കേ​ര​ള​ത്തി​ന്‍റെ സ്വ​പ്ന​സാ​ഫ​ല്യ​മാ​യ വി​ഴി​ഞ്ഞം തു​റ​മു​ഖം ഇ​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി രാ​ജ്യ​ത്തി​നു സ​മ​ർ​പ്പി​ക്കു​ക​യാ​ണ്. തീ​ർ​ച്ച​യാ​യും കേ​ര​ള​ച​രി​ത്ര​ത്തി​ൽ അ​ട​യാ​ള​പ്പെ​ടു​ത്ത​പ്പെ​ടു​ന്ന ച​രി​ത്ര​മു​ഹൂ​ർ​ത്ത​മാ​ണി​ത്, കേ​ര​ള സ​ർ​ക്കാ​രി​നും ജ​ന​ത​യ്ക്കും അ​ഭി​മാ​നനി​മി​ഷ​വും. ഇ​ന്ത്യ​യി​ൽ ആ​ദ്യ​മാ​യി സം​സ്ഥാ​ന​ത്തി​ന്‍റെ മു​ൻ​കൈ​യി​ൽ ഇ​ത്ര ബൃ​ഹ​ത്താ​യ ഒ​രു തു​റ​മു​ഖം ഏ​റ്റെ​ടു​ത്തു പൂ​ർ​ത്തി​യാ​ക്കു​ന്ന​ത് ഇ​താ​ദ്യ​മാ​ണ്.

ഇ​ന്ത്യ​ക്കു ലോ​ക​ത്തി​ലേ​ക്കും ലോ​ക​ത്തി​ന് ഇ​ന്ത്യ​യി​ലേ​ക്കും തു​റ​ന്നു​കി​ട്ടു​ന്ന പു​തി​യ ഒ​രു പ്ര​വേ​ശ​നക​വാ​ട​മാ​യി​രി​ക്കും ഈ ​തു​റ​മു​ഖം. ഇ​തോ​ടെ സ​മു​ദ്ര​മാ​ർ​ഗേ​​യു​ള്ള വ്യാ​പാ​ര​ത്തി​ന്‍റെ​യും ലോ​ജി​സ്റ്റി​ക്സി​ന്‍റെ​യും ഹ​ബ് ആ​യി കേ​ര​ള​വും അ​തി​ലൂ​ടെ ഇ​ന്ത്യ​യും മാ​റു​ക​യാ​ണ്. ആ​ഗോ​ള ച​ര​ക്കു ഗ​താ​ഗ​ത​ത്തി​ൽ അ​തി​പ്രാ​ധാ​ന്യ​മു​ള്ള സാ​ന്നി​ധ്യ​മാ​യി ന​മ്മു​ടെ രാ​ജ്യം മാ​റു​ക​യാ​ണ്. നാ​ലു ഘ​ട്ട​ങ്ങ​ളി​ലാ​യി പൂ​ർ​ത്തി​യാ​ക്കാ​ൻ വി​ഭാ​വ​നം ചെ​യ്ത ഈ ​പ​ദ്ധ​തി​യു​ടെ കൊ​മേ​ഴ്സ്യ​ൽ ഓ​പ്പ​റേ​ഷ​ൻ 2024ൽ ​ത​ന്നെ ആ​രം​ഭി​ച്ചു. 2045ൽ ​പൂ​ർ​ത്തീ​ക​രി​ക്കേ​ണ്ട തു​ട​ർ​ഘ​ട്ട​ങ്ങ​ൾ 2028ൽ ​പൂ​ർ​ത്തീ​ക​രി​ക്കാ​നാ​കും. ഒ​ന്നാം ഘ​ട്ടം അ​തി​വേ​ഗം പൂ​ർ​ത്തി​യാ​ക്കി ക​മ്മീ​ഷ​നി​ലെ​ത്തി​ക്കാ​ൻ ക​ഴി​ഞ്ഞു. പ്ര​ഖ്യാ​പി​ക്ക​പ്പെ​ടു​ന്ന പ​ദ്ധ​തി​ക​ൾ സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കു​ക എ​ന്ന​താ​ണ് ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി സ​ർ​ക്കാ​രി​ന്‍റെ ഭ​ര​ണ​സം​സ്കാ​രം. അ​തി​ന്‍റെ മ​റ്റൊ​രു ദൃ​ഷ്ടാ​ന്ത​മാ​വു​ക​യാ​ണ് വി​ഴി​ഞ്ഞം തു​റ​മു​ഖം.

ക​ടു​ത്ത സാ​ന്പ​ത്തി​ക പ്ര​യാ​സ​ങ്ങ​ൾ സം​സ്ഥാ​നം നേ​രി​ടു​ന്ന ഘ​ട്ട​ത്തി​ൽ ത​ന്നെ​യാ​ണ് കേ​ര​ളം വ​ലി​യ തു​ക ഇ​തി​നു​വേ​ണ്ടി ക​ണ്ടെ​ത്തി​യ​ത്. പ്ര​കൃ​തി​ദു​ര​ന്ത​ങ്ങ​ളും കോ​വി​ഡ് മ​ഹാ​മാ​രി​യും സൃ​ഷ്ടി​ച്ച പ്ര​യാ​സ​ങ്ങ​ളെ നി​ശ്ച​യ​ദാ​ർ​ഢ്യ​ത്തോ​ടെ അ​തി​ജീ​വി​ച്ചു​കൊ​ണ്ടാ​ണ് ക​രാ​റി​ലെ ല​ക്ഷ്യ​സ​മ​യ​ത്തി​ന് വ​ള​രെ മു​ന്പു​ത​ന്നെ ഈ ​പ​ദ്ധ​തി പൂ​ർ​ത്തി​യാ​ക്കു​ന്ന​ത്. ആ​കെ ചെ​ല​വാ​യ 8,867 കോ​ടി രൂ​പ​യി​ൽ 5,595 കോ​ടി രൂ​പ​യും സം​സ്ഥാ​ന സ​ർ​ക്കാ​രാ​ണ് മു​ട​ക്കി​യ​ത്. 2,454 കോ​ടി രൂ​പ അ​ദാ​നി വി​ഴി​ഞ്ഞം പോ​ർ​ട്ട് പ്രൈ​വ​റ്റ് ലി​മി​റ്റ​ഡും. കേ​ന്ദ്രവി​ഹി​ത​മാ​യി ല​ഭി​ക്കേ​ണ്ട 818 കോ​ടി രൂ​പ, വി​ജി​എ​ഫ് വാ​യ്പാ രൂ​പ​ത്തി​ലാ​ണ് കേ​ന്ദ്രം ല​ഭ്യ​മാ​ക്കു​ന്ന​ത്. എ​ന്നാ​ൽ, ആ ​തു​ക ഇ​തു​വ​രെ കേ​ന്ദ്ര​ത്തി​ൽ​നി​ന്നു ല​ഭി​ച്ചി​ട്ടി​ല്ല. അ​ത് ല​ഭി​ക്കും എ​ന്നു​ത​ന്നെ​യാ​ണ് ന​മ്മു​ടെ പ്ര​തീ​ക്ഷ.

രാ​ജ്യ​ത്തെത​ന്നെ ആ​ദ്യ സെ​മി ഓ​ട്ടോ​മേ​റ്റ​ഡ് തു​റ​മു​ഖ​മാ​ണ് വി​ഴി​ഞ്ഞ​ത്ത് യാ​ഥാ​ർ​ഥ്യ​മാ​ക്കി​യി​രി​ക്കു​ന്ന​ത്. തു​റ​മു​ഖ​ത്തെ അ​ത്യാ​ധു​നി​ക സം​വി​ധാ​ന​ങ്ങ​ൾ ഓ​ട്ടോ​മാ​റ്റി​ക് ആ​യി പ്ര​വ​ർ​ത്തി​പ്പി​ക്കാ​ൻ സാ​ധി​ക്കു​ന്നു​വെ​ന്ന​ത് ച​ര​ക്കു​നീ​ക്ക​ത്തെ ത്വ​രി​ത​പ്പെ​ടു​ത്തും. ഐ​ഐ​ടി മ​ദ്രാ​സും മാ​രി​ടൈം ടെ​ക്നോ​ള​ജി പ്രൈ​വ​റ്റ് ലി​മി​റ്റ​ഡും ചേ​ർ​ന്ന് വി​ക​സി​പ്പി​ച്ച റ​ഡാ​ർ, സെ​ൻ​സ​ർ എ​ന്നി​വ ഉ​പ​യോ​ഗി​ച്ചു​ള്ള വെ​സ​ൽ ട്രാ​ഫി​ക് മാ​നേ​ജ്മെ​ന്‍റ് സി​സ്റ്റ​മാ​ണ് ക​പ്പ​ലു​ക​ളു​ടെ ച​ല​ന​ങ്ങ​ൾ കൃ​ത്യ​മാ​യി നി​യ​ന്ത്രി​ക്കു​ന്ന​ത്. ച​ര​ക്കു​നീ​ക്ക​ത്തെ വേ​ഗ​ത്തി​ലാ​ക്കാ​ൻ ഈ ​പു​തു​മ​ക​ൾ സ​ഹാ​യി​ക്കു​ന്നു​ണ്ട്.

ഇ​ന്ത്യ​ക്കു സ്വ​ന്ത​മാ​യി ഡീ​പ് വാ​ട്ട​ർ ട്രാ​ൻ​സ്ഷി​പ്മെ​ന്‍റ് തു​റ​മു​ഖ​മി​ല്ല. രാ​ജ്യ​ത്തെ ട്രാ​ൻ​സ്ഷി​പ്മെ​ന്‍റ് ച​ര​ക്കി​ന്‍റെ വ​ലി​യ ശ​ത​മാ​ന​വും സിം​ഗ​പ്പൂ​ർ, കൊ​ളം​ബോ, ദു​ബാ​യ് തു​ട​ങ്ങി​യ വി​ദേ​ശ തു​റ​മു​ഖ​ങ്ങ​ൾ വ​ഴി​യാ​ണ് നി​ല​വി​ൽ കൈ​കാ​ര്യം ചെ​യ്യ​പ്പെ​ടു​ന്ന​ത്. ഇ​തു​വ​ഴി ഇ​ന്ത്യ​ക്ക് പ്ര​തി​വ​ർ​ഷം 200 മു​ത​ൽ 220 മി​ല്യ​ണ്‍ ഡോ​ള​ർ വ​രെ വ​രു​മാ​ന ന​ഷ്ട​മു​ണ്ടാ​വു​ന്നു​ണ്ടെ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. വ്യാ​പാ​രരം​ഗ​ത്തെ ഈ ​വി​ഷ​മാ​വ​സ്ഥ​യ്ക്ക് വി​ഴി​ഞ്ഞം തു​റ​മു​ഖം അ​ന്ത്യം കു​റി​ക്കും. ആ ​നി​ല​യ്ക്കു രാ​ജ്യ​ത്തി​ന്‍റെ പൊ​തു സാ​ന്പ​ത്തി​ക സ്ഥി​തി​ക്കു കൂ​ടി വ​ലി​യ സം​ഭാ​വ​ന ന​ൽ​കാ​ൻ കേ​ര​ള​ത്തി​നു ക​ഴി​യു​ന്നു എ​ന്ന​തു ചെ​റി​യ കാ​ര്യ​മ​ല്ല.

അ​ന്താ​രാ​ഷ്‌​ട്ര ക​പ്പ​ൽ​പ്പാ​ത​യോ​ട് അ​സാ​ധാ​ര​ണ​മാംവി​ധം ഏ​റെ അ​ടു​ത്ത​തും 20 മീ​റ്റ​റി​ന്‍റെ സ്വാ​ഭാ​വി​ക ആ​ഴ​മു​ള്ള​തും റെയി​ൽ, റോ​ഡ്, എ​യ​ർ ക​ണ​ക്ടി​വി​റ്റി ഉ​ള്ള​തു​മാ​യ വി​ഴി​ഞ്ഞം ഇ​ന്ത്യ​യു​ടെ പൊ​തു​വാ​യ വി​ക​സ​ന ച​രി​ത്ര​ത്തി​ലെ നാ​ഴി​ക​ക്ക​ല്ലാ​വു​ക ത​ന്നെ ചെ​യ്യും. ലോ​ക​ത്തി​ലെ​ത​ന്നെ സു​പ്ര​ധാ​ന ട്രാ​ൻ​സ്ഷി​പ്പ്മെ​ന്‍റ് ഹ​ബ്ബു​ക​ളി​ലൊ​ന്നാ​കു​ന്ന ഇ​ത് കേ​ര​ള​ത്തി​ന്‍റെ, പ്ര​ത്യേ​കി​ച്ച് ത​ല​സ്ഥാ​ന ന​ഗ​ര​ത്തി​ന്‍റെ വി​ക​സ​ന​ത്തി​ന് ആ​ക്കം കൂ​ട്ടും.

ഇ​ന്ത്യ​ൻ ച​ര​ക്കു​ക​ളു​ടെ ട്രാ​ൻ​സ്ഷി​പ്മെ​ന്‍റി​നാ​യി വി​ദേ​ശ തു​റ​മു​ഖ​ങ്ങ​ളെ ആ​ശ്ര​യി​ക്കാ​തെ വി​ഴി​ഞ്ഞം തു​റ​മു​ഖ​ത്തെ ഉ​പ​യോ​ഗ​പ്പെ​ടു​ത്തു​ന്ന​ത് ന​മ്മു​ടെ രാ​ജ്യ​ത്തി​ന്‍റെ വ്യാ​പാ​രരം​ഗ​ത്ത് വ​ലി​യ ഉ​ത്തേ​ജ​ന​മു​ണ്ടാ​ക്കും. മ​റ്റ് പ​ല തു​റ​മു​ഖ​ങ്ങ​ളെ​യും അ​പേ​ക്ഷി​ച്ച് അ​റ്റ​കു​റ്റ​പ്പ​ണി ചെ​ല​വ് കു​റ​വാ​യ​തി​നാ​ലും 20,000 ടി​ഇ​യു വ​രെ ശേ​ഷി​യു​ള്ള ക​പ്പ​ലു​ക​ൾ​ക്ക് ച​ര​ക്കി​റ​ക്കാ​നു​ള്ള ശേ​ഷി​യു​ള്ള​തി​നാ​ലും വി​ഴി​ഞ്ഞം തു​റ​മു​ഖം അ​ന്താ​രാ​ഷ്‌​ട്ര ച​ര​ക്കു​നീ​ക്ക​ങ്ങ​ളു​ടെ കേ​ന്ദ്ര​മാ​യി മാ​റു​മെ​ന്നു​റ​പ്പാ​ണ്.
തി​രു​വ​ന​ന്ത​പു​രം ന​ഗ​ര​ത്തി​നു ചു​റ്റും നി​ർ​മാ​ണ​ത്തി​ലു​ള്ള ഔ​ട്ട​ർ റിം​ഗ് റോ​ഡു​മാ​യും കാ​ര്യ​ക്ഷ​മ​മാ​യി ബ​ന്ധി​പ്പി​ക്കു​ന്ന​തി​ലൂ​ടെ ച​ര​ക്ക് ഗ​താ​ഗ​തം സു​ഗ​മ​മാ​വും.

വി​ഴി​ഞ്ഞം തു​റ​മു​ഖ​ത്തെ​യും 10 കി​ലോ​മീ​റ്റ​ർ അ​പ്പു​റ​മു​ള്ള ബാ​ല​രാ​മ​പു​രം റെ​യി​ൽ​വേ സ്റ്റേ​ഷ​നെ​യും ബ​ന്ധി​പ്പി​ക്കു​ന്ന 10.7 കി​ലോ​മീ​റ്റ​ർ ബ്രോ​ഡ് ഗേ​ജ് റെ​യി​ൽ​വേ ലൈ​ൻ നി​ർ​മാ​ണ​ത്തി​ലാ​ണ്. അ​തി​ലു​ൾ​പ്പെ​ട്ട ഒ​മ്പ​തു കി​ലോ​മീ​റ്റ​ർ തു​ര​ങ്കം രാ​ജ്യ​ത്തെ നീ​ള​മേ​റി​യ ര​ണ്ടാ​മ​ത്തെ തു​ര​ങ്ക​പാ​ത​യാ​വും. ഈ ​റെ​യി​ൽ​പാ​ത നി​ല​വി​ൽ വ​രു​ന്ന​തോ​ടെ വി​ഴി​ഞ്ഞം തു​റ​മു​ഖം വ​ഴി​യു​ള്ള ച​ര​ക്കു​ഗ​താ​ഗ​തം എ​ളു​പ്പ​മാ​കും. ഇ​ത് നാ​ടി​ന്‍റെ സ​മ​ഗ്ര​വി​ക​സ​ന​ത്തി​നു​ള്ള ചാ​ല​ക​ശ​ക്തി​കൂ​ടി​യാ​കും.

ഇ​ങ്ങ​നെ​യൊ​രു തു​റ​മു​ഖം നി​ല​വി​ൽ വ​രു​ന്ന​തു​മാ​യി ബ​ന്ധ​പ്പെ​ട്ട് ഒ​രു​പാ​ട് ആ​ശ​ങ്ക​ക​ൾ പ്ര​ദേ​ശ​വാ​സി​ക​ൾ​ക്കു​ണ്ടാ​യി​രു​ന്നു. മ​ത്സ്യ​ത്തൊ​ഴി​ലാ​ളി​ക​ളു​ടെ​യും സ്ഥ​ലം വി​ട്ടു​കൊ​ടു​ക്കേ​ണ്ടി വ​ന്ന​വ​രു​ടെ​യു​മെ​ല്ലാം ആ​വ​ലാ​തി​ക​ൾ കേ​ട്ടു മ​ന​സി​ലാ​ക്കി സ​മ​ഗ്ര​മാ​യ പു​ന​ര​ധി​വാ​സ ന​ട​പ​ടി​ക​ൾ ആ​വി​ഷ്ക​രി​ക്കാ​ൻ സം​സ്ഥാ​ന സ​ർ​ക്കാ​രി​നു സാ​ധി​ച്ചു. ജീ​വ​നോ​പാ​ധി ന​ഷ്ട​പ​രി​ഹാ​രം, സാ​മൂ​ഹ്യ ക്ഷേ​മ പ​ദ്ധ​തി​ക​ൾ, സാ​മൂ​ഹ്യ പ്ര​തി​ബ​ദ്ധ​താ പ​ദ്ധ​തി​ക​ൾ തു​ട​ങ്ങി വൈ​വി​ധ്യ​മാ​ർ​ന്ന ന​ട​പ​ടി​ക​ളി​ലൂ​ടെ​യാ​ണ് പു​ന​ര​ധി​വാ​സം ഉ​റ​പ്പാ​ക്കാ​നാ​യ​ത്.

ജീ​വ​നോ​പാ​ധി ന​ഷ്ട​പ​രി​ഹാ​ര ഇ​ന​ത്തി​ൽ ഇ​തു​വ​രെ 107.28 കോ​ടി രൂ​പ​യാ​ണ് സം​സ്ഥാ​ന സ​ർ​ക്കാ​ർ വി​ത​ര​ണം ചെ​യ്ത​ത്. ക്ഷേ​മപ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി പു​തി​യ ക​മ്യൂ​ണി​റ്റി ഹെ​ൽ​ത്ത് സെ​ന്‍റ​ർ, മ​ത്സ്യ​ബ​ന്ധ​ന തു​റ​മു​ഖ നി​ർ​മാ​ണം, കു​ടി​വെ​ള്ള വി​ത​ര​ണം, നൈ​പു​ണ്യ പ​രി​ശീ​ല​ന കേ​ന്ദ്രം, സീ​ഫു​ഡ് പാ​ർ​ക്ക്, ആ​ശു​പ​ത്രി, വി​ദ്യാ​ഭ്യാ​സ, കാ​യി​ക മേ​ഖ​ല​ക​ൾ​ക്കാ​യു​ള്ള ഇ​ട​പെ​ട​ലു​ക​ൾ, ഭ​വ​ന​പ​ദ്ധ​തി തു​ട​ങ്ങി സ​മ​ഗ്ര​മാ​യ ഇ​ട​പെ​ട​ലു​ക​ൾ ന​ട​ത്താ​ൻ സ​ർ​ക്കാ​രി​നു സാ​ധി​ച്ചു.

സം​സ്ഥാ​ന​ത്തി​ന്‍റെ​യും രാ​ജ്യ​ത്തി​ന്‍റെ​യും വി​ക​സ​ന​ക്കു​തി​പ്പി​ന് ചാ​ല​ക​ശ​ക്തി​യാ​കു​ന്ന വി​ഴി​ഞ്ഞം തു​റ​മു​ഖം സ​മീ​പ​വാ​സി​ക​ളു​ടെ ജീ​വി​തനി​ല​വാ​രം ഉ​യ​ർ​ത്തു​ന്ന​തി​ലും വ​ലി​യ പ​ങ്കു​ വ​ഹി​ക്കും. ഇ​തു​വ​ഴി ധാ​രാ​ളം തൊ​ഴി​ല​വ​സ​ര​ങ്ങ​ളാ​ണ് സൃ​ഷ്ടി​ക്ക​പ്പെ​ട്ടി​ട്ടു​ള്ള​തും ഇ​നി സൃ​ഷ്ടി​ക്ക​പ്പെ​ടാ​ൻ പോ​കു​ന്ന​തും. വി​ഴി​ഞ്ഞം തു​റ​മു​ഖ​ത്തി​ലും അ​തി​ന്‍റെ ഓ​പ്പ​റേ​ഷ​ൻ പ​ങ്കാ​ളി​ക​ളി​ലും ക​രാ​ർ ക​ന്പ​നി​ക​ളി​ലു​മാ​യി ആ​കെ 755 പേ​ർ നി​ല​വി​ൽ തൊ​ഴി​ൽ നേ​ടി​യി​ട്ടു​ണ്ട്. ഇ​വ​രി​ൽ 67 ശ​ത​മാ​ന​ത്തോ​ളം കേ​ര​ള​ത്തി​ൽ​നി​ന്നു​ള്ള​വ​രാ​ണ്. അ​തി​ൽ​ത​ന്നെ 57 ശ​ത​മാ​നം തി​രു​വ​ന​ന്ത​പു​ര​ത്തുനി​ന്നു​ള്ള​വ​രും 35 ശ​ത​മാ​നം വി​ഴി​ഞ്ഞം സ്വ​ദേ​ശി​ക​ളു​മാ​ണ്.

തു​റ​മു​ഖ​ത്തെ ഓ​ട്ടോ​മേ​റ്റ​ഡ് സി​ആ​ർ​എം​ജി ക്രെ​യി​നു​ക​ൾ ഓ​പ്പ​റേ​റ്റ് ചെ​യ്യാ​ൻ മ​ത്സ്യ​ത്തൊ​ഴി​ലാ​ളി വി​ഭാ​ഗ​ത്തി​ൽ​പ്പെ​ട്ട വ​നി​ത​ക​ളെ പ​രി​ശീ​ല​നം ന​ൽ​കി നി​യ​മി​ച്ചി​ട്ടു​ണ്ട്. ഇ​ന്ത്യ​യി​ൽ ആ​ദ്യ​മാ​യി ഇ​ത്ത​രം യ​ന്ത്ര​ങ്ങ​ൾ സ്ത്രീ​ക​ൾ ഓ​പ്പ​റേ​റ്റ് ചെ​യ്യു​ന്ന​ത് വി​ഴി​ഞ്ഞ​ത്താ​യി​രി​ക്കും. വി​ക​സ​ന​ത്തി​ന്‍റെ ഗു​ണ​ഫ​ല​ങ്ങ​ൾ എ​ല്ലാ​വ​രി​ലേ​ക്കും എ​ത്തി​ക്കു​ക എ​ന്ന സം​സ്ഥാ​ന സ​ർ​ക്കാ​രി​ന്‍റെ ന​യ​മാ​ണ് ഇ​തി​ലൂ​ടെ​യെ​ല്ലാം ദൃ​ശ്യ​മാ​കു​ന്ന​ത്. ഇ​ങ്ങ​നെ പ്രാ​ദേ​ശി​ക​ത​ല​ത്തി​ൽനി​ന്നു തു​ട​ങ്ങി കേ​ര​ള​ത്തി​ന്‍റെ​യും അ​തു​വ​ഴി ഈ ​രാ​ജ്യ​ത്തി​ന്‍റെ​യും ബ​ഹു​മു​ഖ​മാ​യ മു​ന്നേ​റ്റ​ത്തി​ന്‍റെ ഊ​ർ​ജ​സ്രോ​ത​സാ​യി വി​ഴി​ഞ്ഞം അ​ന്താ​രാ​ഷ്‌​ട്ര തു​റ​മു​ഖം മാ​റു​ക​യാ​ണ്. ലോ​ക വാ​ണി​ജ്യ ഭൂ​പ​ട​ത്തി​ൽ ന​മ്മു​ടെ നാ​ടി​നെ അ​ട​യാ​ള​പ്പെ​ടു​ത്തു​ന്ന വ​ലി​യ ചു​വ​ടു​വ​യ്പാ​ണി​ത്. മാ​രി​ടൈം വി​നി​മ​യ​ങ്ങ​ളു​ടെ​യും ലോ​ജി​സ്റ്റി​ക്സി​ന്‍റെ​യും ഹ​ബ്ബാ​യു​ള്ള കേ​ര​ള​ത്തി​ന്‍റെ വ​ള​ർ​ച്ച ഇ​വി​ടെ ആ​രം​ഭി​ക്കു​ക​യാ​ണ്. അ​ന്താ​രാ​ഷ്‌​ട്ര ച​ര​ക്കു​നീ​ക്ക​ങ്ങ​ളു​ടെ സി​രാ​കേ​ന്ദ്ര​മാ​യു​ള്ള ഇ​ന്ത്യ​യു​ടെ കു​തി​പ്പി​നും തു​ട​ക്ക​മി​ടു​ക​യാ​ണ്.