ര​​​​ണ്ടാം ക്രി​​​​സ്തു​​​​വെ​​​​ന്ന അ​​​​പ​​​​ര​​​​നാ​​​​മ​​​​ത്തി​​​​ൽ അ​​​​റി​​​​യ​​​​പ്പെ​​​​ട്ടി​​​​രു​​​​ന്ന അ​​​​സീ​​​​സി​​​​യി​​​​ലെ വി​​​​ശു​​​​ദ്ധ ഫ്രാ​​​​ൻ​​​​സി​​​​സി​​​​ന്‍റെ നാ​​​​മം സ്വീ​​​​ക​​​​രി​​​​ച്ച് ക​​​​ത്തോ​​​​ലി​​​​ക്കാ തി​​​​രു​​​​സ​​​​ഭ​​​​യു​​​​ടെ 266-ാമ​​​​ത്തെ മാ​​​​ർ​​​​പാ​​​​പ്പ​​​​യാ​​​​യി 2013 മാ​​​​ർ​​​​ച്ച് 13നു തെ​​​​ര​​​​ഞ്ഞെ​​​​ടു​​​​ക്ക​​​​പ്പെ​​​​ട്ട, ക​​​​ഴി​​​​ഞ്ഞ പ​​​​ന്ത്ര​​​​ണ്ടു വ​​​​ർ​​​​ഷം ക​​​​ത്തോ​​​​ലി​​​​ക്കാ സ​​​​ഭ​​​​യെ സ്തു​​​​ത്യ​​​​ർ​​​​ഹ​​​​മാ​​​​യി ന​​​​യി​​​​ച്ച, വ​​​​ലി​​​​യ ഇ​​​​ട​​​​യ​​​​ന് പ്ര​​​​ണാ​​​​മം.

ക​​​​ർ​​​​ത്താ​​​​വി​​​​ന്‍റെ ക​​​​രു​​​​ണ​​​​യു​​​​ടെ മു​​​​ഖ​​​​മാ​​​​യി എ​​​​ക്കാ​​​​ല​​​​ത്തും വ​​​​ർ​​​​ത്തി​​​​ച്ചി​​​​രു​​​​ന്ന ഫ്രാ​​​​ൻ​​​​സി​​​​സ് പാ​​​​പ്പാ പാ​​​​വ​​​​ങ്ങ​​​​ളു​​​​ടെ പ​​​​ക്ഷം പി​​​​ടി​​​​ക്കു​​​​ക​​​​യും വേ​​​​ദ​​​​നി​​​​ക്കു​​​​ന്ന​​​​വ​​​​ർ​​​​ക്കു​​​വേ​​​​ണ്ടി​​​​യും അ​​​​ടി​​​​ച്ച​​​​മ​​​​ർ​​​​ത്ത​​​​പ്പെ​​​​ട്ട​​​​വ​​​​ർ​​​​ക്കു​​​വേ​​​​ണ്ടി​​​​യും എ​​​​ന്നും ശ​​​​ബ്ദി​​​​ക്കു​​​​ക​​​​യും ചെ​​​​യ്തി​​​​രു​​​​ന്ന ആ​​​ത്മീ​​​യ​​​നേ​​​​താ​​​​വാ​​​​യി​​​​രു​​​​ന്നു.

ലോ​​​​ക​​​​ത്തി​​​​ന്‍റെ അ​​​​തി​​​​ർ​​​​ത്തി​​​​ക​​​​ളി​​​​ലേ​​​​ക്കു യാ​​​​ത്ര​​​ചെ​​​​യ്ത് വി​​​​ളു​​​​ന്പു​​​​ക​​​​ളി​​​​ൽ ജീ​​​​വി​​​​ക്കു​​​​ന്ന മ​​​​നു​​​​ഷ്യ​​​​രു​​​​ടെ തോ​​​​ഴ​​​​നാ​​​​യി തീ​​​​രു​​​​ക​​​​യും അ​​​​വ​​​​രെ ചേ​​​​ർ​​​​ത്തു​​​​പി​​​​ടി​​​​ക്കു​​​​വാ​​​​ൻ അ​​​​നി​​​​ത​​​​ര​​​​സാ​​​​ധാ​​​​ര​​​​ണ​​​​മാ​​​​യ ഔ​​​​ത്സു​​​​ക്യം കാ​​​​ണി​​​​ക്കു​​​​ക​​​​യും ചെ​​​​യ്ത അ​​​​ദ്ദേ​​​​ഹം ഹൃ​​​​ദ​​​​യം നി​​​​റ​​​​യെ സ്നേ​​​​ഹ​​​​വും അ​​​​ഗാ​​​​ധ​​​​മാ​​​​യ ക​​​​രു​​​​ണ​​​​യു​​​​മു​​​​ള്ള വ്യ​​​​ക്തി​​​​യാ​​​​യി​​​​രു​​​​ന്നു.

38 ദി​​​​വ​​​​സം നീ​​​​ണ്ട ആ​​​​ശു​​​​പ​​​​ത്രി​​​വാ​​​​സ​​​​ത്തി​​​​നു​​​​ശേ​​​​ഷം റോ​​​​മി​​​​ലെ ജെ​​​​മെ​​​​ല്ലി ആ​​​​ശു​​​​പ​​​​ത്രി വി​​​​ട്ട​​​ശേ​​​ഷം കാ​​​​സ സാ​​​​ന്ത മാ​​​​ർ​​​​ത്ത​​​​യി​​​​ലെ ത​​​​ന്‍റെ വ​​​​സ​​​​തി​​​​യി​​​​ൽ ര​​​​ണ്ടു മാ​​​​സ​​​​ത്തെ വി​​​​ശ്ര​​​​മം ഡോ​​​​ക്‌​​​​ട​​​​ർ​​​​മാ​​​​ർ നി​​​​ർ​​​​ദേ​​​​ശി​​​​ച്ചെ​​​​ങ്കി​​​​ലും ഈ ​​​​ദി​​​​വ​​​​സ​​​​ങ്ങ​​​​ളി​​​​ലൊ​​​​ക്കെ​​​​യും അ​​​​ദ്ദേ​​​​ഹം ത​​​​നി​​​​ക്കെ​​​​ന്നും പ്രി​​​​യ​​​​പ്പെ​​​​ട്ട വി​​​​ശ്വാ​​​​സി​​​​സ​​​​മൂ​​​​ഹ​​​​ത്തെ കാ​​​​ണു​​​​വാ​​​​നാ​​​​യി പ​​​​ല പ്രാ​​​​വ​​​​ശ്യം വ​​​​ത്തി​​​​ക്കാ​​​​ൻ ബ​​​​സി​​​​ലി​​​​ക്ക​​​​യി​​​​ലെ​​​​ത്തി​​​​യ​​​​ത് മ​​​​നു​​​​ഷ്യ​​​​രോ​​​​ടു​​​​ള്ള അ​​​​ഗാ​​​​ധ​​​​മാ​​​​യ സ്നേ​​​​ഹ​​​​ത്തി​​​​ന്‍റെ പ്ര​​​​ക​​​​ട​​​​ന​​​​മാ​​​​യി​​​​രു​​​​ന്നു എ​​​​ന്നു തോ​​​​ന്നു​​​​ക​​​​യാ​​​​ണ്.

ആ​​​​ഗോ​​​​ള ക​​​​ത്തോ​​​​ലി​​​​ക്കാ സ​​​​ഭ​​​​യു​​​​ടെ ആ​​​​ത്മീ​​​​യ​​​​പി​​​​താ​​​​വാ​​​​യി 12 വ​​​​ർ​​​​ഷം സേ​​​​വ​​​​നം ചെ​​​​യ്ത അ​​​​ദ്ദേ​​​​ഹം എ​​​​ക്കാ​​​​ല​​​​വും മാ​​​​റ്റ​​​​ങ്ങ​​​​ളു​​​​ടെ പാ​​​​പ്പാ എ​​​​ന്നാ​​​​ണ​​​​റി​​​​യ​​​​പ്പെ​​​​ട്ടി​​​​രു​​​​ന്ന​​​​ത്. ചെ​​​​റു​​​​തും വ​​​​ലു​​​​തു​​​​മാ​​​​യ ഒ​​​ട്ട​​​ന​​​വ​​​​ധി വി​​​​പ്ല​​​​വാ​​​​ത്മ​​​​ക​​​​മാ​​​​യ മാ​​​​റ്റ​​​​ങ്ങ​​​​ൾ​​​​ക്ക് അ​​​​ദ്ദേ​​​​ഹം തു​​​​ട​​​​ക്കം കു​​​​റി​​​​ച്ചു​​​​വെ​​​​ന്ന​​​​ത് ഏ​​​​റെ ശ്ര​​​​ദ്ധേ​​​​യ​​​​മാ​​​​ണ്. ഇ​​​​ന്നി​​​​ന്‍റെ ലോ​​​​ക​​​​ത്തി​​​​ൽ ഏ​​​​റെ സ്വാ​​​​ധീ​​​​ന​​​​മു​​​​ള്ള വ്യ​​​​ക്തി എ​​​​ന്ന​​​​ത​​​​ര​​​​ത്തി​​​​ൽ ലോ​​​​ക​​​​ക്ര​​​​മ​​​​ത്തി​​​​ൽത​​​​ന്നെ ഒ​​​​ത്തി​​​​രി​​​യേ​​​റെ ശ്ര​​​​ദ്ധേ​​​​യ​​​​മാ​​​​യ ഇ​​​​ട​​​​പെ​​​​ട​​​​ലു​​​​ക​​​​ൾ ന​​​​ട​​​​ത്തി​​​​യ ഫ്രാ​​​​ൻ​​​​സി​​​​സ് പാ​​​​പ്പാ എ​​​​ന്നും യു​​​​ദ്ധ​​​​ങ്ങ​​​​ൾ​​​​ക്കെ​​​​തി​​​​രാ​​​​യി​​​​രു​​​​ന്നു. യു​​​​ദ്ധ​​​​മൊന്നി​​​​നും ശാ​​​​ശ്വ​​​​ത​​​​പ​​​​രി​​​​ഹാ​​​​ര​​​​മ​​​​ല്ല എ​​​​ന്നും ച​​​​ർ​​​​ച്ച​​​​ക​​​ളി​​​​ലൂ​​​​ടെ സ​​​​മാ​​​​ധാ​​​​ന​​​​ത്തി​​​​ന്‍റെ പാ​​​​ത​​​​യി​​​​ലേ​​​​ക്കു ന​​​​ട​​​​ക്ക​​​​ണ​​​​മെ​​​​ന്നും അ​​​​ദ്ദേ​​​​ഹം എ​​​​ന്നും ഓ​​​​ർ​​​​മി​​​​പ്പി​​​​ക്കു​​​​ക​​​​യും ആ​​​​ഹ്വാ​​​​നം ചെ​​​​യ്യു​​​​ക​​​​യും ചെ​​​​യ്തി​​​​രു​​​​ന്നു.


ത​​​​ന്‍റെ ചാ​​​​ക്രി​​​​ക ലേ​​​​ഖ​​​​ന​​​​ങ്ങ​​​​ളി​​​​ലൂ​​​​ടെ ശ്ര​​​​ദ്ധേ​​​​യ​​​​മാ​​​​യ കാ​​​​ഴ്ച​​​​പ്പാ​​​​ടു​​​​ക​​​​ളി​​​​ലേ​​​​ക്ക് ലോ​​​​ക​​​​ത്തി​​​​ന്‍റെ മ​​​​നഃ​​​​സാ​​​​ക്ഷി​​​​യെ​​​​ത്ത​​​​ന്നെ ഉ​​​​ണ​​​​ർ​​​​ത്തു​​​​വാ​​​​ൻ ത​​​​യാറാ​​​​യ ഫ്രാ​​​​ൻ​​​​സി​​​​സ് പാ​​​​പ്പാ​​​​യു​​​​ടെ "ലൗ​​​​ദാ​​​​ത്തോ​​​​ സി’എ​​​​ന്ന ചാ​​​​ക്രി​​​​ക ലേ​​​​ഖ​​​​നം ലോ​​​​കം മു​​​​ഴു​​​​വ​​​​ൻ ച​​​​ർ​​​​ച്ച​​​​യാ​​​​യ​​​​താ​​​​ണ്. ഭൂ​​​​മി​​​​യെയും പ്ര​​​​കൃ​​​​തി​​​​യെയും സം​​​​ര​​​​ക്ഷി​​​​ക്കേ​​​​ണ്ട​​​​തി​​​​ന്‍റെ ആ​​​​വ​​​​ശ്യ​​​​ക​​​​ത​​​​യെ​​​​ക്കു​​​​റി​​​​ച്ച് ഈ ​​​​ലോ​​​​ക​​​​ത്തെ ഓ​​​​ർ​​​​മി​​​​പ്പി​​​​ച്ച അ​​​​ദ്ദേ​​​​ഹം എ​​​​ന്നും ഭൂ​​​​മി​​​​യെ സ്നേ​​​​ഹി​​​​ച്ച, പ്ര​​​​കൃ​​​​തി​​​​യെ സ്നേ​​​​ഹി​​​​ച്ച വ്യ​​​​ക്തി​​​​യാ​​​​ണ്.

ഓ​​​​രോ വ​​​​ർ​​​​ഷ​​​​വും എ​​​​ന്‍റെ ഔ​​​​ദ്യോ​​​​ഗി​​​​ക​​​​ജീ​​​​വി​​​​ത​​​​ത്തി​​​​ന്‍റെ ഭാ​​​​ഗ​​​​മാ​​​​യി അ​​​​ദ്ദേ​​​​ഹ​​​​ത്തെ വ്യ​​​​ക്തി​​​​പ​​​​ര​​​​മാ​​​​യ കാ​​​​ണാ​​​​ൻ സാ​​​​ധി​​​​ച്ചി​​​​രു​​​​ന്ന അ​​​​വ​​​​സ​​​​ര​​​​ങ്ങ​​​​ളി​​​​ലൊ​​​​ക്കെ​​​​യും ഒ​​​​രു പി​​​​താ​​​​വി​​​​നോ​​​ട​​​​ടു​​​​ത്ത സ്നേ​​​​ഹ​​​​വും വാ​​​​ത്സ​​​​ല്യ​​​​വും ത​​​​ന്ന് ചേ​​​​ർ​​​​ത്തു​​​​പി​​​​ടി​​​​ച്ചി​​​​രു​​​​ന്ന പാ​​​​പ്പാ ത​​​ന്‍റെ നി​​​​ത്യ​​​​സ​​​​മ്മാ​​​​ന​​​​ത്തി​​​​നാ​​​​യി ദൈ​​​​വ​​​​സ​​​​ന്നി​​​​ധി​​​​യി​​​​ലേ​​​​ക്കു യാ​​​​ത്ര​​​​യാ​​​​യി എ​​​​ന്നു വി​​​​ശ്വ​​​​സി​​​​ക്കു​​​​വാ​​​​ൻ സാ​​​​ധി​​​​ക്കു​​​​ന്നി​​​​ല്ല.

ആ ​​​​വ​​​​ലി​​​​യ ഇ​​​​ട​​​​യ​​​​ന്‍റെ ദീ​​​​പ്ത​​​​മാ​​​​യ ഓ​​​​ർ​​​​മ​​​​ക​​​​ൾ​​​​ക്കു മു​​​​ന്നി​​​​ൽ ന​​​​മ്ര​​​​ശി​​​​ര​​​​സ്ക​​​​നാ​​​​യിനി​​​​ന്നു​​​​കൊ​​​​ണ്ട് അ​​​​ദ്ദേ​​​​ഹ​​​​ത്തി​​​​ന്‍റെ ആ​​​​ത്മ​​​​ശാ​​​​ന്തി​​​​ക്കാ​​​​യി പ്രാ​​​​ർ​​​​ഥി​​​​ക്കു​​​​ന്നു.