ക​ളി​ൽ ടി ​സെ​ൽ ആ​ദ്യ​മൊ​ക്കെ അ​വ​രെ ര​ക്ഷ​പ്പെ​ടു​ത്താ​ൻ നോ​ക്കും. കാ​ല​ക്ര​മ​ത്തി​ൽ കാ​ൻ​സ​റി​ന്‍റെ കാ​ഠി​ന്യം കൂ​ടു​ന്പോ​ൾ ടി ​സെ​ല്ലി​ന്‍റെ ക​ഴി​വു ന​ഷ്ട​മാ​കും. ക​ഴി​വു​പോ​യ ഈ ​ടി സെ​ല്ലി​നെ ന​മ്മ​ൾ ഉ​ണ​ർ​ത്താ​ൻ ശ്ര​മി​ച്ചാൽ പ​ല മ​ട​ങ്ങാ​യി അ​തു വി​ഭ​ജി​ച്ചു​കൊ​ണ്ടി​രി​ക്കും. അ​തി​ന്‍റെ ആ​ക്്ഷ​ൻ കൂ​ടും. അ​ങ്ങ​നെ​യാ​ണ് അ​തു വ​ഴി കാ​ൻ​സ​ർ നി​യ​ന്ത്രി​ത​മാ​കു​ന്ന​ത്. അ​താ​ണ് ഇ​മ്യൂ​ണോ തെ​റാ​പ്പി. കേ​ര​ള​ത്തി​ലും ഈ ​ചി​കി​ത്സ കൊ​ടു​ക്കു​ന്നു​ണ്ട്.

ഇ​ത്ത​ര​ത്തി​ലു​ള്ള രോ​ഗി​നി​ർ​ണ​യ​ത്തി​നും ചി​കി​ത്സ​യ്ക്കും ചെ​ല​വേ​റും. ചെ​ല​വേ​റി​യ​താ​ണെ​ങ്കി​ലും ഈ ​ചി​കി​ത്സ രോ​ഗി​യു​ടെ ജീ​വ​ൻ ര​ക്ഷി​ക്കു​ന്ന​തി​നു മ​റ്റു രീതികളേ​ക്കാ​ൾ ഫ​ല​പ്ര​ദ​മാ​ണ്. ചി​കി​ത്സ​ ചെലവിനു സ​ബ്സി​ഡി ന​ല്കി എ​വ​ർ​ക്കും ഇതു ല​ഭ്യ​മാ​ക്കാ​വു​ന്ന​താ​ണ്. സ​ർ​ക്കാ​ർ ത​ല​ത്തി​ൽ അ​തി​നു​ള്ള ന​ട​പ​ടി​ക​ൾ ഉ​ണ്ടാ​ക​ണം.

എ​ല്ലാ​വ​രി​ലും ഫ​ല​പ്ര​ദ​മാ​ണോ?

കാ​ൻ​സ​ർ ബാ​ധി​ത​നി​ൽ രോ​ഗം ഉ​ണ്ടാ​ക്കാ​ൻ കാ​ര​ണ​മാ​യ ജ​നി​ത​ക​മാ​യ വേ​രി​യേ​ഷ​ൻ ക​ണ്ടു​പി​ടി​ക്കു​ന്നു. ആ ​വേ​രി​യേ​ഷ​ൻ എ​തി​രേ​യു​ള്ള ആ​ന്‍റി ഡോ​ട്ടാ​യ മ​രു​ന്ന് കൊ​ടു​ക്കു​ന്പോ​ൾ ആ ​കാ​ൻ​സ​ർ ഇ​ല്ലാ​താ​വും. അ​താ​ണ് ഇ​മ്യൂ​ണോ തെ​റാ​പ്പി. എ​ല്ലാ​വ​രി​ലും ഈ ​ചി​കി​ത്സ ഫ​ല​പ്രാ​പ്തി​യി​ലെ​ത്തു​മോ എ​ന്നു ചോ​ദി​ച്ചാ​ൽ ഇ​ല്ല. നൂ​റാ​യി​രം മാ​റ്റ​ങ്ങ​ൾ ഒ​രു കോ​ശ​ത്തി​നു​ള്ളി​ൽ ഉ​ണ്ടാ​യെ​ന്നു​വ​രാം.

എ​ല്ലാ​റ്റി​നെ​യും ന​മു​ക്കു ക​ണ്ടെ​ടു​ക്കാ​നാ​യെ​ന്നു വ​രി​ല്ല. ന​മു​ക്കു ക​ണ്ടെ​ടു​ക്കാ​നാ​വാ​ത്ത ലെ​വ​ലി​ലു​ള്ള ഏ​തെ​ങ്കി​ലും ത​രം ജ​നി​ത​ക മാ​റ്റ​ങ്ങ​ളാ​ണെ​ങ്കി​ൽ അ​വ​ർ​ക്ക് ഇ​മ്യൂ​ണോ തെ​റാ​പ്പി ഫ​ലം ചെ​യ്യി​ല്ല. ശ്വാ​സ​കോ​ശ അ​ർ​ബു​ദം, കോ​ള​ൻ കാ​ൻ​സ​ർ, ഓ​വേ​റി​യ​ൻ കാ​ൻ​സ​റു​ക​ൾ, സ്്ത​നാ​ർ​ബു​ദം, ത​ല, ക​ഴു​ത്ത് എ​ന്നി​വ​യെ ബാ​ധി​ക്കു​ന്ന ചി​ല​ത​രം കാ​ൻ​സ​റു​ക​ൾ, പാ​ൻ​ക്രി​യാ​റ്റി​ക് കാ​ൻ​സ​ർ എ​ന്നി​വ​യ്ക്കു ഇ​മ്യൂ​ണോ തെ​റാ​പ്പി ഫ​ല​പ്ര​ദ​മാ​ണെ​ന്ന് ഗവേഷണങ്ങൾ തെ​ളി​യി​ക്കു​ന്നു.​

അ​ത്ത​രം മ​രു​ന്നു​ക​ൾ ഇ​ന്ത്യ​യി​ലും ല​ഭ്യ​മാ​യി​ക്കൊ​ണ്ടി​രി​ക്കു​ന്നു. പ​ക്ഷേ, അ​തു ടെ​സ്റ്റ് ചെ​യ്യാ​നു​ള്ള സൗ​ക​ര്യം ഏ​റെ​യു​ള്ള​ത് അ​മേ​രി​ക്ക​യി​ലാ​ണ്. ടെ​സ്റ്റ് ചെ​യ്യാ​നു​ള്ള സൗ​ക​ര്യ​ങ്ങ​ൾ ഇ​ന്ത്യ​യി​ൽ ആ​യി​വ​രു​ന്ന​തേ​യു​ള്ളൂ. സെലിബ്രിറ്റികൾ എന്തുകൊണ്ട് കാൻസർ ചികിത്സയ്ക്ക് അമേരിക്ക‍ യിൽ പോകുന്നു എന്ന ചോദ്യത്തിന് ഇപ്പോൾ ഉത്തരമായെന്നു കരുതട്ടെ.

വിവരങ്ങൾ: ഡോ. തോമസ് വർഗീസ്
MS FICS(Oncology) FACS സീനിയർ കൺസൾട്ടന്‍റ് & സർജിക്കൽ ഓങ്കോളജിസ്റ്റ്,
Renai Medicity, കൊച്ചി & പ്രസിഡന്‍റ്,
കേരള കാൻസർ കെയർ സൊസൈറ്റി‌‌
ഫോൺ: 9447173088

Copyright @ 2022 , Rashtra Deepika Ltd.