1

ഫാ. ​സെ​ബാ​സ്റ്റ്യ​ന്‍ പൂ​ണോ​ളി സി​എം​ഐ

കോ​ഴി​ക്കോ​ട്: ഭാ​ഷാ പ​ണ്ഡി​ത​നും എ​ഴു​ത്തു​കാ​ര​നും നി​യ​മോ​പ​ദേ​ഷ്ടാ​വും അ​ധ്യാ​പ​ക​നും സി​എം​ഐ സ​ഭ​യു​ടെ കോ​ഴി​ക്കോ​ട് സെ​ന്‍റ് തോ​മ​സ് പ്രൊ​വി​ന്‍​സ് അം​ഗ​വു​മാ​യി​രു​ന്ന ഫാ. ​സെ​ബാ​സ്റ്റ്യ​ന്‍ പൂ​ണോ​ളി (86) അ​ന്ത​രി​ച്ചു. മൃത ദേഹം നാ​ളെ വൈ​കു​ന്നേ​രം അ​ഞ്ചി​ന് ദേ​വ​ഗി​രി സെ​ന്‍റ് ജോ​സ​ഫ്സ് ആ​ശ്ര​മ​ത്തി​ല്‍ പൊ​തു​ദ​ര്‍​ശ​ന​ത്തി​ന് വ​യ്ക്കും. മൂ​ന്നി​ന് ഉ​ച്ച​ക​ഴി​ഞ്ഞ് ര​ണ്ടി​ന് ദേ​വ​ഗി​രി സെ​ന്‍റ് ജോ​സ​ഫ്സ് ആ​ശ്ര​മ ദേ​വാ​ല​യ​ത്തി​ല്‍ സം​സ്‌​കാ​രം ന​ട​ത്തും. എ​റ​ണാ​കു​ളം-​അ​ങ്ക​മാ​ലി അ​തി​രൂ​പ​ത​യി​ലെ കൈ​പ്പ​ട്ടൂ​ര്‍ വ്യാ​കു​ല​മാ​താ ഇ​ട​വ​കാം​ഗ​മാ​ണ്. പൂ​ണോ​ളി ജോ​ര്‍​ജ്-​കു​ഞ്ഞ​മ്മ ദ​മ്പ​തി​ക​ളു​ടെ മ​ക​നാ​യി 1940 ജൂ​ണ്‍ 16ന് ​ജ​നി​ച്ചു. സ​ഹോ​ദ​ര​ങ്ങ​ള്‍: ത്രേ​സ്യാ​മ്മ, ആ​ലീ​സ്, പ​രേ​ത​രാ​യ ജോ​സ​ഫ്, അ​ന്ന​മ്മ, മ​റി​യാ​മ്മ, അ​ച്ചാ​മ്മ, ക്ലാ​ര. പ്രാ​ഥ​മി​ക വി​ദ്യാ​ഭ്യാ​സ​ത്തി​നു​ശേ​ഷം 1954ല്‍ ​സി​എം​ഐ സ​ഭ​യി​ല്‍ പ്ര​വേ​ശി​ച്ചു. ചെ​ന്നൈ ല​യോ​ള കോ​ള​ജി​ല്‍ നി​ന്നും ബി​രു​ദ​വും ടൃച്ചി സെ​ന്‍റ് ജോ​സ​ഫ്‌​സ് കോ​ള​ജി​ല്‍ നി​ന്നും ഇം​ഗ്ലീ​ഷ് സാ​ഹി​ത്യ​ത്തി​ല്‍ ബി​രു​ദാ​ന​ന്ത​ര ബി​രു​ദ​വും പൂ​ര്‍​ത്തി​യാ​ക്കി. ധ​ര്‍​മ്മ​രാം കോ​ള​ജി​ല്‍ ത​ത്വ​ശാ​സ്ത്ര-​ദൈ​വ​ശാ​സ്ത്ര പ​ഠ​ന​ങ്ങ​ള്‍ പൂ​ര്‍​ത്തി​യാ​ക്കി​യ​ശേ​ഷം 1974 ഡി​സം​ബ​ര്‍ 30ന് ​പൗ​രോ​ഹി​ത്യം സ്വീ​ക​രി​ച്ചു. 1975 മു​ത​ല്‍ 1981 വ​രെ ദേ​വ​ഗി​രി സെ​ന്‍റ് ജോ​സ​ഫ്സ് കോ​ള​ജി​ല്‍ ഇം​ഗ്ലീ​ഷ് അ​ധ്യാ​പ​ക​നാ​യി​രു​ന്നു. അ​ധ്യാ​പ​ന മി​ക​വി​ന് "ജൂ​നി​യ​ര്‍ ഷെ​പ്പേ​ര്‍​ഡ്' എ​ന്ന ഖ്യാ​തി നേ​ടി. 1981 മു​ത​ല്‍ 1987 വ​രെ സി​എം​ഐ കോ​ഴി​ക്കോ​ട് സെ​ന്‍റ് തോ​മ​സ് പ്രൊ​വി​ന്‍​സി​ന്‍റെ പ്രൊ​വി​ന്‍​ഷ്യാ​ളാ​യി​രു​ന്നു. സി​എം​ഐ സ​ഭ​യു​ടെ വി​കാ​രി ജ​ന​റാ​ള്‍, ബം​ഗ​ളൂ​രു ധ​ര്‍​മ്മ​രാം കോ​ള​ജ് റെ​ക്ട​ര്‍, ക്രൈ​സ്റ്റ് വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ മാ​നേ​ജ​ര്‍, കോ​ഴി​ക്കോ​ട് പ്രൊ​വി​ന്‍​സ് നോ​വി​സ് മാ​സ്റ്റ​ര്‍ എ​ന്നി​ങ്ങ​നെ വ്യ​ത്യ​സ്ത നി​ല​ക​ളി​ല്‍ പ്ര​വ​ര്‍​ത്തി​ച്ചു.