റ​വ. ഡോ. ​അ​ലോ​ഷ്യ​സ് കൊ​ച്ചീ​ക്കാ​ര​ൻ​വീ​ട്ടി​ൽ ഒ​എ​സ്എ

ലാ​റ്റി​ന​മേ​രി​ക്ക​യി​ലെ അ​തി​ദ​രി​ദ്ര​രു​ടെ ജീ​വി​താ​നു​ഭ​വ​ങ്ങ​ളി​ൽ​നി​ന്നു രൂ​പ​പ്പെ​ട്ട​താ​ണ് പു​തി​യ പാ​പ്പാ​യു​ടെ ജീ​വി​ത​ബോ​ധ്യ​ങ്ങ​ൾ. അ​തു​കൊ​ണ്ടു​ത​ന്നെ കാ​ലം​ചെ​യ്ത ഫ്രാ​ൻ​സി​സ് പാ​പ്പാ തെ​ളി​ച്ചെ​ടു​ത്ത മാ​ന​വി​ക​ത​യു​ടെ​യും ചേ​ർ​ത്തു​പി​ടി​ക്ക​ലി​ന്‍റെ​യും പാ​ത​യി​ലൂ​ടെത​ന്നെ​യാ​യി​രി​ക്കും ലെ​യോ മാ​ർ​പാ​പ്പ​യും സ​ഞ്ച​രി​ക്കാ​ൻ ഇ​ഷ്‌​ട​പ്പെ​ട്ടു​ക.

പ​തി​നൊ​ന്നു​വ​ർ​ഷം പെ​റു​വി​ലെ ര​ണ്ടു രൂ​പ​ത​ക​ളി​ൽ ബി​ഷ​പ്പാ​യും ഏ​താ​ണ്ട് അ​ത്ര​യും ഒ​രു സാ​ധാ​ര​ണ സ​ന്യാ​സ​മി​ഷ​ണ​റി​യാ​യും പ്ര​വ​ർ​ത്തി​ച്ച​തി​ന്‍റെ അ​നു​ഭ​വം ലോ​ക​ത്തോ​ടു​ള്ള ത​ന്‍റെ ആ​ദ്യ​സ​ന്ദേ​ശ​ത്തി​ൽ​ത​ന്നെ പാ​പ്പ വെ​ളി​പ്പെ​ടു​ത്തു​ക​യു​ണ്ടാ​യി. തീ​രു​മാ​ന​ങ്ങ​ളി​ലും നി​ല​പാ​ടു​ക​ളി​ലും പാ​വ​പ്പെ​ട്ട​വ​രോ​ടൊ​പ്പം ശ​ങ്ക​യി​ല്ലാ​തെ നി​ൽ​ക്കാ​ൻ പു​തി​യ പാ​പ്പ​യെ പ്രേ​രി​പ്പി​ക്കും.

ജ​ന​നം​കൊ​ണ്ടു മാ​ത്ര​മേ മാ​ർ​പാ​പ്പ അ​മേ​രി​ക്ക​ക്കാ​ര​ൻ ആ​കു​ന്നു​ള്ളൂ. ക​ർ​മം​കൊ​ണ്ട് ലോ​ക​ത്തി​ലെ ഏ​തു ദേ​ശ​ത്തോ​ടും മ​നു​ഷ്യ​രോ​ടും അ​നു​രൂ​പ​പ്പെ​ടാ​നു​ള്ള ഹൃ​ദ​യ​വി​ശാ​ല​ത​യു​ടെ പേ​രാ​കും ലെ​യോ പ​തി​നാ​ലാ​മ​ൻ എ​ന്ന​ത്.

മ​നു​ഷ്യ​ന്‍റെ അ​ധ്വാ​ന​ത്തി​നു​മേ​ലു​ള്ള എ​ല്ലാ പ്ര​ത്യ​യ​ശാ​സ്ത്ര ക​ട​ന്നു​ക​യ​റ്റ​ങ്ങ​ളെ​യും ചോ​ദ്യം​ചെ​യ്യു​ക​യും അ​ധ്വാ​ന​ത്തി​ന്‍റെ മ​ഹ​ത്വ​ത്തെ​ക്കു​റി​ച്ചും വ്യ​ക്തി​സ്വാ​ത​ന്ത്ര്യ​ത്തി​ന്‍റെ മാ​ന്യ​ത​യെ​ക്കു​റി​ച്ചും ലോ​ക​ത്തോ​ടു സം​സാ​രി​ക്കുകയും ചെയ്ത ലെ​യോ പ​തി​മൂ​ന്നാ​മ​ൻ പാ​പ്പ​യു​ടെ പി​ൻ​ഗാ​മി​യാ​കാ​നാ​ണ് താ​ൻ ആ​ഗ്ര​ഹി​ക്കു​ന്ന​ത് എ​ന്നാ​ണു പു​തി​യ നാ​മ​സ്വീ​ക​ര​ണ​ത്തി​ലൂ​ടെ ലെ​യോ പ​തി​നാ​ലാ​മ​ൻ ലോ​ക​ത്തോ​ടു പ​റ​യാ​ൻ ആ​ഗ്ര​ഹി​ക്കു​ന്ന​ത്.


മ​നു​ഷ്യ​ന്‍റെ അ​ധ്വാ​ന​വും വ്യ​ക്തി​സ്വാ​ത​ന്ത്ര്യ​വു​മൊ​ക്കെ പു​തി​യ മാ​ന​ങ്ങ​ൾ തേ​ടു​ന്ന ആ​ധു​നി​ക കാ​ല​ഘ​ട്ട​ത്തി​ൽ സ​ഭ​യു​ടെ സാ​മൂ​ഹി​ക പ്ര​ബോ​ധ​ന​ങ്ങ​ൾ രൂ​പ​പ്പെ​ടു​ത്തു​ന്ന​തി​ൽ പു​തി​യ പാ​പ്പാ​യു​ടെ സ്വ​ര​ത്തി​നാ​യി ലോ​കം വരും ദിവസങ്ങ​ളി​ൽ ശ്ര​ദ്ധ​യോ​ടെ കാ​തോ​ർ​ക്കും.

ലോ​ക​ത്തി​നാ​യു​ള്ള ത​ന്‍റെ ആ​ദ്യ​സ​ന്ദേ​ശ​ത്തി​ൽ താ​ൻ വി​ശു​ദ്ധ അ​ഗ​സ്റ്റി​ന്‍റെ മ​ക​നാ​ണെ​ന്നു പ​റ​ഞ്ഞ​തി​ലൂ​ടെ സ​ഭ​യു​ടെ വി​ശ്വാ​സ​പ​ര​വും പ്ര​ബോ​ധ​ന​പ​ര​വു​മാ​യ കാ​ര്യ​ങ്ങ​ളി​ൽ താ​ൻ വി​ശു​ദ്ധ അ​ഗ​സ്റ്റി​നെ​യാ​ണ് പി​ന്തു​ട​രാ​ൻ ആ​ഗ്ര​ഹി​ക്കു​ന്ന​തെ​ന്നു സൂ​ച​ന ന​ൽ​കി​ക്ക​ഴി​ഞ്ഞു. വീ​ഴു​ന്ന​വ​ന് എ​ഴു​ന്നേ​ൽ​ക്കാ​നും നി​വ​ർ​ന്നു​നി​ൽ​ക്കാ​നും മ​റ്റു​ള്ള​വ​രെ പ്ര​ചോ​ദി​പ്പി​ക്കാ​നും സാ​ധി​ക്കും എ​ന്ന​താ​ണ് വി​ശു​ദ്ധ അ​ഗ​സ്റ്റി​ന്‍റെ ജീ​വി​ത​ത്തി​ന്‍റെ സാ​രാം​ശം.

വ​ഴി​തെ​റ്റി​പ്പോ​യ​വ​രോ​ടും അ​വ​ഗ​ണി​ക്ക​പ്പെ​ട്ടു​പോ​യ​വ​രോ​ടും ഒ​പ്പം ന​ട​ക്കാ​നാ​യി​രി​ക്കും പു​തി​യ പാ​പ്പാ​യും ഇ​ഷ്ട​പ്പെ​ടു​ക. മു​പ്പ​തി​ലേ​റെ രാ​ജ്യ​ങ്ങ​ളി​ലാ​യി 2500ന​ടു​ത്തു​വ​രു​ന്ന അ​തി​പ്രാ​ചീ​ന​മാ​യ ഒ​രു സ​ഭാ​സ​മൂ​ഹ​ത്തെ 12 വ​ർ​ഷം ന​യി​ച്ച ഭ​ര​ണ​പാ​ട​വം പു​തി​യ പാ​പ്പാ​യ്ക്ക് കൈ​മു​ത​ലാ​യു​ണ്ട്.

സ​ഹ​ജ​മാ​യ സൗ​മ​ന​സ്യ​വും മ​നു​ഷ്യ​രെ മ​ന​സി​ലാ​ക്കാ​നും ചേ​ർ​ത്തു​പി​ടി​ക്കാ​നു​മു​ള്ള ഹൃ​ദ​യ​വി​ശാ​ല​ത​യും പു​തി​യ പാ​പ്പാ​യെ ക്രി​സ്തു​വി​ന്‍റെ നി​ഴ​ലാ​ക്കി മാ​റ്റും. ലോ​ക​ത്തി​നു​ള്ള ദൈ​വ​ത്തി​ന്‍റെ ഏ​റ്റ​വും വ​ലി​യ സ​മ്മാ​ന​മാ​യി പു​തി​യ പാ​പ്പാ മാ​റാ​ൻ പ്രാ​ർ​ഥ​ന​യി​ൽ പാ​പ്പ​യെ ന​മു​ക്ക് അ​നു​ഗ​മി​ക്കാം.

(കൊ​ല്ലം സെ​ന്‍റ് ജോ​ൺ​സ് റ​സി​ഡ​ൻ​ഷ്യ​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ ഡ​യ​റ​ക്‌​ട​റാ​ണ് ലേ​ഖ​ക​ൻ)