വംഗനാടിന്‍റെ ഝാൻസി റാണി
ച​രി​ത്രം അ​റി​യാ​ത്ത​വ​ർ​ക്കേ ദീ​ദി​യെ​ക്കു​റി​ച്ചു സം​ശ​യ​മു​ള്ളൂ. ച​രി​ത്ര​ത്തി​ൽ ബി​രു​ദ​ധാ​രി​യാ​ണു മ​മ​ത ബാ​ന​ർ​ജി. ഇ​സ്‌​ലാ​മി​ക ച​രി​ത്ര​ത്തി​ൽ ബി​രു​ദാ​ന​ന്ത​ര ബി​രു​ദ​വു​മു​ണ്ട്. ഒ​പ്പം നി​യ​മ​ബി​രു​ദ​വും. കോ​ൽ​ക്ക​ത്ത യൂ​ണി​വേ​ഴ്സി​റ്റി ഡി​ലി​റ്റും ക​ലിം​ഗ ഇ​ൻ​സ്റ്റി​റ്റ്യൂ​ട്ട് ഓ​ഫ് ഇ​ൻ​ഡ​സ്ട്രി​യ​ൽ ടെ​ക്നോ​ള​ജി ഡോ​ക്ട​റേ​റ്റും ന​ൽ​കി ആ​ദ​രി​ച്ചി​ട്ടു​മു​ണ്ട്.

ലാ​ളി​ത്യം മു​ഖ​മു​ദ്ര​യാ​ക്കി​യ പ്ര​കൃ​തി​സ്നേ​ഹി​യും സം​ഗീ​ത ത​ത്പ​ര​യു​മാ​യ മ​മ​ത ബാ​ന​ർ​ജി രാ​ഷ്ട്രീ​യ​ത്തി​ലെ അ​പൂ​ർ​വ​മാ​യൊ​രു ജ​നു​സാ​ണ്. ത​ന്‍റേ​ടി​യും പോ​രാ​ളി​യു​മാ​ണു മ​മ​ത. ത​ന്ത്ര​ങ്ങ​ളി​ൽ ഝാ​ൻ​സി റാ​ണി​ക്കൊ​പ്പ​മാ​ണു രാ​ഷ്‌ട്രീയ​ത്തി​നാ​യി വി​വാ​ഹം പോ​ലും മ​റ​ന്ന 66-കാ​രി​യാ​യ ബം​ഗാ​ളി​ന്‍റെ ഈ ​പെ​ണ്‍ക​ടു​വ.

ച​രി​ത്രം കു​റി​ച്ചു തു​ട​ർ​ച്ച​യാ​യ മൂ​ന്നാം ത​വ​ണ​യാ​ണു പ​ശ്ചി​മ ബം​ഗാ​ൾ മു​ഖ്യ​മ​ന്ത്രി​യാ​യി ഇ​ന്നു മ​മ​ത സ​ത്യ​പ്ര​തി​ജ്ഞ ചെ​യ്യു​ന്ന​ത്. ബം​ഗാ​ളി​ന്‍റെ ച​രി​ത്ര​ത്തി​ലെ ഏ​ക വ​നി​താ മു​ഖ്യ​മ​ന്ത്രി​യാ​ണു വം​ഗ​നാ​ടി​ന്‍റെ സ്വ​ന്തം ദീ​ദി. വീ​ണ്ടും ബം​ഗാ​ൾ പി​ടി​ച്ച മ​മ​ത​യു​ടെ പ​ക്ക​ൽ ഇ​നി ഡ​ൽ​ഹി പി​ടി​ക്കാ​ൻ ആ​വ​നാ​ഴി​യി​ൽ പു​തു​ത​ന്ത്ര​ങ്ങ​ൾ കാ​ണാ​തെ വ​രി​ല്ല.

താ​മ​ര​ത്ത​ണ്ടൊ​ടി​ച്ച വ​ന്പ്

സ​ർ​വ സ​ന്നാ​ഹ​ങ്ങ​ളു​മാ​യി ബം​ഗാ​ൾ പി​ടി​ക്കാ​നെ​ത്തി​യ ബി​ജെ​പി​യെ മൂ​ല​യ്ക്കി​രു​ത്തി​യ മി​ടു​മി​ടു​ക്കി. പ​ണ​ക്കൊ​ഴു​പ്പി​ന്‍റെ​യും അ​ധി​കാ​ര​ത്തി​ന്‍റെ​യും ധൂ​ർ​ത്തു കാ​ട്ടി​യ ബി​ജെ​പി​ക്കെ​തി​രേ ലാ​ളി​ത്യ​വും ജ​ന​കീ​യ​ത​യും ധീ​ര​ത​യും ത​ന്ത്ര​ങ്ങ​ളും കൊ​ണ്ടു കീ​ഴ​ക്കു​ക​യാ​യി​രു​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ആ​ഭ്യ​ന്ത​ര മ​ന്ത്രി അ​മി​ത് ഷാ​യും കേ​ന്ദ്ര​മ​ന്ത്രി​മാ​രും ആ​ഴ്ച​ക​ളോ​ളം വി​യ​ർ​പ്പൊ​ഴു​ക്കി​യി​ട്ടും മ​മ​ത​യെ ത​ള​യ്ക്കാ​നാ​യി​ല്ല.

കേ​ര​ള​ത്തി​ൽ പി​ണ​റാ​യി വി​ജ​യ​നും എ​ൽ​ഡി​എ​ഫും ത​മി​ഴ്നാ​ട്ടി​ൽ ഡി​എം​കെ നേ​താ​വ് എം.​കെ. സ്റ്റാ​ലി​നും സ​മാ​ന വി​ജ​യം നേ​ടി​യെ​ങ്കി​ലും ബം​ഗാ​ളി​ലെ മ​മ​ത​യു​ടെ കീ​രി​ട​വി​ജ​യ​ത്തി​നു തി​ള​ക്ക​മൊ​ന്നു വേ​റെ​യാ​ണ്. ബി​ജെ​പി​യു​ടെ വ​ന്പ​ൻ താ​ര​നി​ര​യെ ഏ​താ​ണ്ട് ഒ​റ്റ​യ്ക്കു ത​ന്നെ​യാ​ണ് അ​വ​ർ നേ​രി​ട്ട​ത്.

ഹി​ന്ദി ബെ​ൽ​റ്റി​ലെ ബി​ജെ​പി​യു​ടെ വ​ർ​ഗീ​യ, അ​ധി​കാ​ര രാ​ഷ്ട്രീ​യ​ക്ക​ളി​ക​ൾ കേ​ര​ള​ത്തി​ലും ബം​ഗാ​ളി​ലും ത​മി​ഴ്നാ​ട്ടി​ലും ന​ട​ക്കി​ല്ലെ​ന്നു മോ​ദി- ഷാ ​കൂ​ട്ടു​കെ​ട്ടി​ന് ഇ​പ്പോ​ഴാ​കും കു​റ​ച്ചെ​ങ്കി​ലും ബോ​ധ്യ​മാ​യ​ത്. രാ​ഷ്‌ട്രീയ​ത്തി​ലെ വെ​റു​മൊ​രു തെ​രു​വു പോ​രാ​ളി​യ​ല്ല, മ​റി​ച്ചു എ​തി​രാ​ളി​ക​ളു​ടെ ഏ​തു സ​ന്നാ​ഹ​ങ്ങ​ളെ​യും മ​റി​ക​ട​ക്കാ​നാ​കു​ന്ന ത​ന്ത്ര​ങ്ങ​ളു​ടെ കു​ല​പ​തി​യാ​ണ് ദീ​ദി.

മ​റ്റാ​രു​മി​ല്ല, മ​മ​ത മാ​ത്രം

പ​ശ്ചി​മ ബം​ഗാ​ളി​ലെ തു​ട​ർ​ച്ച​യാ​യ 34 വ​ർ​ഷം നീ​ണ്ട ഇ​ട​തു​മു​ന്ന​ണി ഭ​ര​ണം അ​വ​സാ​നി​പ്പി​ച്ച് 2011ലാ​ണ് ആ​ദ്യം മ​മ​ത മു​ഖ്യ​മ​ന്ത്രി​യാ​കു​ന്ന​ത്. ജ​നാ​ധി​പ​ത്യ​പ​ര​മാ​യി തെ​ര​ഞ്ഞെ​ടു​ക്ക​പ്പെ​ട്ട ക​മ്യൂ​ണി​സ്റ്റ് മ​ന്ത്രി​സ​ഭ ലോ​ക​ത്ത് ഏ​റ്റ​വും കൂ​ടു​ത​ൽ അ​ധി​കാ​ര​ത്തി​ലി​രു​ന്ന റി​ക്കാ​ർ​ഡ് ആ​യി​രു​ന്നു അ​ന്ന്. അ​തേ സി​പി​എ​മ്മി​നും അ​തി​നു മു​ന്പ് ബം​ഗാ​ൾ അ​ട​ക്കി ഭ​രി​ച്ച കോ​ണ്‍ഗ്ര​സി​നും ഇ​ന്നു ബം​ഗാ​ളി​ൽ അ​ഡ്ര​സി​ല്ലാ​താ​യി. പു​തി​യ നി​യ​മ​സ​ഭ​യി​ൽ സി​പി​എ​മ്മും കോ​ണ്‍ഗ്ര​സും ഇ​ത​ര ഇ​ട​തു​പാ​ർ​ട്ടി​ക​ളും വ​ട്ട​പ്പൂ​ജ്യ​മാ​യി. കേ​ര​ള​ത്തി​ൽ ഉ​ണ്ടാ​യി​രു​ന്ന ഏ​ക അ​ക്കൗ​ണ്ടും പൂ​ട്ടി​യ ബി​ജെ​പി​യു​ടേ​തി​നേ​ക്കാ​ൾ ദ​യ​നീ​യ പ​രാ​ജ​യം.

കോ​ണ്‍ഗ്ര​സ് നേ​തൃ​ത്വ​വു​മാ​യി തെ​റ്റി​പ്പി​രി​ഞ്ഞ് 1999ലാ​ണ് മ​മ​ത ബാ​ന​ർ​ജി തൃ​ണ​മൂ​ൽ കോ​ണ്‍ഗ്ര​സ് രൂ​പീ​ക​രി​ച്ചു സ്വ​ന്ത​മാ​യി പ​ട​ന​യി​ച്ചു തു​ട​ങ്ങി​യ​ത്. ജ​ന​പി​ന്തു​ണ​യു​ള്ള പ്രാ​ദേ​ശി​ക നേ​താ​ക്ക​ളെ അം​ഗീ​ക​രി​ക്കാ​തെ, ഹൈ​ക്ക​മാ​ൻ​ഡി​ന്‍റെ ഏ​റാൻ​മൂ​ളി​ക​ളെ പ്ര​തി​ഷ്ഠി​ച്ചു നി​ര​വ​ധി സം​സ്ഥാ​ന​ങ്ങ​ളി​ൽ കോ​ണ്‍ഗ്ര​സ് പാ​ർ​ട്ടി​യെ ത​ക​ർ​ത്ത നേ​തൃ​ത്വ​ത്തി​ന്‍റെ മ​ണ്ടൻ ​തീ​രു​മാ​ന​ങ്ങ​ളു​ടെ മ​റ്റൊ​രു​ദാ​ഹാ​ര​ണം ആ​യി​രു​ന്നു ബം​ഗാ​ളി​ലെ​ത്.

ആ​ദ്യം മു​ഖ്യ​മ​ന്ത്രി​യാ​കു​ന്പോ​ഴും മ​മ​ത നി​യ​മ​സ​ഭാം​ഗ​മാ​യി​രു​ന്നി​ല്ല. ലോ​ക്സ​ഭാം​ഗ​മാ​യി​രി​ക്കെ​യാ​ണു ച​രി​ത്രം കു​റി​ച്ച് തൃ​ണ​മൂ​ൽ കോ​ണ്‍ഗ്ര​സും മ​മ​ത​യും അ​ന്നു ബം​ഗാ​ൾ പി​ടി​ച്ച​ട​ക്കി​യ​ത്. ന​ന്ദി​ഗ്രാ​മി​ൽ തോ​റ്റ​തി​നാ​ൽ ഇ​ക്കു​റി വീ​ണ്ടും നി​യ​മ​സ​ഭാം​ഗം അ​ല്ലാ​തെ​യാ​ണു മ​മ​ത മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്യു​ന്ന​ത്. ആ​റു മാ​സ​ത്തി​ന​കം നി​യ​മ​സ​ഭാം​ഗ​മാ​കാ​ൻ മ​മ​ത​യ്ക്കു പ്ര​യാ​സം ഉ​ണ്ടാ​കി​ല്ല.


പ്ര​മു​ഖ​രു​ടെ നി​ര​യി​ൽ

മൊ​റാ​ർ​ജി ദേ​ശാ​യി, ബി​ജു പ​ട്നാ​യി​ക്, ത്രി​ഭു​വ​ൻ ന​രേ​ൻ സിം​ഗ്, പ്രേം​കു​മാ​ർ ധു​മ​ൽ എ​ന്നി​വ​രു​ടെ ഗ​ണ​ത്തി​ലാ​ണ് മ​മ​ത. ഓ​രോ​രു​ത്ത​ർ​ക്കും ഒ​രോ പ്ര​ത്യേ​ക സാ​ഹ​ച​ര്യ​മാ​യി​രു​ന്നു. ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി​യാ​യി​രു​ന്ന ത്രി​ഭു​വ​ൻ ന​രേ​ൻ സിം​ഗ് 1970ലാ​ണ് ഉ​പ​തെര​ഞ്ഞെ​ടു​പ്പി​ൽ പ​രാ​ജ​യ​പ്പെ​ട്ട​ത്. കോ​ണ്‍ഗ്ര​സ് (ഒ), ​സ്വ​ത​ന്ത്ര പാ​ർ​ട്ടി, ഭാ​ര​തീ​യ ജ​ന​സം​ഘം, ഭാ​ര​തീ​യ ക്രാ​ന്തി​ദ​ൾ എ​ന്നി​വ​ര​ട​ങ്ങു​ന്ന ഒ​രു സ​യുക്ത വി​കാ​സ് ദ​ളി​ന്‍റെ ത​ല​വ​നാ​യി​രു​ന്ന​ത്രി​ഭൂ​വ​ന് ഉ​ട​ൻ രാ​ജി​വ​യ്ക്കേ​ണ്ടി വ​ന്നു.
ഹി​മാ​ച​ൽ പ്ര​ദേ​ശി​ൽ കോ​ണ്‍ഗ്ര​സി​ന്‍റെ വീ​ര​ഭ​ദ്ര സിം​ഗ് സ​ർ​ക്കാ​രി​നെ താ​ഴെ​യി​റ​ക്കി ബി​ജെ​പി അ​ധി​കാ​ര​ത്തി​ലെ​ത്തി​യ 2017 ഡി​സം​ബ​റി​ൽ പ്രേം ​കു​മാ​ർ ധു​മ​ലി​നെ മു​ഖ്യ​മ​ന്ത്രി​യാ​ക്കാ​ൻ പാ​ർ​ട്ടി തീ​രു​മാ​നി​ച്ചി​രു​ന്നു. ബി​ജെ​പി വി​ജ​യി​ച്ചെ​ങ്കി​ലും തെ​ര​ഞ്ഞെ​ടു​പ്പി​ൽ ധു​മ​ൽ പ​രാ​ജ​യ​പ്പെ​ട്ടു.

ജ​യ് റാം ​താ​ക്കൂ​ർ പി​ന്നീ​ട് ഹി​മാ​ച​ൽ മു​ഖ്യ​മ​ന്ത്രി​യാ​യി. ഉ​ത്ക​ൽ കോ​ണ്‍ഗ്ര​സ് രൂ​പീ​ക​രി​ച്ച ബി​ജു പ​ട്നാ​യി​ക്കി​ന് 1971ൽ ​ഒ​ഡീ​ഷ മു​ഖ്യ​മ​ന്ത്രി​യാ​കാ​ൻ ത​ട​സ​മി​ല്ലാ​യി​രു​ന്നു. എ​ന്നാ​ൽ നാ​ലു നി​യ​മ​സ​ഭാ മ​ണ്ഡ​ല​ങ്ങ​ളി​ൽ നി​ന്നും ഒ​രു ലോ​ക്സ​ഭാ മ​ണ്ഡ​ല​ത്തി​ൽ നി​ന്നും അ​ദ്ദേ​ഹം പ​രാ​ജ​യ​പ്പെ​ട്ടു. ബി​ശ്വ​നാ​ഥ് ദാ​സി​നെ​യാ​ണു സ​ഖ്യ സ​ർ​ക്കാ​ർ മു​ഖ്യ​മ​ന്ത്രി​യാ​യി തെ​ര​ഞ്ഞെ​ടു​ത്ത​ത്.

പ്ര​ധാ​ന​മ​ന്ത്രി​യാ​യി​രു​ന്ന മൊ​റാ​ർ​ജി ദേ​ശാ​യി 1952ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ബോം​ബെ​യി​ൽ നി​ന്നു (മും​ബൈ) പ​രാ​ജ​യ​പ്പെ​ട്ടു. അ​ന്ന​ത്തെ ബി.​ജി. ഖേ​ർ മ​ന്ത്രി​സ​ഭ​യി​ലെ ആ​ഭ്യ​ന്ത​ര​മ​ന്ത്രി ആ​യി​രി​ക്കെ​യാ​ണ് ഈ ​തോ​ൽ​വി. എ​ങ്കി​ലും ഖേ​റി​ന്‍റെ പി​ൻ​ഗാ​മി​യും നി​യ​മ​സ​ഭാ ക​ക്ഷി നേ​താ​വു​മാ​യി മൊ​റാ​ർ​ജി​യെ ത​ന്നെ​യാ​ണു കോ​ണ്‍ഗ്ര​സ് നി​യ​മ​സ​ഭാ ക​ക്ഷി യോ​ഗം തെ​ര​ഞ്ഞെ​ടു​ത്ത​ത്. ജ​വ​ഹ​ർ​ലാ​ൽ നെ​ഹ്റു​വി​ന്‍റെ തീ​രു​മാ​നം നി​യ​മ​സ​ഭാ​ക​ക്ഷി അം​ഗീ​ക​രി​ക്കു​ക​യാ​യി​രു​ന്നു. മു​ഖ്യ​മ​ന്ത്രി​യാ​യ ശേ​ഷം ഉ​പ​തെ​ര​ഞ്ഞെ​ടു​പ്പി​ൽ വി​ജ​യി​ച്ചു.

പ്ര​തി​പ​ക്ഷ​ത്തെ പ്ര​തീ​ക്ഷ

കോ​ണ്‍ഗ്ര​സി​നും ബി​ജെ​പി​ക്കും ഒ​രു പോ​ലെ ക്ഷീ​ണ​മാ​യ നി​യ​മ​സ​ഭാ തെ​ര​ഞ്ഞെ​ടു​പ്പു​ക​ൾ ദേ​ശീ​യ രാ​ഷ്ട്രീ​യ​ത്തി​ൽ പു​തി​യ പ്ര​തീ​ക്ഷ​ക​ളും ച​ല​ന​ങ്ങ​ളു​മാ​ണു സൃ​ഷ്ടി​ച്ച​ത്. ഒ​റ്റ ദി​വ​സം കൊ​ണ്ടു മ​മ​ത ബാ​ന​ർ​ജി, പി​ണ​റാ​യി വി​ജ​യ​ൻ, എം.​കെ. സ്റ്റാ​ലി​ൻ എ​ന്നി​വ​രെ പ്ര​തി​പ​ക്ഷ നേ​തൃ​നി​ര​യി​ലേ​ക്കു ദേ​ശീ​യ മാ​ധ്യ​മ​ങ്ങ​ൾ അ​വ​രോ​ധി​ച്ചു. ഇ​വ​രി​ൽ വി​ജ​യ​നും സ്റ്റാ​ലി​നും ഭാ​ഷ​യും ദേ​ശീ​യ രാ​ഷ്‌ട്രീയ​ത്തി​ലെ പ​രി​ച​യ​ക്കു​റ​വും പ​രി​മി​തി​ക​ളാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്നു. കേ​ന്ദ്ര​ത്തി​ൽ വാ​ജ്പേ​യി, മ​ൻ​മോ​ഹ​ൻ മ​ന്ത്രി​സ​ഭ​ക​ളി​ൽ കാ​ബി​ന​റ്റ് മ​ന്ത്രി​യാ​യി​രു​ന്ന മ​മ​ത​യ്ക്കു പ​ക്ഷേ ഇ​ത്ത​രം പ്ര​ശ്ന​ങ്ങ​ളി​ല്ല.

ക​രു​ത്ത് കാ​ണാ​തി​രി​ക്കാ​നാ​കി​ല്ല

മ​മ​ത​യു​ടെ നേ​തൃ​ത്വം അം​ഗീ​ക​രി​ക്കാ​തെ ഇ​ട​തു​പാ​ർ​ട്ടി​ക​ൾ​ക്ക് ഇ​നി മ​റ്റു വ​ഴി​ക​ളി​ല്ല. ബി​ജെ​പി​യെ 2024ലെ ​പൊ​തു​തെ​ര​ഞ്ഞെ​ടു​പ്പി​ലെ​ങ്കി​ലും താ​ഴെ​യി​റ​ക്ക​ണ​മെ​ങ്കി​ൽ പ്ര​തി​പ​ക്ഷ പാ​ർ​ട്ടി​ക​ൾ​ക്കു പ​ഴ​യ​തെ​ല്ലാം മ​റ​ന്ന് ഒ​ന്നി​ക്കാ​തെ ത​ര​മി​ല്ല. പ​തി​റ്റാ​ണ്ടു​ക​ളു​ടെ കോ​ണ്‍ഗ്ര​സ് വി​രോ​ധം ഉ​പേ​ക്ഷി​ച്ചു ബം​ഗാ​ളി​ലും കേ​ര​ളം ഒ​ഴി​കെ മ​റ്റു സം​സ്ഥാ​ന​ങ്ങ​ളി​ലും സ​ഖ്യ​മു​ണ്ടാ​ക്കി​യ സി​പി​എ​മ്മി​ന് മ​മ​ത വി​രോ​ധം തു​ട​രു​ന്ന​തി​ൽ പ്ര​സ​ക്തി​യി​ല്ല.

കോ​ണ്‍ഗ്ര​സ്, തൃ​ണ​മൂ​ൽ, എ​ൻ​സി​പി, ഡി​എം​കെ, സി​പി​എം, സി​പി​ഐ, എ​സ്പി, ബി​എ​സ്പി, ശി​വ​സേ​ന, ബി​ജെ​ഡി, അ​കാ​ലി​ദ​ൾ, വൈ​എ​സ്ആ​ർ കോ​ണ്‍ഗ്ര​സ്, ടി​ആ​ർ​എ​സ്, ജെ​ഡി​എ​സ്, എ​എ​പി, എ​ഐ​യു​ഡി​എ​ഫ്, ജെഎംഎം, എ​ജി​പി, മു​സ്‌​ലിം ലീ​ഗ്, കേ​ര​ള കോ​ണ്‍ഗ്ര​സ് തു​ട​ങ്ങി പ്ര​തി​പ​ക്ഷ നി​ര ഒ​റ്റ​ക്കെ​ട്ടാ​യാ​ൽ മോ​ദി​യും ബി​ജെ​പി​യും ഭ​യ​ക്കാ​തെ ത​ര​മി​ല്ല. ബി​ജെ​ഡി, വൈ​എ​സ്ആ​ർ കോ​ണ്‍ഗ്ര​സ്, ബി​എ​സ്പി, ടി​ആ​ർ​എ​സ് തു​ട​ങ്ങി​യ പാ​ർ​ട്ടി​ക​ളു​ടെ ബി​ജെ​പി​യോ​ടു​ള്ള മ​യ​പ്പെ​ട്ട നി​ല​പാ​ടി​നെ മാ​റ്റി പ്ര​തി​പ​ക്ഷ ഐ​ക്യ മു​ന്ന​ണി രൂ​പീ​ക​രി​ക്കാ​ൻ മ​മ​ത​യ്ക്കു ക​ഴി​യു​മോ​യെ​ന്ന​താ​ണു ചോ​ദ്യം.


ജോ​ർ​ജ് ക​ള്ളി​വ​യ​ലി​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.