►പാ​വ​ങ്ങ​ളു​ടെ മാ​ന​ത്തി​നു വി​ല​യി​ല്ല!◄

കോ​ളി​ള​ക്കം സൃ​ഷ്ടി​ക്കു​ന്ന ചി​ല കേ​സു​ക​ൾ മാ​ത്ര​മാ​ണു രാ​ജ്യ​ശ്ര​ദ്ധ​യി​ൽ വ​രു​ന്ന​ത്. ഓ​രോ ദി​വ​സ​വും കൂ​ട്ട​മാ​ന​ഭം​ഗ​ത്തി​നി​ര​യാ​യി കൊ​ല്ല​പ്പെ​ടു​ന്ന പാ​വ​പ്പെ​ട്ട​വ​രും സാ​ധാ​ര​ണ​ക്കാ​രു​മാ​യ പെ​ണ്‍കു​ട്ടി​ക​ളു​ടെ കാ​ര്യം വ​ൻ​കി​ട മാ​ധ്യ​മ​ങ്ങ​ളും രാ​ഷ്‌​ട്രീ​യ നേ​താ​ക്ക​ളും സാ​മൂ​ഹ്യ, സാം​സ്കാ​രി​ക നാ​യ​ക​രും അ​റി​ഞ്ഞ​താ​യി ന​ടി​ക്കാ​റി​ല്ല. ഇ​ന്ത്യ​യി​ൽ ഓ​രോ 15 മി​നി​റ്റി​ലും ഒ​രു സ്ത്രീ​യു​ടെ മാ​നം പി​ച്ചി​ച്ചീ​ന്ത​പ്പെ​ടു​ന്നു​ണ്ടെ​ന്ന് ദേ​ശീ​യ ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ ക​ണ​ക്കു​ക​ൾ പ​റ​യു​ന്നു. പ​ക്ഷേ, രാ​ഷ്‌​ട്രീ​യ മു​ത​ലെ​ടു​പ്പി​നു പ​റ്റി​യ പ്ര​മാ​ദ​മാ​യ കേ​സു​ക​ളി​ൽ മാ​ത്ര​മാ​ണു സ​ർ​ക്കാ​രു​ക​ളും രാ​ഷ്‌​ട്രീ​യ പാ​ർ​ട്ടി​ക​ളും മു​ത​ല​ക്ക​ണ്ണീരൊ​ഴു​ക്കു​ന്ന​ത്.

കോ​ൽ​ക്ക​ത്ത​യി​ൽ ആ​യ​തി​നാ​ലും യു​വ വ​നി​താ ഡോ​ക്ട​ർ ആ​യ​തി​നാ​ലു​മാ​ണ് ആ​ർ​ജി ക​ർ മെ​ഡി​ക്ക​ൽ കോ​ള​ജ് കേ​സ് വ​ലി​യ പ​ബ്ലി​സി​റ്റി​ക്കും പ്ര​തി​ഷേ​ധ​ത്തി​നും വ​ഴി​യൊ​രു​ക്കി​യ​ത്. പ​ശ്ചി​മബം​ഗാ​ളി​ലെ മ​മ​ത ബാ​നാ​ർ​ജി സ​ർ​ക്കാ​രി​നെ​തി​രേ രാ​ഷ്‌​ട്രീ​യ ആ​യു​ധ​മാ​ക്കാ​ൻ ബി​ജെ​പി ന​ട​ത്തു​ന്ന ശ്ര​മ​ങ്ങ​ളാ​ണു വി​ഷ​യം ക​ത്തി​ച്ച​ത്. സം​ഭ​വം രാ​ഷ്‌​ട്രീ​യ​വ​ത്ക​രി​ക്ക​രു​തെ​ന്നു പ​റ​യു​ന്ന​വ​ർ ത​ന്നെ​യാ​ണ് എ​രി​തീ​യി​ൽ എ​ണ്ണ​യൊ​ഴി​ക്കു​ന്നത്.

►ഹേ​മ ക​മ്മി​റ്റി, വി​നേ​ഷ് ഫോ​ഗ​ട്ട്◄

ഇ​ന്ത്യ​യി​ൽ സ്ത്രീ ​ഇ​ന്നും സു​ര​ക്ഷി​ത​യ​ല്ല. ആ​ശ​ങ്ക​യി​ല്ലാ​തെ പെ​ണ്‍കു​ട്ടി​യെ യാ​ത്ര​യാ​ക്കാ​ൻ മാ​താ​പി​താ​ക്ക​ൾ​ക്കു ക​ഴി​യാ​റി​ല്ല. പ്ര​ധാ​ന​മ​ന്ത്രി​യും മു​ഖ്യ​മ​ന്ത്രി​യും മ​ന്ത്രി​മാ​രും രാ​ഷ്‌​ട്രീ​യ​ക്കാ​രും ന​ൽ​കു​ന്ന ഉ​റ​പ്പു​ക​ൾ ജ​ല​രേ​ഖ​ക​ളാ​കു​ന്നു. സ്ത്രീ​ക​ൾ​ക്കു തു​ല്യാ​വ​സ​ര​വും തു​ല്യ​നീ​തി​യും സ്വാ​ത​ന്ത്ര്യ​വും സു​ര​ക്ഷി​ത​ത്വ​വും ഉ​റ​പ്പാ​ക്കു​ന്ന​തി​ൽ രാ​ജ്യം പ​രാ​ജ​യ​പ്പെ​ടു​ന്നു. കേ​ന്ദ്ര-സം​സ്ഥാ​ന മ​ന്ത്രി​സ​ഭ​ക​ൾ, പാ​ർ​ല​മെ​ന്‍റ്, നി​യ​മ​സ​ഭ​ക​ൾ എ​ന്നി​വ മു​ത​ൽ മ​ത, സാ​മു​ദാ​യി​ക, സാ​മൂ​ഹി​ക, സാം​സ്കാ​രി​ക മേ​ഖ​ല​ക​ളി​ൽ വ​രെ സ്ത്രീ​ക​ളോ​ടു​ള്ള വി​വേ​ച​നം കാ​ണാ​നാ​കും.

സി​നി​മാ മേ​ഖ​ല​യി​ലെ ചൂ​ഷ​ണ​ങ്ങ​ളെ​ക്കു​റി​ച്ചും വി​വേ​ച​ന​ങ്ങ​ളെ​ക്കു​റി​ച്ചു​മു​ള്ള ജ​സ്റ്റീ​സ് ഹേ​മ ക​മ്മി​റ്റി റി​പ്പോ​ർ​ട്ട് ഇ​തി​ന്‍റെ മറ്റൊരു വ​ശ​മാ​ണ്. സ്ത്രീ​ക​ളെ ചൂ​ഷ​ണം ചെ​യ്യു​ക​യും ലൈം​ഗിക​മാ​യി ദു​രു​പ​യോ​ഗി​ക്കു​ക​യും ചെ​യ്യു​ന്നു​വെ​ന്ന പ​രാ​തി​ക്ക് പ​ഴ​ക്ക​മേ​റെ​യു​ണ്ടെ​ങ്കി​ലും തി​രു​ത്ത​ലു​ക​ളോ ശി​ക്ഷ​യോ ഉ​ണ്ടാ​കാ​റി​ല്ല. പാ​രീ​സ് ഒ​ളി​ന്പി​ക്സി​ൽ സ്വ​ർ​ണ​മെ​ഡ​ൽ നി​ഷേ​ധി​ക്ക​പ്പെ​ട്ട ഇ​ന്ത്യ​യു​ടെ വീ​ര​പു​ത്രി​യും ഗു​സ്തി​താ​ര​വു​മാ​യ വി​നേ​ഷ് ഫോ​ഗ​ട്ടി​ന്‍റെ ക​ണ്ണീ​രു വീ​ഴ്ത്തി​യി​ട്ടും പ​ശ്ചാ​ത്ത​പി​ക്കാ​ത്ത​വ​രാ​ണു ദേ​ശീ​യ നേ​താ​ക്ക​ൾ. ഇ​ര​ക​ളോ​ടൊ​പ്പം എ​ന്നു പ​റ​ഞ്ഞു​കൊ​ണ്ടുത​ന്നെ വേ​ട്ട​ക്കാ​രോ​ടൊ​പ്പം ഓ​ടു​ന്നു.

►നി​യ​മ​ങ്ങ​ൾ മാ​ത്രം പ​രി​ഹാ​ര​മാ​കി​ല്ല◄

നി​യ​മ​ങ്ങ​ൾകൊ​ണ്ടു മാ​ത്രം ഒ​രു തി​ന്മ​യും പ​രി​ഹ​രി​ക്കാ​നാ​കി​ല്ല. ല​ഹ​രി​ക​ളോ​ടു​ള്ള ആ​ർ​ത്തി​പോ​ലെ​ത​ന്നെ അ​പ​ക​ട​ക​ര​മാ​ണ് അ​മി​ത​മാ​യ ലൈം​ഗികാ​സ​ക്തി. ഇ​ന്‍റ​ർ​നെ​റ്റി​ലും വാ​ട്ട്സ്ആ​പ്പി​ലും വ്യാ​പ​ക​മാ​യി പ്ര​ച​രി​ക്കു​ന്ന അ​ശ്ലീ​ല വീ​ഡി​യോ​ക​ൾ​ക്കു സ്കൂ​ൾ കു​ട്ടി​ക​ൾ പോ​ലും അ​ടി​മ​ക​ളാ​കു​ന്നു. ശ​രി​യാ​യ ലൈം​ഗിക വി​ദ്യാ​ഭ്യാ​സ​ത്തി​ന്‍റെ അ​ഭാ​വം വ​ലി​യ പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു​ണ്ട്.

സ്ത്രീ​പീ​ഡ​ന​ങ്ങ​ളും കൊ​ല​പാ​ത​ക​ങ്ങ​ളും ന​ട​ത്തി​യാ​ലും ര​ക്ഷ​പ്പെ​ടാ​മെ​ന്ന തോ​ന്ന​ലും കു​റ്റ​കൃ​ത്യ​ങ്ങ​ൾ കൂ​ടു​ന്ന​തി​നു കാ​ര​ണ​മാ​ണ്. ഭ​യ​ത്തി​ന്‍റെ അ​ഭാ​വ​വും ശ​ക്ത​മാ​യ പോ​ലീ​സ് ന​ട​പ​ടി​ക​ളു​ടെ വീ​ഴ്ച​ക​ളും ഗു​രു​ത​ര തി​ന്മ​ക​ൾ കൂ​ടു​ന്ന​തി​നു വ​ഴി​തെ​ളി​ക്കും. നി​യ​മ​ത്തി​ലെ പ​ഴു​തു​ക​ളും പ​ണ​വും സ്വാ​ധീ​ന​വും ഉ​പ​യോ​ഗി​ച്ച് പ്ര​തി​ക​ളി​ലേ​റെ​യും ര​ക്ഷ​പ്പെ​ടു​ന്നു!

ലൈം​ഗികാ​തി​ക്ര​മ കേ​സു​ക​ളി​ൽ ശി​ക്ഷി​ക്ക​പ്പെ​ടു​ന്ന​വ​രു​ടെ എ​ണ്ണം കു​റ​യു​ന്ന​ത് അ​തീ​വ ഗു​രു​ത​ര​മാ​ണ്. കോ​ട​തി​ക​ളി​ൽ വി​ചാ​ര​ണ​യ്ക്കു പോ​യ ബ​ലാ​ത്സം​ഗ കേ​സു​ക​ളി​ൽ വെ​റും 2.56 ശ​ത​മാ​നം മാ​ത്ര​മാ​ണ് ശി​ക്ഷി​ക്ക​പ്പെ​ട്ട​തെ​ന്ന് ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ (എ​ൻ​സി​ആ​ർ​ബി) ക​ണ​ക്കു​ക​ളി​ലു​ണ്ട്. പീ​ഡ​നശ്ര​മ​ കേ​സു​ക​ളി​ൽ ഒ​രു ശ​ത​മാ​ന​ത്തി​ൽ താ​ഴെ (0.92%) മാ​ത്ര​മാ​ണ് കോ​ട​തി​ക​ളി​ൽ ശി​ക്ഷി​ക്ക​പ്പെ​ട്ട​ത്. 2022ൽ ​ര​ജി​സ്റ്റ​ർ ചെ​യ്ത 31,516 ബ​ലാ​ത്സം​ഗ കേ​സു​ക​ളി​ൽ 26,508 എ​ണ്ണ​ത്തി​ലാ​ണു കു​റ്റ​പ​ത്രം സ​മ​ർ​പ്പി​ച്ച​ത്. 2018-2022 മു​ത​ൽ ബ​ലാ​ത്സം​ഗ​ത്തി​നു​ള്ള ശി​ക്ഷാനി​ര​ക്ക് 27- 28 ശ​ത​മാ​നം മാ​ത്ര​മാ​ണ്.

►ഹൃ​ദ​യ​ത്തി​ൽ പ​തി​യ​ട്ടെ, ബ​ഹു​മാ​നം◄

പെ​ണ്‍കു​ട്ടി​ക​ളെ ബ​ഹു​മാ​ന​ത്തോ​ടെ സ്നേ​ഹി​ക്കാ​നും തു​ല്യ​രാ​യി കാ​ണാ​നും വ​ള​രെ ചെ​റു​പ്പം മു​ത​ൽ കു​ട്ടി​ക​ളെ പ​ഠി​പ്പി​ക്കു​ന്ന​തി​ൽ പ​ല മാ​താ​പി​താ​ക്ക​ൾ​ക്കും വീ​ഴ്ച​യു​ണ്ടാ​കു​ന്നു​ണ്ടെ​ന്നു സം​ശ​യി​ക്കാം. ആ​ണ്‍കു​ട്ടി​ക്ക് മേ​ധാ​വി​ത്വം ഉ​ണ്ടെ​ന്ന തെ​റ്റാ​യ തോ​ന്ന​ലു​ള്ള പ​ല​രെ​യും ഇ​ക്കാ​ല​ത്തും കാ​ണു​ന്നു​ണ്ട്. കു​ടും​ബ​ങ്ങ​ളി​ലും വി​ദ്യാ​ല​യ​ങ്ങ​ളും പൊ​തു​സ​മൂ​ഹ​ത്തി​ലും മൂ​ല്യ​ങ്ങ​ൾ​ക്ക് പ്രാ​ധാ​ന്യം കു​റ​ഞ്ഞു​വ​രു​ന്ന​തും തെ​റ്റു​ക​ൾ കൂ​ടാ​ൻ കാ​ര​ണ​മാ​കും.

ലിം​ഗ​വ്യ​ത്യാ​സ​മി​ല്ലാ​തെ എ​ല്ലാ മ​ക്ക​ളെ​യും ഒ​രു​പോ​ലെ കാ​ണാ​ൻ കു​ടും​ബ​ങ്ങ​ളി​ലും വി​ദ്യാ​ല​യ​ങ്ങ​ളി​ലും മ​ത-സാ​മു​ദാ​യി​ക-സാ​മൂ​ഹി​ക ഇ​ട​ങ്ങ​ളി​ലും പ്ര​ത്യേ​ക ശ്ര​ദ്ധ ഉ​ണ്ടാ​ക​ണം. സ്ത്രീ​ക​ൾ അ​മ്മ​യും സ​ഹോ​ദ​രി​യും സ്നേ​ഹ​വും ആ​ണെ​ന്നു പ​റ​ഞ്ഞാ​ൽ പോ​രാ, ഓ​രോ​രു​ത്ത​രു​ടെ​യും ഹൃ​ദ​യ​ത്തി​ൽ ഈ ​അ​വ​ബോ​ധം ആ​ഴ​ത്തി​ൽ പ​തി​ക്കു​ക​യാ​ണു പ്ര​ധാ​നം.