നാട്ടിൽ വേണ്ട കാട്ടുനീതി - 5 / റെ​​​​ജി ജോ​​​​സ​​​​ഫ്

ആ​ദി​വാ​സി​ക​ളെ വ​ന്യ​മൃ​ഗ​ങ്ങ​ൾ കൊ​ല​പ്പെ​ടു​ത്തി​യാ​ൽ ന​ഷ്ട​പ​രി​ഹാരം ന​ൽ​കേ​ണ്ടി​വ​രാ​റി​ല്ല. ഇ​വ​ർ​ക്ക് വി​വാ​ഹം ര​ജി​സ്റ്റ​ർ ചെ​യ്യു​ന്ന പ​തി​വി​ല്ലാ​ത്ത​തി​നാ​ൽ അ​വ​കാ​ശി പ​ങ്കാ​ളി​യാ​ണെ​ന്ന​തി​ന് തെ​ളി​വി​ല്ല. ചി​ല​രാ​ക​ട്ടെ ഗോ​ത്ര ആ​ചാ​ര​മ​നു​സ​രി​ച്ച് ഒ​രു​മി​ച്ചു പാ​ർ​ക്കു​ന്ന​വ​രാ​കാം. ഒ​ന്നി​ലേ​റെ പ​ങ്കാ​ളി​ക​ളു​മു​ണ്ടാ​കാം. ഇ​ക്കാ​ര​ണ​ങ്ങ​ളാ​ൽ അ​ട്ട​പ്പാ​ടി​യി​ലും വ​യ​നാ​ട്ടി​ലും അ​ൻ​പ​തി​ലേ​റെ ഇ​ര​ക​ൾ​ക്ക് ന​യാ​പൈ​സ ന​ൽ​കേ​ണ്ടി​വ​ന്നി​ല്ല. അ​ട്ട​പ്പാ​ടി​യി​ൽ പ​ല​പ്പോ​ഴാ​യി ആ​റു​പേ​രെ ആ​ന കൊ​ന്ന​ത് അ​വ​രു​ടെ വീ​ടു​ക​ൾ​കൂ​ടി ത​ക​ർ​ത്ത​ശേ​ഷ​മാ​ണ്. ഉ​ട​മ​സ്ഥ​താ​വ​കാ​ശ രേ​ഖ​ക​ളി​ല്ലെ​ന്ന പേ​രി​ൽ ന​ഷ്ട​പ​രി​ഹാ​രം നി​ഷേ​ധി​ക്ക​പ്പെ​ട്ടു.

സം​സ്ഥാ​ന​ത്ത് ഇ​ന്നേ​വ​രെ കാ​ട്ടു​മൃ​ഗ​ങ്ങ​ളു​ടെ ആ​ക്ര​മ​ണ​ങ്ങ​ളി​ൽ ജീ​വ​ൻ ന​ഷ്ട​പ്പെ​ട്ട​വ​രേ​റെ​യും പു​രു​ഷ​ൻ​മാ​രാ​ണ്. ഒ​പ്പം ക​ർ​ഷ​ക​രു​മാ​ണ്. അ​ത്താ​ണി​യെ ന​ഷ്ട​മാ​കു​ന്പോ​ൾ അ​വ​ശേ​ഷി​ക്കു​ക ഒ​രു വി​ധ​വ​യും ഏ​താ​നും കു​ട്ടി​ക​ളു​മാ​ണ്. ജീ​വ​ന​മാ​ർ​ഗം ഇ​ല്ലാ​താ​യി കു​ടും​ബം അ​ന്യാ​ധീ​ന​പ്പെ​ടു​ന്ന ദ​യ​നീ​യ സാ​ഹ​ച​ര്യ​മാ​ണു​ണ്ടാ​കു​ക.

കൃ​ഷി​നാ​ശ​മു​ണ്ടാ​യാ​ൽ കൈ​വ​ശ​ത്തി​ലു​ള്ള​തും ക​രം അ​ട​ച്ച​തു​മാ​യ സ്ഥ​ല​ത്തെ കൃ​ഷി​ക്കു മാ​ത്ര​മേ ന​ഷ്ട​പ​രി​ഹാ​രം ല​ഭി​ക്കൂ. പാ​ട്ട​ക്കൃഷി​യും സം​ഘ​ക്കൃഷി​യും ന​ട​ത്തു​ന്ന​വ​രു​ടെ അ​പേ​ക്ഷ​ക​ൾ ത​ള്ളു​ക​യാ​ണ് പ​തി​വ്.

പ​ഞ്ചാ​യ​ത്തിന്‍റെ അധികാരം

കാ​ട്ടു​പ​ന്നി ശ​ല്യ​ത്തി​നെ​തി​രേ വ​നം ഓ​ഫീ​സി​ൽ പ​രാ​തി​പ്പെ​ട്ടാ​ൽ പ​ഞ്ചാ​യ​ത്തി​നാ​ണ് ഇ​പ്പോ​ൾ ദൗ​ത്യം എ​ന്ന​താ​ണ് ഇ​പ്പോ​ഴു​ള്ള നി​ർ​ദേ​ശം. കാ​ട്ടു​പ​ന്നി​യെ വെ​ടി​വ​യ്ക്കാ​ൻ പ​ഞ്ചാ​യ​ത്ത് പ്ര​സി​ഡ​ന്‍റി​ന് അ​ധി​കാ​രം ന​ൽ​കി​യി​ട്ടു​ണ്ടെ​ങ്കി​ലും പ​രി​മി​തി​ക​ൾ പ​ല​താ​ണ്. ഒ​ന്ന് തോ​ക്ക് ലൈ​സ​ൻ​സു​ള്ള​വ​ർ പ​ല പ​ഞ്ചാ​യ​ത്തു​ക​ളി​ലും ഒ​രാ​ൾ​പോ​ലു​മി​ല്ല. ലൈ​സ​ൻ​സു​ള്ള​വ​ർ​ക്ക് തോ​ക്ക് കൈ​വ​ശം കാ​ണ​ണ​മെ​ന്നി​ല്ല. പ​ന്നി​യെ കൊ​ന്ന് മ​റ​വു ചെ​യ്യു​ന്ന​യാ​ൾ​ക്ക് ആ​യി​രം രൂ​പ പ്ര​തി​ഫ​ലം നി​ശ്ച​യി​ച്ചി​ട്ടു​ണ്ടെ​ങ്കി​ലും ഇ​തി​നു​ള്ള ഉ​ത്ത​ര​വ് ഇ​തേവ​രെ വ​ന്നി​ട്ടി​ല്ല. ഒ​രു പ​ഞ്ചാ​യ​ത്തും ബ​ജ​റ്റി​ൽ പ​ന്നി​വേ​ട്ട​യ്ക്ക് തു​ക വ​ക​യി​രു​ത്തി​യി​ട്ടി​ല്ല. ആ​ഴ​ത്തി​ൽ കു​ഴി​യെ​ടു​ത്ത് മ​ണ്ണെ​ണ്ണ​യൊ​ഴി​ച്ച് മ​റ​വു ചെ​യ്യു​ന്ന​തി​നും ഫ​ണ്ടി​ല്ല. സം​സ്ഥാ​ന​ത്ത് ഒ​രു വ​ർ​ഷ​ത്തി​നു​ള്ളി​ൽ മൂ​വാ​യി​രം പ​ന്നി​ക​ളെ കൊ​ന്ന​തി​ൽ പ്ര​തി​ഫ​ലം കൊ​ടു​ത്ത​ത് നൂ​റി​ൽ​താ​ഴെ പേ​ർ​ക്കാ​ണ്. അ​താ​വ​ട്ടെ ക​ർ​ഷ​ക​ർ പ​ിരി​വെ​ടു​ത്തും.

പ​ന്നി​ക്കൂ​ട്ടം പാ​ട​ങ്ങ​ളി​ൽ വി​ള​വാ​യ നെ​ല്ല് തി​ന്നു​ന്ന​ത് ആ​ല​ത്തൂ​ർ, ചി​റ്റൂ​ർ, കൊ​ല്ല​ങ്കോ​ട് പ്ര​ദേ​ശ​ങ്ങ​ളി​ൽ പ​തി​വാ​യി​രി​ക്കു​ന്നു. പാ​ട​ങ്ങ​ൾ വെ​ളു​പ്പി​ക്കു​ന്ന സ്ഥി​തി വ​ന്ന​തോ​ടെ ക​ർ​ഷ​ക​ർ പ​ഞ്ചാ​യ​ത്തു​ക​ളെ സ​മീ​പി​ച്ച​പ്പോ​ൾ വെ​ടി​ക്കാ​ര​നെ കി​ട്ടാ​നി​ല്ലെ​ന്നും പ്ര​തി​ഫ​ലം കൊ​ടു​ക്കാ​ൻ ഫ​ണ്ടി​ല്ലെ​ന്നും അ​റി​യി​ച്ച​തോ​ടെ ക​ർ​ഷ​ക​ർ പ​രി​ഹാ​രം ക​ണ്ടെ​ത്തി. പാ​ട​ശേ​ഖ​രസ​മി​തി ഇ​തി​നാ​യി ഇ​രു​പ​തി​നാ​യി​രം രൂ​പ സ്വ​രൂ​പി​ച്ച വെ​ടി​ക്കാ​രെ എ​ത്തി​ച്ച് പ​ന്നി​ക​ളെ വ​ക​വ​രു​ത്തു​ക​യാ​ണി​പ്പോ​ൾ. പ​ന്നി​ക്കൂ​ട്ട​ത്തി​നു​നേ​രേ വെ​ടി​വ​യ്ക്കു​ന്ന​ത് ഏ​റെ സാ​ഹ​സി​ക​മാ​ണ്. ഉ​ന്നം പി​ഴ​യ്ക്കു​ക​യോ അ​ക്ര​മാ​സ​ക്ത​മാ​വു​ക​യോ ചെ​യ്താ​ൽ ആ​ക്ര​മ​ണം ഉ​റ​പ്പാ​ണ്. സം​സ്ഥാ​ന​ത്ത് നി​ല​വി​ൽ തോ​ക്ക് സ്വ​ന്ത​മാ​യു​ള്ള​വ​രേ​റെ​യും 70 വ​യ​സി​നു മു​ക​ളി​ലു​ള്ള​വ​രാ​ണ്. കാ​ഴ്ച​ക്കു​റ​വും ആ​രോ​ഗ്യ​പ്ര​ശ്ന​ങ്ങ​ളു​മു​ള്ള​വ​ർ​ക്ക് ഉ​ന്നം തെ​റ്റാ​തെ വെ​ടി​വ​യ്ക്കു​ക ദു​ഷ്ക​ര​മാ​ണ്. ഇ​വ​രു​ടെ തോ​ക്കും ലൈ​സ​ൻ​സും മ​ക്ക​ളു​ടെ പേ​രി​ലേ​ക്ക് മാ​റ്റാ​ൻ ന​ൽ​കി​യ അ​പേ​ക്ഷ​ക​ളെ​ല്ലാം നി​ര​സി​ക്ക​പ്പെ​ട്ടു. വ​യ​നാ​ട്ടി​ൽ മാ​വോ​യി​സ്റ്റ് ഭീ​ഷ​ണി​യു​ടെ പേ​രി​ൽ ലൈ​സ​ൻ​സ് ന​ൽ​കു​ന്നി​ല്ല. വ​ന്യ​മൃ​ഗ​ഭീ​ഷ​ണി​യി​ൽ സ്വ​യ​ര​ക്ഷ​യ്ക്ക് തോ​ക്ക് ലൈ​സ​ൻ​സ് ന​ൽ​കു​ന്ന​തി​ൽ എ​ന്തി​നു ത​ട​സം നി​ൽ​ക്ക​ണം.

വ​ഴി​മു​ട്ടു​ന്ന ജീ​വി​തം

വ​ന്യ​മൃ​ഗ​ങ്ങ​ളു​ടെ കൊ​ല​യും കൊ​ള്ള​യും ഇ​ത്ത​ര​ത്തി​ൽ തു​ട​ർ​ന്നാ​ൽ കേ​ര​ള​ത്തി​ന്‍റെ​യും ക​ർ​ഷ​കരു​ടെ​യും ഭാ​വി എ​ന്താ​കും? ആ​സ​ന്ന​ഭാ​വി​യി​ൽ പു​തി​യ ത​ല​മു​റ കൃ​ഷി അ​പ്പാ​ടെ ഉ​പേ​ക്ഷി​ക്കും. വ​ന​മേ​ഖ​ല​യി​ലു​ള്ള​വ​ർ കൃ​ഷി​യി​ടം ത​രി​ശി​ടു​ന്പോ​ൾ അ​വി​ടം കു​ട്ടി​വ​ന​മാ​യി മൃ​ഗ​ങ്ങ​ൾ സ്ഥി​ര​വാ​സം തു​ട​ങ്ങും. മ​നു​ഷ്യ​നും വ​ള​ർ​ത്തു​മൃ​ഗ​ങ്ങ​ൾ​ക്കും നേ​രേ കാ​ട്ടു​മൃ​ഗ​ങ്ങ​ളു​ടെ ആ​ക്ര​മ​ണം കൂ​ടും. ഇ​വ​യെ ചെ​റു​ക്കാ​ൻ നി​യ​മ​വും ന​ട​പ​ടി​യും ഇ​ല്ലാ​ത്തി​ട​ത്തോ​ളം കാ​ലം ഒ​ട്ടേ​റെ ഹ​ത​ഭാ​ഗ്യ​രു​ടെ ജീ​വ​നും ജീ​വി​ത​വും ന​ഷ്ട​പ്പെ​ട്ടു​കൊ​ണ്ടി​രി​ക്കും. ഏ​റെ​പ്പേ​രും കൃ​ഷി​യി​ടം കൈ​മാ​റി​യോ ഉ​പേ​ക്ഷി​ച്ചോ വാ​സം മാ​റും. ഉ​പേ​ക്ഷി​ക്ക​പ്പെ​ടു​ന്ന വ​ൻ​കി​ട തോ​ട്ട​ങ്ങ​ളി​ൽ മൃ​ഗ​ങ്ങ​ൾ നി​റ​യും. ഇ​വ ജ​ന​വാ​സ​മേ​ഖ​ല​ക​ളി​ലേ​ക്ക് ക​ട​ന്നു​വ​രും. കാ​ട്ടി​ൽ ഇ​ര തേ​ടാ​ൻ പ​റ്റാ​തെ പ്രാ​യാ​ധി​ക്യം ചെ​ല്ലു​ന്ന വ​ന്യ​മൃ​ഗ​ങ്ങ​ളാ​ണ് നാ​ട്ടി​ലേ​ക്കി​റ​ങ്ങു​ന്ന​തെ​ന്ന ന്യാ​യീ​ക​ര​ണം തെ​റ്റാ​ണ്. വ​യ​നാ​ട്ടി​ൽ കെ​ണി​യി​ലാ​യ ക​ടു​വ​ക​ളെ​ല്ലാം അ​ഞ്ചു വ​യ​സി​ൽ താ​ഴെ​യു​ള്ള​വ​യാ​യി​രു​ന്നു. കു​ട്ടി​ക​ൾ ഉ​ൾ​പ്പെ​ടു​ന്ന കാ​ട്ടാ​ന​സം​ഘ​മാ​ണ് കൃ​ഷി​യി​ട​ങ്ങ​ളി​ൽ നാ​ശം​വി​ത​യ്ക്കു​ന്ന​ത്. നാ​ട്ടി​ലെ കാ​യ്ക​നി​ക​ൾ ശീ​ല​മാ​ക്കു​ന്ന കു​ര​ങ്ങു​ക​ൾ കാ​ട്ടി​ലേ​ക്കു മ​ട​ങ്ങി​ല്ല. കൃ​ഷി​നാ​ശം മാ​ത്ര​മ​ല്ല വീ​ടു​ക​ൾ​ക്കും സ്വ​ത്തു​വ​ക​ക​ൾ​ക്കും നാ​ശം വ​രു​ത്തും. കാ​ട്ടു​മൃ​ഗ​ഭീ​ഷ​ണി നേ​രി​ടു​ന്ന വ​ന​യോ​ര​മേ​ഖ​ല​ക​ളി​ൽ ഇ​ക്കാ​ല​ത്ത് വി​വാ​ഹം പോ​ലും മു​ട​ങ്ങു​ന്ന സാ​ഹ​ച​ര്യ​മു​ണ്ട്. കെ​ട്ടാ​നും കെ​ട്ടി​ക്കാ​നും വ​യ്യാ​ത്ത ദു​ര​വ​സ്ഥ​യി​ലാ​ണ് കു​ടും​ബ​ങ്ങ​ൾ. പ​ല​യി​ട​ങ്ങ​ളി​ലും വീ​ടു​ക​ളും സ്ഥാ​പ​ന​ങ്ങ​ളും വാ​ങ്ങാ​നും വി​ൽ​ക്കാ​നും സാ​ധി​ക്കി​ല്ല. അ​ർ​ഹ​മാ​യ വി​ല​യും ല​ഭി​ക്കു​ക​യില്ല.

പ​രി​സ്ഥി​തി​വാ​ദി​ക​ളെ​യും മൃ​ഗ​സ്നേ​ഹി​ക​ളെ​യും കൊ​ണ്ടു തോ​റ്റ​തേ​റെ​യും ക​ർ​ഷ​ക​രാ​ണ്. ചി​ന്ന​ക്ക​നാ​ലി​നെ വി​റ​പ്പി​ച്ച അ​രി​ക്കൊ​ന്പ​നെ പി​ടി​ക്കു​ന്ന​തി​ലും കു​ങ്കി​യാ​ന​യാ​ക്കു​ന്ന​തി​ലും ഇ​ക്കൂ​ട്ട​ർ കോ​ട​തി ക​യ​റി. മു​ൻ​പ് നി​ര​വ​ധി പേ​രെ കൊ​ല​ചെ​യ്തി​ട്ടു​ള്ള പി​ടി സെ​വ​ൻ, വ​ട​ക്ക​നാ​ട് കൊ​ന്പ​ൻ, ക​ല്ലൂ​ർ കൊ​ന്പ​ൻ തു​ട​ങ്ങി​യ​വ​യൊ​ക്കെ മു​ത്ത​ങ്ങ ആ​ന​പ്പ​ന്തി​യി​ൽ ഇ​പ്പോ​ൾ കു​ങ്കി​യാ​ന​ക​ളാ​ണ്. ആ​ക്ര​മ​ണ​കാ​രി​ക​ളാ​യ മൃ​ഗ​ങ്ങ​ളെ പി​ടി​കൂ​ടാ​നും പാ​യി​ക്കാ​നു​മു​ള്ള പ​രി​ശീ​ല​നം ഇ​വ​യ്ക്ക് ല​ഭി​ച്ചി​ട്ടു​ണ്ട്.

കാ​ട്ടാ​ന​കളെ വി​ൽ​ക്കണം

കാ​ട്ടാ​ന​ക​ളു​ടെ എ​ണ്ണം നി​യ​ന്ത്രി​ക്കാ​ൻ മ​റ്റ് സം​സ്ഥാ​ന​ങ്ങ​ൾ​ക്കോ രാ​ജ്യ​ങ്ങ​ൾ​ക്കോ വി​ൽ​ക്കു​ക​യോ കൈ​മാ​റ്റം ചെ​യ്യു​ക​യോ ചെ​യ്യാ​ൻ ന​ട​പ​ടി​യു​ണ്ടാ​ക​ണം. ചീ​റ്റ​ക​ളെ ആ​ഫ്രി​ക്ക​യി​ൽ​നി​ന്നെ​ത്തി​ച്ച​തു​പോ​ലെ ഇ​ന്ത്യ​ൻ ആ​ന​ക​ളോ​ടു താത്പ​ര്യ​മു​ള്ള രാ​ജ്യ​ങ്ങ​ൾ പ​ല​തു​ണ്ടാ​കും. ഇ​തി​നൊ​ന്നും സാ​ധ്യ​ത​യി​ല്ലെ​ങ്കി​ൽ എ​ണ്ണം കു​റ​യ്ക്കു​ക​യേ വ​ഴി​യു​ള്ളൂ. ഏ​ത് ആ​ന ചെ​രി​ഞ്ഞാ​ലും കൊ​ന്പി​നു​ള്ള അ​വ​കാ​ശം വ​നം​വ​കു​പ്പി​നു​ള്ള​താ​ണ്. കാ​ട്ടാ​ന​ക​ളു​ടെ​യും നാ​ട്ടാ​ന​ക​ളു​ടേ​തു​മാ​യി പ​ന്ത്ര​ണ്ട് ട​ണ്‍ ആ​ന​ക്കൊ​ന്പ് വ​നം​വ​കു​പ്പി​ന്‍റെ ക​രു​ത​ൽ​ശേ​ഖ​ര​ത്തി​ലു​ണ്ട്. നാ​ൽ​പ​തു വ​ർ​ഷ​മാ​യി ആ​ന​ക്കൊ​ന്പ് സൂ​ക്ഷി​ക്കു​ന്ന​തി​ലെ ജാ​ഗ്ര​ത കാ​ട്ടാ​ന​ക​ളെ വ​രു​തി​യി​ൽ നി​റു​ത്തു​ന്ന​തി​ൽ ഈ ​വ​കു​പ്പി​നി​ല്ല.


ഏ​റെ സാ​ന്പ​ത്തി​ക ചെ​ല​വു​ള്ള​തും കാ​യി​കാ​ധ്വാ​നം വേ​ണ്ട​തു​മാ​യ നി​ക്ഷേ​പ​മാ​ണ് കൃ​ഷി. റ​ബ​റും തെ​ങ്ങും ക​വു​ങ്ങും ന​ട്ടാ​ൽ എ​ട്ടും പ​ത്തും വ​ർ​ഷ​ങ്ങ​ൾ​ക്കു​ശേ​ഷ​മാ​ണ് വ​രു​മാ​നം ല​ഭി​ക്കു​ക. ഒ​റ്റ കാ​ടി​റ​ക്ക​ത്തി​ൽ ഇ​വ ച​വി​ട്ടി​മെ​തി​ക്കു​ക​യും വി​ള​വു ന​ശി​പ്പി​ക്കു​ക​യും ചെയ്യുന്പോൾ ത​ല​മു​റ​യു​ടെ അ​ധ്വാ​ന​വും പ്ര​തീ​ക്ഷ​യു​മാ​ണ് മ​ണ്ണ​ടി​യു​ന്ന​ത്. തോ​ട്ട​ങ്ങ​ളി​ലെ തൈ​മ​ര​ങ്ങ​ളി​ൽ കു​റേയെ​ണ്ണം ന​ശി​പ്പി​ക്ക​പ്പെ​ട്ടാ​ൽ പ​ക​രം തൈ​ക​ൾ ഒ​രേ ത​ര​ത്തി​ൽ വ​ള​ർ​ത്തി​യെ​ടു​ക്കാ​നാ​വി​ല്ല. അ​ത്ര​യും സ്ഥ​ല​ത്ത് മ​റ്റൊ​രു കൃ​ഷി​ക്കു സാ​ധ്യ​ത​യു​മി​ല്ല. പ​തി​വാ​യി കൃ​ഷി​നാ​ശം വ​രു​ത്തു​ന്ന ജ​ന്തു​ക്ക​ളാ​ണ് കു​ര​ങ്ങും മ​യി​ലും മ​ല​യ​ണ്ണാ​നും. ഇ​വ കൃ​ഷി ന​ശി​പ്പി​ച്ചാ​ൽ യാ​തൊ​രു ന​ഷ്ട​പ​രി​ഹാ​ര​വും ല​ഭി​ക്കി​ല്ല. മ​രം​ചാ​ടി​യും പ​റു​ന്നും​വ​രു​ന്ന ജീ​വി​ക​ളു​ണ്ടാ​ക്കു​ന്ന നാ​ശ​ത്തി​ന് ഒ​രു വ​കു​പ്പി​നും ഉ​ത്ത​ര​വാ​ദി​ത്വ​മി​ല്ല.

അ​തേ​സ​മ​യം അ​വ​യെ കൈ​ചൂ​ണ്ടാ​ൻ​പോ​ലും ക​ർ​ഷ​ക​ന് അ​ധി​കാ​ര​മി​ല്ല. പ​ല​യി​ട​ങ്ങ​ളി​ലും കൊ​ക്കൊ, ക​വു​ങ്ങ് കൃ​ഷി നി​ല​യ്ക്കാ​ൻ കാ​ര​ണം അ​ണ്ണാ​നും കു​ര​ങ്ങു​മാ​ണ്. രാ​വും പ​ക​ലും ക്ഷു​ദ്ര​ജീ​വി​ക​ളെ​യും വ​ന്യ​മൃ​ഗ​ങ്ങ​ളെ​യും തു​ര​ത്താ​ൻ ജീ​വ​ൻ പ​ണ​യ​പ്പെ​ടു​ത്തി കൃ​ഷി​യി​ട​ങ്ങ​ളി​ൽ കാ​വ​ലി​രി​ക്കു​ന്ന ഒ​ട്ടേ​റെ ക​ർ​ഷ​ക​രു​ണ്ട്. കൃ​ഷി​നാ​ശം മൂ​ലം ക​ട​ബാ​ധ്യ​ത​യി​ൽ നാ​ടു​വി​ട്ട​വ​രും ജീ​വ​നൊ​ടു​ക്കി​യ​വ​രുമായി പ​ല​രു​ണ്ട്.

സ​മീ​പ​കാ​ല​ത്ത് ന​ഗ​ര​ങ്ങ​ളി​ലും നാ​ട്ടി​ൻ​പു​റ​ങ്ങ​ളി​ലും പാ​ർ​പ്പു​തു​ട​ങ്ങി​യ കു​റു​ന​രി​യും കു​റു​ക്ക​നും വ​ലി​യ ഭീ​ഷ​ണി ഉ​യ​ർ​ത്തു​ക​യാ​ണ്. ഇ​വ​യി​ൽ നി​ന്നാ​ണ് പേ ​വി​ഷ​ബാ​ധ വ​ള​ർ​ത്തു​നാ​യ​ക​ൾ​ക്കും ആ​ടു​മാ​ടു​ക​ൾ​ക്കും വ്യാ​പ​ക​മാ​യി​രി​ക്കു​ന്ന​ത്. ന​രി​യും കു​റു​ക്ക​നും ക​ടി​ച്ചാ​ൽ സ​ർ​ക്കാ​ർ ആ​ശു​പ​ത്രി​ക​ളി​ൽ പ്ര​തി​രോ​ധ​മ​രു​ന്നി​ല്ല. പ​തി​നാ​യി​രം രൂ​പ​യു​ടെ മ​രു​ന്ന് വാ​ങ്ങി ന​ൽ​കി വേ​ണം കു​ത്തി​വ​യ്പ്പെ​ടു​ക്കാ​ൻ. കു​ര​ങ്ങും പ​ന്നി​യും ആ​ക്ര​മി​ച്ചാ​ലും ഇ​തു​ത​ന്നെ സാ​ഹ​ച​ര്യം. കാ​ടി​റ​ങ്ങു​ന്ന ക്ഷു​ദ്ര​ജീ​വി​ക​ളി​ൽ ഏ​റെ​യും പേ ​വി​ഷ​ബാ​ധ​യു​ള്ള​വ​യാ​ണെ​ന്നി​രി​ക്കെ പ്ര​തി​രോ​ധ​ന​ട​പ​ടി​യും ബോ​ധ​വ​ത്ക​ര​ണ​വും സ​ർ​ക്കാ​രി​ൽ​നി​ന്നു​ണ്ടാ​കു​ന്നി​ല്ല. ആ​ന്ത്രാ​ക്സ് പോ​ലു​ള്ള രോ​ഗ​ങ്ങ​ൾ നാ​ട്ടി​ൽ പ​ട​രു​ന്ന​തി​ലും കാ​ടി​റ​ക്കം കാ​ര​ണ​മാ​കു​ന്നു​ണ്ട്.

വ​ന്യ​ജീ​വി വ​ജ്രാ​യു​ധം

കൃ​ഷി​യി​ടം വ​ന​മാ​ക്കി മാ​റ്റാ​ൻ വ​നം​വ​കു​പ്പി​ന്‍റെ വ​ജ്രാ​യു​ധ​മാ​ണ് വ​ന്യ​ജീ​വി​ക​ൾ. കേ​ര​ള​ത്തി​ന്‍റെ വ​ന​വി​സ്തൃ​തി 29. 65 ശ​ത​മാ​ന​ത്തി​ൽ​നി​ന്ന് 33 ശ​ത​മാ​ന​മാ​ക്കു​ക​യെ​ന്ന​ത് വ​നം​വ​കു​പ്പി​ന്‍റെ പ്ര​ഖ്യാ​പി​ത​ന​യ​മാ​ണ്. ഇ​ത്ര​യും വ​ർ​ധ​ന വ​രു​ത്താ​ൻ നാ​ലു ല​ക്ഷം എ​ക്ക​ർ​കൂ​ടി കൈ​വ​ശ​പ്പെ​ടു​ത്ത​ണം. ന​യാ പൈ​സ ന​ൽ​കാ​തെ കൃ​ഷി​യി​ടം ഏ​റ്റെ​ടു​ക്കാ​നു​ള്ള കൊ​ടു​ംചെ​യ്തി​യാ​ണ് കാ​ട്ടു​മൃ​ഗ​ങ്ങ​ളെ തു​റ​ന്നു​വി​ട്ടു​ള്ള ന​ര​നാ​യാ​ട്ട്. ഒ​പ്പം വ​ന​മേ​ഖ​ല​യിലു​ള്ള​വ​രെ ക​ള്ള​ക്കേ​സു​ക​ൾ ചു​മ​ത്തി മ​ർ​ദി​ക്കു​ക​യും കോ​ട​തി ക​യ​റ്റു​ക​യും ചെ​യ്യു​ന്ന കാ​ട​ൻ​ന​യ​വും.

വ​നം തു​റ​ന്നു​വ​ച്ച് ആ​ന​ക​ളെ​യും ക​ടു​വ​ക​ളെ​യും കാ​ട്ടു​ജീ​വി​ക​ളെയും ജ​ന​വാ​സ​മേ​ഖ​യി​ലേ​ക്കും കൃ​ഷി​ട​ങ്ങ​ളി​ലേ​ക്കും ഇ​റ​ക്കി​വി​ടു​ന്ന ക്രൂ​ര​ത. വ​ന്യ​മൃ​ഗം ജ​ന​വാ​സ​മേ​ഖ​ല​യി​ലി​റ​ങ്ങി സൃ​ഷ്ടി​ക്കു​ന്ന ഭീ​ക​ര​ത​യെ മ​നു​ഷ്യ-​വ​ന്യ​മൃ​ഗ​സം​ഘ​ട്ട​നം എ​ന്നു വി​ശേ​ഷി​പ്പി​ക്കു​ന്ന​ത് തെ​റ്റാ​ണ്. വ​ന്യ​മൃ​ഗം കാ​ട്ടി​ൽ​ത​ന്നെ​യാ​ണ് ജീ​വി​ക്കേ​ണ്ട​ത്. മ​നു​ഷ്യ​ർ അ​നു​മ​തി​യി​ല്ലാ​തെ വ​ന​ത്തി​നു​ള്ളി​ൽ ക​യ​റി​യാ​ൽ വ​ന​പാ​ല​ക​ർ ക​സ്റ്റ​ഡി​യി​ലെ​ടു​ക്കും. ഒ​രു പി​ടി വി​റ​കെ​ടു​ത്താ​ലും വ​ന​സ​ന്പ​ത്ത് മോ​ഷ്ടി​ച്ചു എ​ന്ന പേ​രി​ൽ കേ​സെ​ടു​ക്കാ​ൻ വ​കു​പ്പു​ണ്ട്. കാ​ടു​വാ​ഴു​ന്ന വ​ന്യ​മൃ​ഗ​ത്തി​നു നേ​രെ പ​ട​ക്കം എ​റി​യു​ന്ന​തു​പോ​ലും കു​റ്റ​ക​ര​മാ​ണ്.

മ​നു​ഷ്യ​ജീ​വ​ൻ ന​ഷ്ട​പ്പെ​ട്ടാ​ൽ പ​ര​മാ​വ​ധി പ​ത്തു ല​ക്ഷം രൂ​പ കൊ​ടു​ത്ത് ബാ​ധ്യ​ത ഒ​ഴി​യാം. വ​നം സം​ര​ക്ഷി​ക്കു​ക മാ​ത്ര​മ​ല്ല വ​ന്യ​മൃ​ഗ​ങ്ങ​ളെ വ​ന​ത്തി​നു​ള്ളി​ൽ നി​റു​ത്താ​നും നാ​ടി​റ​ക്കം ത​ട​യാ​നു​മു​ള്ള ചു​മ​ത​ല വ​നം​വ​കു​പ്പി​നു​ണ്ട്. അ​വ മ​നു​ഷ്യജീ​വ​നും സ്വ​ത്തും ന​ശി​പ്പി​ച്ചാ​ൽ ആ​ശ്രി​ത​ർ​ക്ക് സ​ർ​ക്കാ​ർ ജോ​ലി​യും അ​ർ​ഹ​മാ​യ പെ​ൻ​ഷ​നും ന​ൽ​കാ​ൻ ന​ട​പ​ടി​യു​ണ്ടാ​ക​ണം.

ആർക്കാണ് കൂടുതൽ വില

ക​ണ​മ​ല​യി​ൽ ഇ​റ​ങ്ങി​യ കാ​ട്ടു​പോ​ത്ത് ര​ണ്ടു​പേ​രെ അ​രും​കൊ​ല ചെ​യ്തി​ട്ടും വെ​ടി​വ​യ്ക്കാ​ൻ മ​ടി​ക്കു​ന്ന​ത് കൈ​വി​റ​യ്ക്കു​ന്ന​തു​കൊ​ണ്ട​ല്ല മ​റി​ച്ച് അ​തി​നു​ള്ള വ​കു​പ്പി​ല്ലെ​ന്ന വാ​ദ​ത്തി​ലാ​ണ്. ഇ​തേ കാ​ട്ടു​പോ​ത്ത് നി​യ​മ​സ​ഭ​യി​ലേ​ക്കോ പാ​ർ​ല​മെ​ന്‍റി​ലേ​ക്കോ മ​ന്ത്രി​മ​ന്ദി​ര​ത്തി​ലേ​ക്കോ ആ​ണ് ഓ​ടി​ക്ക​യ​റി​യ​തെ​ങ്കി​ൽ ആ ​നി​മി​ഷം വെ​ടി​വ​ച്ചു​കൊ​ന്നേ​നെ. കാ​ര​ണം ക​ർ​ഷ​ക​നേക്കാ​ൾ വി​ല ജ​ന​പ്ര​തി​നി​ധി​ക്കു​ണ്ട്. ഈ ​സ​ഭ​ക​ളി​ൽ ഇ​രിപ്പി​ടം കി​ട്ടാ​ൻ ക​ർ​ഷ​ക​രു​ടെ​യും വോ​ട്ടു​ക​ൾ ല​ഭി​ച്ചി​ട്ടു​ണ്ടെ​ന്ന് എംഎ​ൽ​​എ​മാ​രും എം​പി​മാ​രും മ​ന്ത്രി​മാ​രും മ​റ​ന്നു​കൂ​ടാ.

പെ​രു​കി നി​റ​യു​ന്ന കാ​ട്ടു​മൃ​ഗ​ങ്ങ​ളെ കൊ​ന്നോ വേ​ട്ട​യാ​ടി​യോ വ​ന്ധ്യം​ക​രി​ച്ചോ എ​ണ്ണം കു​റ​യ്ക്കാ​നും വ​ന​ത്തി​നു​ള്ളി​ൽ​ത​ന്നെ നി​റു​ത്താ​നും ഒ​പ്പം ക​ർ​ഷ​ക​രെ അ​വ​രു​ടെ മ​ണ്ണി​ലും പാ​ർ​പ്പി​ട​ത്തി​ലും സു​ര​ക്ഷി​ത​രാ​ക്കാ​നു​മു​ള്ള നി​യ​മ​മാ​ണു​ണ്ടാ​ക്കേ​ണ്ട​ത്. വ​ന്യ​മൃ​ഗം അ​രും​കൊ​ല ചെ​യ്യു​ന്ന​വ​രു​ടെ വീ​ടു​ക​ളി​ൽ അ​നു​ശോ​ച​നം അ​റി​യിച്ച​തു​കൊ​ണ്ടോ ജ​ന​കീ​യ പ്ര​തി​ഷേ​ധ​സ​മ​ര​ങ്ങ​ളി​ൽ പൊ​ള്ള​വാ​ഗ്ദാ​ന​ങ്ങ​ൾ നി​ര​ത്തി​യ​തു​കൊ​ണ്ടോ കാ​ര്യ​മി​ല്ല.

മാതൃകയായി ഷാ​നും സം​ഘ​വും

കാ​ട്ടു​പ​ന്നി​ക​ളെ വെ​ടി​വ​ച്ചു​കൊ​ല്ലാ​ൻ തോ​ക്ക് ലൈ​സ​ൻ​സി​ല്ലാ​തെ വ​ല​യു​ന്ന​വ​ർ​ക്ക് ആ​ശ്വാ​സ​മാ​യി മാ​റു​ക​യാ​ണ് മ​ല​പ്പു​റം മ​ഞ്ചേ​രി സ്വ​ദേ​ശി കെ.​പി. ഷാ​നും സം​ഘ​വും. കൃ​ഷി​ട​ങ്ങ​ളി​ൽ നാ​ശം​വി​ത​യ്ക്കു​ന്ന കാ​ട്ടു​പ​ന്നി​ക​ളെ വ​ക​വ​രു​ത്തു​ക​യാ​ണ് ഷാ​നും പ​ത്തു സൃ​ഹൃ​ത്തു​ക്ക​ളും ഉ​ൾ​പ്പെ​ടു​ന്ന ഷൂ​ട്ട​ർ​സം​ഘം.

പ​രി​ശീ​ല​നം നേ​ടി​യ വി​ദേ​യിനം നാ​യ​ക​ളും ഇ​വ​ർ​ക്കൊ​പ്പ​മു​ണ്ട്. നാ​യ​ക​ൾ കൃ​ഷി​യി​ട​ങ്ങ​ളും ഇ​തി​നോ​ടു ചേ​ർ​ന്ന കു​റ്റ​ിക്കാ​ടു​ക​ളും ഇ​ള​ക്കി പ​ന്നി​ക​ളെ ഓ​ടി​ക്കും. ചി​ത​റി​യോ​ടു​ന്ന പ​ന്നി​ക​ൾ ഷൂ​ട്ട​ർ​മാ​രു​ടെ വെ​ടി​യു​ണ്ട​യ്ക്ക് ഇ​ര​യാ​കും. ക​ർ​ഷ​ക​രു​ടെ ദു​രി​ത​ത്തി​ൽ മ​നം​നൊ​ന്ത് വ​ട​ക്ക​ൻ ജി​ല്ല​ക​ളി​ലെ​ല്ലാം ഇ​വ​ർ കാ​ട്ടു​പ​ന്നി​ക​ളെ വെ​ടി​വ​യ്ക്കാ​ൻ പോ​കാ​റു​ണ്ട്.

(അ​വ​സാ​നി​ച്ചു)