ഇ​ടു​ക്കി ജി​ല്ല​യു​ടെ പ്ര​വേ​ശ​ന​ക​വാ​ട​മാ​യ കോ​ത​മം​ഗ​ല​ത്തി​ന്‍റെ മു​ഖ​ച്ഛാ​യ ഇ​നി മാ​റും. കോ​ത​മം​ഗ​ല​ത്തോ​ടു ചേ​ർ​ന്നു​കി​ട​ക്കു​ന്ന നേ​ര്യ​മം​ഗ​ല​ത്ത് ബോ​ട്ട് ജെ​ട്ടി യാ​ഥാ​ർ​ഥ്യ​മാ​കാ​ൻ പോ​കു​ന്നു. പ​ർ​വ​ത​നി​ര​യു​ടെ പ​നി​നീ​ർ എ​ന്നു വി​ളി​ക്കു​ന്ന പെ​രി​യാ​റി​ലൂ​ടെ​യു​ള്ള ഭൂ​ത​ത്താ​ൻ​കെ​ട്ട്-നേ​ര്യ​മം​ഗ​ലം ജ​ല​യാ​ത്ര വി​നോ​ദ​സ​ഞ്ചാ​രി​ക​ൾ​ക്കു മ​റ​ക്കാ​നാ​കാ​ത്ത അ​നു​ഭ​വ​മാ​യി​രി​ക്കും പ​ക​രു​ക!

സ​ഞ്ചാ​രി​ക​ള്‍ ധാ​രാ​ള​മാ​യി എ​ത്താ​റു​ണ്ടെ​ങ്കി​ലും അ​വ​രെ ആ​ക​ര്‍​ഷി​ക്കാ​ന്‍ ഭൂ​ത​ത്താ​ൻ​കെ​ട്ടി​ലും നേ​ര്യ​മം​ഗ​ല​ത്തും ഏറെയൊ​ന്നു​മു​ണ്ടാ​യി​രു​ന്നി​ല്ല. ബോ​ട്ട് സ​ർ​വീ​സ് ആ​രം​ഭി​ക്കു​ന്ന​തോ​ടെ നേ​ര്യ​മം​ഗ​ല​ത്തി​നു വി​നോ​ദ​സ​ഞ്ചാ​ര​ഭൂ​പ​ട​ത്തി​ൽ ഇനി പ്രാ​ധാ​ന്യ​മേ​റും.

മൂ​ന്നാ​റി​ലേ​ക്കും തേ​ക്ക​ടി-​കു​മ​ളി-​ഇ​ടു​ക്കി​യി​ലേ​ക്കും വ​ഴി​തി​രി​യു​ന്നി​ട​ത്തെ ചെ​റി​യ ടൗ​ണ്‍​ഷി​പ്പാ​ണ് നേ​ര്യ​മം​ഗ​ലം. പെ​രി​യാ​ര്‍ നി​റ​ഞ്ഞൊ​ഴു​കു​ന്ന പ്ര​ദേ​ശം. ഭൂ​ത​ത്താ​ന്‍​കെ​ട്ടു കൂ​ടാ​തെ ത​ട്ടേ​ക്കാ​ട് പ​ക്ഷി​സ​ങ്കേ​തം, വാ​ള​റ, ചീ​യ​പ്പാ​റ വെ​ള്ള​ച്ചാ​ട്ടം എ​ന്നി​വ നേ​ര്യ​മം​ഗ​ല​ത്തോ​ടു ചേ​ര്‍​ന്നു​കി​ട​ക്കു​ന്ന വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളാ​ണ്.

പ്രാ​ദേ​ശി​ക വി​നോ​ദ​സ​ഞ്ചാ​രി​ക​ള്‍ ധാ​രാ​ള​മാ​യെ​ത്തു​ന്ന മാ​മ​ല​ക്ക​ണ്ടം, മാ​ങ്കു​ളം, ഇ​ഞ്ച​ത്തൊ​ട്ടി എ​ന്നി​വ​യും നേ​ര്യ​മം​ഗ​ല​ത്തോ​ടു ചേ​ര്‍​ന്നു​കി​ട​ക്കു​ന്നു. ച​രി​ത്ര​മു​റ​ങ്ങു​ന്ന നേ​ര്യ​മം​ഗ​ലം പാ​ലം, റാ​ണി​ക്ക​ല്ല് എ​ന്നി​വ​യും നേ​ര്യ​മം​ഗ​ല​ത്തി​ന്‍റെ പ്ര​ത്യേ​ക​ത​യാ​ണ്.



ബോ​ട്ട് ജെ​ട്ടി​യു​ടെ നി​ര്‍​മാ​ണ​പ്ര​വൃത്തികൾ അ​വ​സാ​ന​ഘ​ട്ട​ത്തി​ലാ​ണ്. ട്ര​യ​ല്‍ റ​ണ്‍ വി​ജ​യ​ക​ര​മാ​യി പൂ​ര്‍​ത്തി​യാ​ക്കു​ക​യും ചെ​യ്തു. കോ​ത​മം​ഗ​ലം എം​എ​ല്‍​എ ആ​ന്‍റ​ണി ജോ​ണി​ന്‍റെ ആ​സ്തി വി​ക​സ​ന ഫ​ണ്ടി​ല്‍ നി​ന്ന് 50 ല​ക്ഷം വി​നി​യോ​ഗി​ച്ചാ​ണ് ജെ​ട്ടി​യു​ടെ നി​ര്‍​മാ​ണ​ം പൂ​ര്‍​ത്തി​യാ​ക്കു​ന്ന​ത്. പെ​രി​യാ​ര്‍​വാ​ലി​യു​ടെ നേ​തൃ​ത്വ​ത്തി​ലാ​ണ് നി​ര്‍​മാ​ണ​പ്ര​വൃത്തികള്‍.

എ​റ​ണാ​കു​ളം-​ഇ​ടു​ക്കി ജി​ല്ല​ക​ളെ ബ​ന്ധി​പ്പി​ക്കു​ന്ന ച​രി​ത്ര​മു​റ​ങ്ങു​ന്ന പ്ര​സി​ദ്ധ​മാ​യ ആ​ര്‍​ച്ച് പാ​ല​ത്തി​നു സ​മീ​പം പു​ഴ​യു​ടെ ഇ​ട​തു​ക​ര​യി​ലാ​ണ് ബോ​ട്ട് ജെ​ട്ടി നി​ര്‍​മി​ച്ചി​രി​ക്കു​ന്ന​ത്. മൂ​ന്ന് ലെ​വ​ല്‍ ലാ​ന്‍​ഡി​ംഗ് ഫ്‌​ളോ​റോ​ടെ​യു​ള്ള ബോ​ട്ട് ജെ​ട്ടി​യാ​ണി​ത്. മൂ​ന്നാ​ര്‍, തേ​ക്ക​ടി തു​ട​ങ്ങി ഇ​ടു​ക്കി​യി​ലെ വി​വി​ധ ടൂ​റി​സം കേ​ന്ദ്ര​ങ്ങ​ളി​ലേ​ക്ക് പോ​കു​ന്ന​വ​ര്‍​ക്ക് കോ​ത​മം​ഗ​ല​ത്തു​നി​ന്ന് ഭൂ​ത​ത്താ​ന്‍​കെ​ട്ടി​ല്‍ എ​ത്തി അ​വി​ടെനി​ന്ന് ബോ​ട്ട് മാ​ര്‍​ഗം കു​ട്ട​മ്പു​ഴ, ത​ട്ടേ​ക്കാ​ട്, ഇ​ഞ്ച​ത്തൊ​ട്ടി പ്ര​ദേ​ശ​ങ്ങ​ളെ​ല്ലാം ക​ണ്ട് നേ​ര്യ​മം​ഗ​ല​ത്ത് എ​ത്തി​ച്ചേ​ര്‍​ന്ന് വീ​ണ്ടും യാ​ത്ര തു​ട​രാം.

തി​രി​ച്ച് ഇ​ടു​ക്കി ഭാ​ഗ​ത്തു​നി​ന്നു വ​രു​ന്ന​വ​ര്‍​ക്ക് നേ​ര്യ​മം​ഗ​ല​ത്ത് ഇ​റ​ങ്ങി​യാ​ല്‍ അ​വി​ടെനി​ന്ന് ബോ​ട്ട് വ​ഴി ഭൂ​ത​ത്താ​ന്‍​കെ​ട്ടി​ല്‍ എ​ത്താം. പെ​രി​യാ​റി​ന്‍റെ വ​ശ്യ​ഭം​ഗി ആ​സ്വ​ദി​ക്കു​ന്ന​തോ​ടൊ​പ്പം വ​ന്യ​മൃ​ഗ​ങ്ങ​ളെ അ​ടു​ത്ത് കാ​ണാ​നു​ള്ള അ​വ​സ​ര​വും യാ​ത്ര സ​മ്മാ​നി​ക്കും. നേ​ര്യ​മം​ഗ​ലം-​ഭൂ​ത​ത്താ​ന്‍​കെ​ട്ട് ജ​ല​യാ​ത്ര ഓ​രോ സ​ഞ്ചാ​രി​ക്കും അ​വി​സ്മ​ര​ണീ​യ​മാ​കുമെന്നു തീർച്ച.