ഒ​രു പ്ര​ണ​യം, അ​ഞ്ച് ജീ​വ​ൻ
ത​മി​ഴ് സി​നി​മ​ക​ളെ വെ​ല്ലു​ന്ന സം​ഭ​വ​വി​കാ​സ​ങ്ങ​ളാ​ണ് ഇ​പ്പോ​ൾ തി​രു​നെ​ൽ​വേ​ലി​യെ വാ​ർ​ത്ത​ക​ളി​ൽ നി​റ​യ്ക്കു​ന്ന​ത്. ഏ​ക​ദേ​ശം ഒ​രു വ​ർ​ഷം മു​ന്പ് ന​ട​ന്ന ഒ​രു പ്ര​ണ​യ വി​വാ​ഹം ഇ​തു​വ​രെ അ​ഞ്ച് ജീ​വ​നു​ക​ളാ​ണ് ന​ഷ്്‌​ട​പ്പെ​ടു​ത്തി​യ​ത്. ര​ക്ഷി​താ​ക്ക​ളു​ടെ അ​നു​വാ​ദ​ത്തോ​ടെ​യ​ല്ലാ​തെ ന​ട​ന്ന ഒ​രു വി​വാ​ഹ​മാ​ണ് ക്രൂ​ര​മാ​യ അ​ഞ്ച് കൊ​ല​പാ​ത​ക​ങ്ങ​ളി​ലേ​ക്ക് എ​ത്തി​യ​ത്. മ​രു​ക്ക​ല്‍​കു​റി​ച്ച സ്വ​ദേ​ശി​യാ​യ എ ​ന​മ്പി​രാ​ജ​ന്‍ എ​ന്ന ഇ​രു​പ​ത്തി​യൊ​ന്നു​കാ​ര​ന്‍ ടി ​വ​ന്മ​തി​യെ​ന്ന പ​തി​നെ​ട്ടു​കാ​രി​യെ വി​വാ​ഹം ചെ​യ്ത​തോ​ടെ​യാ​ണ് ര​ണ്ട് കു​ടും​ബ​ങ്ങ​ള്‍ ത​മ്മി​ലു​ള്ള പ​ക തു​ട​ങ്ങി​യ​ത്.

അസ്ഥിക്ക് പിടിച്ച പ്രണയം

നെ​ല്ലാ​യി ജി​ല്ല​യി​ലെ നം​ഗു​നേ​രി​ക്ക് സ​മീ​പ​മു​ള്ള മ​​രു​ക്ക​ല്‍​കു​റി​ച്ച ഗ്രാ​മ​ത്തി​ലു​ള്ള​വ​രാ​ണ് ന​ന്പി​രാ​ജ​നും വ​ന്മ​തി​യും. അ​രു​ണാ​ച​ലം - ഷ​ൺ​മു​ഖ​തൈ ദ​ന്പ​തി​ക​ളു​ടെ ര​ണ്ടാ​മ​ത്തെ മ​ക​നാ​ണ് ന​ന്പി​രാ​ജ​ൻ. അ​വി​ടെ​യു​ള്ള ഒ​രു ഡ​യ​റി ഫാ​മി​ലാ​യി​രു​ന്നു ജോ​ലി. ത​ങ്ക​പാ​ണ്ഡി​യു​ടെ മ​ക​ളാ​യി​രു​ന്നു വ​ൻ​മ​തി.​അ​വ​ർ ഒ​രേ സ​മു​ദാ​യ​ത്തി​ൽ പെ​ട്ട​വ​രാ​ണെ​ങ്കി​ലും വ​ന്മ​തി​യു​ടെ വീ​ട്ടി​ൽ പ്ര​ണ​യ​ത്തി​നെ​തി​രെ ശ​ക്ത​മാ​യ എ​തി​ർ​പ്പു​ണ്ടാ​യി​രു​ന്നു. എ​തി​ർ​പ്പു​ക​ളെ അ​വ​ഗ​ണി​ച്ച് ഇ​രു​വ​രും വി​വാ​ഹ​ം ചെ​യ്തു. 2019 ന​വം​ബ​റി​ലാ​യി​രു​ന്നു ഇ​രു​വ​രു​ടെ​യും വി​വാ​ഹം. സ്വ​ന്തം ഗ്രാ​മ​ത്തി​ൽ നി​ന്നാ​ൽ പ്ര​ശ്നം ഉ​ണ്ടാ​കു​മെ​ന്ന് ക​രു​തി ഇ​രു​വ​രും നെ​ല്ലി ടൗ​ൺ ഫീ​ൽ​ഡ് സ്ട്രീ​റ്റി​ലെ ഒ​രു വാ​ട​ക വീ​ട്ടി​ലേ​ക്ക് മാ​റി. പി​താ​വി​ന്‍റെ സ​ഹാ​യ​ത്തോ​ടെ​യാ​യി​രു​ന്നു വാ​ട​ക വീ​ട്ടി​ലേ​ക്ക് താ​മ​സം മാ​റി​യ​ത്.

വരന്‍റെ തലയെടുത്തു

വി​വാ​ഹം ക​ഴി​ഞ്ഞ് ഏ​താ​നം ദി​വ​സ​ങ്ങ​ൾ ക​ഴി​ഞ്ഞ​പ്പോ​ൾ മു​ത്തു​പാ​ണ്ടി​യ​ൻ എ​ന്നൊ​രാ​ൾ ന​ന്പി​രാ​ജ​നെ സ​മീ​പി​ച്ച് ഇ​രു​വീ​ട്ടു​ക​ാരും ത​മ്മി​ലു​ള്ള പ്ര​ശ്നം പ​റ​ഞ്ഞ് തീ​ർ​ക്കാ​മെ​ന്ന് അ​റി​യി​ച്ചു. ഒ​രു ദി​വ​സം മു​ത്തു​പാ​ണ്ടി​യ​ൻ ന​ന്പി​രാ​ജ​നെ വി​ളി​ച്ചു.

നെ​ല്ലി ടൗ​ൺ ഫീ​ൽ​ഡ് സ്ട്രീ​റ്റി​ൽ നി​ന്ന് ക​വ​ല​യി​ലേ​ക്ക് പോ​കു​ന്ന റോ​ഡി​ൽ റെ​യി​ൽ‌​വേ ഗേ​റ്റി​ന്‍റെ ഭാ​ഗ​ത്ത് എ​ത്താ​നാ​യി​രു​ന്നു നി​ർ​ദേ​ശം. ഇ​വി​ടെ ഇ​രു​വീ​ട്ടു​കാ​രും കാ​ത്തി​രി​ക്കു​ക​യാ​ണെ​ന്നും അ​റി​യി​ച്ചു. ന​മ്പി​രാ​ജ​ൻ ഭാ​ര്യ വ​ന്മ​തി​യോ​ട് കാ​ര്യ​ങ്ങ​ൾ പ​റ​ഞ്ഞ ശേ​ഷം ബൈ​ക്കി​ൽ സ്ഥ​ല​ത്തേ​ക്ക് പോ​യി.

ന​മ്പി​രാ​ജ​നെ റെ​യി​ൽ‌​വേ ഗേ​റ്റി​നു​സ​മീ​പം കാ​ത്തു​നി​ന്ന വ​ന്മ​തി​യു​ടെ സ​ഹോ​ദ​ര​ന്‍ അ​ട​ക്ക​മു​ള്ള സം​ഘം ക​ഴു​ത്ത​റു​ത്ത് കൊ​ല​പ്പെ​ടു​ത്തി. വ​ന്മ​തി​യു​ടെ സ​ഹോ​ദ​ര​ന്‍ ചെ​ല്ല​സ്വാ​മി​യും സു​ഹൃ​ത്തു​ക്ക​ളും ചേ​ര്‍​ന്നാ​യി​രു​ന്നു ന​മ്പി​രാ​ജ​ന്‍റെ ക​ഴു​ത്ത​റു​ത്ത് മൃ​ത​ദേ​ഹം റെ​യി​ല്‍​വേ ട്രാ​ക്കി​ല്‍ ഉ​പേ​ക്ഷി​ച്ച​ത്. നെ​ല്ലാ​യ് ടൗ​ൺ പോ​ലീ​സ് കേ​സ് ര​ജി​സ്റ്റ​ർ ചെ​യ്തു. വാ​ൻ​മ​തി​യു​ടെ സ​ഹോ​ദ​ര​ൻ സെ​ല്ല​ച്ച​മി (26), ബ​ന്ധു​ക്ക​ളാ​യ സെ​ല്ല​ത്തു​രൈ (24), മു​രു​ക​ൻ (25), മു​ത്തു​പാ​ണ്ടി​യ​ൻ എ​ന്നി​വ​രെ അ​റ​സ്റ്റ് ചെ​യ്തു.


മകന്‍റെ ജീവന് പകരം...

ഇ​തോ​ടെ കൊ​ല​പാ​ത​ക പ​ര​ന്പ​ര​യു​ടെ തു​ട​ക്ക​മാ​യി. മ​ക​ന്‍റെ കൊ​ല​യ്ക്ക് പ​ക​രം വീ​ട്ടാ​നാ​യി ന​മ്പി​രാ​ജ​ന്‍റെ ബ​ന്ധു​ക്ക​ള്‍ വ​ന്മ​തി​യു​ടെ ബ​ന്ധു​ക്ക​ളാ​യ ര​ണ്ട് പേ​രെ ഈ ​വ​ര്‍​ഷം മാ​ര്‍​ച്ച് 14ന് ​കൊ​ല​പ്പെ​ടു​ത്തി​. ന​മ്പി​രാ​ജ​ന്‍റെ കൊ​ല​പാ​ത​ക​ത്തി​ല്‍ പോ​ലീ​സി​ന്‍റെ പ്ര​തി​പ്പ​ട്ടി​ക​യി​ലു​ണ്ടാ​യി​രു​ന്ന ഒ​രാ​ളു​ടെ പി​താ​വി​നെ​യും ബ​ന്ധു​വി​നെ​യു​മാ​യി​രു​ന്നു മാ​ര്‍​ച്ചി​ല്‍ കൊ​ല​പ്പെ​ടു​ത്തി​യ​ത്. ആ​റു​മു​ഖം, സു​രേ​ഷ് എ​ന്നി​വ​രാ​ണ് കൊ​ല്ല​പ്പെ​ട്ട​ത്. ഈ ​കേ​സി​ല്‍ ന​മ്പി​രാ​ജ​ന്‍റെ ര​ക്ഷി​താ​ക്ക​ളാ​യ അ​രു​ണാ​ച​ല​വും അമ്മ ഷ​ണ്‍​മു​ഖാ​ത്താ​യ് അ​ട​ക്കം മൂ​ന്ന് പേ​രെ പോ​ലീ​സ് അ​റ​സ്റ്റ് ചെ​യ്തി​രു​ന്നു. ഈ​യി​ടെ​യാ​ണ് ഇ​വ​ര്‍ ജാ​മ്യം ല​ഭി​ച്ച് പു​റ​ത്തി​റ​ങ്ങി​യ​ത്.

അവസാനം...

ക​ഴി​ഞ്ഞ ശ​നി​യാ​ഴ്ച​യാ​ണ് ഈ ​പ​ര​ന്പ​ര​യി​ലെ അ​വ​സാ​ന​ത്തെ ര​ണ്ടു​കൊ​ല​പാ​ത​ക​ങ്ങ​ൾ ന​ട​ന്ന​ത്. പെ​ട്രോ​ള്‍ ബോ​ബ് എ​റി​ഞ്ഞ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച ശേ​ഷം ന​മ്പി രാ​ജ​ന്‍റെ അ​മ്മ ഷ​ണ്‍​മു​ഖാ​ത്താ​യ്, സ​ഹോ​ദ​രി ശാ​ന്തി എ​ന്നി​വ​രെ​യാ​ണ് കൊ​ന്ന​ത്. ശാ​ന്തി​യു​ടെ ഭ​ർ​ത്താ​വ് മു​രു​കൻ ക​ഴി​ഞ്ഞ മാ​ർ​ച്ചി​ൽ ന​ട​ന്ന കൊ​ല​പാ​ത​ക​ത്തി​ലെ പ്ര​തി​യാ​ണ്. ഇ​യാ​ൾ സം​ഭ​വ സ്ഥ​ല​ത്തു​നി​ന്ന് ഒാ​ടി ര​ക്ഷ​പ്പെ​ട്ടു. ഇ​വ​രെ ര​ക്ഷി​ക്കാ​ൻ ശ്ര​മി​ച്ച വീ​ട്ടി​ലു​ണ്ടാ​യി​രു​ന്ന ഒ​രു പെ​ണ്‍​കു​ട്ടി ഗു​രു​ത​ര പ​രി​ക്കു​ക​ളോ​ടെ ആ​ശു​പ​ത്രി​യി​ലാ​ണ്. കൊ​ല​പാ​ത​ക​ത്തി​ന് പി​ന്നി​ൽ വ​ന്മ​തി​യു​ടെ ബ​ന്ധു​ക്ക​ളാ​ണെ​ന്ന​ത് പ​ക​ൽ​പോ​ലെ സ​ത്യ​മാ​ണ്. പ​ക്ഷെ അ​വ​ർ ആ​രൊ​ക്കെ? പോ​ലീ​സ് അ​ന്വേ​ഷ​ണം ശ​ക്ത​മാ​ക്കി​യി​രി​ക്കു​ക​യാ​ണ്. ഇ​ത്ത​രം സം​ഭ​വം വീ​ണ്ടു​മു​ണ്ടാ​വാ​തി​രി​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ച്ച​താ​യും പോ​ലീ​സ് വ്യ​ക്ത​മാ​ക്കു​ന്നു. ഇല്ലെങ്കിൽ ഒരുകാര്യം തീർച്ച- കൊലപാതകങ്ങൾ തുടരും...