ശാ​സ്ത്ര സാ​ങ്കേ​തി​ക വി​ദ്യാ​ഭ്യാ​സം: വേ​ണ്ട​തു സ​മ​ഗ്ര മാ​റ്റം
കേ​ര​ള​ത്തി​ന്‍റെ ശാ​സ്ത്ര സാ​ങ്കേ​തി​ക വി​ദ്യാ​ഭ്യാ​സ​മേ​ഖ​ല ആ​ഗോ​ള കാ​ഴ്ച​പ്പാ​ടു​ക​ളി​ലേ​ക്ക് ഉ​യ​രേ​ണ്ട അ​ടി​യ​ന്ത​ര ഘ​ട്ട​ത്തി​ലാ​ണ്. ചു​റ്റു​മ​തി​ല്‍ കെ​ട്ടി അ​തി​ര്‍​ത്തി​ക​ള്‍ നി​ര്‍​ണ​യി​ച്ച് ത​ള​ച്ചി​ടേ​ണ്ട​ത​ല്ല സം​സ്ഥാ​ന​ത്തെ എ​ൻ​ജി​നി​യ​റിം​ഗ് വി​ദ്യാ​ഭ്യാ​സം. ഈ ​രം​ഗ​ത്ത് മി​ക​വു​റ്റ വി​ദ​ഗ്ധ​രെ വാ​ര്‍​ത്തെ​ടു​ത്ത് ലോ​ക​ത്തി​ന് സം​ഭാ​വ​ന​ചെ​യ്യാ​ൻ ന​മു​ക്കു​ള്ള അ​ടി​സ്ഥാ​ന സൗ​ക​ര്യ​ങ്ങ​ളും സാ​ഹ​ച​ര്യ​ങ്ങ​ളും ഒ​ട്ടേ​റെ അ​നുകൂ​ല ഘ​ട​ക​ങ്ങ​ളും ഫ​ല​വ​ത്താ​യി ഉ​പ​യോ​ഗി​ക്കു​ന്ന​തി​ല്‍ നാം ​വി​ജ​യി​ച്ചു​വോ? നി​യ​ന്ത്ര​ണ​ങ്ങ​ളും നി​രോ​ധ​ന​ങ്ങ​ളും ഏ​ര്‍​പ്പെ​ടു​ത്തി സ​ര്‍​ക്കാ​ര്‍ ചു​വ​പ്പു​നാ​ട​യി​ല്‍ കു​രു​ക്കി​യും രാ​ഷ്‌​ട്രീ​യ​വും ജാ​തി​യും കു​ത്തി​ത്തി​രു​കി​യും സ​മ​ര​മു​ഖ​ങ്ങ​ള്‍ സൃ​ഷ്ടി​ച്ചും ഈ ​അ​ന​ന്ത​സാ​ധ്യ​ത​ക​ളെ ത​കി​ടം​മ​റി​ക്കാ​തെ കൈ​പ്പി​ടി​യി​ലൊ​തു​ക്കു​വാ​ന്‍ ആ​ത്മാ​ർ​ഥ​സ​മീ​പ​നം സ്വീ​ക​രി​ച്ചാ​ല്‍ സാ​ങ്കേ​തി​ക വി​ദ്യാ​ഭ്യാ​സ​മേ​ഖ​ല​യി​ല്‍ കേ​ര​ള​ത്തി​ന് വ​ന്‍ നേ​ട്ട​ങ്ങ​ള്‍ സൃ​ഷ്ടി​ക്കാ​നാ​വും.

147 കോ​ള​ജു​ക​ൾ

1847ൽ ​ബ്രി​ട്ടീ​ഷ് ഭ​ര​ണ​കാ​ല​ത്ത് എ​ൻ​ജി​നി​യ​റിം​ഗ് കോ​ള​ജു​ക​ൾ ഇ​ന്ത്യ​യി​ൽ ആ​ദ്യ​മാ​യി സ്ഥാ​പി​ക്ക​പ്പെ​ട്ടു. ഇ​ക്കാ​ല​യ​ള​വി​ലാ​ണ് കേ​ര​ള​ത്തി​ൽ വി​ദ്യാ​ഭ്യാ​സ മു​ന്നേ​റ്റ​ത്തി​നു ക്രൈ​സ്ത​വ മി​ഷ​ന​റി​മാ​ർ നേ​തൃ​ത്വം ന​ൽ​കി​യ​ത്. ഇ​വ​രു​ടെ വ​ലി​യ സം​ഭാ​വ​ന​ക​ളു​ടെ ബാ​ക്കി​പ​ത്ര​മാ​ണ് കേ​ര​ള​ത്തി​ന്‍റെ ഉയർന്ന സാ​ക്ഷ​ര​ത​യും ഇ​വി​ട​ത്തെ ആ​ധു​നി​ക വി​ദ്യാ​ഭ്യാ​സ സ​ന്പ്ര​ദാ​യ​വും.

ര​ണ്ടു പ​തി​റ്റാ​ണ്ടു​ക​ള്‍​ക്കു മു​മ്പ് വി​ര​ലി​ലെ​ണ്ണാ​വു​ന്ന​തും സ​ര്‍​ക്കാ​ര്‍ നി​യ​ന്ത്ര​ണ​ത്തി​ല്‍ മാ​ത്ര​വും എ​ൻ​ജി​നി​യ​റിം​ഗ് കോ​ള​ജു​ക​ൾ ഉ​ണ്ടാ​യി​രു​ന്ന സ്ഥാ​ന​ത്ത് കേ​ര​ള​ത്തി​ൽ എ​ൻ​ജി​നി​യ​റിം​ഗ് വി​ദ്യാ​ഭ്യാ​സ രം​ഗ​ത്തു​ള്ള കു​തി​ച്ചു​ചാ​ട്ടം ഏ​റെ അ​ഭി​ന​ന്ദ​നീ​യ​മാ​ണ്. സം​സ്ഥാ​ന പ്ര​വേ​ശ​ന പ​രീ​ക്ഷ ക​മ്മീ​ഷ​ണ​റു​ടെ 2020 ഒ​ക്‌​ടോ​ബ​റി​ലെ ഔ​ദ്യോ​ഗി​ക അ​റി​യി​പ്പു പ്ര​കാ​രം കേ​ര​ള​ത്തി​ലി​പ്പോ​ള്‍ 147 എ​ൻ​ജി​നി​യ​റിം​ഗ് വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ണ്ട്.

2020-21 അ​ധ്യ​യ​ന വ​ര്‍​ഷം കേ​ര​ള​ത്തി​ല്‍ 45,116 സീ​റ്റു​ക​ളി​ലാ​ണ് എ​ൻ​ജി​നി​യ​റിം​ഗ് പ്ര​വേ​ശ​നം. പ്ര​വേ​ശ​ന​പ​രീ​ക്ഷ​യെ​ഴു​തി​യ 71,742 വി​ദ്യാ​ർ​ഥി​ക​ളി​ല്‍ 56,599 വി​ദ്യാ​ർ​ഥി​ക​ള്‍ പ്ര​വേ​ശ​ന യോ​ഗ്യ​ത നേ​ടി​യി​ട്ടു​ണ്ട്. പ്ര​വേ​ശ​ന​ത്തി​ന്‍റെ പേ​രി​ലു​ള്ള ക​ടും​പി​ടി​ത്ത​വും നി​യ​ന്ത്ര​ണ​ങ്ങ​ളും നി​ല​വി​ലു​ള്ള പ്ര​വേ​ശ​ന​പ​രീ​ക്ഷ​ക​ളും അ​ലോ​ട്ട്‌​മെ​ന്‍റ് സ​മ്പ്ര​ദാ​യ​വും ല​ക്ഷ്യം കാ​ണു​ന്നു​ണ്ടോ​യെ​ന്ന് വി​ല​യി​രു​ത്ത​പ്പെ​ട​ണം. ഇ​ത​ര സം​സ്ഥാ​ന​ങ്ങ​ളി​ല്‍​നി​ന്നും വി​ദേ​ശ രാ​ജ്യ​ങ്ങ​ളി​ല്‍​നി​ന്നും വി​ദ്യാ​ർ​ഥി​ക​ള്‍ കേ​ര​ള​ത്തി​ലേ​ക്കു ക​ട​ന്നു​വ​രു​വാ​നു​ള്ള സാ​ഹ​ച​ര്യ​മൊ​രു​ക്കു​വാ​ന്‍ ഇ​നി​യും വൈ​കി​ക്കൂ​ടാ.

മെ​ല്ലെ​പ്പോ​ക്ക്

2015-ല്‍ ​ശാ​സ്ത്ര സാ​ങ്കേ​തി​ക സ​ര്‍​വ​ക​ലാ​ശാ​ല സ്ഥാ​പി​ച്ചു​കൊ​ണ്ട് സം​സ്ഥാ​നം സാ​ങ്കേ​തി​ക വി​ദ്യാ​ഭ്യാ​സ രം​ഗ​ത്ത് മി​ക​ച്ച ഒ​രു ചു​വ​ടു​വ​യ്പ് ന​ട​ത്തി. കേ​ര​ള​ത്തി​ലെ വി​വി​ധ യൂ​ണി​വേ​ഴ്‌​സി​റ്റി​ക​ളു​ടെ കീ​ഴി​ലു​ണ്ടാ​യി​രു​ന്ന എ​ൻ​ജി​നി​യ​റിം​ഗ് കോ​ള​ജു​ക​ളെ ഏ​കീ​ക​രി​ച്ച് ഒ​രൊ​റ്റ​ക്കു​ട​ക്കീ​ഴി​ലാ​ക്കി.

എ.​പി.​ജെ.​അ​ബ്ദു​ള്‍ ക​ലാം ശാ​സ്ത്ര സാ​ങ്കേ​തി​ക സ​ര്‍​വ​ക​ലാ​ശാ​ല ആ​രം​ഭി​ച്ച് അ​ഞ്ച് വ​ര്‍​ഷ​ങ്ങ​ള്‍​ക്കു​ശേ​ഷം 2020 ഓ​ഗ​സ്റ്റ് ഏ​ഴി​നാ​ണ് സ​ര്‍​വ​ക​ലാ​ശാ​ല​യു​ടെ ആ​ദ്യ സ്റ്റാ​റ്റ്യൂ​ട്ട് പ്ര​സി​ദ്ധ​പ്പെ​ടു​ത്തു​ന്ന​ത്. ഈ ​രീ​തി​യി​ലു​ള്ള മെ​ല്ലെ​പ്പോ​ക്ക് സ​മീ​പ​നം വ​ള​ര്‍​ച്ച​യു​ടെ നാ​ളു​ക​ളി​ല്‍ ഒ​രു സ്ഥാ​പ​ന​ത്തി​നും ഗു​ണം ചെ​യ്യി​ല്ല. കോ​ള​ജു​ക​ളു​ടെ വ​ര്‍​ഷം​തോ​റു​മു​ള്ള അ​ഫി​ലി​യേ​ഷ​ന്‍ ഫീ​സാ​യി ല​ക്ഷ​ങ്ങ​ള്‍ അ​ട​യ്‌​ക്കേ​ണ്ടി​വ​രു​ന്ന​തും നി​ര​ന്ത​രം കോ​ട​തി വ്യ​വ​ഹാ​ര​ങ്ങ​ളി​ലേ​ക്കു മി​ക​വു​റ്റ സ്ഥാ​പ​ന​ങ്ങ​ളെ​പ്പോ​ലും ത​ള്ളി​വി​ടു​ന്ന​തും ഈ ​രം​ഗ​ത്തെ പ്ര​തി​സ​ന്ധി​ക​ളാ​ണ്. പു​തി​യ സ്റ്റാ​റ്റ്യൂ​ട്ടി​ല്‍ സ്ഥി​രം അ​ഫി​ലി​യേ​ഷ​ന്‍ മാ​ന​ദ​ണ്ഡ​ങ്ങ​ള്‍ വി​വ​രി​ക്കു​ന്നു​ണ്ടെ​ങ്കി​ലും ന​ട​പ​ടി​ക്ര​മ​ങ്ങ​ള്‍ വൈ​കു​മെ​ന്നു​റ​പ്പ്. കോ​ള​ജ്, യൂ​ണി​വേ​ഴ്‌​സി​റ്റി യൂ​ണി​യ​ന്‍ തെ​ര​ഞ്ഞെ​ടു​പ്പു​ക​ള്‍ സ്റ്റാ​റ്റ്യൂ​ട്ടി​ലെ മു​ഖ്യ​വി​ഷ​യ​മാ​യി മാ​റി​യി​രി​ക്കു​ന്ന​ത് വ​രുംനാ​ളു​ക​ളി​ല്‍ ക​ലാ​ല​യ രാ​ഷ്‌​ട്രീ​യ​ത്തി​ന്‍റെ അ​തി​പ്ര​സ​ര​ത്തി​ലേ​ക്ക് ഈ ​മേ​ഖ​ല​യെ​യും വ​ലി​ച്ചി​ഴ​യ്ക്കു​വാ​ന്‍ സാ​ധ്യ​ത​യേ​റെ.

എ​ഡ്യു​ക്കേ​ഷ​ന്‍ ഹ​ബ്

കേ​ര​ള​ത്തെ എ​ഡ്യു​ക്കേ​ഷ​ന്‍ ഹ​ബ് അ​ഥ​വാ വി​ദ്യാ​ഭ്യാ​സ കേ​ന്ദ്ര​മാ​ക്കു​മെ​ന്ന മു​ഖ്യ​മ​ന്ത്രി​യു​ടെ കോ​വി​ഡ്കാ​ല പ്ര​ഖ്യാ​പ​ന​ത്തെ നി​സാ​ര​വ​ത്ക​രി​ക്കു​ന്നി​ല്ല. എ​പ്പോ​ള്‍, എ​ങ്ങ​നെ എ​ന്നീ ചോ​ദ്യ​ങ്ങ​ള്‍​ക്ക് ഉ​ത്ത​രം ന​ല്‍​കു​വാ​ന്‍ ഉ​ത്ത​ര​വാ​ദി​ത്വ​പ്പെ​ട്ട​വ​ര്‍ ഇ​തു​വ​രെ ത​യാ​റാ​യി​ട്ടി​ല്ലെ​ന്നു മാ​ത്രം.

ആ​ത്മാ​ർ​ഥ​മാ​യ സ​മീ​പ​നം സ​ര്‍​ക്കാ​രി​ന്‍റെ ഭാ​ഗ​ത്തു​നി​ന്നു​ണ്ടാ​യാ​ല്‍ അ​ത്ഭു​ത​ങ്ങ​ള്‍ സം​ഭ​വി​ക്കും. അ​തി​നു​വേ​ണ്ട​ത് സാ​ങ്കേ​തി​ക വി​ദ്യാ​ഭ്യാ​സ​മേ​ഖ​ല​യി​ല്‍ ആ​ഗോ​ള കാ​ഴ്ച​പ്പാ​ടോ​ടു​കൂ​ടി​യ സ​മ​ഗ്ര​വും സ​മ്പൂ​ര്‍​ണ​വു​മാ​യ പൊ​ളി​ച്ചെ​ഴു​ത്താ​ണ്. സ്ഥാ​പ​ന​ങ്ങ​ള്‍ മോ​ടി​പി​ടി​പ്പി​ച്ച​തു​കൊ​ണ്ടോ കം​പ്യൂ​ട്ട​ര്‍​വ​ത്ക​ര​ണം ന​ട​ത്തി​യ​തു​കൊ​ണ്ടോ ലാ​ബു​ക​ള്‍ നി​ര്‍​മി​ച്ച​തു​കൊ​ണ്ടോ മാ​ത്രം ഇ​തു സാ​ധ്യ​മാ​വി​ല്ല. മി​ക​ച്ച അ​ധ്യാ​പ​നം, ആ​നു​കാ​ലി​ക ശാ​സ്ത്ര സാ​ങ്കേ​തി​ക വി​ഷ​യ​ങ്ങ​ളു​ടെ ആ​ഴ​ത്തി​ലു​ള്ള പ​ങ്കു​വ​യ്ക്ക​ലും പ​ഠ​ന​വും, ഗ​വേ​ഷ​ണ​ങ്ങ​ള്‍, രാ​ജ്യാ​ന്ത​ര അ​ഫി​ലി​യേ​ഷ​നു​ക​ള്‍ ഇ​വ​യൊ​ക്കെ ഉ​ള്‍​ക്കൊ​ണ്ടു​ള്ള വി​ദ്യാ​ഭ്യാ​സ കു​തി​പ്പാ​ണ് വേ​ണ്ട​ത്.

മാ​റു​ന്ന ശൈ​ലി

പ​ഴ​കി​ത്തു​രു​മ്പി​ച്ച പ​ര​മ്പ​രാ​ഗ​ത അ​ധ്യാ​പ​ന​ശൈ​ലി​ക​ള്‍ ആ​ധു​നി​ക സാ​ങ്കേ​തി​ക വി​ദ്യാ​ഭ്യാ​സ​മേ​ഖ​ല​യെ പു​റ​കോ​ട്ട​ടി​ക്കും. തി​യ​റി​ക്കൊ​പ്പം പ്രാ​ക്ടി​ക്ക​ല്‍ നി​ല​വി​ലു​ണ്ടെ​ങ്കി​ലും പ്രാ​യോ​ഗി​ക സാ​ധ്യ​ത​ക​ള്‍ ക​ണ്ടെ​ത്തി​യു​ള്ള പ​ഠ​ന​ശൈ​ലി​യു​ടെ ലോ​ക​മാ​ണ് മു​മ്പി​ലു​ള്ള​ത്.


ചെ​റി​യ ചു​വ​രു​ക​ള്‍​ക്കു​ള്ളി​ലി​രു​ന്നു​ള്ള അ​ധ്യാ​പ​ന​ത്തി​ന്‍റെ കാ​ലം​ക​ഴി​ഞ്ഞു. പ​ല ജോ​ലി​ക​ളോ​ടൊ​പ്പം ഒ​രു സ്ഥി​ര​വ​രു​മാ​ന​മാ​ര്‍​ഗ​മെ​ന്ന പ​ഴ​ഞ്ച​ന്‍ അ​ധ്യാ​പ​ന​രീ​തി​യും അ​സ്ത​മി​ച്ചു.​അ​റി​വ് വ​ര്‍​ധി​പ്പി​ക്കു​വാ​ന്‍ അ​ധ്യാ​പ​ക​രും നി​ര്‍​ബ​ന്ധി​ത​രാ​യി​രി​ക്കു​ന്നു. വ​ര്‍​ക്‌​ഷോ​പ്പു​ക​ള്‍, ഫാ​ക്ക​ല്‍​റ്റി ഡെ​വ​ല​പ്മെന്‍റ് പ്രോ​ഗ്രാം, ദേ​ശീ​യ അ​ന്ത​ര്‍​ദേ​ശീ​യ സെ​മി​നാ​ര്‍ എ​ന്നി​വ സാ​ങ്കേ​തി​ക വി​ദ്യാ​ഭ്യാ​സ​ത്തി​ന്‍റെ പ്ര​ധാ​ന ഭാ​ഗ​മാ​യി മാ​റി​യി​രി​ക്കു​ന്നു. എ​ൻ​ജി​നി​യ​റിം​ഗ് ഗ​വേ​ഷ​ണ​രം​ഗം ഇ​ന്ന് ഏ​റെ സ​ജീ​വ​മാ​ണ്. ഗ​വേ​ഷ​ണ പ​ഠ​ന​രം​ഗ​ങ്ങ​ളി​ല്‍ ആ​ഗോ​ള നി​ല​വാ​ര​വും അം​ഗീ​കാ​ര​വും നേ​ടി​യെ​ടു​ക്കു​വാ​ന്‍ കേ​ര​ള​ത്തി​ലെ എ​ൻ​ജി​നി​യ​റിം​ഗ് കോ​ള​ജു​ക​ള്‍​ക്കാ​ക​ണം.

ഗു​ണ​മേ​ന്മ

എ​ത്ര സീ​റ്റു​ക​ളി​ല്‍ എ​ത്ര​പേ​ർ പ​ഠി​ക്കു​ന്നു എ​ന്ന​തി​നേ​ക്കാ​ള്‍ എ​ത്ര​മാ​ത്രം നി​ല​വാ​ര​വും ഗു​ണ​മേ​ന്മ​യും എ​ന്ന​താ​ണ് പ്രാ​ധാ​നം. ആ​ഗോ​ള​ത​ല അ​വ​സ​ര​ങ്ങ​ള്‍ ക​ണ്ടെ​ത്താ​ന്‍ സം​സ്ഥാ​ന​ത്തെ കോ​ള​ജു​ക​ളി​ല്‍​നി​ന്ന് പ​ഠി​ച്ചി​റ​ങ്ങു​ന്ന​വ​ർ പ്രാ​പ്ത​രാ​ക​ണം. ഇ​ന്‍റ​ര്‍​നാ​ഷ​ണ​ല്‍ അ​ക്ര​ഡി​റ്റേ​ഷ​ന്‍ കൈ​വ​രി​ക്കാ​ന്‍ കേ​ര​ള​ത്തി​ലെ എ​ൻ​ജി​നി​യ​റിം​ഗ് വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍​ക്കാ​ക​ണം. സ്ഥാ​പ​ന​ങ്ങ​ളു​ടെ​യും കോ​ഴ്‌​സു​ക​ളു​ടെ​യും അ​ക്ര​ഡി​റ്റേ​ഷ​ന്‍ സം​ബ​ന്ധി​ച്ച് നാ​ക്, എ​ന്‍​ബി​എ എ​ന്നി​ങ്ങ​നെ വി​വി​ധ ഏ​ജ​ന്‍​സി​ക​ള്‍ നി​ല​വി​ലു​ണ്ട്. സം​സ്ഥാ​ന സ​ര്‍​ക്കാ​രും സാ​ക് അ​ക്ര​ഡി​റ്റേ​ഷ​നു​മാ​യി രം​ഗ​ത്തു​വ​ന്നി​രി​ക്കു​ന്നു. ര​ണ്ട് പ​ഠ​ന​മേ​ഖ​ല​ക​ള്‍ ഒ​ന്നു​ചേ​ര്‍​ന്ന ഇ​ന്‍റ​ര്‍ ഡി​സി​പ്ലി​ന​റി വി​ദ്യാ​ഭ്യാ​സം സ​മ്മി​ശ്ര​പാ​ഠ​പ​ദ്ധ​തി അ​ഥ​വാ മി​ക്‌​സ​ഡ് ക​രി​ക്കു​ലം, ക്ര​ഡി​റ്റ് സം​വി​ധാ​നം, വ്യ​വ​സാ​യ സ്ഥാ​പ​ന​ങ്ങ​ളു​മാ​യു​ള്ള കൂ​ട്ടു​കെ​ട്ട്, പ്രാ​യോ​ഗി​കാ​ധി​ഷ്ഠി​ത വി​ദ്യാ​ഭ്യാ​സ കാ​ഴ്ച​പ്പാ​ടു​ക​ള്‍ എ​ന്നി​വ​യൊ​ക്കെ എ​ൻ​ജി​നി​യ​റിം​ഗ് വി​ദ്യാ​ഭ്യാ​സ മേ​ഖ​ല​യു​ടെ വ​ള​ര്‍​ച്ച​യ്ക്ക് അ​ത്യ​ന്താ​പേ​ക്ഷി​ത​മാ​ണ്.

മാ​റ്റ​ങ്ങ​ള്‍ കാ​ണ​ണം

വ​ന്‍​കി​ട കോ​ര്‍​പ​റേ​റ്റു​ക​ള്‍ സി​എ​സ്ആ​ര്‍ ഫ​ണ്ടു​പ​യോ​ഗി​ച്ച് സാ​മൂ​ഹ്യ​പ്ര​തി​ബ​ദ്ധ​ത ഉ​യ​ര്‍​ത്തി​ക്കാ​ട്ടി ശാ​സ്ത്ര സാ​ങ്കേ​തി​ക വി​ദ്യാ​ഭ്യാ​സ​മേ​ഖ​ല​യെ ല​ക്ഷ്യം​വ​ച്ചു നീ​ങ്ങു​ന്ന​തും സ്ഥാ​പ​ന​ങ്ങ​ള്‍ ആ​രം​ഭി​ച്ചി​രി​ക്കു​ന്ന​തും സം​സ്ഥാ​ന സ​ര്‍​ക്കാ​രി​ന്‍റെ ക​ണ്ണു​തു​റ​പ്പി​ക്കേ​ണ്ട​താ​ണ്. പ​രി​ഷ്‌​ക​രി​ച്ച ദേ​ശീ​യ വി​ദ്യാ​ഭ്യാ​സ ന​യ​വു​മാ​യി കേ​ന്ദ്ര​സ​ര്‍​ക്കാ​ര്‍ മു​ന്നോ​ട്ടു നീ​ങ്ങു​ന്ന​തി​ന്‍റെ ചു​വ​ടു​പി​ടി​ച്ച് രാ​ജ്യ​ത്തെ വി​ദ്യാ​ഭ്യാ​സ​മേ​ഖ​ല​യി​ലൊ​ന്നാ​കെ അ​ഴി​ച്ചു​പ​ണി​ക​ളാ​രം​ഭി​ച്ചി​രി​ക്കു​ന്നു. അ​ഭി​പ്രാ​യ​വ്യ​ത്യാ​സ​ങ്ങ​ളും രാ​ഷ്‌​ട്രീ​യ പ​ട​ല​പ്പി​ണ​ക്ക​ങ്ങ​ളും നി​ര​ന്ത​രം ആ​വ​ര്‍​ത്തി​ച്ച് ദേ​ശീ​യ വി​ദ്യാ​ഭ്യാ​സ മു​ഖ്യ​ധാ​ര​യി​ല്‍​നി​ന്ന് മാ​റി​നി​ന്നാ​ല്‍ കേ​ര​ളം പു​റ​കോ​ട്ട​ടി​ക്കു​മെ​ന്ന​ത് തീ​ര്‍​ച്ചയാ​ണ്.

സം​സ്ഥാ​ന സ​ര്‍​ക്കാ​ര്‍ അ​ടി​യ​ന്ത​ര​മാ​യി ചെ​യ്യേ​ണ്ട​ത് നി​ല​വി​ലു​ള്ള എ​ൻ​ജി​നി​യ​റിം​ഗ് സ്ഥാ​പ​ന​ങ്ങ​ളെ കൂ​ടു​ത​ല്‍ സ്വാ​ത​ന്ത്ര്യ​ത്തോ​ടെ പ്ര​വ​ര്‍​ത്തി​ക്കു​വാ​നും രാ​ജ്യാ​ന്ത​ര അ​വ​സ​ര​ങ്ങ​ള്‍ ക​ണ്ടെ​ത്തു​വാ​നും സ​ജ്ജ​രാ​ക്കു​ക​യാ​ണ്. മി​ക​ച്ച സ്ഥാ​പ​ന​ങ്ങ​ളെ​യെ​ല്ലാം ഒ​ാട്ടോ​ണ​മ​സ്, യൂ​ണി​വേ​ഴ്‌​സി​റ്റി സം​വി​ധാ​ന​ത്തി​ലേ​ക്കു മാ​റ്റു​വാ​നു​ള്ള ത​യാ​റെ​ടു​പ്പു​ക​ള്‍ ഊ​ര്‍​ജി​ത​പ്പെ​ടു​ത്ത​ണം. രാ​ഷ്‌​ട്രീ​യ ചി​ന്ത​ക​ള്‍​ക്ക​തീ​ത​മാ​യി ഉ​ന്ന​ത​വി​ദ്യാ​ഭ്യാ​സ​മേ​ഖ​ല​യെ സ​മ​ഗ്ര​മാ​റ്റ​ങ്ങ​ള്‍​ക്കു വി​ധേ​യ​മാ​ക്ക​ണം.

എ​ൻ​ജി​നി​യ​റിം​ഗ് സി​റ്റി

എ​ൻ​ജി​നി​യ​റിം​ഗ് കോ​ള​ജു​ക​ള്‍ എ​ന്ന പ​ര​മ്പ​രാ​ഗ​ത പാ​ഠ്യ​പ​ദ്ധ​തി​ക​ളി​ല്‍നി​ന്ന് എ​ൻ​ജി​നി​യ​റിം​ഗ് സി​റ്റി​യെ​ന്ന വി​ശാ​ല ലോ​ക​ത്തി​ലേ​ക്കു മാ​റു​വാ​ന്‍ നാം ​വൈ​ക​രു​ത്. പ​ഠ​ന​പ്ര​വേ​ശ​ന​ത്തി​നു​വേ​ണ്ടി ഒ​രു​ങ്ങു​ന്ന​വ​ര്‍ കാ​മ്പ​സു​ക​ളി​ലെ പ​ഠ​ന​പ​രി​ശീ​ല​നം മാ​ത്ര​മ​ല്ല കോ​ള​ജു​ക​ളു​ടെ വ്യ​ാവ​സാ​യി​ക ബ​ന്ധ​ങ്ങ​ളും (Industrial Relations) അ​ന്വേ​ഷി​ച്ച​റി​യ​ണം. വി​വി​ധ ക​മ്പ​നി​ക​ള്‍ ന​ട​ത്തു​ന്ന കാ​മ്പ​സ് ഇ​ന്‍റ​ര്‍​വ്യൂ​ക​ള്‍ ഒ​രു പ​രി​ധി​വ​രെ താ​ത്കാ​ലി​കാ​ശ്വാ​സം ല​ഭി​ക്കു​ന്ന ജോ​ലി​സാ​ധ്യ​ത​ക​ള്‍ ത​ന്നെ. പ​ക്ഷേ ഇ​പ്പോ​ഴി​താ അ​തേ ക​മ്പ​നി​ക​ളും വ്യ​വ​സാ​യി​ക​ളും സ്വ​ന്തം കോ​ള​ജു​ക​ള്‍ സ്ഥാ​പി​ച്ച് യു​വ​ത​ല​മു​റ​യെ ആ​ക​ര്‍​ഷി​ക്കു​ന്നു. അ​തി​നാ​ല്‍ ഇ​നി​യു​ള്ള നാ​ളു​ക​ള്‍ സാ​ങ്കേ​തി​ക വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍ സം​രം​ഭ​ക​രാ​യി മാ​റേ​ണ്ടി​യി​രി​ക്കു​ന്നു.

സ്റ്റാ​ര്‍​ട്ട​പ്പു​ക​ളി​ലൂ​ടെ സം​രം​ഭ​ക​രെ സൃ​ഷ്ടി​ക്കു​ന്ന കേ​ന്ദ്ര​ങ്ങ​ള്‍ വി​ദ്യാ​ഭ്യാ​സ മി​ക​വി​ന്‍റെ മ​റ്റൊ​രു ഭാ​ഗ​മാ​ണ്. ഉ​ത്പാ​ദ​നം, വി​പ​ണ​നം തു​ട​ങ്ങി ആ​ധു​നി​ക കാ​ല​ഘ​ട്ട​ങ്ങ​ളി​ലെ അ​ന​ന്ത​സാ​ധ്യ​ത​ക​ള്‍ ക​ണ്ടെ​ത്തു​മ്പോ​ള്‍ മാ​ത്ര​മെ കേ​ര​ള​ത്തി​ലെ സാ​ങ്കേ​തി​ക വി​ദ്യാ​ഭ്യാ​സ​മേ​ഖ​ല കൂ​ടു​ത​ല്‍ ആ​ക​ര്‍​ഷ​ക​മാ​കൂ.

സം​സ്ഥാ​ന​ത്തെ 14 ക​ത്തോ​ലി​ക്കാ എ​ൻ​ജി​നി​യ​റിം​ഗ് കോ​ള​ജു​ക​ളെ​യും കോ​ര്‍​ത്തി​ണ​ക്കി​യു​ള്ള നെ​റ്റ്‌​വ​ര്‍​ക്കും ഇ​ന്ന് ഏ​റെ സ​ജീ​വ​മാ​ണ്. ആ​ഗോ​ള​കാ​ഴ്ച​പ്പാ​ടി​ലൂ​ടെ​യും കൂ​ട്ടാ​യ ശ്ര​മ​ങ്ങ​ളി​ലൂ​ടെ​യും സ​മൂ​ഹ​ത്തി​നും സം​സ്ഥാ​ന​ത്തി​നും ഈ ​സ്ഥാ​പ​ന​ങ്ങ​ളി​ലൂ​ടെ നേ​ട്ടം കൊ​യ്യാ​നാ​കു​മെ​ന്ന​തി​ല്‍ സം​ശ​യ​മി​ല്ല.

ഷെ​വ. അ​ഡ്വ.​ വി.​സി. സെ​ബാ​സ്റ്റ്യ​ന്‍

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.