സ​ഹി​ഷ്ണു​ത​യും ദി​ശാ​ബോ​ധ​വും നേ​തൃ​ത്വവു​മി​ല്ലാ​തെ കോ​ൺ​ഗ്ര​സ്
ഉ​യ​ർ​ന്നു​വ​രു​ന്ന ശ​ക്ത​രാ​യ ഹൈ​ക്ക​മാ​ൻ​ഡ് ഗ്രൂ​പ്പി​ന്‍റെ പി​ന്തു​ണ​യി​ൽ കോ​ൺ​ഗ്ര​സി​ലെ ത്രി​മൂ​ർ​ത്തി​ക​ൾ - അ​മ്മ​യും മ​ക​നും മ​ക​ളും - പ്ര​ബ​ല സം​സ്ഥാ​ന​ങ്ങ​ളി​ൽ പാ​ർ​ട്ടി​ക്കു​ള്ളി​ലെ സാ​ങ്ക​ൽ​പ്പി​ക ശ​ത്രു​ക്ക​ളു​മാ​യി ക​ണ​ക്കു​തീ​ർ​ക്കാ​നു​ള്ള ക​ളി​യി​ൽ ഏ​ർ​പ്പെ​ട്ടി​രി​ക്കു​ക​യാ​ണ്. ഗ്രൂ​പ്പി​ല്ലാ​ത്ത കോ​ൺ​ഗ്ര​സ് സൃ​ഷ്ടി​ക്കു​ക എ​ന്ന ഉ​ട്ടോ​പ്യ​ൻ ആ​ശ​യ​ത്തി​ന്‍റെ ഭാ​ഗ​മാ​യി സം​സ്ഥാ​ന​ങ്ങ​ളി​ലെ വി​വി​ധ ഗ്രൂ​പ്പു​ക​ളു​ടെ അ​വ​ശി​ഷ്ട​ങ്ങ​ളി​ൽ നി​ന്നു മു​ള​പൊ​ട്ടി​യ ഹൈ​ക്ക​മാ​ൻ​ഡ് ഗ്രൂ​പ്പ്, രാ​ഷ‌്ട്രീ​യ അ​തി​ശ​യ​ങ്ങ​ളോ​ടെ ത്രി​മൂ​ർ​ത്തി​ക​ളു​ടെ വി​ശ്വാ​സ​മാ​ർ​ജി​ച്ചു വി​ല​സു​ക​യാ​ണ്.

ക​ഴി​ഞ്ഞ സം​സ്ഥാ​ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ സ്ഥാ​നാ​ർ​ഥി​ക​ളെ തെ​ര​ഞ്ഞെ​ടു​ക്കു​ന്ന​തി​നി​ട​യി​ൽ ഗ്രൂ​പ്പു​ര​ഹി​ത കോ​ൺ​ഗ്ര​സ് എ​ന്ന നീ​ക്കം കേ​ര​ള​ത്തി​ൽ ആ​ദ്യ​മാ​യി പ​രീ​ക്ഷി​ക്ക​പ്പെ​ട്ട​തോ​ടെ എ​ൽ​ഡി​എ​ഫി​നു സീ​റ്റു​ക​ൾ തൂ​ത്തു​വാ​രാ​ൻ സാ​ധി​ച്ചു. എ​ന്നാ​ൽ ക​ഴി​ഞ്ഞ ലോ​ക്‌​സ​ഭാ തെ​ര​ഞ്ഞെ​ടു​പ്പി​ൽ അ​ന്നു​ണ്ടാ​യി​രു​ന്ന ഗ്രൂ​പ്പി​സ​ത്തി​ന്‍റെ കാ​ല​ത്തും പാ​ർ​ട്ടി 20ൽ 19 ​സീ​റ്റു​ക​ൾ നേ​ടി​യി​രു​ന്നു. വി​രോ​ധാ​ഭാ​സ​മെ​ന്നു പ​റ​യ​ട്ടെ, പ​രാ​ജ​യ​പ്പെ​ട്ട ഹൈ​ക്ക​മാ​ൻ​ഡ് ഗ്രൂ​പ്പി​ന് പു​റ​ത്തേ​ക്കു​ള്ള വാ​തി​ൽ കാ​ണി​ക്കു​ന്ന​തി​നു​പ​ക​രം, ച​രി​ത്ര​പ്രാ​ധാ​ന്യ​മു​ള്ള ഇ​ന്ത്യ​ൻ നാ​ഷ​ണ​ൽ കോ​ൺ​ഗ്ര​സി​ന്‍റെ കാ​ര്യ​ങ്ങ​ൾ നി​യ​ന്ത്രി​ക്കു​ന്ന എ​ഐ​സി​സി ആ​സ്ഥാ​ന​ത്ത് അ​വ​ർ ശ​ക്തി​യാ​ർ​ജി​ച്ചു നി​ൽ​ക്കു​ക​യാ​ണ്. അ​വ​രു​ടെ പ്ര​ധാ​ന ശ​ക്തി ത്രി​മൂ​ർ​ത്തി​ക​ളി​ൽ ഒ​രാ​ളി​ല​ല്ലെ​ങ്കി​ൽ മ​റ്റൊ​രാ​ളി​ലു​ള്ള സ്വാ​ധീ​ന​മാ​ണ്.

ത്രി​മൂ​ർ​ത്തി​ക​ളും ശ​ക്ത​രാ​യ ഹൈ​ക്ക​മാ​ൻ​ഡ് ഗ്രൂ​പ്പും അ​ടു​ത്ത വ​ർ​ഷം നി​യ​മ​സ​ഭ​ക​ളി​ലേ​ക്ക് തെ​ര​ഞ്ഞെ​ടു​പ്പു ന​ട​ക്കാ​നി​ട​യു​ള്ള സം​സ്ഥാ​ന​ങ്ങ​ളി​ൽ കേ​ര​ള മാ​തൃ​ക​യി​ലു​ള്ള പ​രീ​ക്ഷ​ണം ന​ട​ത്താ​നു​ള്ള ശ്ര​മ​ത്തി​ലാ​ണി​പ്പോ​ൾ.

കേ​ര​ളം

കേ​ര​ള​ത്തി​ന്‍റെ കാ​ര്യ​മെ​ടു​ക്കാം. കെ​പി​സി​സി അ​ധ്യ​ക്ഷ​നെ​യും ഉ​ന്ന​ത ന​യ​രൂ​പീ​ക​ര​ണ സ​മി​തി​യെ​യും ഹൈ​ക്ക​മാ​ൻ​ഡ് നോ​മി​നേ​റ്റ് ചെ​യ്തി​ട്ടു​ണ്ട്. ജി​ല്ലാ​ത​ല സം​ഘ​ട​ന പു​നഃ​സം​ഘ​ടി​പ്പി​ക്കു​ന്ന​തി​ലും രൂ​പീ​ക​രി​ക്കു​ന്ന​തി​ലും അ​വ​ർ ഏ​ർ​പ്പെ​ട്ടി​രി​ക്കു​ക​യാ​ണ്. അ​തേ​സ​മ​യം സം​ഘ​ട​നാ​തെ​ര​ഞ്ഞെ​ടു​പ്പു പ്ര​ഖ്യാ​പി​ക്കു​ക​യും അം​ഗ​ത്വ വി​ത​ര​ണ​യ​ജ്ഞം ന​ട​ക്കു​ക​യും ചെ​യ്യു​ന്നു. സം​ഘ​ട​നാ തെ​ര​ഞ്ഞെ​ടു​പ്പു ന​ട​ക്കാ​നി​രി​ക്കേ എ​ന്തി​നാ​ണു ക​മ്മി​റ്റി​ക​ളെ നാ​മ​നി​ർ​ദേ​ശം ചെ​യ്ത​ത്? നേ​താ​ക്ക​ളെ തെ​ര​ഞ്ഞെ​ടു​ക്കാ​ൻ പാ​ർ​ട്ടി അം​ഗ​ങ്ങ​ളോ​ട് ആ​വ​ശ്യ​പ്പെ​ടു​മ്പോ​ൾ നോ​മി​നേ​റ്റ​ഡ് ക​മ്മി​റ്റി​ക​ളു​ടെ പ്ര​സ​ക്തി എ​ന്താ​ണ്? ഇ​ത് ദി​ശാ​ബോ​ധ​മി​ല്ലാ​ത്ത ന​യ​ത്തി​ന്‍റെ ല​ക്ഷ​ണ​മാ​ണ്. അ​തേ​സ​മ​യം, ജ​ന​പി​ന്തു​ണ​യു​ള്ള മു​തി​ർ​ന്ന നേ​താ​ക്ക​ളു​മാ​യി ആ​ലോ​ചി​ക്കാ​തെയാണ് നോ​മി​നേ​റ്റ​ഡ് പ്ര​സി​ഡ​ന്‍റും പി​സി​സി എ​ക്‌​സി​ക്യൂ​ട്ടീ​വും തീ​രു​മാ​ന​ങ്ങ​ൾ എ​ടു​ക്കു​ന്ന​ത്.

വി​ഷ​യ​ങ്ങ​ളി​ൽ അ​ഭി​പ്രാ​യം പ്ര​ക​ടി​പ്പി​ക്കു​ന്ന​തി​നു നി​യ​ന്ത്ര​ണ​വും അ​ച്ച​ട​ക്ക സ​മി​തി രൂ​പീ​ക​രി​ക്കാ​തെ​ത​ന്നെ അ​ച്ച​ട​ക്ക ന​ട​പ​ടി ഭീ​ഷ​ണി​യും പ്ര​വ​ർ​ത്ത​ക​ർ​ക്കു​മേ​ൽ നി​ല​വി​ലു​ണ്ട്. നാ​ണം​കെ​ട്ട സാ​ഹ​ച​ര്യം മ​ന​സി​ലാ​ക്കി, കേ​ന്ദ്ര നേ​തൃ​ത്വ ത​ല​ത്തി​ലു​ള്ള ചി​ല​രു​ടെ ശ്ര​മ​ഫ​ല​മാ​യി എ.​കെ. ആ​ന്‍റ​ണി അ​ധ്യ​ക്ഷ​നാ​യി അ​ച്ച​ട​ക്ക ന​ട​പ​ടി ക​മ്മി​റ്റി രൂ​പീ​ക​രി​ച്ചു. പ​ക്ഷ​പാ​ത​ര​ഹി​ത​മാ​യി തീ​രു​മാ​ന​ങ്ങ​ളെ​ടു​ക്കു​ന്ന​തി​ൽ പേ​രു​കേ​ട്ട ആ​ന്‍റ​ണി, ശി​ക്ഷാ​ന​ട​പ​ടി​ക​ളി​ല്ലാ​തെ എ​ല്ലാ​വ​രേ​യും ഒ​രു​മി​ച്ചു​കൊ​ണ്ടു​പോ​കു​മെ​ന്നു ക​രു​തു​ന്ന​തി​നാ​ൽ, സം​സ്ഥാ​ന കോ​ൺ​ഗ്ര​സ് വൃ​ത്ത​ങ്ങ​ളി​ൽ അ​ൽ​പ്പം ആ​ശ്വാ​സ​മു​ണ്ട്.

അ​സ​ഹി​ഷ്ണു​ത​യും കൂ​ടി​വ​രി​ക​യാ​ണ്. പ​ല സം​സ്ഥാ​ന​ങ്ങ​ളി​ലും ശ​രി​യാ​യ സം​ഘ​ട​നാ സം​വി​ധാ​ന​ങ്ങ​ളി​ല്ലാ​ത്ത സ്ഥി​തി​യി​ലേ​ക്കു കോ​ൺ​ഗ്ര​സ്് സം​ഘ​ട​ന വ​ഴു​തി വീ​ഴു​ന്ന​തി​ൽ അ​സ്വ​സ്ഥ​രാ​യ മു​തി​ർ​ന്ന നേ​താ​ക്ക​ൾ സ്ഥി​തി​ഗ​തി​ക​ളി​ൽ ആ​ശ​ങ്ക പ്ര​ക​ടി​പ്പി​ച്ചു. ഫ​ല​മോ, അ​വ​രോ​ടു ചി​റ്റ​മ്മ​ന​യം സ്വീ​ക​രി​ക്കു​ക​യും അ​വ​രി​ൽ ചി​ല​രെ പ്ര​ധാ​ന​പ്പെ​ട്ട ക​മ്മി​റ്റി​ക​ളി​ൽ​നി​ന്ന് ഒ​ഴി​വാ​ക്കു​ക​യും ചെ​യ്തു.

പ​ഞ്ചാ​ബ്

പ​ഞ്ചാ​ബി​ന്‍റെ കാ​ര്യ​മെ​ടു​ക്കാം. പ​തി​റ്റാ​ണ്ടു​ക​ളാ​യി മു​തി​ർ​ന്ന കോ​ൺ​ഗ്ര​സ് നേ​താ​വാ​യി​രു​ന്ന ക്യാ​പ്റ്റ​ൻ അ​മ​രീ​ന്ദ​ർ സിം​ഗ്, ത​ന്‍റെ മു​ഖ്യ എ​തി​രാ​ളി​യും പ​രു​ക്ക​ൻ ത​മാ​ശ​ക​ളും മ​ര്യാ​ദ​യി​ല്ലാ​ത്ത സം​സാ​ര​വും ന​ട​ത്തു​ന്ന ന​വ​ജ്യോ​ത് സിം​ഗ് സി​ദ്ദു​വി​നെ പി​സി​സി അ​ധ്യ​ക്ഷ​നാ​യി തെ​ര​ഞ്ഞെ​ടു​ത്ത​തോ​ടെ അ​പ​മാ​നി​ത​നാ​യി. ഇ​തു ല​ജ്ജാ​ക​ര​മാ​യ സാ​ഹ​ച​ര്യം സൃ​ഷ്ടി​ച്ചു. സി​ദ്ദു, അ​മ​രീ​ന്ദ​റി​നെ വി​മ​ർ​ശി​ക്കു​ന്ന വീ​ക്ഷ​ണ​ങ്ങ​ൾ പ്ര​ക​ടി​പ്പി​ക്കു​ക​കൂ​ടി ചെ​യ്ത​തോ​ടെ അ​ദ്ദേ​ഹം മു​ഖ്യ​മ​ന്ത്രി​സ്ഥാ​ന​ത്തു​നി​ന്നു രാ​ജി​വ​യ്ക്കാ​നി​ട​യാ​യി. സി​ദ്ദു​വി​നെ പി​ന്തു​ണ​യ്ക്കു​ന്ന പ്രി​യ​ങ്ക ഗാ​ന്ധി, തി​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ ദോ​ഷ​ഫ​ല​ങ്ങ​ൾ ഉ​ണ്ടാ​ക്കി​യേ​ക്കാ​മെ​ങ്കി​ലും, അ​ദ്ദേ​ഹ​ത്തെ ഉ​ന്ന​ത സ്ഥാ​ന​ങ്ങ​ളി​ലേ​ക്ക് ഉ​യ​ർ​ത്താ​നാ​ണ് താ​ത്പ​ര്യ​പ്പെ​ടു​ന്ന​ത്. പാ​ക്കി​സ്ഥാ​ൻ പ്ര​ധാ​ന​മ​ന്ത്രി ഇ​മ്രാ​ൻ ഖാ​നു​മാ​യു​ള്ള സി​ദ്ദു​വി​ന്‍റെ സൗ​ഹൃ​ദ​വും പാ​കി​സ്ഥാ​ൻ സൈ​നി​ക മേ​ധാ​വി​യെ പ​ര​സ്യ​മാ​യി ആ​ലിം​ഗ​നം ചെ​യ്ത​തു​മൊ​ക്കെ ബി​ജെ​പി പ്ര​ചാ​ര​ണ​ത്തി​ൽ ഉ​പ​യോ​ഗി​ക്കു​മെ​ന്ന് ഉ​റ​പ്പാ​ണ്.

അ​തി​നി​ടെ, പു​തി​യ പാ​ർ​ട്ടി രൂ​പീ​ക​രി​ച്ച അ​മ​രീ​ന്ദ​റി​നെ ബി​ജെ​പി നേ​താ​ക്ക​ൾ സ​ഖ്യ​ത്തി​നാ​യി ക്ഷ​ണി​ക്കു​ന്നു​മു​ണ്ട്. ക​ർ​ഷ​ക​രോ​ടു​ള്ള നീ​തി​യു​ക്ത​മാ​യ പെ​രു​മാ​റ്റ​ത്തി​നും അ​വ​രു​ടെ പ്ര​ക്ഷോ​ഭ​ത്തി​നു​ള്ള പി​ന്തു​ണ​യ്ക്കും​വേ​ണ്ടി പ​ര​സ്യ​മാ​യി പ്ര​ചാ​ര​ണം ന​ട​ത്തു​ന്ന അ​മ​രീ​ന്ദ​റി​നെ ബി​ജെ​പി നേ​തൃ​ത്വം ഒ​പ്പം നി​ർ​ത്താ​ൻ ശ്ര​മി​ക്കു​ക​യാ​ണ്്, പ്ര​ത്യേ​കി​ച്ചും രാ​ജ്യ​ത്തു​ട​നീ​ള​മു​ള്ള ക​ർ​ഷ​ക​ർ എ​തി​ർ​ത്ത വി​വാ​ദ​മാ​യ എ​ല്ലാ കാ​ർ​ഷി​ക നി​യ​മ​ങ്ങ​ളും പി​ൻ​വ​ലി​ച്ച പ്ര​ധാ​ന​മ​ന്ത്രി​യു​ടെ പ്ര​ഖ്യാ​പ​ന​ത്തി​നു​ശേ​ഷം. അ​മ​രീ​ന്ദ​ർ തെ​ര​ഞ്ഞെ​ടു​പ്പി​ൽ ബി​ജെ​പി​ക്കൊ​പ്പം നി​ൽ​ക്കു​ന്ന​തി​നാ​ൽ, വ​രു​ന്ന സം​സ്ഥാ​ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ എ​ൻ​ഡി​എ​യ്ക്ക് നേ​ട്ട​മു​ണ്ടാ​കു​മെ​ന്നു പ​ല കാ​വി നേ​താ​ക്ക​ളും ക​രു​തു​ന്നു.

ഉ​ത്ത​ർ​പ്ര​ദേ​ശ്

കു​റ​ച്ചു വ​ർ​ഷ​ങ്ങ​ൾ​ക്കു​മു​മ്പ് ഉ​ത്ത​ർ​പ്ര​ദേ​ശി​ന്‍റെ പ്ര​ത്യേ​ക ചു​മ​ത​ല ല​ഭി​ച്ച പ്രി​യ​ങ്ക അ​ടു​ത്തി​ടെ​യാ​ണ് യു​പി​യി​ൽ കാ​ര്യ​മാ​യി ശ്ര​ദ്ധ കേ​ന്ദ്രീ​ക​രി​ക്കാ​ൻ തു​ട​ങ്ങി​യ​ത്. അ​വ​ർ സം​സ്ഥാ​ന​ത്ത് ക​ഠി​നാ​ധ്വാ​നം ചെ​യ്യു​ന്നു​ണ്ടെ​ങ്കി​ലും, ക​ഴി​ഞ്ഞ ഏ​താ​നും മാ​സ​ങ്ങ​ളി​ലെ അ​വ​രു​ടെ സ്വ​ഭാ​വം മു​തി​ർ​ന്ന കോ​ൺ​ഗ്ര​സ് നേ​താ​ക്ക​ൾ​ക്ക് ആ​ലോ​സ​രം സൃ​ഷ്ടി​ക്കു​ന്ന​താ​യി ല​ക്നൗ​വി​ൽ നി​ന്നു​ള്ള റി​പ്പോ​ർ​ട്ടു​ക​ൾ പ​റ​യു​ന്നു. ഒ​രു പാ​ർ​ട്ടി​യെ ന​യി​ക്കാ​ൻ, ഒ​രു നേ​താ​വി​ന് ആ​വ​ശ്യ​മാ​യ ഏ​റ്റ​വും പ്ര​ധാ​ന​പ്പെ​ട്ട ഗു​ണം സ​ഹി​ഷ്ണു​ത​യാ​ണ്. ഇ​ന്ന​ത്തെ പ​ല നേ​താ​ക്ക​ളും ഈ ​വി​ഷ​യ​ത്തി​ൽ ഗാ​ന്ധി​ജി​യു​ടെ ഉ​ദ്ധ​ര​ണി​ക​ൾ വാ​യി​ച്ചി​ട്ടു​ണ്ടാ​കി​ല്ല. അ​ദ്ദേ​ഹ​ത്തി​ന്‍റെ ഉ​ദ്ധ​ര​ണി​ക​ൾ കോ​ൺ​ഗ്ര​സ് നേ​താ​ക്ക​ൾ​ക്കു പ്ര​സ​ക്ത​മാ​ണ്, പ്ര​ത്യേ​കി​ച്ച് സ​മൂ​ഹ​ത്തി​ലെ ചി​ല വി​ഭാ​ഗ​ങ്ങ​ളെ ആ​ക​ർ​ഷി​ക്കാ​ൻ ഇ​റ​ങ്ങി​പ്പു​റ​പ്പെ​ടു​ന്പോ​ൾ.


ഗാ​ന്ധി​ജി

ഗാ​ന്ധി​ജി പ​റ​ഞ്ഞു: "പ​ര​സ്പ​ര സ​ഹി​ഷ്ണു​ത എ​ല്ലാ കാ​ല​ത്തി​നും എ​ല്ലാ വം​ശ​ങ്ങ​ൾ​ക്കും ആ​വ​ശ്യ​മാ​ണ്. …മാ​ന്യ​ത​യും സ​ഹി​ഷ്ണു​ത​യും, മൂ​ല്യം ഉ​ള്ള​താ​യി​രി​ക്ക​ണ​മെ​ങ്കി​ൽ, ക​ഠി​ന​മാ​യ ആ​യാ​സ​ത്തെ നേ​രി​ടാ​ൻ പ്രാ​പ്ത​മാ​യി​രി​ക്ക​ണം. .....ഇ​ന്ന​ത്തെ ആ​വ​ശ്യം ഒ​രു മ​ത​മ​ല്ല, വ്യ​ത്യ​സ്ത മ​ത വി​ശ്വാ​സി​ക​ൾ ത​മ്മി​ലു​ള്ള പ​ര​സ്പ​ര ബ​ഹു​മാ​ന​വും സ​ഹി​ഷ്ണു​ത​യും ആ​ണ്. അ​സ​ഹി​ഷ്ണു​ത ല​ക്ഷ്യ​ബോ​ധ​മു​ള്ള വി​ശ്വാ​സ​ത്തെ ഇ​ല്ലാ​താ​ക്കു​ക​യാ​ണ്. ....സ​ഹി​ഷ്ണു​ത ന​മു​ക്ക് ആ​ത്മീ​യ ഉ​ൾ​ക്കാ​ഴ്ച ന​ൽ​കു​ന്നു, അ​ത് ഉ​ത്ത​ര​ധ്രു​വ​ത്തി​ൽ​നി​ന്നു ദ​ക്ഷി​ണ​ധ്രു​വം എ​ന്ന​പോ​ലെ മ​ത​ഭ്രാ​ന്തി​ൽ​നി​ന്നു വ്യ​ത്യ​സ്ത​മാ​ണ്....... തി​ക​ച്ചും വ്യ​ത്യ​സ്ത​മാ​യ ആ​ശ​യ​ങ്ങ​ളെ​യും സ​ഹി​ഷ്ണു​ത​യോ​ടെ സ​മീ​പി​ക്കാ​വു​ന്ന ഒ​രു ആ​ത്മീ​യ ചൈ​ത​ന്യം നേ​ടാ​നാ​യി​ല്ലെ​ങ്കി​ൽ നി​സ​ഹ​ക​ര​ണ​പ്ര​സ്ഥാ​നം അ​സാ​ധ്യ​മാ​ണ്. അ​സ​ഹി​ഷ്ണു​ത എ​ന്ന​ത് ത​ന്നെ അ​ക്ര​മ​ത്തി​ന്‍റെ ഒ​രു രൂ​പ​വും യ​ഥാ​ർ​ഥ ജ​നാ​ധി​പ​ത്യ ചൈ​ത​ന്യ​ത്തി​ന്‍റെ വ​ള​ർ​ച്ച​യ്ക്ക് ത​ട​സ​വു​മാ​ണ്.'

ഈ ​വി​ഷ​യ​ത്തെ​ക്കു​റി​ച്ചു​ള്ള അ​ദ്ദേ​ഹ​ത്തി​ന്‍റെ വാ​ക്കു​ക​ൾ എ​ല്ലാ മ​നു​ഷ്യ​ർ​ക്കും വേ​ണ്ടി​യു​ള്ള​താ​ണ്, പ്ര​ധാ​ന​മാ​യും രാ​ഷ്‌​ട്രീ​യ നേ​താ​ക്ക​ൾ​ക്കു​ള്ള​താ​ണ്. കേ​ര​ള​ത്തി​ൽ ഏ​താ​നും ആ​ഴ്ച​ക​ൾ​ക്ക് മു​മ്പ് ഒ​രു സം​ഘം മാ​ധ്യ​മ​പ്ര​വ​ർ​ത്ത​ക​ർ ഒ​രു ഗ്രൂ​പ്പ് യോ​ഗം റി​പ്പോ​ർ​ട്ട് ചെ​യ്യാ​ൻ പോ​യ​പ്പോ​ൾ കോ​ൺ​ഗ്ര​സ് നേ​താ​ക്ക​ളു​ടെ കൈ​യേ​റ്റ​ത്തി​ന് ഇ​ര​യാ​യ​തി​നു കാ​ര​ണം കോ​ൺ​ഗ്ര​സി​ലെ അ​സ​ഹി​ഷ്ണു​ത​യാ​ണ്. നേ​താ​ക്ക​ളു​ടെ അ​സ​ഹി​ഷ്ണു​ത പ്ര​വ​ർ​ത്ത​ക​രും പി​ന്തു​ട​രു​ന്നു എ​ന്ന​താ​ണ് പ്ര​ശ്നം.

നെ​ഹ്‌​റു

മാ​ധ്യ​മ​ങ്ങ​ളെ​യോ മാ​ധ്യ​മ​പ്ര​വ​ർ​ത്ത​ക​രെ​യോ ആ​ക്ര​മി​ക്കു​ന്ന​ത് ജ​നാ​ധി​പ​ത്യ​ത്തി​ലെ ഏ​റ്റ​വും മോ​ശം കാ​ര്യ​മാ​ണ്. ജ​വ​ഹ​ർ​ലാ​ൽ നെ​ഹ്‌​റു​വി​ന്‍റെ ഒ​രു ഉ​ദ്ധ​ര​ണി അ​ത് തെ​ളി​യി​ക്കും. പ​ത്ര​സ്വാ​ത​ന്ത്ര്യ​ത്തെ​യും ജ​നാ​ധി​പ​ത്യ രീ​തി​ക​ളെ​യും ഇ​ഷ്ട​പ്പെ​ടു​ന്ന മി​ക്ക​വ​ർ​ക്കും അ​റി​യാ​വു​ന്ന അ​ദ്ദേ​ഹ​ത്തി​ന്‍റെ ഉ​ദ്ധ​ര​ണി ഇ​ന്ന​ത്തെ ത​ല​മു​റ​യി​ലെ കോ​ൺ​ഗ്ര​സ് അം​ഗ​ങ്ങ​ൾ​ക്ക് പ​രി​ചി​ത​മാ​യി​രി​ക്കി​ല്ല.

നെ​ഹ്‌​റു പ​റ​ഞ്ഞു, "എ​ന്‍റെ അ​ഭി​പ്രാ​യ​ത്തി​ൽ, മാ​ധ്യ​മ​സ്വാ​ത​ന്ത്ര്യം വ​ലി​യ വീ​ക്ഷ​ണ​കോ​ണി​ൽ നി​ന്നു​ള്ള ഒ​രു മു​ദ്രാ​വാ​ക്യം മാ​ത്ര​മ​ല്ല, ജ​നാ​ധി​പ​ത്യ പ്ര​ക്രി​യ​യു​ടെ അ​ത്യ​ന്താ​പേ​ക്ഷി​ത​മാ​യ ഗു​ണ​മാ​ണ്. മാ​ധ്യ​മ​സ്വാ​ത​ന്ത്ര്യ​ത്തെ ഭ​ര​ണ​കൂ​ടം വെ​റു​ക്കു​ക​യും അ​ത് അ​പ​ക​ട​ക​ര​മെ​ന്നു ക​രു​തു​ക​യും ചെ​യ്താ​ൽ പോ​ലും മാ​ധ്യ​മ​സ്വാ​ത​ന്ത്ര്യ​ത്തി​ൽ കൈ​ക​ട​ത്തു​ന്ന​ത് തെ​റ്റാ​ണെ​ന്ന​തി​ൽ എ​നി​ക്ക് സം​ശ​യ​മി​ല്ല. നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി നി​ങ്ങ​ൾ​ക്ക് ഒ​ന്നും മാ​റ്റാ​നാ​വി​ല്ല്ല. ചി​ല കാ​ര്യ​ങ്ങ​ളു​ടെ പൊ​തു​പ്ര​ക​ട​ന​ത്തെ നി​ങ്ങ​ൾ അ​ടി​ച്ച​മ​ർ​ത്തി​യാ​ൽ, അ​തു​വ​ഴി അ​വ​യ്ക്ക് അ​ടി​വ​ര​യി​ടു​ന്ന ആ​ശ​യ​വും ചി​ന്ത​യും കൂ​ടു​ത​ൽ വ്യാ​പി​ക്കു​ന്ന​തി​ന് കാ​ര​ണ​മാ​കു​ക​യേ​യു​ള്ളു. അ​തി​നാ​ൽ, അ​ടി​ച്ച​മ​ർ​ത്ത​പ്പെ​ട്ട​തോ നി​യ​ന്ത്രി​ത​മോ ആ​യ ഒ​രു മാ​ധ്യ​മ​ത്തെ​ക്കാ​ൾ, ആ ​സ്വാ​ത​ന്ത്ര്യ​ത്തി​ന്‍റെ തെ​റ്റാ​യ ഉ​പ​യോ​ഗ​ത്തി​ൽ ഉ​ൾ​പ്പെ​ട്ടി​ട്ടു​ള്ള എ​ല്ലാ അ​പ​ക​ട​ങ്ങ​ളും ഉ​ൾ​ക്കൊ​ള്ളു​ന്ന തി​ക​ച്ചും സ്വ​ത​ന്ത്ര​മാ​യ മാ​ധ്യ​മ​മാ​ണ് ഞാ​ൻ ആ​ഗ്ര​ഹി​ക്കു​ന്ന​ത്.' (ന്യൂ​സ്‌​പേ​പ്പ​ർ എ​ഡി​റ്റേ​ഴ്‌​സ് കോ​ൺ​ഫ​റ​ൻ​സി​ലെ പ്ര​സം​ഗം 3.12. 1950).

നെ​ഹ്‌​റു​വി​ന്‍റെ വാ​ക്കു​ക​ൾ ഇ​ന്ന് വ​ള​രെ പ്ര​സ​ക്ത​മാ​ണ്, അ​ത് രാ​ഷ്‌്ട്രീ​യ പാ​ർ​ട്ടി​ക​ളെ ന​യി​ക്കു​ന്ന​വ​രും ഭ​ര​ണ​ഘ​ട​നാ പ​ദ​വി​ക​ൾ വ​ഹി​ക്കു​ന്ന​വ​രു​മാ​യ എ​ല്ലാ​വ​രെ​യും ഉ​ദ്ദേ​ശി​ച്ചു​ള്ള​താ​ണ്, ജി​ല്ലാ ത​ല​ത്തി​ലു​ള്ള ഏ​താ​നും കോ​ൺ​ഗ്ര​സ് നേ​താ​ക്ക​ൾ​ക്കു മാ​ത്ര​മു​ള്ള​ത​ല്ല. എ​ന്നി​രു​ന്നാ​ലും, വാ​യ​നാ​ശീ​ലം ന​ഷ്ട​പ്പെ​ട്ടു​വെ​ന്ന് തോ​ന്നു​ന്ന കോ​ൺ​ഗ്ര​സ് നേ​താ​ക്ക​ളും, പാ​ർ​ട്ടി​യു​ടെ ന​യ​ങ്ങ​ൾ രൂ​പ​പ്പെ​ടു​ത്തു​ന്ന​തി​ൽ പ്ര​ധാ​ന പ​ങ്കു​വ​ഹി​ച്ച പാ​ർ​ട്ടി​യു​ടെ ര​ണ്ട് പ്ര​ധാ​ന നേ​താ​ക്ക​ളാ​യ മ​ഹാ​ത്മ​ജി​യു​ടെ​യും പ​ണ്ഡി​റ്റ്ജി​യു​ടെ​യും പ്ര​സി​ദ്ധ​മാ​യ വ​ച​ന​ങ്ങ​ളെ​ങ്കി​ലും വാ​യി​ക്ക​ണം. യോ​ഗ​ങ്ങ​ൾ റി​പ്പോ​ർ​ട്ടു ചെ​യ്യാ​ൻ പോ​കു​ന്ന മാ​ധ്യ​മ​പ്ര​വ​ർ​ത്ത​ക​രോ​ട് ഗെ​റ്റ് ഔ​ട്ട് (ക​ട​ക്ക് പു​റ​ത്ത്) എ​ന്ന് ആ​ക്രോ​ശി​ക്കു​ന്ന നേ​താ​ക്ക​ൾ​ക്കും ഇ​തു പ്ര​സ​ക്ത​മാ​ണ്. തീ​ർ​ച്ച​യാ​യും, രാ​ജ്യ​ത്തെ ഉ​ന്ന​ത​സ്ഥാ​ന​ത്ത് അ​വ​രോ​ധി​ക്ക​പ്പെ​ട്ട​ശേ​ഷം ഒ​രി​ക്ക​ലും മാ​ധ്യ​മ​ങ്ങ​ളെ അ​ഭി​സം​ബോ​ധ​ന ചെ​യ്യാ​ത്ത നേ​താ​ക്ക​ളും.

മാ​റി​ക്കൊ​ണ്ടി​രി​ക്കു​ന്ന ഇ​ന്ന​ത്തെ ആ​വ​ശ്യ​ങ്ങ​ൾ​ക്ക​നു​സൃ​ത​മാ​യി ന​യ​ങ്ങ​ൾ രൂ​പ​പ്പെ​ടു​ത്തു​ന്ന​തി​ന് യാ​തൊ​രു ദി​ശാ​സൂ​ച​ന​യോ ശ്ര​മ​മോ ഇ​ല്ലാ​തെ നീ​ങ്ങു​ന്ന​താ​ണ് കോ​ൺ​ഗ്ര​സി​ന്‍റെ ഇ​ന്ന​ത്തെ പ്ര​ശ്നം. കോ​ൺ​ഗ്ര​സ് പ്ര​വ​ർ​ത്ത​ക സ​മി​തി​ക്ക് ശേ​ഷം ഇ​ന്ന​ത്തെ നീ​റു​ന്ന പ്ര​ശ്ന​ത്തെ​ക്കു​റി​ച്ച് ഗൗ​ര​വ​മാ​യ ച​ർ​ച്ച​യോ ഉ​ജ്വ​ല​മാ​യ പ്ര​മേ​യ​മോ ഇ​ല്ല. എ​ഐ​സി​സി യോ​ഗ​ങ്ങ​ൾ അ​പൂ​ർ​വ​മാ​യ​തോ​ടെ അ​ന്ന​ന്ന​ത്തെ പ്ര​ശ്‌​ന​ങ്ങ​ളെ​ക്കു​റി​ച്ചോ പ്ര​ദേ​ശി​ക പ്ര​ശ്ന​ങ്ങ​ളെ​ക്കു​റി​ച്ചോ കോ​ൺ​ഗ്ര​സ് നേ​താ​ക്ക​ളു​ടെ വീ​ക്ഷ​ണ​ങ്ങ​ൾ എ​ന്താ​ണ​മെ​ന്ന് ആ​ർ​ക്കും അ​റി​യി​ല്ല. ഇ​ന്ത്യ​ൻ രാ​ഷ്‌​ട്രീ​യ രം​ഗ​ത്ത് ന​രേ​ന്ദ്ര​മോ​ദി​യെ​പ്പോ​ലെ ശ​ക്ത​നാ​യ ഒ​രു നേ​താ​വ് ഉ​യ​ർ​ന്നു​വ​ന്ന​തി​നു​ശേ​ഷം, മോ​ദി​യെ​യും അ​ദ്ദേ​ഹ​ത്തി​ന്‍റെ ന​യ​ങ്ങ​ളെ​യും നേ​രി​ടാ​നും കോ​ൺ​ഗ്ര​സ് നി​ല​കൊ​ള്ളു​ന്ന സ്വാ​ത​ന്ത്ര്യം, മ​ത​നി​ര​പേ​ക്ഷ​ത, സാ​മൂ​ഹി​ക​നീ​തി​യി​ല​ധി​ഷ്ഠി​ത​മാ​യ മൂ​ല്യ​ങ്ങ​ൾ എ​ന്നി​വ പൊ​തു​ജ​ന​ങ്ങ​ൾ​ക്കു മു​ന്നി​ൽ കാ​ണി​ച്ചു​കൊ​ടു​ക്കാ​നും ക​ഴി​യു​ന്ന ക​രു​ത്തു​റ്റ നേ​താ​വി​ല്ല. ചി​ല ന​ല്ല നേ​താ​ക്ക​ൾ ഉ​ണ്ടാ​യാ​ലും ത്രി​മൂ​ർ​ത്തി​ക​ൾ​ക്കാ​യി മാ​റ്റി​വ​ച്ച പാ​ർ​ട്ടി ശ്രേ​ണി​യി​ൽ ഉ​യ​രാ​ൻ അ​നു​വ​ദി​ക്കി​ല്ല.

ഖേ​ദ​ക​ര​മെ​ന്നു പ​റ​യ​ട്ടെ, മ​ഹാ​ത്മ​ജി​യു​ടെ​യും നെ​ഹ്‌​റു​വി​ന്‍റെ​യും പ​ഠി​പ്പി​ക്ക​ലുകൾകൊണ്ടും 140 വ​ർ​ഷ​ത്തോ​ള​മാ​യി ഇ​ന്ത്യ​ൻ ധാ​ർ​മി​ക​ത​ക​ളും മൂ​ല്യ​ങ്ങ​ളും പ്ര​ത്യേ​കി​ച്ച് സ​മ്മി​ശ്ര സം​സ്‌​കാ​ര​വും​കൊ​ണ്ടും രാഷ്‌ട്രത്തെ​യും ലോ​ക​ത്തെ​യും ന​യി​ച്ച മ​ഹ​ത്താ​യ ഇ​ന്ത്യ​ൻ നാ​ഷ​ണ​ൽ കോ​ൺ​ഗ്ര​സ് ഇ​ന്ന​ത്തെ വെ​ല്ലു​വി​ളി​ക​ളെ അ​തി​ജീ​വി​ക്കാ​നാ​വാ​തെ അ​സ​ഹി​ഷ്ണു​ത, ദി​ശാ​ബോ​ധ​മി​ല്ലാ​യ്മ, നേ​തൃ​ത്വ​മി​ല്ലാ​യ്മ എ​ന്നി​വ​യി​ൽ​പെ​ട്ട് ഉ​ഴ​ലു​ക​യാ​ണ്.

ഉള്ളത് പറഞ്ഞാൽ/ കെ. ​ഗോ​പാ​ല​കൃ​ഷ്ണ​ൻ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.