എ.​എം.​എ. ച​മ്പ​ക്കു​ളം

ചാ​തു​ർ​വ​ർ​ണ്യ വ്യ​വ​സ്ഥി​തി നി​ല​നി​ന്ന കാ​ല​ത്ത് അ​ധ്വാ​നി​ക്കാ​ൻ, വേ​ല ചെ​യ്യാ​ൻ ഒ​രു വി​ഭാ​ഗം നി​ല​നി​ന്നി​രു​ന്നു. ഏ​റ്റ​വും താ​ഴേ​ക്കി​ട​യി​ലു​ള്ള കീ​ഴാ​ള​ന്മാ​ർ. ജോ​ലി​ക്ക് മേ​ലാ​ള​ൻ കൂ​ലി കൊ​ടു​ത്താ​ൽ വാ​ങ്ങാം. ഇ​ല്ലെ​ങ്കി​ൽ ഒ​ന്നും മി​ണ്ടാ​തെ പോ​കേ​ണ്ടി​യി​രു​ന്ന ഒ​രു കാ​ലം. ഒ​രു നൂ​റ്റാ​ണ്ടി​ന​പ്പു​റം നി​ല​നി​ന്നി​രു​ന്ന അ​തു​പോ​ലെ​യു​ള്ള ഒ​ര​വ​സ്ഥ​യി​ലാ​ണ് ഇ​ന്ന് കേ​ര​ള​ത്തി​ലെ നെ​ൽ​ക​ർ​ഷ​ക​ർ.

ക​ടം വാ​ങ്ങി​യും പ​ണ​യം വ​ച്ചും കൃ​ഷി​യി​റ​ക്കും. കൊ​യ്ത്തു​കാ​ല​ത്തെ എ​ല്ലാ ദു​രി​ത​വും പേ​റി ത​ങ്ങ​ളു​ടെ വി​ള​വ് ഏ​റ്റ​വും ക​ഷ്ട​ന​ഷ്ട​ങ്ങ​ളോ​ടെ​യും നെ​ല്ല് സം​ഭ​ര​ണ ഏ​ജ​ൻ​സി​ക്ക് ന​ല്കും. തു​ട​ർ​ന്ന് കാ​ത്തി​രി​പ്പി​ന്‍റെ കാ​ലം, ബാ​ങ്കു​ക​ളി​ൽ​നി​ന്ന് ബാ​ങ്കു​ക​ളി​ലേ​ക്കും, പാ​ഡി ഓ​ഫീ​സു​ക​ളി​ലേ​ക്കു​മു​ള്ള ഓ​ട്ട​ത്തി​ലാ​ണ് പി​ന്നീ​ട് ക​ർ​ഷ​ക​ർ. ചി​ല​പ്പോ​ൾ മാ​സ​ങ്ങ​ളും വ​ർ​ഷ​ങ്ങ​ളും എ​ടു​ക്കും ഈ ​ഓ​ട്ടം അ​വ​സാ​നി​ക്കാ​ൻ. അ​പ്പോ​ൾ അ​ടു​ത്ത കൃ​ഷി​യു​ടെ നെ​ല്ല് ന​ൽ​കി​യ​തി​ന്‍റെ ഓ​ട്ടം തു​ട​ങ്ങും. അ​ങ്ങ​നെ ഒ​രി​ക്ക​ലും അ​വ​സാ​നി​ക്കാ​ത്ത നെ​ട്ടോ​ട്ട​ത്തി​ലാ​ണ് ഇ​ന്ന് നെ​ൽ​ക്ക​ർ​ഷ​ക​ർ.

മ​റ്റ് എ​ല്ലാ മേ​ഖ​ല​ക​ളി​ലും ആ​ഴ്ച​യു​ടെ അ​വ​സാ​ന​മോ മാ​സാ​വ​സാ​ന​മോ ജോ​ലി​ക്ക് കൂ​ലി ല​ഭി​ക്കും. എ​ന്നാ​ൽ, പാ​ട​ത്ത് പ​ണി​യും വ​ര​മ്പ​ത്ത് കൂ​ലി​യും എ​ന്ന ചൊ​ല്ല് പ്രാ​വ​ർ​ത്തി​ക​മാ​കാ​ത്ത​ത് കേ​ര​ള​ത്തി​ലെ കാ​ർ​ഷി​ക മേ​ഖ​ല​യി​ൽ മാ​ത്രം. നെ​ൽ​ക​ർ​ഷ​ക​ൻ ആ​റും ഏ​ഴും മാ​സം ക​ഷ്ട​പ്പെ​ട്ട് ഉ​ത്പാ​ദി​പ്പി​ക്കു​ന്ന നെ​ല്ലി​ന് വീ​ണ്ടും അ​ത്ര​യും കാ​ലം അ​ല്ലെ​ങ്കി​ൽ അ​തി​ൽ കൂ​ടു​ത​ൽ കാ​ലം വി​ല​യ്ക്കാ​യി കാ​ത്തി​രി​ക്കേ​ണ്ടി​വ​രു​ന്നു. ഇ​ത് ഒ​റ്റ​പ്പെ​ട്ട സം​ഭ​വ​മ​ല്ല, എ​ല്ലാ വ​ർ​ഷ​വും തു​ട​ർ​ന്നു വ​രു​ന്ന സാ​ധാ​ര​ണ സം​ഭ​വ​മാ​യി മാ​റി​യി​രി​ക്കു​ന്നു.

കേ​ര​ള​ത്തി​ലെ എ​ല്ലാ ജി​ല്ല​ക​ളി​ലു​മാ​യി നെ​ൽ​ക​ർ​ഷ​ക​ർ​ക്ക് നെ​ല്ല് സം​ഭ​രി​ച്ച വ​ക​യി​ൽ 1,800 കോ​ടി​യി​ല​ധി​കം രൂ​പ​യാ​ണ് വി​ത​ര​ണം ചെ​യ്യേ​ണ്ടി​യി​രു​ന്ന​ത്. എ​ന്നാ​ൽ ക​ഴി​ഞ്ഞ മാ​ർ​ച്ച്‌ വ​രെ 700 കോ​ടി​ക്ക് അ​ല്പം മു​ക​ളി​ലാ​യി മാ​ത്ര​മാ​ണ് വി​ത​ര​ണം ചെ​യ്യ​പ്പെ​ട്ടി​ട്ടു​ള്ള​ത്. ഇ​നി​യും 1100 കോ​ടി​യോ​ളം രൂ​പ നെ​ൽ​കൃ​ഷി ചെ​യ്ത സാ​ധാ​ര​ണ​ക്കാ​രാ​യ കൃ​ഷി​ക്കാ​ർ​ക്ക് വി​ത​ര​ണം ചെ​യ്യാ​ൻ ബാ​ക്കി നി​ല്ക്കു​ന്നു എ​ന്ന് മാ​ധ്യ​മ​ങ്ങ​ളി​ലൂ​ടെ അ​റി​യു​ന്നു. അ​ടു​ത്ത ദി​വ​സ​ങ്ങ​ളി​ൽ 250 കോ​ടി​യോ​ളം രൂ​പ കൊ​ടു​ക്കു​മെ​ന്നു പ​റ​ഞ്ഞി​രു​ന്നു. അ​ന്നു​മു​ത​ൽ പാ​വം ക​ർ​ഷ​ക​ർ ഓ​ട്ടം തു​ട​ങ്ങി. പി​ആ​ർ​എ​സ് കൊ​ടു​ത്തി​രു​ന്ന ബാ​ങ്കു​ക​ളി​ൽ​നി​ന്ന് അ​തു തി​രി​ച്ചു​വാ​ങ്ങി നി​ർ​ദേ​ശി​ക്ക​പ്പെ​ട്ടി​രി​ക്കു​ന്ന ബാ​ങ്കു​ക​ളി​ലേ​ക്ക് എ​ത്തി​യ​പ്പോ​ൾ വീ​ണ്ടും അ​ക്കൗ​ണ്ട് എ​ടു​ക്കാ​ൻ നി​ർ​ദേ​ശം. ഇ​തൊ​ന്നും ചോ​ദി​ക്കാ​ൻ ഇ​വി​ടെ ആ​രു​മി​ല്ലാ​ത്ത അ​വ​സ്ഥ.

ക​ർ​ഷ​ക​ന്‍റെ ദ​യ​നീ​യ​ത

നെ​ൽ​ക​ർ​ഷ​ക​ൻ വി​ത്തും വ​ള​വും കീ​ട​നാ​ശി​നി​യും മു​ൻ​കൂ​ർ വി​ല കൊ​ടു​ത്ത് വാ​ങ്ങേ​ണ്ടി​വ​രു​ന്നു. നി​ല​മൊ​രു​ക്കു​ന്ന​തി​നും തൊ​ഴി​ലാ​ളി​ക്കും കൊ​യ്ത്തു യ​ന്ത്ര​ത്തി​നും മു​ൻ​കൂ​റാ​യി കൂ​ലി​യും വാ​ട​ക​യും ന​ല്കേ​ണ്ടി​വ​രു​ന്നു. അ​ന്യാ​യ​മാ​യ നെ​ല്ല് ചു​മ​ട്ടു​കൂ​ലി പാ​ട​വ​ര​മ്പി​ൽ ത​ന്നെ ന​ല്കാ​ൻ നി​ർ​ബ​ന്ധി​ത​നാ​വു​മ്പോ​ൾ, ക​ർ​ഷ​ക​ന്‍റെ നെ​ല്ലി​ന്‍റെ വി​ല​യ്ക്ക് മാ​സ​ങ്ങ​ൾ കാ​ത്തി​രി​ക്കേ​ണ്ടി​വ​രു​ന്നു. മാ​സ​ങ്ങ​ളു​ടെ കാ​ത്തി​രി​പ്പി​നു​ശേ​ഷം കി​ട്ടു​ന്ന​തു​പോ​ലും ബാ​ങ്കു​ക​ളു​ടെ നി​ഗൂ​ഢ​പ​ലി​ശ​യും മ​റ്റ് കി​ഴി​വു​ക​ളും ക​ഴി​ച്ച്. ഉ​ത്പാ​ദി​പ്പി​ച്ച് വി​റ്റ​ഴി​ച്ച ഉ​ത്പ​ന്ന​ത്തി​ന്‍റെ വി​ല വാ​യ്പ​യാ​യി കി​ട്ടു​ന്ന​തും അ​തി​ന് പ​ലി​ശ ന​ല്കേ​ണ്ടി വ​രു​ന്ന​തു​മാ​യ ലോ​ക​ത്തി​ലെ ഏ​ക സ​മൂ​ഹം ക​ർ​ഷ​ക​ർ മാ​ത്ര​മാ​ണ്. ഇ​ങ്ങ​നെ ക​ർ​ഷ​ക​നെ ദു​രി​ത​ക്ക​യ​ത്തി​ൽ​പ്പെ​ടു​ത്തി ആ​രൊ​ക്കെ​യോ നേ​ട്ടം കൊ​യ്യു​ന്നു.

നെ​ൽ​കൃ​ഷി സം​ര​ക്ഷി​ക്കാ​ൻ നെ​ൽ​വി​ല വ​ർ​ധി​പ്പി​ക്കു​ന്ന​തി​നോ​ടൊ​പ്പം ഓ​രോ കൃ​ഷി​ക്കാ​ര​നും കൃ​ഷി​യി​ട വി​സ്തീ​ർ​ണ​ത്തി​ന്‍റെ അ​ടി​സ്ഥാ​ന​ത്തി​ൽ കൃ​ഷി ആ​രം​ഭി​ക്കു​ന്ന​തി​നു മു​ൻ​പാ​യി നി​ശ്ചി​ത തു​ക മു​ൻ​കൂ​റാ​യി പ​ലി​ശ​ര​ഹി​ത​മാ​യി ല​ഭ്യ​മാ​ക്ക​ണം എ​ന്ന​ത് ദീ​ർ​ഘ​നാ​ളാ​യു​ള്ള ക​ർ​ഷ​ക​ന്‍റെ ആ​വ​ശ്യ​മാ​ണ്. ഇ​ന്ത്യ​യി​ൽ ചി​ല സം​സ്ഥാ​ന​ങ്ങ​ളി​ലും മ​റ്റ് പ​ല രാ​ജ്യ​ങ്ങ​ളി​ലും ഈ ​രീ​തി വി​ജ​യ​ക​ര​മാ​യി ന​ട​പ്പി​ൽ വ​രു​ത്തി​യി​ട്ടു​ണ്ട്. മ​നു​ഷ്യ​ന്‍റെ ഏ​റ്റ​വും അ​ടി​യ​ന്ത​ര ആ​വ​ശ്യ​മാ​യ ഭ​ക്ഷ്യ​സു​ര​ക്ഷ​യ്ക്കാ​യി അ​ധ്വാ​നി​ക്കു​ന്ന ക​ർ​ഷ​ക​ർ​ക്ക് മ​റ്റെല്ലാ മേ​ഖ​ല​ക​ളെ​ക്കാ​ളും പ്രാ​ധാ​ന്യം ന​ല്കേ​ണ്ട​ത് ആ​വ​ശ്യ​മാ​ണെ​ന്ന് ആ​ധു​നി​ക സ​മ്പ​ദ് വ്യ​വ​സ്ഥ​ക​ൾ മ​ന​സി​ലാ​ക്കി​യി​രി​ക്കു​ന്നു. എ​ന്നാ​ൽ അ​തു മ​ന​സി​ലാ​ക്കാ​ൻ ഇ​നി​യും നാം ​മു​ന്നോ​ട്ട് പോ​കേ​ണ്ട അ​വ​സ്ഥ​യാ​ണ്.


അ​രി​ക്കു​വേ​ണ്ടി ആ​ന്ധ്ര​യി​ലെ​യും പ​ഞ്ചാ​ബി​ലെ​യും നെ​ൽ​പാ​ട​ങ്ങ​ളി​ലേ​ക്കു നോ​ക്കി കാ​ത്തി​രി​ക്കു​ന്ന​തി​നു പ​ക​രം ന​മ്മു​ടെ നാ​ട്ടി​ൽ ഇ​പ്പോ​ൾ നി​ല​വി​ലു​ള്ള കൃ​ഷി​യി​ട​ങ്ങ​ളെ​ങ്കി​ലും ന്യാ​യ​മാ​യ രീ​തി​യി​ൽ കൃ​ഷി ചെ​യ്യ​പ്പെ​ടു​ന്ന​തി​നു​ള്ള സൗ​ക​ര്യം ഒ​രു​ക്കി ന​ല്ക​ണം. അ​ങ്ങ​നെ സൗ​ക​ര്യം ന​ല്കി​യാ​ൽ അ​ന്ത​സാ​യി നെ​ൽ​ക്കൃ​ഷി ചെ​യ്യാ​ൻ ക​ർ​ഷ​ക​ർ ത​യാ​റാ​കും. പു​തി​യ ത​ല​മു​റ താ​ത്പ​ര്യ​ത്തോ​ടെ കൃ​ഷി​യി​ലേ​ക്കു ക​ട​ന്നു​വ​രും.

കാ​ർ​ഷി​ക​മേ​ഖ​ല​യി​ൽ കു​ത്തി​ത്തി​രി​പ്പി​നും വ​ർ​ഗീ​യ ധ്രു​വീ​ക​ര​ണ​ത്തി​നും ഒ​ട്ടും സാ​ധ്യ​ത​യി​ല്ല എ​ന്നു മ​ന​സി​ലാ​ക്ക​ണം. ഏ​തെ​ങ്കി​ലും സ​മു​ദാ​യ നേ​താ​ക്ക​ൾ ക​ർ​ഷ​ക​ർ​ക്കു​വേ​ണ്ടി ശ​ബ്ദി​ച്ചാ​ൽ അ​വ​രെ ഒ​റ്റ​പ്പെ​ടു​ത്താ​നു​ള്ള നീ​ക്ക​മാ​ണ് എ​ല്ലാ ഭാ​ഗ​ത്തു​നി​ന്നും ഉ​ണ്ടാ​കു​ന്ന​ത്. അ​ള​മു​ട്ടി​യാ​ൽ ചേ​ര​യും ക​ടി​ക്കും. ക​ർ​ഷ​ക​ൻ എ​ന്നും ദു​രി​ത​ക്കൊ​യ്ത്ത് മാ​ത്രം ന​ട​ത്തി​യാ​ൽ മ​തി​യോ? നി​ല​നി​ല്പാ​ണ് ക​ർ​ഷ​ക​ൻ നേ​രി​ടു​ന്ന പ്ര​ശ്നം. അ​വി​ടെ ജാ​തി​യോ മ​ത​മോ രാ​ഷ്‌​ട്രീ​യ​മോ ഇ​ല്ല. ജീ​വി​ച്ചി​രി​ക്കു​ക എ​ന്ന​തു മാ​ത്ര​മാ​ണ് ക​ർ​ഷ​ക​ന്‍റെ ആ​ഗ്ര​ഹം.

ക​ർ​ഷ​ക​ന്‍റെ ആ​വ​ശ്യ​ങ്ങ​ൾ?

അ​സം​ഘ​ടി​ത​നാ​യ ക​ർ​ഷ​ക​ന്‍റെ ആ​വ​ശ്യ​ങ്ങ​ൾ യ​ഥാ​സ​മ​യും എ​ത്തേ​ണ്ടി​ട​ത്ത് എ​ത്താ​തി​രി​ക്കു​ന്ന​തും, ശ്ര​ദ്ധി​ക്കേ​ണ്ട​വ​ർ ശ്ര​ദ്ധി​ക്കാ​തെ പോ​കു​ന്നു എ​ന്ന​തു​മാ​ണ് യാ​ഥാ​ർ​ഥ്യം. ക​ർ​ഷ​ക​ന്‍റെ ക​ഷ്ട​പ്പാ​ടി​നും ചെ​ല​വി​നും ആ​നു​പാ​തി​ക​മാ​യ വ​രു​മാ​നം കൃ​ഷി​യി​ൽ​നി​ന്ന് ഉ​ണ്ടാ​വ​ണം. ത​ന്‍റെ മു​ത​ൽ​മു​ട​ക്കി​നെ​യും മൂ​ല​ധ​ന​ച്ചെ​ല​വി​നെ​യും അ​ടി​സ്ഥാ​ന​പ്പെ​ടു​ത്തി​യു​ള്ള വ​രു​മാ​ന​വും അ​തു​വ​ഴി മാ​ന്യ​ത​യും ഉ​ണ്ടാ​വും എ​ന്ന തോ​ന്ന​ൽ പു​തു​ത​ല​മു​റ​യ്ക്കു ന​ല്കാ​ൻ സാ​ധി​ക്കാ​ത്ത​തു​കൊ​ണ്ടാ​ണ് അ​വ​ർ കൃ​ഷി​യി​ലേ​ക്ക് എ​ത്താ​ത്ത​ത്.

സ്വ​ന്ത​മാ​യി കൃ​ഷി ചെ​യ്തു​ണ്ടാ​ക്കു​ന്ന ഭ​ക്ഷ്യ​ധാ​ന്യം എ​ന്‍റെ അ​യ​ൽ​വാ​സി​ക്കും നാ​ട്ടു​കാ​ർ​ക്കും അ​ടി​സ്ഥാ​ന ആ​വ​ശ്യ​മാ​യ ഭ​ക്ഷ്യ​സു​ര​ക്ഷ ഉ​റ​പ്പാ​ക്കു​ന്നു എ​ന്ന ആ​വേ​ശ​മാ​യി​രു​ന്നു ഒ​രു​കാ​ല​ത്ത് ക​ർ​ഷ​ക​രെ കൃ​ഷി​യി​ൽ പി​ടി​ച്ചു​നി​ർ​ത്തി​യ​ത്. ഈ ​അ​വ​ബോ​ധം ഉ​ത്ത​ര​വാ​ദ​പ്പെ​ട്ട​വ​രി​ലും പൊ​തു​സ​മൂ​ഹ​ത്തി​ലും ഉ​ണ്ടാ​വേ​ണ്ടി​യി​രി​ക്കു​ന്നു. നെ​ൽ​കർ​ഷ​ക​രു​ടെ ഏ​റ്റ​വും അ​ടി​യ​ന്ത​ര​മാ​യ ആ​വ​ശ്യ​ങ്ങ​ൾ അം​ഗീ​ക​രി​ച്ചാ​ൽ നെ​ൽ​ക്കൃ​ഷി ഈ ​നാ​ട്ടി​ൽ നി​ല​നി​ല്ക്കും.

► നെ​ൽ​ക​ർ​ഷ​ക​ർ​ക്ക് ചെ​ല​വി​ന്‍റെ അ​ടി​സ്ഥാ​ന​പ്പെ​ടു​ത്തി കി​ലോ​യ്ക്ക് 40 രൂ​പ എ​ങ്കി​ലും നെ​ൽ​വി​ല നി​ശ്ച​യി​ക്കു​ക​യും കാ​ലാ​കാ​ല​ങ്ങ​ളി​ൽ വ​ർ​ധ​ന​വ​രു​ത്തു​ക​യും ചെ​യ്യു​ക.

► ഏ​ക്ക​ർ ഒ​ന്നി​ന് മു​ൻ​കൂ​റാ​യി പ​ലി​ശ​ര​ഹി​ത വാ​യ്പ​യാ​യി 25,000 രൂ​പ അ​നു​വ​ദി​ക്കു​ക.

►യ​ഥാ​സ​മ​യം കൊ​യ്ത്തു​യ​ന്ത്ര​ങ്ങ​ൾ ല​ഭ്യ​മാ​ക്കു​ക​യും നെ​ല്ല് സം​ഭ​ര​ണം വേ​ഗ​ത്തി​ലാ​ക്കു​ക​യും, ‘കി​ഴി​വ്’ എ​ന്ന കി​രാ​ത സ​മ്പ്ര​ദാ​യം ഇ​ല്ലാ​താ​ക്കു​ക​യും ചെ​യ്യു​ക.

► നെ​ല്ല് സം​ഭ​ര​ണ​ത്തി​ലെ​യും യ​ന്ത്ര​വാ​ട​ക​യി​ലെ​യും അ​ന്യാ​യ ചൂ​ഷ​ണം അ​വ​സാ​നി​പ്പി​ക്കു​ക.

► നെ​ല്ല് സം​ഭ​രി​ച്ച് ഏ​ഴ് ദി​വ​സ​ങ്ങ​ൾ​ക്ക​കം ക​ർ​ഷ​ക​ന്‍റെ അ​ക്കൗ​ണ്ടി​ൽ നെ​ൽ​വി​ല വാ​യ്പ അ​ല്ലാ​തെ ല​ഭ്യ​മാ​ക്കു​ക.

► മ​റ്റു മേ​ഖ​ല​ക​ളി​ൽ​നി​ന്നു വ്യ​ത്യ​സ്ത​മാ​യ ചു​മ​ട്ടു​കൂ​ലി​യി​ൽ കു​റ​വ് വ​രു​ത്തു​ക​യും ചു​മ​ട്ടു​കൂ​ലി പൂ​ർ​ണ​മാ​യും സം​ഭ​രി​ക്കു​ന്ന ഏ​ജ​ൻ​സി ന​ല്കു​ന്ന​തി​നു വേ​ണ്ട ന​ട​പ​ടി സ്വീ​ക​രി​ക്കു​ക​യും ചെ​യ്യു​ക.

► ന​ഷ്ട​ത്തി​ന് ആ​നു​പാ​തി​ക​മാ​യ ഇ​ൻ​ഷ്വ​റ​ൻ​സ് പ​രി​ര​ക്ഷ കാ​ല​താ​മ​സം കൂ​ടാ​തെ അ​നു​വ​ദി​ക്കു​ക.

► കൃ​ഷി​വ​കു​പ്പി​ന്‍റെ​യും പാ​ഡി ഓ​ഫീ​സു​ക​ളു​ടെ​യും പ്ര​വ​ർ​ത്ത​ന​ങ്ങ​ൾ കൂ​ടു​ത​ൽ ക​ർ​ഷ​ക സൗ​ഹൃ​ദ​മാ​ക്കു​ക.