ഭോ​പ്പാ​ലി​ൽ​നി​ന്ന് സെ​ബി​ൻ ജോ​സ​ഫ്

മ​ധ്യ​പ്ര​ദേ​ശ്, ഛത്തീ​സ്ഗ​ഡ് നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾ അ​ടു​ത്ത പാ​ർ​ല​മെ​ന്‍റ് തെ​ര​ഞ്ഞെ​ടു​പ്പി​ന്‍റെ ഉ​ര​ക​ല്ലു​ക​ളാ​ണ്. നി​ശ​ബ്‌​ദ​പ്ര​ചാ​ര​ണ​ത്തി​ലേ​ക്കു ക​ട​ന്ന ഇ​രു സം​സ്ഥാ​ന​ത്തും ഹി​ന്ദു​ത്വ-​വി​ക​സ​ന ആ​ശ​യ​ങ്ങ​ൾ ത​മ്മി​ലു​ള്ള പോ​രാ​ട്ട​മാ​ണു ന​ട​ക്കു​ന്ന​ത്. തീ​വ്ര വ​ർ​ഗീ​യ കാ​ർ​ഡ് ഇ​റ​ക്കി ബി​ജെ​പി ക​ളി​ക്കു​ന്പോ​ൾ, വി​ക​സ​ന​വും ന്യൂ​ന​പ​ക്ഷ ക്ഷേ​മ​വും ഉ​യ​ർ​ത്തി​ക്കാ​ട്ടിയാണ് കോ​ണ്‍ഗ്ര​സ് തെ​ര​ഞ്ഞെ​ടു​പ്പി​നെ നേ​രി​ടു​ന്നത്. ഛത്തീ​സ്ഗ​ഡി​ൽ ഭൂ​പേ​ഷ് ബാ​ഗേ​ലി​ന്‍റെ നേ​തൃ​ത്വ​ത്തി​ലു​ള്ള കോ​ണ്‍​ഗ്ര​സ് സ​ർ​ക്കാ​രി​നെ​തി​രേ ഭ​ര​ണ​വി​രു​ദ്ധ വി​കാ​ര​മി​ല്ലെ​ങ്കി​ൽ മ​ധ്യ​പ്ര​ദേ​ശി​ൽ നേ​രേ തി​രി​ച്ചാ​ണ്. കോ​ൺ​ഗ്ര​സി​ന്‍റെ ക​മ​ൽ​നാ​ഥ് സ​ർ​ക്കാ​രി​നെ പ​തി​ന​ഞ്ചാം മാ​സം താ​ഴെ​യി​റ​ക്കി നാ​ലാം​വ​ട്ടം മു​ഖ്യ​മ​ന്ത്രി​യാ​യ ബി​ജെ​പി​യു​ടെ ശി​വ്‌​രാ​ജ് സിം​ഗ് ചൗ​ഹാ​നെ​തി​രേ ഭ​ര​ണ​വി​രു​ദ്ധ വി​കാ​രം ശ​ക്ത​മാ​ണ്. കേ​ട്ടു ത​ഴ​ന്പി​ച്ച വ്യാ​പം അ​ഴി​മ​തി മു​ത​ൽ ക​രാ​ർ ന​ഴ്സിം​ഗ് നി​യ​മ​ന അ​ഴി​മ​തി വ​രെ പ്ര​തി​പ​ക്ഷ പാ​ർ​ട്ടി​ക​ൾ ആ​രോ​പി​ക്കു​ന്നു.

മാ​മ എ​ന്നു ജ​ന​ങ്ങ​ൾ വി​ളി​ക്കു​ന്ന മു​ഖ്യ​മ​ന്ത്രി ശി​വ്‌​രാ​ജ് സിം​ഗ് ചൗ​ഹാ​ൻ അ​മി​താ​ഭ് ബ​ച്ച​നേ​ക്കാ​ളും ന​ല്ല ന​ട​നാ​ണെ​ന്നും 50 ശ​ത​മാ​നം ക​മ്മീ​ഷ​ൻ സ​ർ​ക്കാ​രാ​ണ് സം​സ്ഥാ​ന​ത്തു ഭ​ര​ണം ന​ട​ത്തു​ന്ന​തെ​ന്നും കോ​ണ്‍​ഗ്ര​സ് മു​ഖ്യ​മന്ത്രി സ്ഥാ​നാ​ർ​ഥി ക​മ​ൽ​നാ​ഥ് പ​രി​ഹ​സി​ച്ചു. ദാ​തി​യി​ൽ തെ​ര​ഞ്ഞെ​ടു​പ്പു യോ​ഗ​ത്തി​നെ​ത്തി​യ പ്രി​യ​ങ്ക ഗാ​ന്ധി​യും ചൗ​ഹാ​നെ​തി​രേ ആ​ഞ്ഞ​ടി​ച്ചു. കോ​ണ്‍​ഗ്ര​സ് വി​ട്ടു ബി​ജെ​പി​യി​ൽ ചേ​ർ​ന്ന ജ്യോ​തി​രാ​ദി​ത്യ സി​ന്ധ്യ​യെ​യും പ്രി​യ​ങ്ക ക​ണ​ക്കി​ന് പ​രി​ഹ​സി​ച്ചു. നു​ഴ​ഞ്ഞു​ക​യ​റ്റ​ക്കാ​ര​ൻ എ​ന്നു​വ​രെ പ​റ​ഞ്ഞ പ്രി​യ​ങ്ക, മ​ഹാ​രാ​ജാ​വ് ക​ള്ള​നാ​ണെ​ന്നും പ​റ​ഞ്ഞു. ഗ്വാ​ളി​യോ​ർ രാ​ജ​കു​ടും​ബാം​ഗ​മാ​യ സി​ന്ധ്യ​ക്ക് ആ ​മേ​ഖ​ല​യി​ൽ മേ​ൽ​ക്കൈ​യു​ണ്ട്. മു​ഖ്യ​മ​ന്ത്രി​സ്ഥാ​ന​ത്തി​നാ​യി 2018ൽ ​വാ​ശി​പി​ടി​ച്ച സി​ന്ധ്യ​യെ​യും സം​ഘ​ത്തെ​യും അ​ട​ർ​ത്തി​യെ​ടു​ത്താ​ണ് ബി​ജെ​പി നാ​ലാം​വ​ട്ട​വും ശി​വ്‌​രാ​ജ് സിം​ഗ് ചൗ​ഹാ​നെ മുഖ്യ​മ​ന്ത്രി​യാ​ക്കി​യ​ത്.

ക​മ​ൽ ന​ഹി, ക​മ​ൽ​നാ​ഥ്

“ക​മ​ൽ ന​ഹി, ഇ​സ് ബാ​ർ ക​മ​ൽ​നാഥ്, ഡ​ണ്‍ ക​മ​ൽ​നാ​ഥ് വി​ൻ ക​മ​ൽ​നാഥ്’’ എ​ന്നീ മു​ദ്രാ​വാ​ക്യ​വു​മാ​യാ​ണ് കോ​ണ്‍ഗ്ര​സ് തെ​ര​ഞ്ഞെ​ടു​പ്പി​നെ നേ​രി​ടു​ന്ന​ത്. 77കാ​ര​നാ​യ ക​മ​ൽ​നാ​ഥി​ന്‍റെ അ​വ​സാ​ന​ത്തെ തെ​ര​ഞ്ഞെ​ടു​പ്പു പോ​രാ​ട്ട​മാ​യി​രി​ക്കും ഇ​ത്. മൂ​ന്നു കേ​ന്ദ്ര​മ​ന്ത്രി​മാ​രു​ൾ​പ്പെ​ടെ ഏ​ഴ് എം​പി​മാ​രെ​യാ​ണ് ബി​ജെ​പി ഇ​ക്കു​റി പ​രീ​ക്ഷി​ക്കു​ന്ന​ത്. ചൗ​ഹാ​ൻ സ​ർ​ക്കാ​രി​നെ​തി​രേ​യു​ള്ള ഭ​ര​ണ​വി​രു​ദ്ധ​ വി​കാ​രം നേ​രി​ടാ​നാ​ണ് മോ​ദി കേ​ന്ദ്ര​ത്തി​ൽ​നി​ന്ന് നേ​താ​ക്ക​ളെ ഇ​റ​ക്കി​യി​രി​ക്കു​ന്ന​ത്.

എ​ല്ലാ​വ​രെ​യും ചേ​ർ​ത്തു​നി​ർ​ത്തി​യു​ള്ള ഭ​ര​ണ​മാ​ണു മ​ധ്യ​പ്ര​ദേ​ശി​ൽ ഉ​ണ്ടാ​കു​ക​യെ​ന്ന് ക​മ​ൽ​നാ​ഥ് തെ​ര​ഞ്ഞെ​ടു​പ്പു യോ​ഗ​ങ്ങ​ളി​ൽ പ​റ​യു​ന്നു. ഗോ​ത​ന്പ് കൃ​ഷി​യി​ൽ​നി​ന്നു മാ​റി ബ​സു​മ​തി അ​രി കൃ​ഷി​യി​ലേ​ക്കു തി​രി​ഞ്ഞ ക​ർ​ഷ​ക​രു​ടെ പ്ര​ശ്ന​വും സോ​യാ​ബീ​ൻ ക​ർ​ഷ​ക​രു​ടെ വി​ള​നാ​ശ​വും താ​ങ്ങു​വി​ല​യു​മാ​ണ് ഗ്രാ​മ​ങ്ങ​ളി​ൽ ച​ർ​ച്ചാ​വി​ഷ​യം. ചു​രു​ങ്ങി​യ​ത് 30 ഏ​ക്ക​റി​ൽ കൂ​ടു​ത​ൽ പാ​ട​ശേ​ഖ​ര​മു​ള്ള​വ​രാ​ണ് മ​ധ്യ​പ്ര​ദേ​ശി​ലെ കൃ​ഷി​ക്കാ​ർ. കേ​ര​ള​ത്തി​ലേ​തു​പോ​ലെ ഒ​ന്നും ര​ണ്ടും ഏ​ക്ക​ർ സ്ഥ​ല​മു​ള്ള കൃഷി​ക്കാ​ർ ഇ​വി​ടെ കു​റ​വാ​ണ്. പെണ്‍മ​ക്ക​ളു​ടെ വി​വാ​ഹ​ത്തി​നും മ​റ്റു​മാ​യി ചെ​റു​കി​ട കൃ​ഷി​ക്കാ​ർ ഭൂ​മി വി​ൽ​ക്കു​ക​യാ​ണു പ​തി​വ്.


വ​നി​താ വോ​ട്ട​ർ​മാ​ർ നി​ർ​ണാ​യ​കം

പ്രാ​യ​പൂ​ർ​ത്തി​യാ​യ പെ​ണ്‍​കു​ട്ടി​ക​ൾ​ക്ക് മാ​സം 1,000 രൂ​പ ന​ൽ​കു​ന്ന ലാ​ഡ്‌​ലി ബെ​ഹ​നാ പ​ദ്ധ​തി ശി​വ്‌​രാ​ജ് സിം​ഗ് ചൗ​ഹാ​ൻ സ​ർ​ക്കാ​രി​ന് വ​ൻ നേ​ട്ട​മാ​ണു​ണ്ടാ​ക്കി​യ​ത്. അ​ധി​കാ​ര​ത്തി​ലെ​ത്തി​യാ​ൽ 1,500 രൂ​പ ന​ൽ​കു​മെ​ന്ന് ക​മ​ൽ​നാ​ഥ് പ്ര​ഖ്യാ​പി​ച്ച​തോ​ടെ ബി​ജെ​പി സ​ർ​ക്കാ​രും ഈ ​തു​ക ഉ​യ​ർ​ത്തി. അ​ധി​കാ​രം ല​ഭി​ച്ചാ​ൽ 3,000 രൂ​പ​യാ​ക്കു​മെ​ന്നാ​ണ് ബി​ജെ​പി​യു​ടെ പു​തി​യ വാ​ഗ്ദാ​നം. സ​ർ​ക്കാ​ർ പ​ദ്ധ​തി​ക​ൾ മു​ഴു​വ​ൻ അ​ഴി​മ​തി​യി​ൽ മു​ങ്ങി​ക്കു​ളി​ച്ചി​രി​ക്കു​ക​യാ​ണെ​ന്ന് കോ​ണ്‍​ഗ്ര​സ് ആ​രോ​പി​ക്കു​ന്നു. 18 വ​ർ​ഷ​ത്തെ ശി​വ്‌​രാ​ജ് സിം​ഗ് ചൗ​ഹാ​ൻ സ​ർ​ക്കാ​രി​ന്‍റെ കീ​ഴി​ൽ ന​ട​ന്ന 250 അ​ഴി​മ​തി​യു​ടെ ക​ണ​ക്കു​ക​ൾ നി​ര​ത്തി​യാ​ണ് കോ​ണ്‍​ഗ്ര​സ് പ്ര​ചാ​ര​ണം.

വ​നി​താ വോ​ട്ട​ർ​മാ​ർ മ​ധ്യ​പ്ര​ദേ​ശി​ൽ നി​ർ​ണാ​യ​ക​മാ​ണ്. 57 മ​ണ്ഡ​ല​ങ്ങ​ളി​ൽ വ​നി​താ​ വോ​ട്ട​ർ​മാ​രാ​ണ് കൂ​ടു​ത​ൽ. അ​തി​നാ​ൽ, അവ​രെ സ്വാ​ധീ​നി​ക്കു​ന്ന​തി​നു​ള്ള പ​ദ്ധ​തി​ക​ൾ പ്ര​ഖ്യാ​പി​ക്കാ​ൻ ഇരു പാ​ർ​ട്ടി​ക​ളും മ​ത്സ​രി​ക്കു​ന്നു. കാ​ർ​ഷി​കക​ടം എ​ഴു​തി​ത്ത​ള്ളും, താ​ങ്ങു​വി​ല പ്ര​ഖ്യാ​പി​ക്കും, തൊ​ഴി​ല​വ​സ​ര​ങ്ങ​ൾ സൃ​ഷ്‌​ടി​ക്കും തു​ട​ങ്ങി​യ വാ​ഗ്‌​ദാ​ന​ങ്ങൾ കോ​ണ്‍ഗ്ര​സ് ത​ങ്ങ​ളു​ടെ പ്ര​ക​ട​ന​പ​ത്രി​ക​യി​ലൂ​ടെ ന​ൽ​കു​ന്നു. ഒ​രു കുടും​ബ​ത്തി​ലെ ഒ​രാ​ൾ​ക്കെ​ങ്കി​ലും സർ​ക്കാ​ർ, സ്വ​യംതൊ​ഴി​ൽ ആ​ണ് കോണ്‍ഗ്ര​സി​ന്‍റെ മ​റ്റൊ​രു വാ​ഗ്ദാ​നം.

23 ല​ക്ഷം വ​രു​ന്ന പു​തി​യ വോ​ട്ട​ർ​മാ​ർ എ​ന്തു ചി​ന്തി​ക്കു​മെ​ന്ന​ത് നി​ർ​ണാ​യ​ക​മാ​ണെ​ന്ന് മ​ധ്യ​പ്ര​ദേ​ശ് കോ​ണ്‍ഗ്ര​സ് വ​ക്താ​വ് പ്ര​വീ​ണ്‍ ധോ​ൽ​പു​രെ ദീ​പി​ക​യോ​ട് പ​റ​ഞ്ഞു. കോ​ണ്‍ഗ്ര​സ് 150നു ​മു​ക​ളി​ൽ സീ​റ്റി​ൽ ജ​യി​ക്കു​മെ​ന്നും സം​സ്ഥാ​ന​ത്തെ ബി​ജെ​പി സ​ർ​ക്കാ​ർ അ​ഴി​മ​തി​യി​ൽ മു​ങ്ങി​ക്കു​ളി​ച്ചി​രി​ക്കു​കയാ​ണെ​ന്നും അ​ദ്ദേ​ഹം പ​റ​ഞ്ഞു. ബി​ജെ​പി​ക്കു​ള്ളി​ൽ ഉ​ൾ​പാ​ർ​ട്ടി പ്ര​ശ്ന​മു​ണ്ട്. കോ​ണ്‍ഗ്ര​സ് ഒ​റ്റ​ക്കെ​ട്ടാ​ണ്. കേ​ന്ദ്ര​ നേ​തൃ​ത്വ​ത്തി​ന്‍റെ നി​ർ​ദേ​ശ​ങ്ങ​ൾ​ക്ക​നു​സ​രി​ച്ച് ക​മ​ൽ​നാ​ഥി​ന്‍റെ കീ​ഴി​ൽ സം​സ്ഥാ​ന​ത്ത് വ​ൻ ​പ്ര​ചാ​ര​ണ​മാ​ണു ന​ട​ത്തി​യി​രി​ക്കു​ന്ന​തെ​ന്നും അ​ദ്ദേ​ഹം വ്യ​ക്ത​മാക്കി.