സെ​ഞ്ചു​റി​ക്കു​തി​പ്പി​ൽ ഷെ​യ്ൻ വാ​ട്സ​ണ്‍; സൂ​പ്പ​ർ കിം​ഗ്സി​നു കൂ​റ്റ​ൻ സ്കോ​ർ

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

സെഞ്ചുറിക്കുതിപ്പിൽ ഷെയ്ൻ വാട്സണ്‍; സൂപ്പർ കിംഗ്സിനു കൂറ്റൻ സ്കോർ

പൂന: വെറ്ററൻ താരം ഷെയ്ൻ വാട്സന്‍റെ സെഞ്ചുറിയുടെ മികവിൽ രാജസ്ഥാൻ റോയൽസിനെതിരേ ചെന്നൈ സൂപ്പർ കിംഗ്സിനു കൂറ്റൻ സ്കോർ. ആദ്യം ബാറ്റു ചെയ്ത ചെന്നൈ അഞ്ചു വിക്കറ്റ് നഷ്ടത്തിൽ 204 റണ്‍സ് നേടി.

ടോസ് നേടിയ രാജസ്ഥാൻ ബൗളിംഗ് തെരഞ്ഞെടുക്കുകയായിരുന്നു. ഓപ്പണറായിറങ്ങിയ വാട്സണ്‍ തകർത്തടിച്ചപ്പോൾ ചെന്നൈ സ്കോർ കുതിച്ചുയർന്നു. സ്കോർ 50ൽ അന്പാട്ടി റായിഡുവിന്‍റെ രൂപത്തിൽ ആദ്യ വിക്കറ്റ് നഷ്ടപ്പെടുന്പോൾ 12 റണ്‍സ് മാത്രമായിരുന്നു റായിഡുവിന്‍റെ അക്കൗണ്ടിലുണ്ടായിരുന്നത്.

വാട്സനൊപ്പം സുരേഷ് റെയ്ന എത്തിയതോടെ ചെന്നൈ സ്കോർ കുതിച്ചു. 11.5 ഓവറിൽ റെയ്ന പുറത്താകുന്പോൾ 131 റണ്‍സായിരുന്നു ചെന്നൈ സ്കോർ ബോർഡിലുണ്ടായിരുന്നത്. റെയ്ന 29 പന്തിൽനിന്ന് 46 റണ്‍സ് നേടി.

ഇതിനുശേഷവും തകർത്തടിച്ച വാട്സൻ, 51-ാം പന്തിൽ സെഞ്ചുറി കുറിച്ചു. അവസാന ഓവറിൽ പുറത്താകുന്നതിനു മുന്പ് 57 പന്തിൽനിന്ന് 106 റണ്‍സ് വാട്സണ്‍ അക്കൗണ്ടിൽ ചേർത്തു. ഒന്പതു ബൗണ്ടറികളും ആറു സിക്സറും വാട്സണ്‍ പറത്തി.

എം.എസ്.ധോണി(5), സാം ബില്ലിംഗ്സ്(3) എന്നിവർക്കു തിളങ്ങാൻ കഴിയാത്തത് അവസാന ഓവറുകളിൽ ചെന്നൈ സ്കോറിംഗിനെ ബാധിച്ചു. 24 റണ്‍സുമായി ഡ്വെയ്ൻ ബ്രാവോയും രണ്ടു റണ്‍സുമായി രവീന്ദ്ര ജഡേജയും പുറത്താകാതെനിന്നു. രാജസ്ഥാൻ റോയൽസിനായി ശ്രേയസ് ഗോപാൽ മൂന്നും ലാഫ്ലിൻ രണ്ടും വിക്കറ്റ് നേടി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.