അഭിഷേകം നൽകുന്ന കണ്ടുമുട്ടൽ : Deepika.com Special News

ഇതു രക്ഷാകർത്താക്കൾ വായിക്കാതെ പോവരുത്! ഒരു വയസാകും മുൻപേ കുരുന്നുകൈകളിൽ മൊബൈൽ ഫോണോ ടാബ്‌ലെറ്റോ കൊടുക്കുന്നവരാണ് ഇന്നു നല്ലൊരു ശതമാനം മാതാപിതാക്കളും. കരച്ചിലടക്കുക, പഠിപ്പിക്കുക, ഭക്ഷണം കഴിപ്പിക്കുക തുടങ്ങി കുട്ടികളെ വളയ്ക്കുന്നതിനുള്ള ഒറ്റമൂലിയായാണ് രക്ഷിതാക്കൾ പലപ്പോഴും മൊബൈൽ ഫോണിനെ കാണുന്നത്. ആദ്യം തമാശയ്ക്കു കൊടുക്കുന്ന ഇത്തരം ഡിജിറ്റൽ സ്ക്രീനുകൾ പിന്നീട് കുട്ടികളുടെ കൈയിൽ നിന്നു തിരികെ വാങ്ങാനാകാത്ത സ്ഥിതി വരുന്നു. മയക്കുമരുന്നുകൾ പോലെ ഒഴിവാക്കാനാകാത്ത ഒന്നായി ഈ സ്ക്രീനുകൾ മാറുന്ന കാഴ്ചയാണ് ഇന്നുള്ളത്. തുടർച്ചയായ ഡിജിറ്റൽ സ്ക്രീനുകളുടെ ഉപയോഗം കുട്ടികളിൽ ഗുരുതരമായ ആരോഗ്യപ്രശ്നങ്ങളുണ്ടാക്കുമെന്നു പഠനങ്ങൾ തെളിയിക്കുന്നു. മൊബൈൽ ഫോണ്‍ കൊടുത്തുള്ള സ്നേഹപ്രകടനം അവരോടുചെയ്യുന്ന ഏറ്റവും വലിയ അപരാധമായി മാറും. ഡിജിറ്റൽ സ്ക്രീനുകൾക്ക് അടിമകളായ കുട്ടികൾ അതു ലഭിക്കാതെ വരുമ്പോൾ ഒരു പ്രത്യേക മാനസികാവസ്ഥയിലേക്ക് എത്തുന്നു

അഭിഷേകം നൽകുന്ന കണ്ടുമുട്ടൽ

മംഗലവാർത്തക്കാലം പല കണ്ടുമുട്ടലുകളുടെയും കാലമാണ്. സഖറിയായുടെയും ദൈവദൂതന്‍റെയും കണ്ടുമുട്ടൽ (ലൂക്ക 1:12), മറിയത്തിന്‍റെയും ദൈവദൂതന്‍റെയും കണ്ടുമുട്ടൽ (ലൂക്ക 1:2627), മറിയത്തിന്‍റെയും എലിസബത്തിന്‍റെയും കണ്ടുമുട്ടൽ (ലൂക്ക 1:40), ആട്ടിടയന്മാരുടെയും ദൈവദൂതരുടെയും കണ്ടുമുട്ടൽ (ലൂക്ക 2:89) തുടങ്ങിയവ ഇവയിൽ ചിലതു മാത്രം. ഇവയിൽ ദൈവാനുഗ്രഹം ലഭിച്ച രണ്ടു സ്ത്രീകൾ തമ്മിലുള്ള കണ്ടുമുട്ടൽ ഏറെ ശ്രദ്ധേയമാണ്.

മറിയത്തിന്‍റെ ചാർച്ചക്കാരി വൃദ്ധയായ എലിസബത്ത് വന്ധ്യതയെന്ന ശാപത്തിൽനിന്നു വിമുക്തയായി, ദൈവകൃപയാൽ ഗർഭവതിയായി എന്നു ഗബ്രിയേൽ ദൂതൻ മറിയത്തെ അറിയിച്ചപ്പോൾ എലിസബത്തിന്‍റെ അടുക്കലേക്ക് ഒരു സന്ദർശനം നടത്താൻ മറിയം ആഗ്രഹിച്ചു. ദൈവദൂതന്‍റെ വെളിപ്പെടുത്തലിനുള്ള മറിയത്തിന്‍റെ ഭാവാത്മകമായ ഒരു പ്രതികരണമാണിത്. നസ്രത്തിൽനിന്ന് ഏകദേശം 145 കി. മീ. അകലെയുള്ള യൂദയായിലെ മലന്പ്രദേശത്തുള്ള പട്ടണത്തിലേക്ക്- ഐൻ കാരേം -ആണ് മറിയം യാത്ര ചെയ്യുന്നത്.

എലിസബത്തിന്‍റെ അടുക്കലേക്കു മറിയം തിടുക്കത്തിൽ യാത്ര പുറപ്പെട്ടുവെന്നാണ് സുവിശേഷകൻ അവതരിപ്പിച്ചിരിക്കുന്നത് (ലൂക്ക 1:39). ഇത് ഗ്രീക്ക് ഭാഷയിലെ സ്പൗദെ (spoude) എന്ന വാക്കിന്‍റെ വിവർത്തനമാണ്. ഈ വാക്കിന് അത്യുത്സാഹം, തീക്ഷ്ണത, ഔത്സുക്യം തുടങ്ങിയ അർഥങ്ങളുമുണ്ട്. യഥാർഥത്തിൽ എലിസബത്തിനെ ശുശ്രൂഷിക്കാനുള്ള മറിയത്തിന്‍റെ യാത്ര തിടുക്കത്തിലായിരുന്നു എന്നതിനെക്കാൾ അത്യുത്സാഹത്തോടും അതീവ താത്പര്യത്തോടും സന്തോഷത്തോടും കൂടെ ആയിരുന്നു.

യൂദയായിലെ സഖറിയായുടെ ഭവനത്തിലെത്തിയ മറിയം ഗർഭവതിയായ എലിസബത്തിനെ അഭിവാദ്യം ചെയ്തു (ലൂക്ക 1:40). മറിയത്തിന്‍റെ അഭിവാദനം കേട്ടപ്പോൾ എലിസബത്തിന്‍റെ ഉദരത്തിൽ ശിശു കുതിച്ചുചാടി, എലിസബത്ത് പരിശുദ്ധാത്മാവിനാൽ നിറഞ്ഞു (ലൂക്ക 1:41). മറിയത്തിന്‍റെ അഭിവാദനത്തിന്‍റെ സ്വരം മറ്റൊരാൾക്ക് സന്തോഷദായകവും അഭിഷേകം നൽകുന്നതുമാണ്.

എലിസബത്തിന്‍റെ ഉദരത്തിലെ ശിശുവിന്‍റെ കുതിച്ചുകാട്ടം കായികമെന്നതിനെക്കാൾ സന്തോഷത്തിന്‍റെ പ്രകാശനമാണ്. ഗ്രീക്ക് ഭാഷയിലെ സ്കീർത്താവോ (skirtavo) എന്ന പദത്തിന് സന്തോഷത്താൽ ചലിക്കുക എന്ന ആന്തരാർഥം കൂടിയുണ്ട്. മറിയത്തിന്‍റെ വാക്ക് മറ്റൊരാൾക്കു സന്തോഷദായകമാണ് എന്നു സാരം.

രണ്ടാമതായി, മറിയത്തിന്‍റെ സ്വരം കേട്ടപ്പോൾ എലിസബത്ത് പരിശുദ്ധത്മാവിനാൽ നിറഞ്ഞു. മറിയത്തിന്‍റെ വാക്കുകൾ അഭിഷേകം നൽകുന്നതും ദൈവിക ചൈതന്യം പ്രദാനം ചെയ്യുന്നതുമാണ്. ചുരുക്കത്തിൽ, ദൈവകൃപ നിറഞ്ഞ രണ്ടു സ്ത്രീകളുടെ കണ്ടുമുട്ടൽ ഇരുവർക്കും രക്ഷയുടെയും സന്തോഷത്തിന്‍റെയും അനുഭവമായി മാറി.

റവ.ഡോ. തോമസ് വടക്കേൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.