Deepika
ADVERTISEMENT
Business
തൃശൂർ: കെഎസ്എഫ്ഇയുടെ 57-ാം വാർഷികം വിവിധ പരിപാടികളോടെ ആഘോഷിച്ചു. ആഘോഷങ്ങളുടെ ഭാഗമായി എല്ലാ യൂണിറ്റിലും ഇടപാടുകാർക്ക് മധുരം വിതരണം ചെയ്തു. എല്ലാ വിഭാഗം ഇടപാടുകാരെയും ചേർത്തുപിടിച്ച് അവരുടെ ആവശ്യങ്ങൾ നിസ്വാർഥമായി നിറവേറ്റുമെന്നു ജീവനക്കാർ ദൃഢപ്രതിജ്ഞ ചെയ്തു.
തൃശൂർ കോർപറേറ്റ് ഓഫീസിൽ സംഘടിപ്പിച്ച ഉദ്ഘാടനച്ചടങ്ങിൽ മാനേജിംഗ് ഡയറക്ടർ പി.എൻ. അഭിലാഷ് ഒൗദ്യോഗിക തീം സോംഗിന്റെ പ്രകാശനം നിർവഹിച്ചു.
പിറന്നാൾ ആഘോഷങ്ങളുടെ ഭാഗമായി തൃശൂർ ഗവ. മെഡിക്കൽ കോളജ് ആശുപത്രിയിലേക്ക് ഹെഡ് ഓഫീസ് ജീവനക്കാർ സംഭാവന ചെയ്ത വീൽചെയറിന്‍റെ ഇൻഡന്‍റ് മാനേജിംഗ് ഡയറക്ടർ മെഡിക്കൽ കോളജ് സൂപ്രണ്ട് ഡോ. ലിജോയ്ക്കു കൈമാറി. നവംബറിൽ രക്തദാന മാസമായി ആചരിക്കാനും തീരുമാനിച്ചു.
ചടങ്ങിൽ ജനറൽ മാനേജർ (ബിസിനസ്) പി. ശ്രീകുമാർ, ജനറൽ മാനേജർ (റിസ്ക് ആൻഡ് കംപ്ലയൻസ്) ഡോ. എസ്.കെ. സനിൽ, ഡെപ്യൂട്ടി ജനറൽ മാനേജർമാർ, അസിസ്റ്റന്‍റ് ജനറൽ മാനേജർമാർ, കന്പനി സെക്രട്ടറി, വിവിധ സംഘടനാപ്രതിനിധികൾ എന്നിവരും പങ്കെടുത്തു.
Business
വാഷിംഗ്ടൺ ഡിസി: എഐ മേഖലയ്ക്ക് പൂർണ പിന്തുണയുമായി യുഎസ് പ്രസിഡന്‍റ് ഡോണൾഡ് ട്രംപ് രംഗത്തെത്തി. എഐ മേഖല നൽകുന്ന സമ്പത്ത് നിരസിക്കുന്നത് ബുദ്ധിശൂന്യതയാണെന്ന് അദ്ദേഹം സമൂഹമാധ്യമമായ ട്രൂത്ത് സോഷ്യലിൽ കുറിച്ചു.
“യുഎസ് പ്രസിഡന്‍റ് എന്ന നിലയിൽ സൂപ്പർ ഇന്‍റലിജൻസിനെ(എഐ) ഞാൻ നൂറു ശതമാനവും പിന്തുണയ്ക്കുന്നു. ഇതു സ്വീകരിച്ച് സമ്പന്നരാകാൻ ആഗ്രഹിക്കുന്ന അമേരിക്കയിലെ നിരവധി സംസ്ഥാനങ്ങളുമായി ഞാൻ ചേർന്നു പ്രവർത്തിക്കും. ഇവ വൻ നിധിയാണ്. അവ നൽകുന്ന സമ്പത്തിനോടു ‘വേണ്ട’ എന്നു പറയുന്നത് ബുദ്ധിശൂന്യതയായിരിക്കും’’- ട്രംപ് വ്യക്തമാക്കി.
വിപണിയിൽ താത്കാലികമായ ഭയം നിഴലിക്കുന്നുണ്ടെങ്കിലും ടെക് കമ്പനികൾ ഇപ്പോഴും ഉയർന്ന വരുമാനമുണ്ടാക്കുന്നുണ്ടെന്നും വിപണി വൈകാതെ തിരിച്ചുവരുമെന്നും യുകെയിലെ ടെക് സംരംഭകനായ ട്യൂഡർ ബ്രൗൺ പ്രതികരിച്ചു.
Business
കൊച്ചി: നാലുദിവസത്തെ കുതിപ്പിനു പിന്നാലെ തലകുത്തിവീണ് സ്വർണവില. 22 കാരറ്റ് സ്വർണം ഗ്രാമിന് 245 രൂപയും പവന് 1,960 രൂപയുമാണ് കുറഞ്ഞത്. ഇതോടെ, ഒരു ഗ്രാം സ്വർണത്തിന് 13,140 രൂപയിലും പവന് 1,05,120 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 205 രൂപ കുറഞ്ഞ് 10,750 രൂപയിലെത്തി.
കഴിഞ്ഞ നാലു ദിവസത്തിനിടെ ഗ്രാമിന് 610 രൂപയും പവന് 4,880 രൂപയും വർധിച്ച ശേഷമാണ് ഇന്ന് സ്വർണം താഴേക്കുപോയത്. പവന് ഒരു ലക്ഷം രൂപയുടെ താഴേക്ക് ഇടിയുമെന്ന സൂചന നൽകി സ്വർണവില ഒക്ടോബർ 31ന് കേരളത്തിൽ 1,01,840 രൂപയിലേക്ക് കൂപ്പുകുത്തിയിരുന്നു. എന്നാൽ, തിങ്കളാഴ്ച മുതൽ സ്വർണവില തിരിച്ചുകയറുകയാണുണ്ടായത്. ബുധനാഴ്ച രണ്ടുതവണയാണ് സ്വർണം കുതിച്ചുകയറിയത്. രാവിലെ ഗ്രാമിന് 25 രൂപയും പവന് 200 രൂപയും ഉയർന്ന സ്വർണവില ഉച്ചയ്ക്ക് ശേഷം ഗ്രാമിന് 265 രൂപയും പവന് 2,120 രൂപയും വർധിച്ചു.
ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളം ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.
ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് വില മാറിമറിയുകയാണ്.
ജനുവരി 29ന് പവൻവില സർവകാല ഉയരം തൊട്ടിരുന്നു. അന്നു ഗ്രാമിന് ഒറ്റയടിക്ക് 1,080 രൂപയും പവന് 8,640 രൂപയും വര്‍ധിച്ച സ്വർണവില സര്‍വകാല റിക്കാര്‍ഡ് ഭേദിച്ച് ഗ്രാമിന് 16,395 രൂപയും പവന് 1,31,160 രൂപയിലുമെത്തുകയായിരുന്നു.
പുതുവർഷത്തിൽ കുതിപ്പോടെ തുടങ്ങിയ സ്വർണവില ജനുവരി അഞ്ചിന് പവന് ഒറ്റയടിക്ക് 1,160 രൂപയും ഗ്രാമിന് 145 രൂപയും വർധിച്ച് വീണ്ടും ഒരു ലക്ഷം പിന്നിട്ടിരുന്നു. ഇതിനു പിന്നാലെയാണ് വൻ കുതിപ്പുമായി മുന്നോട്ടുപോയത്. 2025 ജനുവരിയിൽ 57,000 രൂപ മാത്രമായിരുന്ന വിലയാണ് വർഷാവസാനം ലക്ഷം ഭേദിച്ചത്.
മാർച്ച് മാസം അവസാനം നാലു ദിവസത്തിനിടെ ഗ്രാമിന് 435 രൂപയും പവന് 3,480 രൂപയും വർധിച്ചിരുന്നു. മാർച്ച് 23ന് നാലുതവണ മാറിമറിഞ്ഞ സ്വർണവില ഒരു ലക്ഷത്തിന് താഴേക്ക് പോയിരുന്നെങ്കിലും വൈകിട്ടോടെ വീണ്ടും ഒരു ലക്ഷത്തിനു മുകളിലെത്തിയിരുന്നു. ഏപ്രിൽ, മേയ്, ജൂൺ, ജൂലൈ മാസങ്ങളിൽ വൻ കയറ്റിറക്കങ്ങൾക്കാണ് സാക്ഷ്യം വഹിച്ചത്.
രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. വ്യാഴാഴ്ച ഔൺസിന് 4,120 ഡോളറിന് മുകളിലായിരുന്ന രാജ്യാന്തരവില ഇപ്പോഴുള്ളത് 4,041 ഡോളറിലാണ്.
അതേസമയം, വെള്ളി വിലയിൽ ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 10 രൂപ ഉയർന്ന് 210 രൂപയിലാണ് വ്യാപാരം പുരോഗമിക്കുന്നത്.
100 വര്‍ഷത്തെ സ്വര്‍ണക്കുതിപ്പ്
കഴിഞ്ഞ 100 വര്‍ഷത്തിനിടയില്‍ സ്വര്‍ണ വില പവന് 13.75 രൂപയില്‍ നിന്ന് 1,13,520 രൂപയിലേക്കാണ് എത്തി നില്‍ക്കുന്നത്. 1925 മാര്‍ച്ച് 31 ന് ഒരു പവന് സ്വര്‍ണത്തിന് 13.75 രൂപയായിരുന്നു വിപണി വില. 1930 മാര്‍ച്ച് 31 ആയപ്പോഴേക്കും പവന് 13. 57 രൂപയായി അത് കുറഞ്ഞു.
1935 മാര്‍ച്ച് 31 ന് സ്വര്‍ണ വിലയില്‍ വര്‍ധന രേഖപ്പെടുത്തി. ഇക്കാലയളവില്‍ ഒരു പവന് സ്വര്‍ണത്തിന്‍റെ വില 22.65 രൂപയായി ഉയര്‍ന്നു. പിന്നീടങ്ങോട്ട് സ്വര്‍ണവിലയില്‍ വര്‍ധനയാണ് ഉണ്ടായത്.
1940 മാര്‍ച്ച് 31 ന് ഒരു പവന് സ്വര്‍ണത്തിന് 26.77 രൂപയും 1945 മാര്‍ച്ച് 31 ന് 45.49 രൂപയും 1950 മാര്‍ച്ച് 31 ന് 72.75 രൂപയുമായി സ്വര്‍ണ വില ഉയര്‍ന്നു. എന്നാല്‍ 1955 മാര്‍ച്ച് 31 ന് പവന് 58.11 രൂപയായി സ്വര്‍ണ വില കുറഞ്ഞു.
1960 മാര്‍ച്ച് 31 ന് പവന് 82.05 രൂപയായിരുന്നു സ്വര്‍ണവില. 1965 മാര്‍ച്ച് 31 ന് പവന് 90.20 രൂപയും 1970 ല് 135.30 രൂപയും 1975 മാര്‍ച്ച് 31 ന് 396 രൂപയുമായി സ്വര്‍ണ വില ഉയര്‍ന്നു. 1980 മാര്‍ച്ച് 31 ന് പവന് 975 രൂപയായി. 1985 ല് പവന് 1,573 രൂപയും 1990 ല് പവന് 2,493 രൂപയും 1995 ല് 3,432 രൂപയുമായി സ്വര്‍ണവിലയില്‍ മുന്നേറ്റം തുടര്‍ന്നു.
1996 മാര്‍ച്ചില്‍ പവന് 3,784 രൂപയായി. 1997 മാര്‍ച്ച് 31 ന് പവന് 3,432 രൂപയും 1998 മാര്‍ച്ച് 31 ന് 2,966 രൂപയുമായി സ്വര്‍ണ വില കുറഞ്ഞു. 1999 ല് പവന് 3,106 രൂപയായി വീണ്ടും ഉയര്‍ന്നു. തുടര്‍ന്നുള്ള വര്‍ഷങ്ങളില്‍ സ്വര്‍ണ വിലയില്‍ ഏറ്റക്കുറച്ചിലുകളാണ് രേഖപ്പെടുത്തിയത്.
2000 മാര്‍ച്ച് 31 ന് ഒരു പവന് 3, 2 1 2 രൂപയും 2001 ല് 3,073 രൂപയുമായി. 2002 മാര്‍ച്ച് 31 ന് പവന് 3,670 രൂപ, 2003 ല് 3,857 രൂപ, 2004 ല് 4,448 രൂപ, 2005 ല് 4,550 രൂപ, 2006 ല് 6,255 രൂപ എന്നിങ്ങനെ സ്വര്‍ണക്കുതിപ്പ് തുടര്‍ന്നു.
2007 ല് പവന് 6,890 രൂപയും 2008 ല് 8,892 രൂപയുമായി. പവന് 10,000 കടന്നത് 2009 ലാണ് . അന്ന് ഒരു പവന് സ്വര്‍ണത്തിന് 11,077 രൂപയായിരുന്നു. 2010 മാര്‍ച്ച് 31 ന് പവന് 12,280 രൂപയും 2011 ല് 15,560 രൂപയും എത്തി. പവന് 20,000 രൂപ കടന്നത് 2012 ലായിരുന്നു.
2012 മാര്‍ച്ചില്‍ ഒരു പവന് സ്വര്‍ണം വാങ്ങാന്‍ 20,880 രൂപ നല്‍കണമായിരുന്നു. 2013 ല് പവന് 22,240 ആയെങ്കിലും 2014 എത്തിയപ്പോള്‍ പവന് 21,480 രൂപയായും 2015 ല് 19,760 രൂപയായും 2016 ല് 21,360 രൂപയായും 2017 ല് 21,800 രൂപയായും സ്വര്‍ണ വിലയില്‍ ചാഞ്ചാട്ടം തുടര്‍ന്നു.
2018 ല് പവന് 22,600 രൂപയായിരുന്ന സ്വര്‍ണ വില 2019 ആയപ്പോഴേക്കും 23,720 രൂപയായി. എന്നാല്‍ 2020 മാര്‍ച്ചില്‍ സ്വര്‍ണവിലയില്‍ വന്‍ കുതിപ്പാണ് ഉണ്ടായത്. പവന് 32,000 രൂപയായി സ്വര്‍ണ വില ഉയര്‍ന്നു. പിന്നീടങ്ങോട്ട് പൊന്ന് പിടി തരാതെ പാഞ്ഞു.
2021 ല് പവന് 32,880 രൂപയിലും 2022 ല് 38,120 രൂപയും 2023 ല് 44,000 രൂപയുമായി. 2024 മാര്‍ച്ച് 31 ന് ഒരു പവന് സ്വര്‍ണത്തിന്‍റെ വില 50,200 രൂപയായി വര്‍ധിക്കുകയായിരുന്നു. 2025 ഡിസംബര്‍ 29 ന് 1,03,560 രൂപയായിരുന്നു സ്വര്‍ണവില. 2026 ജനുവരി 21 ആയപ്പോഴേക്കും ഒരു പവന് സ്വര്‍ണത്തിന് 1,13,520 രൂപയായി.
Business
മുംബൈ: ഇന്ത്യൻ ഓഹരിവിപണിയിൽ ഇന്നലെ കുതിച്ചുചാട്ടം. യുഎസ് ഇടക്കാല തെരഞ്ഞെടുപ്പിൽ ഡൊമോക്രാറ്റുകൾ നേടിയ മുന്നേറ്റം പ്രസിഡന്‍റ് ഡോണൾഡ് ട്രംപിനു തിരിച്ചടിയായതും ക്രൂഡ് ഓയിൽ വില കുറഞ്ഞതും ഉൾപ്പടെയുള്ള അനുകൂല ഘടകങ്ങൾ ദലാൽ സ്ട്രീറ്റിൽ കാളയോട്ടത്തിനു വഴിയൊരുക്കി.
സെൻസെക്സും നിഫ്റ്റിയും 2.5 ശതമാനത്തിനു മുകളിൽ ഉയർന്നു. കഴിഞ്ഞ ആറു സെഷനിലായി എട്ടു ശതമാനത്തിലധികം ഉയർന്നു. കഴിഞ്ഞ ഒരു വർഷത്തിനിടയിലെ ഏറ്റവും ദൈർഘ്യമേറിയ മുന്നേറ്റമാണിത്. ഇതോടെ ഈ വർഷത്തെ നഷ്ടം നിഫ്റ്റി 6.5 ശതമാനമായും സെൻസെക്സ് 7.4 ശതമാനമായും കുറച്ചു.
സെൻസെക്സ് 2009 പോയിന്റ് ഉയർന്ന് 79,310ലും നിഫ്റ്റി 50 സൂചിക 576 പോയിന്റ് നേട്ടത്തോടെ 24,537ലും വ്യാപാരം പൂർത്തിയാക്കി. ഇന്നലത്തെ ഈ കുതിപ്പ് ബിഎസ്ഇയിൽ ലിസ്റ്റ് ചെയ്ത കന്പനികളുടെ വിപണിമൂല്യത്തിലേക്ക് എട്ടു ലക്ഷം കോടി രൂപയിലധികം കൂട്ടിച്ചേർത്തു. ഇതോടെ കന്പനികളുടെ മൊത്തം വിപണിമൂല്യം ആദ്യമായി 500 ലക്ഷം കോടി രൂപയ്ക്കു മുകളിലെത്തി. ആറു സെഷനുകളിലായി 30 ലക്ഷം കോടി രൂപയാണ് നിക്ഷേപകരുടെ സന്പത്തിലെത്തിയത്.
പ്രധാന സൂചികകളിലുണ്ടായ കുതിപ്പ് വിശാല വിപണികളിലും ദൃശ്യമായി. നിഫ്റ്റി മിഡ്കാപ് 100, നിഫ്റ്റി സ്മോൾകാപ് 100 സൂചികകൾ യഥാക്രമം 1.87 ശതമാനവും 0.56 ശതമാനവും ഉയർന്നു. നിഫ്റ്റി സ്മോൾകാപ് 250 സൂചിക 0.79 ശതമാനത്തിലേക്കു മുന്നേറി. വിപണിയിലെ ചാഞ്ചാട്ടത്തിന്‍റെ അളവുകോലായ ഇന്ത്യ വിക്സ് 2.83 ശതമാനം ഉയർന്ന് 16 അടുത്തെത്തിയിട്ടും വിപണിയിൽ മുന്നേറ്റമുണ്ടായി.
മേഖല സൂചികകളുടെ പ്രകടനം
മൊത്തത്തിലുള്ള വിപണി ട്രെൻഡ് കാളകളുടെ പൂർണ നിയന്ത്രണത്തിലായിരുന്നു. മേഖലാ സൂചികകളിൽ നിഫ്റ്റി ഓട്ടോ, നിഫ്റ്റി ഫിനാൽഷ്യൽ സർവീസസ് നാലു ശതമാനത്തിലേക്കാണ് കുതിച്ചുയർന്നത്. നിഫ്റ്റി പിഎസ് യു ബാങ്ക്, നിഫ്റ്റി പ്രൈവറ്റ് ബാങ്ക്, നിഫ്റ്റി റിയൽറ്റി എന്നിവ മൂന്നു ശതമാനത്തിനു മുകളിലേക്കു കയറി. നിഫ്റ്റി ഐടി, കണ്‍സ്യൂമർ ഡ്യൂറബിൾസ് രണ്ടു ശതമാനത്തിനു മുകളിലെത്തി. എൻഎസ്ഇയിൽ 2547 ഓഹരികൾ നേട്ടമുണ്ടാക്കിയപ്പോൾ 1084 എണ്ണം ഇടിവ് നേരിട്ടു. 92 ഓഹരികളുടെ വിലയിൽ മാറ്റമുണ്ടായില്ല.
വിപണിയുടെ കുതിപ്പിനു കാരണങ്ങൾ
1. ഓയിൽ വിലയിലുണ്ടായ ഇടിവ്: ദലാൽ സ്ട്രീറ്റിൽ ഇപ്പോൾ കണ്ടുവരുന്ന മുന്നേറ്റത്തിന് ആക്കം കൂട്ടുന്ന പ്രധാന ഘടകം ക്രൂഡ് ഓയിൽ വിലയിലുണ്ടായ വലിയ ഇടിവാണ്. പല ആഴ്ചകൾക്കുശേഷം 100 ഡോളർ എന്ന നിർണായകമായ പരിധിക്കും താഴേക്കു പോയി. തുടർന്ന് ബാരലിന് 95 ഡോളറിനു താഴേക്കും ഇടിഞ്ഞു.
ഇന്നലെ രാവിലെ ബ്രെന്‍റ് ക്രൂഡ് ഫ്യൂച്ചേഴ്സ് ബാരലിന് 94 ഡോളറിനു താഴെയും ഡബ്ലുടിഐ ക്രൂഡ് ഫ്യൂച്ചേഴ്സ് ബാരലിന് 87 ഡോളറിനു താഴെയുമാണ് വ്യാപാരം നടന്നത്. ഇത് തലേദിവസത്തെ അപേക്ഷിച്ച് എണ്ണവിലയിൽ ഏകദേശം 10% ഇടിവാണ് രേഖപ്പെടുത്തിയത്.
2. യുഎസ്-ഇറാൻ യുദ്ധം തീരുമെന്ന പ്രതീക്ഷകൾ: ഇടക്കാല തെരഞ്ഞെടുപ്പിൽ ഡോണൾഡ് ട്രംപിനേറ്റ അപ്രതീക്ഷിത തോൽവിയെത്തുടർന്ന് യുഎസ് കോണ്ഗ്രസിന്റെ ഇരുസഭകളിലും റിപ്പബ്ലിക്കൻ പാർട്ടിക്ക് നിയന്ത്രണം നഷ്ടമായി. ഇതോടെ ഇറാനുമായുള്ള യുദ്ധം രൂക്ഷമാക്കാനുള്ള പ്രസിഡന്‍റ് ട്രംപിനുള്ള ശേഷി ദുർബലപ്പെടാൻ സാധ്യതയുണ്ടെന്നാണ് വിലയിരുത്തുന്നത്.
3. ബോണ്ട് വരുമാനത്തിൽ ഇടിവ്: ഓയിൽ വിലയിൽ കുത്തനെയുണ്ടായ ഇടിവിനെത്തുടർന്ന് ബോണ്ട് വരുമാനം കുറഞ്ഞു.
4. വിദേശ നിക്ഷേപകർ ഇന്ത്യൻ ഓഹരിവിപണിയിൽ വാങ്ങൽ തുടരുന്നുത്.
5. ആഗോള എഐ ഓഹരികളിലെ മുന്നേറ്റത്തിനുണ്ടായ ഇടിവ്: യുഎസ് ഇടക്കാല തെരഞ്ഞെടുപ്പിലെ ട്രംപിന്‍റെ തോൽവി, ഡാറ്റാ സെന്‍റർ നിക്ഷേപങ്ങളെക്കുറിച്ചുള്ള കാഴ്ചപ്പാട് പുനർനിർണയിക്കാൻ നിക്ഷേപകരെ പ്രേരിപ്പിച്ചതിനെത്തുടർന്ന് ആഗോള ആർട്ടിഫിഷ്യൽ ഇന്‍റലിജൻസ്, സെമികണ്ടക്ടർ ഓഹരികളിൽ ശക്തമായ ഇടിവുണ്ടായി. ഈ എഐ മുന്നേറ്റത്തിന്‍റെ മുഖമായി കണക്കാക്കപ്പെട്ടിരുന്ന ദക്ഷിണകൊറിയയുടെ കോസ്പി സൂചിക അഞ്ചു ശതമാനത്തിലധികം തകർന്നു. തായ്‌വാൻ വെയ്റ്റഡും ജപ്പാന്‍റെ നിക്കിയും രണ്ടു ശതമാനം വരെ ഇടിവ് രേഖപ്പെടുത്തി.
Business
തൃശൂർ: പ്രമുഖ ഗൃഹോപകരണ-ഇലക്‌ട്രോണിക്-ഡിജിറ്റൽ വിതരണ ശൃംഖലയായ ഗോപു നന്തിലത്ത് ജി-മാർട്ടിൽ ബിഗ് ദീപാവലി സെയിൽ ആരംഭിച്ചു.
ഇലക്‌ട്രോണിക് ഡിജിറ്റൽ ആക്സസറികൾ, ക്രോക്കറികൾ ഉൾപ്പെടെയുള്ള ഗൃഹോപകരണങ്ങൾക്ക് 50 ശതമാനം വരെ ഡിസ്കൗണ്ട് ലഭിക്കും. തെരഞ്ഞെടുക്കപ്പെട്ട ഇഎംഐ പർച്ചേസുകൾക്ക് 20,000 രൂപ വരെയുള്ള കാഷ്ബാക്ക്, ‘1 ഇഎംഐ ബാക്ക്’ ഓഫർ, ആകർഷകമായ ‘ട്രിപ്പിൾ സീറോ’ സ്കീമുകൾ എന്നിവയും ഒരുക്കിയിട്ടുണ്ട്.
പൈൻലാബ്സ് വഴി പർച്ചേസ് ചെയ്യുന്പോൾ 26,000 രൂപ വരെ കാഷ്ബാക്കും യുപിഐ പേയ്മെന്‍റുകൾക്ക് 10 ശതമാനം വരെ കാഷ്ബാക്കും സ്വന്തമാക്കാം.
ലക്കാ ലക്കാ ഓഫറിലൂടെ 2027 ജനുവരി 31 വരെ കേരളത്തിലുടനീളമുള്ള നന്തിലത്ത് ജി-മാർട്ട് ഷോറുമുകളിൽനിന്നു പർച്ചേസ് ചെയ്യുന്നവരിൽനിന്ന് തെരഞ്ഞെടുക്കപ്പെടുന്ന 25 പേർക്ക് ബംപർ സമ്മാനമായി ഓരോ മാരുതി സുസുക്കി ബലേനോ കാർ, 100 പേർക്ക് ഒരു ഗ്രാം വീതമുള്ള സ്വർണനാണയം, 100 പേർക്ക് 10 ഗ്രാം വീതമുള്ള വെള്ളിനാണയം, 100 പേർക്ക് എൽഇഡി ടിവി എന്നിവ വീതവും, 100 പേർക്ക് ഓരോ വാഷിംഗ് മെഷീൻ വീതവും സമ്മാനമായി ലഭിക്കും.
എല്ലാ ജി-മാർട്ട് ഷോറൂമുകളിലും തെരഞ്ഞെടുത്ത ഗൃഹോപകരണങ്ങൾക്ക് 70 ശതമാനം വരെ ഡിസ്കൗണ്ടും നൽകുന്നുണ്ട്.
Business
കൊച്ചി: കേരളത്തിലെ ജിഎസ്ടി ഉദ്യോഗസ്ഥര് നടത്തുന്ന പരിശോധനകള്‍ സ്വര്‍ണവ്യാപാര മേഖലയെ സമ്മര്‍ദത്തിലാക്കരുതെന്ന് വ്യാപാരികള്‍. പരിശോധനയുടെ പേരില്‍ വ്യാപാരികളെയും ജീവനക്കാരെയും ഭീഷണിപ്പെടുത്തി പണം അടപ്പിക്കുന്ന സമീപനം ഒരു കാരണവശാലും അംഗീകരിക്കാനാകില്ലെന്നാണ് അവർ പറയുന്നത്.
പരിശോധനയ്ക്കിടെ സ്റ്റോക്കില്‍ വ്യത്യാസം കണ്ടെത്തിയാല്‍ ഉദ്യോഗസ്ഥര് വ്യാപാരിയെ ഭീഷണിപ്പെടുത്തി ഒരു നിശ്ചിത തുക ഉടന്‍ അടയ്ക്കണമെന്ന് ആവശ്യപ്പെടുന്നുവെന്ന പരാതികള്‍ ഉയര്‍ന്ന സാഹചര്യത്തിലാണു വ്യാപാരികള്‍ രംഗത്തെത്തിയത്.
കേരളത്തിലെ സ്വര്‍ണവ്യാപാര മേഖലയെ ആശ്രയിച്ചാണ് ആയിരക്കണക്കിന് ചെറുകിട വ്യാപാരികളും ലക്ഷക്കണക്കിനു തൊഴിലാളികളും ഉപജീവനം നടത്തുന്നത്. നികുതിനിയമങ്ങള്‍ പാലിച്ച് വ്യാപാരം നടത്തുന്നവരെ അനാവശ്യ പരിശോധനകളുടെയും ഭീഷണിയുടെയും പേരില്‍ ബുദ്ധിമുട്ടിക്കുന്നത് ഈ മേഖലയെ പ്രതികൂലമായി ബാധിക്കും.
ഒരു ജ്വല്ലറിയില്‍ പരിശോധന നടത്തുമ്പോള്‍ രേഖകളിലുള്ള സ്റ്റോക്കിനേക്കാള്‍ കൂടുതല്‍ സ്വര്‍ണാഭരണങ്ങള്‍ കണ്ടെത്തിയാല്‍ അതിന്‍റെ കാരണം പരിശോധിക്കേണ്ടത് ഉദ്യോഗസ്ഥരുടെ ഉത്തരവാദിത്വമാണ്. എന്നാല്‍, അധിക സ്റ്റോക്ക് കണ്ടെത്തി എന്ന ഒറ്റ കാരണത്താല്‍ വ്യാപാരി നികുതിവെട്ടിപ്പ് നടത്തിയെന്നു തീരുമാനിക്കാനാകില്ലെന്നാണ് സ്വര്‍ണവ്യാപാരികള്‍ പറയുന്നത്.
സ്വര്‍ണവ്യാപാര മേഖലയില്‍ പഴയ സ്വര്‍ണത്തിന്‍റെ വാങ്ങല്‍, എക്സ്ചേഞ്ച്, നിര്‍മാണം, ജോബ് വര്‍ക്ക്, അറ്റകുറ്റപ്പണി, വിവിധ ഇടപാടുകളുടെ രേഖപ്പെടുത്തല്‍ തുടങ്ങിയവയുമായി ബന്ധപ്പെട്ട് സ്റ്റോക്കില്‍ വ്യത്യാസങ്ങള്‍ ഉണ്ടാകാം. ഓരോ വ്യത്യാസത്തിന്‍റെയും യഥാര്‍ഥ സാഹചര്യം പരിശോധിക്കാതെ അതിനെ നികുതിവെട്ടിപ്പായി ചിത്രീകരിക്കുന്നത് നീതിയുക്തമല്ല.
അധിക സ്റ്റോക്ക് കണ്ടെത്തിയാല്‍ അതിന്‍റെ ഇനം, അളവ്, തൂക്കം, രേഖകളുമായുള്ള വ്യത്യാസം, അതിന്‍റെ കാരണം എന്നിവ വിശദമായി രേഖപ്പെടുത്തണം. വ്യാപാരിയുടെ വിശദീകരണവും ബന്ധപ്പെട്ട രേഖകളും പരിശോധിക്കണം. യഥാര്‍ഥത്തില്‍ നികുതിവെട്ടിപ്പ് നടന്നിട്ടുണ്ടെങ്കില്‍ അതിന്‍റെ തെളിവുകളും നിയമപരമായ അടിസ്ഥാനവും വ്യക്തമാക്കി നടപടിയെടുക്കണം.
സ്റ്റോക്കില്‍ അധികം സ്വര്‍ണം കണ്ടെത്തിയാല്‍ ഉടന്‍ ഒരു തുക കണക്കാക്കി അടയ്ക്കാന്‍ വ്യാപാരിയെ നിര്‍ബന്ധിക്കുന്നത് നിയമപരമായ നികുതിനിര്‍ണയ നടപടിയല്ലെന്ന് കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്‍റ്സ് അസോസിയേഷന്‍ സംസ്ഥാന ജനറല്‍ സെക്രട്ടറി അഡ്വ. എസ്. അബ്‌ദുള്‍ നാസര്‍ പറഞ്ഞു.
സംസ്ഥാന ജിഎസ്ടി വകുപ്പും കേന്ദ്ര ജിഎസ്ടി അധികൃതരും അടിയന്തരമായി ഇടപെട്ട് സ്വര്‍ണവ്യാപാര സ്ഥാപനങ്ങളിലെ പരിശോധനകള്‍ക്കു വ്യക്തമായ മാര്‍ഗനിര്‍ദേശങ്ങള്‍ പുറപ്പെടുവിക്കണം. പരിശോധനയുടെ അധികാരം ദുരുപയോഗം ചെയ്യുന്ന ഉദ്യോഗസ്ഥര്ക്കെതിരേ പരാതികള്‍ അന്വേഷിച്ച് നടപടിയെടുക്കണമെന്നും അഡ്വ. അബ്‌ദുള്‍ നാസര്‍ ആവശ്യപ്പെട്ടു.
Business
കൊച്ചി: ആഗോള ജ്വല്ലറി ഗ്രൂപ്പായ ജോയ് ആലുക്കാസ്, ഡയമണ്ട് ജ്വല്ലറികള്‍ക്കു മാത്രമായി സംഘടിപ്പിക്കുന്ന ബ്രില്യന്‍സ് ഡയമണ്ട് ജ്വല്ലറി ഷോ കൊച്ചി എംജി റോഡുള്ള ജോയ് ആലുക്കാസ് ഷോറൂമില്‍ ആരംഭിച്ചു.
വിവാഹ ആഭരണങ്ങള്‍ മുതല്‍ നിത്യോപയോഗ മോഡലുകള്‍ വരെ പരമ്പരാഗത തനിമയും ആധുനിക ഡിസൈനുകളും ചേര്‍ന്ന അപൂര്‍വമായ ഡയമണ്ട് കളക്‌ഷനാണു പ്രദര്‍ശനത്തിന്‍റെ ഭാഗമായി ഒരുക്കുന്നത്.
ഒരുലക്ഷം രൂപയ്ക്കു മുകളില്‍ ഡയമണ്ട് ആഭരണങ്ങള്‍ പര്‍ച്ചേസ് ചെയ്യുന്നവര്‍ക്ക് സ്വര്‍ണനാണയം സമ്മാനമായി ലഭിക്കും.
ഓരോ ആളുകള്‍ക്കും അനുയോജ്യമായ തരത്തില്‍ നൂതന ഫാഷനിലും ഡിസൈനിലുമുള്ള വജ്രാഭരണങ്ങള്‍ കരസ്ഥമാക്കാനുള്ള അവസരമാണ് ഉപഭോക്താക്കള്‍ക്കായി നല്‍കുന്നതെന്ന് ജോയ്ആലുക്കാസ് ഗ്രൂപ്പ് ചെയര്‍മാന്‍ ഡോ. ജോയ് ആലുക്കാസ് പറഞ്ഞു. പ്രദര്‍ശനമേള ഈ മാസം 22ന് അവസാനിക്കും.
Business
കൊച്ചി: സൗത്ത് ഇന്ത്യന്‍ ബാങ്കിന്‍റെ പുതിയ സ്മാര്‍ട്ട് സിറ്റി കൊച്ചി ശാഖ ലുലു ഐടി ഇന്‍ഫ്ര ബില്‍ഡില്‍ പ്രവര്‍ത്തനമാരംഭിച്ചു. ഐബിഎസ് സോഫ്റ്റ്‌വേര്‍ സ്ഥാപകനും എക്‌സിക്യൂട്ടീവ് ചെയര്‍മാനുമായ വി.കെ. മാത്യൂസ് ശാഖയുടെ ഉദ്ഘാടനം നിര്‍വഹിച്ചു.
ഉദ്ഘാടനത്തോടൊപ്പം ബാങ്കിന്‍റെ പുതിയ എഐ അധിഷ്ഠിത ഡിജിറ്റല്‍ അസിസ്റ്റന്‍റായ സോന അനാവരണം ചെയ്തു. ബാങ്കിംഗ് സേവനങ്ങളില്‍ അത്യാധുനിക സാങ്കേതികവിദ്യ സംയോജിപ്പിക്കുന്നതിന്‍റെ ഭാഗമായാണ് ഈ നടപടി.
എടിഎം സര്‍വീസിന്‍റെ ഉദ്ഘാടനം ജെയിന്‍ ഡീംഡ് ടുബി യൂണിവേഴ്‌സിറ്റിയുടെ ന്യൂ ഇനീഷ്യേറ്റീവ്‌സ് ഡയറക്ടര്‍ ഡോ. ടോം എം. ജോസഫും സോനയുടെ അനാഛാദനം ലുലു ഐടി പാര്‍ക്‌സ് കൊച്ചി ഡയറക്ടറും സിഇഒയുമായ അഭിലാഷ് വലിയവളപ്പിലും നിര്‍വഹിച്ചു.
തൃക്കാക്കര നഗരസഭ ചെയര്‍പേഴ്‌സണ്‍ റാഷിദ് ഉള്ളംപിള്ളി ലോക്കര്‍ സൗകര്യത്തിന്‍റെ ഉദ്ഘാടനം നിര്‍വഹിച്ചു. ഇന്‍ഫോപാര്‍ക്സ് ആന്‍ഡ് സൈബര്‍പാര്‍ക്ക് കേരള സിഇഒ സുശാന്ത് കുറുന്തില്‍, സൗത്ത് ഇന്ത്യന്‍ ബാങ്കിന്‍റെ മാനേജിംഗ് ഡയറക്ടറും ചീഫ് എക്‌സിക്യൂട്ടീവ് ഓഫീസറുമായ മഹേഷ് മുരളീധര്‍ പൈ എന്നിവര്‍ ചടങ്ങില്‍ പങ്കെടുത്തു.
Business
കൊച്ചി: സംസ്ഥാനത്ത് വൻ കുതിപ്പ് തുടർന്ന് സ്വർണം. 22 കാരറ്റ് സ്വര്‍ണം ഗ്രാമിന് 295 രൂപയും പവന് 2,360 രൂപയുമാണ് കൂടിയത്. ഇതോടെ ഒരു ഗ്രാം സ്വർണത്തിന് 13,385 രൂപയിലും പവന് 1,07,080 രൂപയിലുമാണ് വ്യാപാരം പുരോഗമിക്കുന്നത്.
അതേസമയം, 18 കാരറ്റ് സ്വർണം ഗ്രാമിന് 235 രൂപ വർധിച്ച് 10,955 രൂപയിലെത്തി. 14 കാരറ്റ് സ്വർണം ഗ്രാമിന് 8,570 രൂപയിലും ഒമ്പത് കാരറ്റ് സ്വർണം ഗ്രാമിന് 5,525 രൂപയിലുമാണ് വ്യാപാരം നടക്കുന്നത്.
സംസ്ഥാനത്ത് തുടർച്ചയായ നാലാംദിനമാണ് സ്വർണവില വർധിക്കുന്നത്. ബുധനാഴ്ച രണ്ടുതവണയാണ് സ്വർണം കുതിച്ചുകയറിയത്. രാവിലെ ഗ്രാമിന് 25 രൂപയും പവന് 200 രൂപയും ഉയർന്ന സ്വർണവില ഉച്ചയ്ക്ക് ശേഷം ഗ്രാമിന് 265 രൂപയും പവന് 2,120 രൂപയും വർധിച്ചു.
പവന് ഒരു ലക്ഷം രൂപയുടെ താഴേക്ക് ഇടിയുമെന്ന സൂചന നൽകി സ്വർണവില ഒക്ടോബർ 31ന് കേരളത്തിൽ 1,01,840 രൂപയിലേക്ക് കൂപ്പുകുത്തിയിരുന്നു. എന്നാൽ, തിങ്കളാഴ്ച മുതൽ സ്വർണവില തിരിച്ചുകയറുകയാണ്. ഗ്രാമിന് 45 രൂപയും പവന് 360 രൂപയുമാണ് തിങ്കളാഴ്ച വർധിച്ചത്. പിന്നാലെ ചൊവ്വാഴ്ച ഗ്രാമിന് 25 രൂപയും പവന് 200 രൂപയുമാണ് വർധിച്ചത്. നാലുദിവസം കൊണ്ട് പവന് കുതിച്ചത് 5,600 രൂപയാണ്.
ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളം ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.
ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് വില മാറിമറിയുകയാണ്.
ജനുവരി 29ന് പവൻവില സർവകാല ഉയരം തൊട്ടിരുന്നു. അന്നു ഗ്രാമിന് ഒറ്റയടിക്ക് 1,080 രൂപയും പവന് 8,640 രൂപയും വര്‍ധിച്ച സ്വർണവില സര്‍വകാല റിക്കാര്‍ഡ് ഭേദിച്ച് ഗ്രാമിന് 16,395 രൂപയും പവന് 1,31,160 രൂപയിലുമെത്തുകയായിരുന്നു.
പുതുവർഷത്തിൽ കുതിപ്പോടെ തുടങ്ങിയ സ്വർണവില ജനുവരി അഞ്ചിന് പവന് ഒറ്റയടിക്ക് 1,160 രൂപയും ഗ്രാമിന് 145 രൂപയും വർധിച്ച് വീണ്ടും ഒരു ലക്ഷം പിന്നിട്ടിരുന്നു. ഇതിനു പിന്നാലെയാണ് വൻ കുതിപ്പുമായി മുന്നോട്ടുപോയത്. 2025 ജനുവരിയിൽ 57,000 രൂപ മാത്രമായിരുന്ന വിലയാണ് വർഷാവസാനം ലക്ഷം ഭേദിച്ചത്.
മാർച്ച് മാസം അവസാനം നാലു ദിവസത്തിനിടെ ഗ്രാമിന് 435 രൂപയും പവന് 3,480 രൂപയും വർധിച്ചിരുന്നു. മാർച്ച് 23ന് നാലുതവണ മാറിമറിഞ്ഞ സ്വർണവില ഒരു ലക്ഷത്തിന് താഴേക്ക് പോയിരുന്നെങ്കിലും വൈകിട്ടോടെ വീണ്ടും ഒരു ലക്ഷത്തിനു മുകളിലെത്തിയിരുന്നു. ഏപ്രിൽ, മേയ്, ജൂൺ, ജൂലൈ മാസങ്ങളിൽ വൻ കയറ്റിറക്കങ്ങൾക്കാണ് സാക്ഷ്യം വഹിച്ചത്.
രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. ബുധനാഴ്ച ഔൺസിന് 4,061 ഡോളറായിരുന്ന സ്വർണവില ഇന്ന് 4,160 ഡോളർ വരെ ഉയർന്നിരുന്നു. നിലവിൽ ഔൺസിന് 4,136 ഡോളറിലാണ് വ്യാപാരം പുരോഗമിക്കുന്നത്. യുഎസ് പ്രസിഡന്‍റ് ഡോണൾഡ് ട്രംപിന് ഇടക്കാല തിരഞ്ഞെടുപ്പിൽ കനത്ത തിരിച്ചടി കിട്ടിയതോടെ രാജ്യാന്തര സ്വർണവില വലിയ കുതിപ്പിലാണ്. ഇതാണ് കേരളത്തിലും പ്രതിഫലിച്ചത്.
അതേസമയം, വെള്ളി വിലയും ഇന്നും കുതിപ്പിലാണ്. ഒരു ഗ്രാം സാധാരണ വെള്ളിക്ക് 10 രൂപ ഉയർന്ന് 210 രൂപയിലാണ് വ്യാപാരം പുരോഗമിക്കുന്നത്.
100 വര്‍ഷത്തെ സ്വര്‍ണക്കുതിപ്പ്
കഴിഞ്ഞ 100 വര്‍ഷത്തിനിടയില്‍ സ്വര്‍ണ വില പവന് 13.75 രൂപയില്‍ നിന്ന് 1,13,520 രൂപയിലേക്കാണ് എത്തി നില്‍ക്കുന്നത്. 1925 മാര്‍ച്ച് 31 ന് ഒരു പവന് സ്വര്‍ണത്തിന് 13.75 രൂപയായിരുന്നു വിപണി വില. 1930 മാര്‍ച്ച് 31 ആയപ്പോഴേക്കും പവന് 13. 57 രൂപയായി അത് കുറഞ്ഞു.
1935 മാര്‍ച്ച് 31 ന് സ്വര്‍ണ വിലയില്‍ വര്‍ധന രേഖപ്പെടുത്തി. ഇക്കാലയളവില്‍ ഒരു പവന് സ്വര്‍ണത്തിന്‍റെ വില 22.65 രൂപയായി ഉയര്‍ന്നു. പിന്നീടങ്ങോട്ട് സ്വര്‍ണവിലയില്‍ വര്‍ധനയാണ് ഉണ്ടായത്.
1940 മാര്‍ച്ച് 31 ന് ഒരു പവന് സ്വര്‍ണത്തിന് 26.77 രൂപയും 1945 മാര്‍ച്ച് 31 ന് 45.49 രൂപയും 1950 മാര്‍ച്ച് 31 ന് 72.75 രൂപയുമായി സ്വര്‍ണ വില ഉയര്‍ന്നു. എന്നാല്‍ 1955 മാര്‍ച്ച് 31 ന് പവന് 58.11 രൂപയായി സ്വര്‍ണ വില കുറഞ്ഞു.
1960 മാര്‍ച്ച് 31 ന് പവന് 82.05 രൂപയായിരുന്നു സ്വര്‍ണവില. 1965 മാര്‍ച്ച് 31 ന് പവന് 90.20 രൂപയും 1970 ല് 135.30 രൂപയും 1975 മാര്‍ച്ച് 31 ന് 396 രൂപയുമായി സ്വര്‍ണ വില ഉയര്‍ന്നു. 1980 മാര്‍ച്ച് 31 ന് പവന് 975 രൂപയായി. 1985 ല് പവന് 1,573 രൂപയും 1990 ല് പവന് 2,493 രൂപയും 1995 ല് 3,432 രൂപയുമായി സ്വര്‍ണവിലയില്‍ മുന്നേറ്റം തുടര്‍ന്നു.
1996 മാര്‍ച്ചില്‍ പവന് 3,784 രൂപയായി. 1997 മാര്‍ച്ച് 31 ന് പവന് 3,432 രൂപയും 1998 മാര്‍ച്ച് 31 ന് 2,966 രൂപയുമായി സ്വര്‍ണ വില കുറഞ്ഞു. 1999 ല് പവന് 3,106 രൂപയായി വീണ്ടും ഉയര്‍ന്നു. തുടര്‍ന്നുള്ള വര്‍ഷങ്ങളില്‍ സ്വര്‍ണ വിലയില്‍ ഏറ്റക്കുറച്ചിലുകളാണ് രേഖപ്പെടുത്തിയത്.
2000 മാര്‍ച്ച് 31 ന് ഒരു പവന് 3, 2 1 2 രൂപയും 2001 ല് 3,073 രൂപയുമായി. 2002 മാര്‍ച്ച് 31 ന് പവന് 3,670 രൂപ, 2003 ല് 3,857 രൂപ, 2004 ല് 4,448 രൂപ, 2005 ല് 4,550 രൂപ, 2006 ല് 6,255 രൂപ എന്നിങ്ങനെ സ്വര്‍ണക്കുതിപ്പ് തുടര്‍ന്നു.
2007 ല് പവന് 6,890 രൂപയും 2008 ല് 8,892 രൂപയുമായി. പവന് 10,000 കടന്നത് 2009 ലാണ് . അന്ന് ഒരു പവന് സ്വര്‍ണത്തിന് 11,077 രൂപയായിരുന്നു. 2010 മാര്‍ച്ച് 31 ന് പവന് 12,280 രൂപയും 2011 ല് 15,560 രൂപയും എത്തി. പവന് 20,000 രൂപ കടന്നത് 2012 ലായിരുന്നു.
2012 മാര്‍ച്ചില്‍ ഒരു പവന് സ്വര്‍ണം വാങ്ങാന്‍ 20,880 രൂപ നല്‍കണമായിരുന്നു. 2013 ല് പവന് 22,240 ആയെങ്കിലും 2014 എത്തിയപ്പോള്‍ പവന് 21,480 രൂപയായും 2015 ല് 19,760 രൂപയായും 2016 ല് 21,360 രൂപയായും 2017 ല് 21,800 രൂപയായും സ്വര്‍ണ വിലയില്‍ ചാഞ്ചാട്ടം തുടര്‍ന്നു.
2018 ല് പവന് 22,600 രൂപയായിരുന്ന സ്വര്‍ണ വില 2019 ആയപ്പോഴേക്കും 23,720 രൂപയായി. എന്നാല്‍ 2020 മാര്‍ച്ചില്‍ സ്വര്‍ണവിലയില്‍ വന്‍ കുതിപ്പാണ് ഉണ്ടായത്. പവന് 32,000 രൂപയായി സ്വര്‍ണ വില ഉയര്‍ന്നു. പിന്നീടങ്ങോട്ട് പൊന്ന് പിടി തരാതെ പാഞ്ഞു.
2021 ല് പവന് 32,880 രൂപയിലും 2022 ല് 38,120 രൂപയും 2023 ല് 44,000 രൂപയുമായി. 2024 മാര്‍ച്ച് 31 ന് ഒരു പവന് സ്വര്‍ണത്തിന്‍റെ വില 50,200 രൂപയായി വര്‍ധിക്കുകയായിരുന്നു. 2025 ഡിസംബര്‍ 29 ന് 1,03,560 രൂപയായിരുന്നു സ്വര്‍ണവില. 2026 ജനുവരി 21 ആയപ്പോഴേക്കും ഒരു പവന് സ്വര്‍ണത്തിന് 1,13,520 രൂപയായി.
Business
മുംബൈ: ഇന്ത്യൻ ഓഹരിവിപണികൾ മുന്നേറ്റം തുടരുന്നു. നിഫ്റ്റി 50 സൂചികയും സെൻസെക്സും തുടർച്ചയായ അഞ്ചാം സെഷനിൽ നേട്ടത്തിലെത്തി. കഴിഞ്ഞ അഞ്ച് മാസത്തിനിടയിലെ ഏറ്റവും ദൈർഘ്യമേറിയ തുടർച്ചയായ നേട്ടമാണ് രേഖപ്പെടുത്തിയത്.
വിദേശ സ്ഥാപന നിക്ഷേപകരിൽനിന്ന് വീണ്ടും നിക്ഷേപം വരുന്നതും ആഭ്യന്തര വിപണിയിൽ നിന്നുള്ള വ്യാപകമായ പങ്കാളിത്തവും ആഗോളതലത്തിലെ അനുകൂല സംഭവവികാസങ്ങളെക്കുറിച്ചുള്ള ശുഭാപ്തിവിശ്വാസവും നിക്ഷേപകരുടെ മനോഭാവം മെച്ചപ്പെടുത്തി.
അഞ്ചു സെഷനുകളിലിലായി നിഫ്റ്റിയും സെൻസെക്സും യഥാക്രമം 5.55 ശതമാനവും 5.53 ശതമാനവും ഉയർന്നു.
ഇന്നലെ നിഫ്റ്റി 150 പോയിന്റ് (0.63%) ഉയർന്ന് 23,961ലും സെൻസെക്സ് 384 പോയിന്റ് (0.50%) നേട്ടത്തോടെ 77,301ലും വ്യാപാരം പൂർത്തിയാക്കി. വിപണിയുടെ വിവിധ മേഖലകളിൽ വാങ്ങൽ പ്രവണത ഉയർന്നതോടെ ബെഞ്ച്മാർക്ക് സൂചികകളെ മറികടന്നുകൊണ്ട് നിഫ്റ്റി മിഡ്കാപ് 100 (1.55%), സ്മോൾകാപ് 100 സൂചികകൾ (2.00%) ഉയർന്നു.
നിഫ്റ്റി ഐടി ഒഴികെ മേഖലാ സൂചികകളിൽ വൻ മുന്നേറ്റമാണ് കണ്ടത്. ഐടി സൂചിക 1.50 ശതമാനമാണ് ഇടിവ് നേരിട്ടത്.
അഞ്ചു ശതമാനത്തിനു മുകളിൽ ഉയർന്ന നിഫ്റ്റി മീഡിയ മുന്നേറ്റത്തിനു നേതൃത്വം നൽകി. നിഫ്റ്റി മെറ്റൽ, റിഫ്റ്റി റിയൽറ്റി, കണ്‍സ്യൂമർ ഡ്യൂറബിൾസ് എന്നിവ രണ്ടു ശതമാനത്തിനു മുകളിൽ ഉയർന്നു. നിഫ്റ്റി ഓട്ടോ, ഫിനാൻഷ്യൽ സർവീസസ്, എഫ്എംസിജി, ഓയിൽ ആൻഡ് ഗ്യാസ് എന്നിവയുടെ വർധന ഒരു ശതമാനത്തിനു മുകളിലായിരുന്നു.
രൂപയ്ക്ക് നേട്ടം
തുടർച്ചയായ രണ്ടാം വ്യാപാര സെഷനിലും രൂപയ്ക്കു നേട്ടം. ഇന്നലെ വ്യാപാരം പൂർത്തിയായപ്പോൾ ഡോളറിനെതിരേ രൂപ 17 പൈസ ഉയർന്ന് 94.58ലെത്തി. അസംസ്കൃത എണ്ണവിലയിലുണ്ടായ കുറവും ഡോളർ ദുർബലമായതും വിദേശ നിക്ഷേപകരുടെ തിരിച്ചുവരവുമാണ് രൂപയ്ക്ക് നേട്ടമായത്. ആഭ്യന്തര ഓഹരിവിപണിയിലുണ്ടായ മുന്നേറ്റം രൂപയ്ക്കു കരുത്തായതായി ഫോറെക്സ് വ്യാപാരികൾ പറഞ്ഞു.
വിദേശനാണയ വിപണിയിൽ ഡോളറിനെതിരേ 94.61 എന്ന നിരക്കിലാണ് വ്യാപാരം ആരംഭിച്ചത്. വ്യാപാരത്തിനിടെ ഉയർന്ന നിരക്കായ 94.50ലും കുറഞ്ഞ നിരക്കായ 94.87ലുമെത്തി. ഒടുവിൽ മുൻ വ്യാപാരദിനത്തിലെ മൂല്യത്തേക്കാൾ 17 പൈസ ഉയർന്ന് 94.58 വ്യാപാരം പൂർത്തിയാക്കി. ചൊവ്വാഴ്ച ഒന്പത് പൈസ ഉയർന്ന് 94.75ലാണ് ക്ലോസ് ചെയ്തത്.
Business
കോട്ടയം: ഉത്തരവാദിത്വ ടൂറിസം രംഗത്തെ സമഗ്ര സംഭാവനയ്ക്കുള്ള പ്രഥമ ആഗോള വ്യക്തിഗത പുരസ്‌കാരം മലയാളിയായ കെ. രൂപേഷ് കുമാറിന്.
ഇന്‍റര്‍നാഷണല്‍ സെന്‍റര്‍ ഫോര്‍ റെസ്‌പോണ്‍സിബിള്‍ ടൂറിസം (ഐസിആര്‍ടി ഗ്ലോബല്‍) ഏര്‍പ്പെടുത്തിയ പയനിയറിംഗ് കോണ്‍ട്രിബ്യൂഷന്‍ ടു റെസ്‌പോണ്‍സിബിള്‍ ടൂറിസം പുരസ്‌കാരം ലണ്ടനില്‍ നടന്ന ആഗോള സമ്മേളനത്തിലാണ് പ്രഖ്യാപിച്ചത്. കേരള ഉത്തരവാദിത്വ ടൂറിസം മിഷന്‍ സൊസൈറ്റി സിഇഒയാണ് കോട്ടയം വൈക്കം കുലശേഖരമംഗലം സ്വദേശിയായ രൂപേഷ് കുമാര്‍.
2008ല് കുമരകത്തെ ഉത്തരവാദിത്വ ടൂറിസം കോ-ഓര്‍ഡിനേറ്ററായി പ്രവര്‍ത്തനം ആരംഭിച്ച അദ്ദേഹം, കേരളത്തില്‍ ജനകീയ പങ്കാളിത്തത്തോടെയുള്ള ടൂറിസം വികസനത്തിന് നിര്‍ണായക സംഭാവനകള്‍ നല്‍കി.
2012ല് സംസ്ഥാന ഉത്തരവാദിത്വ ടൂറിസം മിഷന്‍ കോ-ഓര്‍ഡിനേറ്ററായി നിയമിതനായി. 2017ല് ഉത്തരവാദിത്വ ടീറിസത്തിന്‍റെ സംസ്ഥാന മിഷന്‍ കോ-ഓര്‍ഡിനേറ്ററായും 2023ല് മിഷന്‍ സൊസൈറ്റിയായി മാറിയതോടെ സ്ഥാപക സിഇഒയായും ചുമതലയേറ്റു.
Business
മുംബൈ: ഇന്ത്യൻ മൂലധന വിപണിയിലെ സേവനങ്ങളും വിവരങ്ങളും സാധാരണക്കാരായ നിക്ഷേപകർക്ക് പ്രാദേശിക ഭാഷകളിൽ ലഭ്യമാക്കുന്നതിനായി സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി) ഡിജിറ്റൽ ഇന്ത്യ ഭാഷിണി ഡിവിഷനുമായി (ഡിഐബി്ഡി) ധാരണാപത്രത്തിൽ ഒപ്പുവച്ചു.
ഈ പങ്കാളിത്തത്തിലൂടെ ഭാഷിണിയുടെ ഓട്ടോമാറ്റിക് സ്പീച്ച് റെക്കഗ്നിഷൻ, ടെക്സ്റ്റ്-ടു-സ്പീച്ച്, മെഷീൻ ട്രാൻസ്ലേഷൻ, ഒപ്റ്റിക്കൽ ക്യാരക്ടർ റെക്കഗ്നിഷൻ തുടങ്ങിയ വിവർത്തന ടൂളുകളും എപിഐകളും ഉപയോഗിക്കാൻ സെബിക്ക് സാധിക്കും.
കൂടാതെ, സെക്യൂരിറ്റീസ് മാർക്കറ്റുമായി ബന്ധപ്പെട്ട സങ്കീർണമായ പദാവലികൾ ഉൾപ്പെടുത്തി ഭാഷിണിയുടെ ലാംഗ്വേജ് മോഡലുകൾ കൂടുതൽ വിപുലീകരിക്കാനും മെച്ചപ്പെടുത്താനും ഈ സഹകരണം സഹായിക്കുമെന്ന് സെബി വ്യക്തമാക്കി.
ഡിഐബിഡി
ഇലക്‌ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിന് കീഴിൽ ലാഭേച്ഛയില്ലാതെ പ്രവർത്തിക്കുന്ന ഡിജിറ്റൽ ഇന്ത്യ കോർപറേഷന്റെ മേൽനോട്ടത്തിൽ പ്രവർത്തിക്കുന്ന സ്വതന്ത്ര വിഭാഗമാണ് ഡിഐബിഡി.
ഭാഷിണി പ്ലാറ്റ്ഫോം
ഇലക്‌ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിനു കീഴിൽ 2022 ജൂലൈയിൽ ആരംഭിച്ച ‘ഭാഷിണി’ (BHASHa INterface for India) എന്ന ആർട്ടിഫിഷ്യൽ ഇന്‍റലിജൻസ് അധിഷ്ഠിതമായ ഒരു ഭാഷാ വിവർത്തന വോയ്സ് പ്ലാറ്റ്ഫോമാണ്. ഭാഷിണി 20-ലധികം ഇന്ത്യൻ ഭാഷകളിൽ തത്സമയ ശബ്ദ-വാചക വിവർത്തനം സാധ്യമാക്കുന്നു.
നിക്ഷേപകർക്ക് ലഭിക്കുന്ന ഗുണങ്ങൾ
ഈ പുതിയ പങ്കാളിത്തത്തിലൂടെ ഇംഗ്ലീഷ് ഭാഷയെ മാത്രം ആശ്രയിച്ചിരുന്ന നിക്ഷേപകർക്ക് ഇനി മുതൽ സ്വന്തം മാതൃഭാഷകളിൽ വിപണി വിവരങ്ങളും സെബിയുടെ വിവിധ സേവനങ്ങളും ലഭ്യമാകും.
Business
കൊച്ചി: സംസ്ഥാനത്ത് തുടർച്ചയായ മൂന്നാംദിനവും കുതിച്ചുയർന്ന് സ്വർണവില. 22 കാരറ്റ് സ്വർണം ഗ്രാമിന് 25 രൂപയും പവന് 200 രൂപയുമാണ് ഉയർന്നത്. ഇതോടെ ഒരു ഗ്രാം സ്വർണത്തിന് 12,825 രൂപയിലും പവന് 1,02,600 രൂപയിലുമാണ് വ്യാപാരം പുരോഗമിക്കുന്നത്.
അതേസമയം, 18 കാരറ്റ് സ്വർണവില ഗ്രാമിന് 20 രൂപ വർധിച്ച് 10,495 രൂപയിലെത്തി. 14 കാരറ്റ് സ്വർണം ഗ്രാമിന് 8,210 രൂപയിലും ഒമ്പത് കാരറ്റ് സ്വർണം ഗ്രാമിന് 5,295 രൂപയിലുമാണ്.
പവന് ഒരു ലക്ഷം രൂപയുടെ താഴേക്ക് ഇടിയുമെന്ന സൂചന നൽകി സ്വർണവില ഒക്ടോബർ 31ന് കേരളത്തിൽ 1,01,840 രൂപയിലേക്ക് കൂപ്പുകുത്തിയിരുന്നു. എന്നാൽ, തിങ്കളാഴ്ച മുതൽ സ്വർണവില തിരിച്ചുകയറുകയാണ്. ഗ്രാമിന് 45 രൂപയും പവന് 360 രൂപയുമാണ് തിങ്കളാഴ്ച വർധിച്ചത്. പിന്നാലെ ചൊവ്വാഴ്ച ഗ്രാമിന് 25 രൂപയും പവന് 200 രൂപയുമാണ് വർധിച്ചത്. മൂന്നു ദിവസം കൊണ്ട് പവന് കുതിച്ചത് 760 രൂപയാണ്.
ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളം ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.
ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് വില മാറിമറിയുകയാണ്.
ജനുവരി 29ന് പവൻവില സർവകാല ഉയരം തൊട്ടിരുന്നു. അന്നു ഗ്രാമിന് ഒറ്റയടിക്ക് 1,080 രൂപയും പവന് 8,640 രൂപയും വര്‍ധിച്ച സ്വർണവില സര്‍വകാല റിക്കാര്‍ഡ് ഭേദിച്ച് ഗ്രാമിന് 16,395 രൂപയും പവന് 1,31,160 രൂപയിലുമെത്തുകയായിരുന്നു.
പുതുവർഷത്തിൽ കുതിപ്പോടെ തുടങ്ങിയ സ്വർണവില ജനുവരി അഞ്ചിന് പവന് ഒറ്റയടിക്ക് 1,160 രൂപയും ഗ്രാമിന് 145 രൂപയും വർധിച്ച് വീണ്ടും ഒരു ലക്ഷം പിന്നിട്ടിരുന്നു. ഇതിനു പിന്നാലെയാണ് വൻ കുതിപ്പുമായി മുന്നോട്ടുപോയത്. 2025 ജനുവരിയിൽ 57,000 രൂപ മാത്രമായിരുന്ന വിലയാണ് വർഷാവസാനം ലക്ഷം ഭേദിച്ചത്.
മാർച്ച് മാസം അവസാനം നാലു ദിവസത്തിനിടെ ഗ്രാമിന് 435 രൂപയും പവന് 3,480 രൂപയും വർധിച്ചിരുന്നു. മാർച്ച് 23ന് നാലുതവണ മാറിമറിഞ്ഞ സ്വർണവില ഒരു ലക്ഷത്തിന് താഴേക്ക് പോയിരുന്നെങ്കിലും വൈകിട്ടോടെ വീണ്ടും ഒരു ലക്ഷത്തിനു മുകളിലെത്തിയിരുന്നു. ഏപ്രിൽ, മേയ്, ജൂൺ, ജൂലൈ മാസങ്ങളിൽ വൻ കയറ്റിറക്കങ്ങൾക്കാണ് സാക്ഷ്യം വഹിച്ചത്.
രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. യുഎസ് ഇടക്കാല തിരഞ്ഞെടുപ്പിൽ ഡെമോക്രാറ്റ് പാർട്ടിക്ക് ഭൂരിപക്ഷം ലഭിക്കുമെന്ന ആദ്യ ഫലസൂചനകൾ പുറത്തു വന്നതിനു പിന്നാലെ രാജ്യാന്തര വിപണിയിൽ സ്വർണം ചാഞ്ചാട്ടം ആരംഭിച്ചിരുന്നു. ചൊവ്വാഴ്ച ഔൺസിന് 3,931 ഡോളർ എന്ന നിലയിൽ വ്യാപാരം അവസാനിപ്പിച്ച സ്വർണവില ഇന്ന് രാവിലെ ഔൺസിന് 3,963 ഡോളർ വരെ ഉയർന്നെങ്കിലും പിന്നീട് 3,917 ഡോളറിലേക്ക് താഴ്ന്നു. നിലവിൽ 3,948 ഡോളറിലാണ് വ്യാപാരം നടക്കുന്നത്.
അതേസമയം, വെള്ളി വിലയിൽ ഇന്നും മാറ്റമില്ല. ഒരു ഗ്രാം സാധാരണ വെള്ളിക്ക് 200 രൂപയിലാണ് വ്യാപാരം പുരോഗമിക്കുന്നത്.
100 വര്‍ഷത്തെ സ്വര്‍ണക്കുതിപ്പ്
കഴിഞ്ഞ 100 വര്‍ഷത്തിനിടയില്‍ സ്വര്‍ണ വില പവന് 13.75 രൂപയില്‍ നിന്ന് 1,13,520 രൂപയിലേക്കാണ് എത്തി നില്‍ക്കുന്നത്. 1925 മാര്‍ച്ച് 31 ന് ഒരു പവന് സ്വര്‍ണത്തിന് 13.75 രൂപയായിരുന്നു വിപണി വില. 1930 മാര്‍ച്ച് 31 ആയപ്പോഴേക്കും പവന് 13. 57 രൂപയായി അത് കുറഞ്ഞു.
1935 മാര്‍ച്ച് 31 ന് സ്വര്‍ണ വിലയില്‍ വര്‍ധന രേഖപ്പെടുത്തി. ഇക്കാലയളവില്‍ ഒരു പവന് സ്വര്‍ണത്തിന്‍റെ വില 22.65 രൂപയായി ഉയര്‍ന്നു. പിന്നീടങ്ങോട്ട് സ്വര്‍ണവിലയില്‍ വര്‍ധനയാണ് ഉണ്ടായത്.
1940 മാര്‍ച്ച് 31 ന് ഒരു പവന് സ്വര്‍ണത്തിന് 26.77 രൂപയും 1945 മാര്‍ച്ച് 31 ന് 45.49 രൂപയും 1950 മാര്‍ച്ച് 31 ന് 72.75 രൂപയുമായി സ്വര്‍ണ വില ഉയര്‍ന്നു. എന്നാല്‍ 1955 മാര്‍ച്ച് 31 ന് പവന് 58.11 രൂപയായി സ്വര്‍ണ വില കുറഞ്ഞു.
1960 മാര്‍ച്ച് 31 ന് പവന് 82.05 രൂപയായിരുന്നു സ്വര്‍ണവില. 1965 മാര്‍ച്ച് 31 ന് പവന് 90.20 രൂപയും 1970 ല് 135.30 രൂപയും 1975 മാര്‍ച്ച് 31 ന് 396 രൂപയുമായി സ്വര്‍ണ വില ഉയര്‍ന്നു. 1980 മാര്‍ച്ച് 31 ന് പവന് 975 രൂപയായി. 1985 ല് പവന് 1,573 രൂപയും 1990 ല് പവന് 2,493 രൂപയും 1995 ല് 3,432 രൂപയുമായി സ്വര്‍ണവിലയില്‍ മുന്നേറ്റം തുടര്‍ന്നു.
1996 മാര്‍ച്ചില്‍ പവന് 3,784 രൂപയായി. 1997 മാര്‍ച്ച് 31 ന് പവന് 3,432 രൂപയും 1998 മാര്‍ച്ച് 31 ന് 2,966 രൂപയുമായി സ്വര്‍ണ വില കുറഞ്ഞു. 1999 ല് പവന് 3,106 രൂപയായി വീണ്ടും ഉയര്‍ന്നു. തുടര്‍ന്നുള്ള വര്‍ഷങ്ങളില്‍ സ്വര്‍ണ വിലയില്‍ ഏറ്റക്കുറച്ചിലുകളാണ് രേഖപ്പെടുത്തിയത്.
2000 മാര്‍ച്ച് 31 ന് ഒരു പവന് 3, 2 1 2 രൂപയും 2001 ല് 3,073 രൂപയുമായി. 2002 മാര്‍ച്ച് 31 ന് പവന് 3,670 രൂപ, 2003 ല് 3,857 രൂപ, 2004 ല് 4,448 രൂപ, 2005 ല് 4,550 രൂപ, 2006 ല് 6,255 രൂപ എന്നിങ്ങനെ സ്വര്‍ണക്കുതിപ്പ് തുടര്‍ന്നു.
2007 ല് പവന് 6,890 രൂപയും 2008 ല് 8,892 രൂപയുമായി. പവന് 10,000 കടന്നത് 2009 ലാണ് . അന്ന് ഒരു പവന് സ്വര്‍ണത്തിന് 11,077 രൂപയായിരുന്നു. 2010 മാര്‍ച്ച് 31 ന് പവന് 12,280 രൂപയും 2011 ല് 15,560 രൂപയും എത്തി. പവന് 20,000 രൂപ കടന്നത് 2012 ലായിരുന്നു.
2012 മാര്‍ച്ചില്‍ ഒരു പവന് സ്വര്‍ണം വാങ്ങാന്‍ 20,880 രൂപ നല്‍കണമായിരുന്നു. 2013 ല് പവന് 22,240 ആയെങ്കിലും 2014 എത്തിയപ്പോള്‍ പവന് 21,480 രൂപയായും 2015 ല് 19,760 രൂപയായും 2016 ല് 21,360 രൂപയായും 2017 ല് 21,800 രൂപയായും സ്വര്‍ണ വിലയില്‍ ചാഞ്ചാട്ടം തുടര്‍ന്നു.
2018 ല് പവന് 22,600 രൂപയായിരുന്ന സ്വര്‍ണ വില 2019 ആയപ്പോഴേക്കും 23,720 രൂപയായി. എന്നാല്‍ 2020 മാര്‍ച്ചില്‍ സ്വര്‍ണവിലയില്‍ വന്‍ കുതിപ്പാണ് ഉണ്ടായത്. പവന് 32,000 രൂപയായി സ്വര്‍ണ വില ഉയര്‍ന്നു. പിന്നീടങ്ങോട്ട് പൊന്ന് പിടി തരാതെ പാഞ്ഞു.
2021 ല് പവന് 32,880 രൂപയിലും 2022 ല് 38,120 രൂപയും 2023 ല് 44,000 രൂപയുമായി. 2024 മാര്‍ച്ച് 31 ന് ഒരു പവന് സ്വര്‍ണത്തിന്‍റെ വില 50,200 രൂപയായി വര്‍ധിക്കുകയായിരുന്നു. 2025 ഡിസംബര്‍ 29 ന് 1,03,560 രൂപയായിരുന്നു സ്വര്‍ണവില. 2026 ജനുവരി 21 ആയപ്പോഴേക്കും ഒരു പവന് സ്വര്‍ണത്തിന് 1,13,520 രൂപയായി.
Business
കൊച്ചി: യൂറോപ്പിലെ മികച്ച വിദ്യാഭ്യാസ കേന്ദ്രങ്ങളിലൊന്നായ ഓസ്ട്രിയയിലെ പൊതു സർവകലാശാലകളിൽ ഉപരിപഠനം ആഗ്രഹിക്കുന്ന വിദ്യാർഥികൾക്ക് നേരിട്ട് വിവരങ്ങൾ അറിയാൻ അവസരം.
സാന്‍റ മോണിക്ക സ്റ്റഡി എബ്രോഡിന്‍റെ നവംബർ ആറിന് കൊച്ചി രവിപുരത്തെ ഓഫിസിൽ ഓസ്ട്രിയ പബ്ലിക് യൂണിവേഴ്സിറ്റി അഡ്മിഷൻ ഡേ സംഘടിപ്പിക്കുന്നു. രാവിലെ 11 മുതൽ വൈകുന്നേരം നാലു വരെ നടക്കുന്ന പരിപാടിയിൽ Carinthia University of Applied Sciences, IT:U (Interdisciplinary Transformation University Austria), FH Kufstein Tirol എന്നീ സർവകലാശാലകളുടെ പ്രതിനിധികൾ പങ്കെടുക്കും.
എൻജിനിയറിംഗ്, ഐടി, ബിസിനസ്, മാനേജ്മെന്‍റ്, സയൻസ് തുടങ്ങി വിവിധ മേഖലകളിൽ ബിരുദ, ബിരുദാനന്തര പഠനസാധ്യതകൾ പരിചയപ്പെടുത്തും. ട്യൂഷൻ ഫീസ് ഇല്ലാത്തതോ താരതമ്യേന കുറഞ്ഞ ഫീസുള്ളതോ ആയ പൊതുസർവകലാശാലകളിലെ കോഴ്സുകൾ, പ്രവേശന യോഗ്യത കൾ, ഇംഗ്ലീഷ് മീഡിയം പ്രോഗ്രാമുകൾ, സ്കോളർഷിപ്പുകൾ, പാർട്ട് ടൈം ജോലി സാധ്യതകൾ, പഠനശേഷമുള്ള തൊഴിലവസരങ്ങൾ എന്നിവയെക്കുറിച്ച് നേരിട്ട് ചോദിച്ചറിയാം.
2027 മാർച്ച്, ഒക്ടോബർ ഇൻടേക്കുകളിലേക്കുള്ള പ്രവേശന നടപടികൾ, അപേക്ഷാ സമയപരിധി, ആവശ്യമായ അക്കാദമിക് രേഖകൾ, ഐഇഎൽടിഎസ് ഉൾപ്പെടെയുള്ള ഇംഗ്ലീഷ് ഭാഷാ യോഗ്യതകൾ, വീസ നടപടികൾ എന്നിവയിലും മാർഗനിർദേശം ലഭിക്കും. മറ്റ് ഓസ്ട്രിയൻ പൊതു സർവകലാശാലകളിലെ പഠനസാധ്യതകൾ പരിശോധിക്കാനും വിദ്യാർഥികൾക്ക് അവസരമുണ്ടാകും.
പ്ലസ് ടു പൂർത്തിയാക്കിയവർക്കും ബിരുദ, ബിരുദാനന്തര പഠനം പൂർത്തിയാക്കിയവർക്കും നിലവിൽ പഠിച്ചുകൊണ്ടിരിക്കുന്നവർക്കും പങ്കെടുക്കാം. സ്ഥലം: സാന്‍റ മോണിക്ക കൊച്ചി ഓഫിസ്, മൂന്നാം നില, മേഴ്സി എസ്റ്റേറ്റ്, രവിപുരം, എംജി റോഡ്, കൊച്ചി – 682015. ഫോൺ: 0484 4150 999, 7034 119 990.
Business
കൊച്ചി: വണ്ടര്‍ലാ ഹോളിഡേസിന് 2026 -27 സാമ്പത്തികവര്‍ഷത്തിന്‍റെ രണ്ടാംപാദത്തില്‍ എക്കാലത്തെയും മികച്ച പ്രകടനം. മുന്‍വര്‍ഷത്തെ അപേക്ഷിച്ച് വരുമാനം 42 ശതമാനം വര്‍ധിച്ച് 125.68 കോടിയായി. എബിറ്റ്ഡ 90 ശതമാനം ഉയര്‍ന്ന് 30.11 കോടിയിലെത്തി.
പാദത്തില്‍ 7.25 ലക്ഷം സന്ദര്‍ശകരെത്തി. ആദ്യപകുതിയിലെ വരുമാനം 41 ശതമാനം വര്‍ധിച്ച് 377.78 കോടി രൂപയും എബിറ്റ്ഡ 47 ശതമാനം ഉയര്‍ന്ന് 152.10 കോടി രൂപയുമായി.
ബംഗളൂരു, കൊച്ചി പാര്‍ക്കുകളും റിസോര്‍ട്ട് ബിസിനസും എക്കാലത്തെയും മികച്ച രണ്ടാം പാദ പ്രകടനം കാഴ്ചവച്ചു. ചെന്നൈ പാര്‍ക്ക് 27.7 കോടി വരുമാനം നേടി.
ശേഷിക്കുന്ന സാമ്പത്തിക വര്‍ഷത്തിലും മികച്ച ഉപഭോക്തൃ അനുഭവം ഉറപ്പാക്കാനും സുസ്ഥിരമായ വളര്‍ച്ച നേടാനുമാണ് തങ്ങളുടെ ലക്ഷ്യമെന്ന് കമ്പനി എക്‌സിക്യൂട്ടീവ് ചെയര്‍മാനും മാനേജിംഗ് ഡയറക്ടറുമായ അരുണ്‍ ചിറ്റിലപ്പിള്ളി പറഞ്ഞു.
Business
കൊച്ചി: സംസ്ഥാനത്തു സ്വര്‍ണവിലയിലുണ്ടായ ഇടിവ് ദീപാവലി വിപണിക്ക് ആവേശം പകരുമെന്ന് പ്രതീക്ഷ. വിലക്കയറ്റം മൂലം സ്വര്‍ണം വാങ്ങുന്നത് മാറ്റിവച്ചിരുന്ന ഉപഭോക്താക്കള്‍ക്ക് കുറഞ്ഞ വിലയില്‍ ആഭരണങ്ങള്‍ വാങ്ങാനുള്ള അവസരമായാണ് ദീപാവലി സീസണ്‍ മാറുന്നത്.
സംസ്ഥാനത്തെ ചെറുതും വലുതുമായ എല്ലാ സ്വര്‍ണവ്യാപാരശാലകളും തന്‍തേരസ്, ദീപാവലി വിപണിയെ സ്വീകരിക്കാന്‍ ഒരുങ്ങിക്കഴിഞ്ഞു. ദീപാവലി സീസണിലെ ഏറ്റവും പ്രധാനപ്പെട്ട വ്യാപാരദിനമായ ശനിയാഴ്ച വലിയ തിരക്കും മികച്ച വില്‍പനയും ഉണ്ടാകുമെന്നാണ് പ്രതീക്ഷ.
കഴിഞ്ഞ വര്‍ഷം ദീപാവലിദിനമായ ഒക്ടോബര്‍ 20ന് ഒരു ഗ്രാം സ്വര്‍ണത്തിന് 11,980 രൂപയായിരുന്നു. പവന് 95,840 രൂപയും. അതേസമയം, കഴിഞ്ഞ വര്‍ഷം നവംബര്‍ മൂന്നിന് ഗ്രാമിന് 11,290 രൂപയും പവന് 90,320 രൂപയുമായിരുന്നു സ്വര്‍ണവില. ഇന്നലെ (2026 നവംബര്‍ മൂന്നിന്) ഗ്രാമിന് 12,800 രൂപയും പവന് 1,02,400 രൂപയുമായിട്ടാണ് വില്പന നടക്കുന്നത്.
കഴിഞ്ഞ വര്‍ഷത്തെ ദീപാവലി വിലയുമായി താരതമ്യം ചെയ്യുമ്പോള്‍ പവന് 6,560 രൂപയുടെ വര്‍ധന മാത്രമാണുള്ളത്. എന്നാല്‍, കഴിഞ്ഞ വര്‍ഷം ഇതേ ദിവസമായ നവംബര്‍ മൂന്നിലെ വിലയുമായി താരതമ്യം ചെയ്യുമ്പോള്‍ പവന് 12,080 രൂപയുടെ വര്‍ധനവുണ്ടായി. സ്വര്‍ണവിലയിലെ ഈ വ്യത്യാസം കണക്കിലെടുക്കുമ്പോള്‍ വിലയില്‍ വര്‍ധനയുണ്ടായിട്ടും ദീപാവലി സീസണില്‍ സ്വര്‍ണം വാങ്ങാനുള്ള ഉപഭോക്താക്കളുടെ താത്പര്യം ശക്തമാകുമെന്നാണ് വ്യാപാരികളുടെ പ്രതീക്ഷ.
വില കുറഞ്ഞുനില്‍ക്കുന്ന സാഹചര്യം കൂടുതല്‍ അളവില്‍ സ്വര്‍ണം വാങ്ങാനും വിവാഹം, കുടുംബാഘോഷങ്ങള്‍ തുടങ്ങിയ ആവശ്യങ്ങള്‍ക്കായി ആഭരണങ്ങള്‍ വാങ്ങിവയ്ക്കാനും ഉപഭോക്താക്കളെ പ്രേരിപ്പിച്ചേക്കാമെന്നു കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്‍റ്സ് അസോസിയേഷന്‍ സംസ്ഥാന ജനറല്‍ സെക്രട്ടറി അഡ്വ. എസ്. അബ്‌ദുള്‍ നാസര്‍ പറഞ്ഞു.
Business
കൊച്ചി: തങ്ങളുടെ പേരും ലോഗോയും വ്യാജമായി ഉപയോഗിച്ച് വിപണിയില്‍ വിറ്റഴിക്കുന്ന വ്യാജ ഉത്പന്നങ്ങള്‍ക്കെതിരേ ഉപഭോക്താക്കള്‍ക്കു ജാഗ്രതാനിര്‍ദേശം നല്‍കി ഗാര്‍ഹിക ടെക്‌സ്റ്റൈല്‍ ബ്രാന്‍ഡായ ബോംബെ ഡൈയിംഗ് ആന്‍ഡ് മാനുഫാക്ചറിംഗ് കമ്പനി ലിമിറ്റഡ് (ബോംബെ ഡൈയിംഗ്).
ബോംബെ ഡൈയിംഗിന്‍റെ പേരും ലോഗോയും വ്യാജമായി ഉപയോഗിച്ച് തെരുവുകളിലും താത്കാലിക സ്റ്റാളുകളിലും റസിഡന്‍ഷ്യല്‍ സൊസൈറ്റികളിലും ചില അനധികൃത വില്‍പനക്കാര്‍ ഈ ഉത്പന്നങ്ങള്‍ വില്‍ക്കുന്നത് ശ്രദ്ധയില്‍പ്പെട്ടതിനെത്തുടര്‍ന്നാണു കമ്പനി പൊതു മുന്നറിയിപ്പ് പുറപ്പെടുവിച്ചത്.
നിലവില്‍ കോറല്‍ വൈന്‍ എന്നപേരില്‍ കമ്പനി യാതൊരു ഉത്പന്നങ്ങളും നിര്‍മിക്കുകയോ വില്‍ക്കുകയോ ചെയ്യുന്നില്ലെന്നും വ്യാജ വില്‍പനക്കാര്‍ക്കെതിരേ ശക്തമായ നിയമനടപടികള്‍ സ്വീകരിക്കുകയാണെന്നും കമ്പനി അറിയിച്ചു.
Business
മുംബൈ: ഇന്ത്യൻ ഓഹരിവിപണി ഇന്നലെയും വൻ നേട്ടം തുടർന്നു. അസംസ്കൃത എണ്ണവിലയിലെ ഇടിവ്, ദീർഘകാല മൂലധന നേട്ട നികുതിയിൽ ഇളവുകൾ ഉണ്ടായേക്കുമെന്ന പ്രതീക്ഷകൾ, വിദേശ നിക്ഷേപങ്ങളുടെ വരവ് എന്നിവ നിക്ഷേപകരുടെ ആത്മവിശ്വാസം ഉയർത്തിയതോടെ സെൻസെക്സും നിഫ്റ്റിയും ഏകദേശം രണ്ടു ശതമാനത്തിനടുത്തായി ഉയർന്നു.
കഴിഞ്ഞ നാല് വ്യാപാര സെഷനുകളിലായി ഈ രണ്ട് സൂചികകളും ഏകദേശം അഞ്ചു ശതമാനം നേട്ടമുണ്ടാക്കുകയും, കഴിഞ്ഞ രണ്ട് മാസത്തിനിടയിലെ ഏറ്റവും ഉയർന്ന നിലയിൽ വ്യാപാരം അവസാനിപ്പിക്കുകയും ചെയ്തു.
സെൻസെക്സ് 1,200ലധികം പോയിന്റ് ഉയർന്ന് 76,918ലും, നിഫ്റ്റി 50 സൂചിക 350ലധികം പോയിന്റ് വർധിച്ച് 23,800 എന്ന നിലവാരത്തിന് മുകളിലുമാണ് വ്യാപാരം അവസാനിപ്പിച്ചത്. ഈ കുതിപ്പോടെ ബിഎസ്ഇയിൽലിസ്റ്റ് ചെയ്തിട്ടുള്ള എല്ലാ കന്പനികളുടെയും മൊത്തം വിപണി മൂല്യത്തിൽ നാലു ലക്ഷം കോടി രൂപയുടെ വർധനയുണ്ടായി. ഇതോടെ മൊത്തം വിപണിമൂലധനം ഏകദേശം 487 ലക്ഷം കോടി രൂപയായി ഉയർന്നു.
മേഖലകൾ പരിശോധിച്ചാൽ, നിഫ്റ്റി എഫ്എംസിജി ഓഹരികൾ 3.65 ശതമാനം ഉയർന്ന് നേട്ടത്തിന് മുന്നിൽ നിന്നപ്പോൾ നിഫ്റ്റി റിയൽറ്റി രണ്ടു ശതമാനത്തിലധികം നേട്ടമുണ്ടാക്കി. നിഫ്റ്റി ഓട്ടോ, നിഫ്റ്റി ഫിനാൽഷ്യൽ സർവീസസ്, നിഫ്റ്റി പ്രൈവറ്റ് ബാങ്ക് എന്നിവ ഒരു ശതമാനത്തിനു മുകളിലെത്തി. എന്നാൽ നിഫ്റ്റി പിഎസ്‌യു ബാങ്ക് സൂചിക ഒരു ശതമാനത്തിലധികം ഇടിഞ്ഞു.
വിശാല വിപണികളും നേട്ടം കൈവരിച്ചു. നിഫ്റ്റി സ്മോൾക്യാപ് 250, നിഫ്റ്റി മിഡ്ക്യാപ് 100 സൂചികകൾ ഒരു ശതമാനം വരെ ഉയർന്നു. എൻഎസ്ഇയിൽ 2,127 ഓഹരികൾ നേട്ടത്തിലും 1,477 ഓഹരികൾ നഷ്ടത്തിലും വ്യാപാരം അവസാനിപ്പിച്ചപ്പോൾ 109 ഓഹരികളുടെ വില മാറ്റമില്ലാതെ തുടർന്നു.
Business
ജാപ്പനീസ് ചായ സൽക്കാരങ്ങളുമായി പരമ്പരാഗതമായി ബന്ധപ്പെട്ടിരിക്കുന്ന മാച്ച എന്ന പച്ചനിറത്തിലുള്ള പാനീയം, ഇന്ത്യയില്‍ വര്‍ധിച്ച ജനപ്രീതി നേടുകയാണ്. കഫേകളിലും വീടുകളില്‍ ഉണ്ടാക്കുന്നതിനായുള്ള പാചകക്കുറിപ്പുകള്‍ക്കായി ഓണ്‍ലൈന്‍ തെരച്ചിലുകളിലും ജനപ്രീതി ഉണ്ടാക്കുകയാണ്.
വര്‍ധിച്ചുവരുന്ന താത്പര്യം പാനീയ കമ്പനികള്‍ക്ക് പുതിയ അവസരമാണ് തുറന്നുനല്‍കുന്നത്. അടുത്ത എട്ട് വര്‍ഷത്തിനുള്ളില്‍ ഇന്ത്യന്‍ മാച്ച വിപണിയുടെ മൂല്യം ഇരട്ടിയിലധികമാകുമെന്നാണ് പ്രതീക്ഷ.
ഗ്രാന്‍ഡ് വ്യൂ റിസര്‍ച്ചിന്‍റെ റിപ്പോര്‍ട്ട് അനുസരിച്ച്, 2025ല് ഇന്ത്യയിലെ മാച്ച ടീ വിപണി 4.57 കോടി ഡോളര്‍ വരുമാനം നേടിയിരുന്നു. ഇത് 2026-നും 2033-നും ഇടയില്‍ 9.8% വാര്‍ഷിക വളര്‍ച്ചാനിരക്കോടെ 2033ഓടെ 9.64 കോടി ഡോളറിലെത്തുമെന്നാണ് അനുമാനിക്കുന്നത്. 2025-ലെ ആഗോള മാച്ച ടീ വിപണി വരുമാനത്തിന്‍റെ 4.7 ശതമാനം ഇന്ത്യയില്‍നിന്നായിരുന്നു.
ഗൂഗിൾ സെർച്ചിലും വർധന
ഗൂഗിള്‍ ഇന്ത്യയുടെ തിരച്ചില്‍ വിവരങ്ങളും ഉപഭോക്താക്കളുടെ ഈ വര്‍ധിച്ചുവരുന്ന താത്പര്യം കാണിക്കുന്നു. കഴിഞ്ഞ ഒരു വര്‍ഷത്തിനിടെ ‘how to make matcha’ (മാച്ച എങ്ങനെ ഉണ്ടാക്കാം) എന്ന തെരച്ചിലില്‍ 1,300% വര്‍ധനയുണ്ടായി. കൂടാതെ ‘matcha protein’ (മാച്ച പ്രോട്ടീന്) എന്ന തെരച്ചില്‍ 2,500 ശതമാനവും ‘matcha health’ (മാച്ച ആരോഗ്യം) എന്ന തെരച്ചില്‍ 1,000 ശതമാനവും വര്‍ധിച്ചു. വര്‍ധിച്ചുവരുന്ന ഈ ആവശ്യകതയുടെ യഥാര്‍ഥ സൂചനകള്‍ കഫേ കൗണ്ടറുകളില്‍ കണ്ടുതുടങ്ങിയിട്ടുണ്ട്.
കഴിഞ്ഞ ദശകത്തില്‍ തങ്ങളുടെ മാച്ച പാനീയങ്ങളുടെ വില്പന ഇരട്ടിയോളമായെന്ന് ടാറ്റ സ്റ്റാര്‍ബക്‌സ് വ്യക്തമാക്കി. മുംബൈ, ബംഗളൂരു, ഡല്‍ഹി എന്നിവിടങ്ങളിലെ സബ്‌കോ കഫേകളിലെ പാനീയ വില്പനയുടെ ശരാശരി 24 ശതമാനവും മാച്ച പാനീയങ്ങളാണ്.
പ്രീമിയം കഫേ മെനുകള്‍ക്കപ്പുറത്തേക്ക് മാച്ചയെ എത്തിക്കുകയും, പാക്ക് ചെയ്ത പാനീയങ്ങള്‍, ഇന്‍സ്റ്റന്‍റ് മിക്‌സുകള്‍, ഭക്ഷ്യോത്പന്നങ്ങള്‍, ജനപ്രിയമായ ഐസ്ഡ് പാനീയങ്ങള്‍ എന്നിവ ഉള്‍പ്പെടുന്ന വിപുലമായ ഒരു ഉപഭോക്തൃ വിഭാഗമാക്കി ഇതിനെ മാറ്റുകയുമാണ് പ്രധാന ലക്ഷ്യം.
പുരാതനമായ ഒരു ചായയ്ക്ക് പുതിയ സ്വീകാര്യത
സോഷ്യല്‍ മീഡിയ ഇതിന്‍റെ തിളക്കമുള്ള പച്ചനിറത്തെ പ്രശസ്തമാക്കുന്നതിനും വളരെ മുന്‍പേതന്നെ മാച്ചയുടെ ചരിത്രം ആരംഭിച്ചിരുന്നു. ക്രിസ്തുവര്‍ഷം 960 മുതല്‍ 1279 വരെയുള്ള സോങ് രാജവംശത്തിന്‍റെ കാലഘട്ടത്തില്‍ ചൈനയിലാണ് പൊടിച്ച തേയില ആദ്യം ഉപയോഗിച്ചിരുന്നത്.
ഇന്നു നാം കാണുന്ന രീതിയിലുള്ള മാച്ച വികസിച്ചത് 1300-നും 1600-നും ഇടയില്‍ ജപ്പാനിലാണ്. ചൈനയില്‍നിന്ന് കല്ലുരലുകളും മുളകൊണ്ടുള്ള വിസ്‌കുകളും അവതരിപ്പിച്ചതോടെയാണിതെന്ന് സതേണ്‍ കലിഫോര്‍ണിയ സര്‍വകലാശാലയിലെ ചരിത്രവിഭാഗം അസോസിയേറ്റ് പ്രഫസറായ റെബേക്ക കോര്‍ബെറ്റ് തന്‍റെ 2026-ലെ ‘Matcha: A Short History from the Song Dynasty to Social Media’’ എന്ന ഗവേഷണ പ്രബന്ധത്തില്‍ കുറിക്കുന്നു.
ജപ്പാനില്‍, ‘ചാനോയു’ (chanoyu) എന്ന ചായച്ചടങ്ങുമായി മാച്ച അടുത്ത ബന്ധം പുലര്‍ത്തിയിരുന്നു.
പരമ്പരാഗതമായി, പാലോ മധുരമോ ചേര്‍ക്കാതെ ചൂടുവെള്ളത്തില്‍ ഈ പൊടി കലക്കിയാണ് തയാറാക്കുന്നത്. എന്നാല്‍ തണുപ്പിച്ചും മധുരം ചേര്‍ത്തും പാല്‍, ഫ്രൂട്ട്‌സ് അല്ലെങ്കില്‍ എസ്പ്രസോ എന്നിവ കലര്‍ത്തിയും തയാറാക്കുന്ന ആധുനിക കഫേ രീതി പരമ്പരാഗത രീതിയേക്കാള്‍ ഏറെ വ്യത്യസ്തമാണ്.
ഈ പുതിയ മാറ്റം, മാച്ചയെക്കുറിച്ച് മുന്‍പരിചയമില്ലാത്ത ഉപഭോക്താക്കള്‍ക്ക് ഇതിനെ കൂടുതല്‍ പ്രിയങ്കരമാക്കാന്‍ സഹായിച്ചതായി കോര്‍ബെറ്റ് ചൂണ്ടിക്കാണിക്കുന്നു. കഫേ ശൃംഖലകള്‍ ഇതിന് എളുപ്പമുള്ള തുടക്കം നല്‍കിയപ്പോള്‍, സോഷ്യല്‍ മീഡിയ ഇതിന്‍റെ പച്ചനിറവും തയാറാക്കുന്ന രീതിയും വ്യത്യസ്ത രുചികളും ജനപ്രിയമാക്കാന്‍ സഹായിച്ചു.
Business
തിരുവനന്തപുരം: ആർട്ടിഫിഷ്യൽ ഇന്‍റലിജൻസ്, ജനറേറ്റീവ് എഐ മേഖലകളിലെ നൂതന ആശയങ്ങളും സാങ്കേതിക പരിഹാരങ്ങളും വികസിപ്പിക്കുന്നതിനായി ജനറേറ്റീവ് എഐ ഹാക്കത്തോൺ ഈ മാസം ഏഴിന് ടെക്നോപാർക്ക് പാർക്ക് സെന്‍ററിൽ സംഘടിപ്പിക്കും.
ബോസ്റ്റൺ ഇൻസ്റ്റിറ്റ്യൂട്ട് ഓഫ് അനലിറ്റിക്സ് തിരുവനന്തപുരം കാമ്പസ്, ടെക്നോപാർക്കിലെ ഐടി ജീവനക്കാരുടെ സംഘടനയായ പ്രതിധ്വനി, ക്ലൗഡ്‌വേവ് ഇന്‍റലിജൻസ് ലിമിറ്റഡ് എന്നിവ സംയുക്തമായാണ് പരിപാടി സംഘടിപ്പിക്കുന്നത്.
ഐടി പ്രഫഷണലുകൾ, എഐ ഗവേഷകർ, സാങ്കേതികവിദ്യയിൽ താത്പര്യമുള്ള കോളജ് വിദ്യാർഥികൾ എന്നിവർക്ക് നൂതന ആശയങ്ങൾ അവതരിപ്പിക്കാനും പ്രായോഗിക സാങ്കേതിക പരിഹാരങ്ങൾ വികസിപ്പിക്കാനും ഹാക്കത്തൺ അവസരമൊരുക്കും.
Business
കൊച്ചി: സംസ്ഥാനത്ത് തുടർച്ചയായ രണ്ടാംദിനവും സ്വർണവില മേലേക്ക്. 22 കാരറ്റ് സ്വര്‍ണം ഗ്രാമിന് 25 രൂപയും പവന് 200 രൂപയുമാണ് വർധിച്ചത്. ഇതോടെ, ഒരു ഗ്രാം സ്വർണത്തിന് 12,800 രൂപയിലും പവന് 1,02,400 രൂപയിലുമാണ് വ്യാപാരം പുരോഗമിക്കുന്നത്.
അതേസമയം, 18 കാരറ്റ് സ്വർണവില ഗ്രാമിന് 20 രൂപ വർധിച്ച് 10,475 രൂപയിലെത്തി. 14 കാരറ്റ് സ്വർണം ഗ്രാമിന് 8,195 രൂപയിലും ഒമ്പത് കാരറ്റ് സ്വർണം ഗ്രാമിന് 5,285 രൂപയിലുമാണ്.
സംസ്ഥാനത്ത് വൻ ഇടിവിൽ കഴിഞ്ഞവാരം വ്യാപാരം അവസാനിപ്പിച്ച സ്വർണവില തിങ്കളാഴ്ച മുതൽ തിരിച്ചുകയറുകയാണ്. ഗ്രാമിന് 45 രൂപയും പവന് 360 രൂപയുമാണ് തിങ്കളാഴ്ച വർധിച്ചത്.
കുതിപ്പും കിതപ്പും ദൃശ്യമായ കഴിഞ്ഞ വാരം വെള്ളിയാഴ്ച മുതലാണ് സ്വർണവിലയിൽ വൻ വീഴ്ച ആരംഭിച്ചത്. വെള്ളിയാഴ്ച ഗ്രാമിന് 155 രൂപയും പവന് 1,240 രൂപയുമാണ് കുറഞ്ഞത്. പിന്നാലെ ശനിയാഴ്ച ഒറ്റയടിക്ക് ഗ്രാമിന് 310 രൂപയും പവന് 2,480 രൂപയും കുറഞ്ഞു. ദിവസങ്ങൾക്കിടെ പവൻ വിലയിൽ 9,200 രൂപയുടെ കുറവാണ് ഉണ്ടായത്. പവന് ഒരു ലക്ഷം രൂപയിൽ താഴെ എത്തുമെന്ന് തോന്നിച്ച സ്വർണവിലയാണ് തിങ്കളാഴ്ച തിരിച്ചുകയറിയത്.
ഓണക്കാല ഇടിവിൽ ഒരാഴ്ചയ്ക്കിടെ പവന് 8,800 രൂപയോളം ഇടിഞ്ഞ ശേഷമാണ് സ്വർണവിലയിൽ ചാഞ്ചാട്ടം ദൃശ്യമായത്. ഓഗസ്റ്റ് തുടക്കത്തിൽ പവന് 1,05,600 രൂപയായിരുന്നു സ്വർണവില. പിന്നീട് കുതിപ്പും കിതപ്പുമാണ് ദൃശ്യമായത്. ഈ വർഷം ജനുവരി 29ന് കുറിച്ച ഗ്രാമിന് 16,395 രൂപയും പവന് 1.31 ലക്ഷം രൂപയുമാണ് സംസ്ഥാനത്തിന്‍റെ ചരിത്രത്തിലെ എക്കാലത്തെയും ഉയർന്ന സ്വർണവില.
ഇന്ത്യയിൽ സ്വ‍‌ർണ ഇറക്കുമതിച്ചുങ്കം കൂട്ടിയതോടെ മേയ് 13 ന് ഒറ്റയടിക്ക് സ്വർണവില 10,200 രൂപയോളം വർധിച്ച് ആ മാസത്തിലെ ഏറ്റവും കൂടിയ നിരക്കായ 1,23,120 രൂപയിലെത്തിയിരുന്നു. പിന്നീട് വില മാറിമറിയുകയാണ്.
ജനുവരി 29ന് പവൻവില സർവകാല ഉയരം തൊട്ടിരുന്നു. അന്നു ഗ്രാമിന് ഒറ്റയടിക്ക് 1,080 രൂപയും പവന് 8,640 രൂപയും വര്‍ധിച്ച സ്വർണവില സര്‍വകാല റിക്കാര്‍ഡ് ഭേദിച്ച് ഗ്രാമിന് 16,395 രൂപയും പവന് 1,31,160 രൂപയിലുമെത്തുകയായിരുന്നു.
പുതുവർഷത്തിൽ കുതിപ്പോടെ തുടങ്ങിയ സ്വർണവില ജനുവരി അഞ്ചിന് പവന് ഒറ്റയടിക്ക് 1,160 രൂപയും ഗ്രാമിന് 145 രൂപയും വർധിച്ച് വീണ്ടും ഒരു ലക്ഷം പിന്നിട്ടിരുന്നു. ഇതിനു പിന്നാലെയാണ് വൻ കുതിപ്പുമായി മുന്നോട്ടുപോയത്. 2025 ജനുവരിയിൽ 57,000 രൂപ മാത്രമായിരുന്ന വിലയാണ് വർഷാവസാനം ലക്ഷം ഭേദിച്ചത്.
മാർച്ച് മാസം അവസാനം നാലു ദിവസത്തിനിടെ ഗ്രാമിന് 435 രൂപയും പവന് 3,480 രൂപയും വർധിച്ചിരുന്നു. മാർച്ച് 23ന് നാലുതവണ മാറിമറിഞ്ഞ സ്വർണവില ഒരു ലക്ഷത്തിന് താഴേക്ക് പോയിരുന്നെങ്കിലും വൈകിട്ടോടെ വീണ്ടും ഒരു ലക്ഷത്തിനു മുകളിലെത്തിയിരുന്നു. ഏപ്രിൽ, മേയ്, ജൂൺ, ജൂലൈ മാസങ്ങളിൽ വൻ കയറ്റിറക്കങ്ങൾക്കാണ് സാക്ഷ്യം വഹിച്ചത്.
രാജ്യാന്തര വിലയിലെ ചലനങ്ങളാണ് ആഭ്യന്തര സ്വർണവിപണിയിലും പ്രതിഫലിക്കുന്നത്. തിങ്കളാഴ്ച ഔൺസിന് 3,947 ഡോളറായിരുന്ന രാജ്യാന്തര സ്വർണവില ഇന്ന് 3,963 ഡോളർ വരെ ഉയർന്നെങ്കിലും പിന്നീട് താഴ്ന്നു. നിലവിൽ ഒരു ശതമാനത്തോളം നേട്ടത്തിൽ 3,926 ഡോളറിലാണ് വ്യാപാരം പുരോഗമിക്കുന്നത്.
അതേസമയം, വെള്ളി വിലയിൽ ഇന്നു മാറ്റമില്ല. ഒരു ഗ്രാം സാധാരണ വെള്ളിക്ക് 200 രൂപയിലാണ് വ്യാപാരം പുരോഗമിക്കുന്നത്.
100 വര്‍ഷത്തെ സ്വര്‍ണക്കുതിപ്പ്
കഴിഞ്ഞ 100 വര്‍ഷത്തിനിടയില്‍ സ്വര്‍ണ വില പവന് 13.75 രൂപയില്‍ നിന്ന് 1,13,520 രൂപയിലേക്കാണ് എത്തി നില്‍ക്കുന്നത്. 1925 മാര്‍ച്ച് 31 ന് ഒരു പവന് സ്വര്‍ണത്തിന് 13.75 രൂപയായിരുന്നു വിപണി വില. 1930 മാര്‍ച്ച് 31 ആയപ്പോഴേക്കും പവന് 13. 57 രൂപയായി അത് കുറഞ്ഞു.
1935 മാര്‍ച്ച് 31 ന് സ്വര്‍ണ വിലയില്‍ വര്‍ധന രേഖപ്പെടുത്തി. ഇക്കാലയളവില്‍ ഒരു പവന് സ്വര്‍ണത്തിന്‍റെ വില 22.65 രൂപയായി ഉയര്‍ന്നു. പിന്നീടങ്ങോട്ട് സ്വര്‍ണവിലയില്‍ വര്‍ധനയാണ് ഉണ്ടായത്.
1940 മാര്‍ച്ച് 31 ന് ഒരു പവന് സ്വര്‍ണത്തിന് 26.77 രൂപയും 1945 മാര്‍ച്ച് 31 ന് 45.49 രൂപയും 1950 മാര്‍ച്ച് 31 ന് 72.75 രൂപയുമായി സ്വര്‍ണ വില ഉയര്‍ന്നു. എന്നാല്‍ 1955 മാര്‍ച്ച് 31 ന് പവന് 58.11 രൂപയായി സ്വര്‍ണ വില കുറഞ്ഞു.
1960 മാര്‍ച്ച് 31 ന് പവന് 82.05 രൂപയായിരുന്നു സ്വര്‍ണവില. 1965 മാര്‍ച്ച് 31 ന് പവന് 90.20 രൂപയും 1970 ല് 135.30 രൂപയും 1975 മാര്‍ച്ച് 31 ന് 396 രൂപയുമായി സ്വര്‍ണ വില ഉയര്‍ന്നു. 1980 മാര്‍ച്ച് 31 ന് പവന് 975 രൂപയായി. 1985 ല് പവന് 1,573 രൂപയും 1990 ല് പവന് 2,493 രൂപയും 1995 ല് 3,432 രൂപയുമായി സ്വര്‍ണവിലയില്‍ മുന്നേറ്റം തുടര്‍ന്നു.
1996 മാര്‍ച്ചില്‍ പവന് 3,784 രൂപയായി. 1997 മാര്‍ച്ച് 31 ന് പവന് 3,432 രൂപയും 1998 മാര്‍ച്ച് 31 ന് 2,966 രൂപയുമായി സ്വര്‍ണ വില കുറഞ്ഞു. 1999 ല് പവന് 3,106 രൂപയായി വീണ്ടും ഉയര്‍ന്നു. തുടര്‍ന്നുള്ള വര്‍ഷങ്ങളില്‍ സ്വര്‍ണ വിലയില്‍ ഏറ്റക്കുറച്ചിലുകളാണ് രേഖപ്പെടുത്തിയത്.
2000 മാര്‍ച്ച് 31 ന് ഒരു പവന് 3, 2 1 2 രൂപയും 2001 ല് 3,073 രൂപയുമായി. 2002 മാര്‍ച്ച് 31 ന് പവന് 3,670 രൂപ, 2003 ല് 3,857 രൂപ, 2004 ല് 4,448 രൂപ, 2005 ല് 4,550 രൂപ, 2006 ല് 6,255 രൂപ എന്നിങ്ങനെ സ്വര്‍ണക്കുതിപ്പ് തുടര്‍ന്നു.
2007 ല് പവന് 6,890 രൂപയും 2008 ല് 8,892 രൂപയുമായി. പവന് 10,000 കടന്നത് 2009 ലാണ് . അന്ന് ഒരു പവന് സ്വര്‍ണത്തിന് 11,077 രൂപയായിരുന്നു. 2010 മാര്‍ച്ച് 31 ന് പവന് 12,280 രൂപയും 2011 ല് 15,560 രൂപയും എത്തി. പവന് 20,000 രൂപ കടന്നത് 2012 ലായിരുന്നു.
2012 മാര്‍ച്ചില്‍ ഒരു പവന് സ്വര്‍ണം വാങ്ങാന്‍ 20,880 രൂപ നല്‍കണമായിരുന്നു. 2013 ല് പവന് 22,240 ആയെങ്കിലും 2014 എത്തിയപ്പോള്‍ പവന് 21,480 രൂപയായും 2015 ല് 19,760 രൂപയായും 2016 ല് 21,360 രൂപയായും 2017 ല് 21,800 രൂപയായും സ്വര്‍ണ വിലയില്‍ ചാഞ്ചാട്ടം തുടര്‍ന്നു.
2018 ല് പവന് 22,600 രൂപയായിരുന്ന സ്വര്‍ണ വില 2019 ആയപ്പോഴേക്കും 23,720 രൂപയായി. എന്നാല്‍ 2020 മാര്‍ച്ചില്‍ സ്വര്‍ണവിലയില്‍ വന്‍ കുതിപ്പാണ് ഉണ്ടായത്. പവന് 32,000 രൂപയായി സ്വര്‍ണ വില ഉയര്‍ന്നു. പിന്നീടങ്ങോട്ട് പൊന്ന് പിടി തരാതെ പാഞ്ഞു.
2021 ല് പവന് 32,880 രൂപയിലും 2022 ല് 38,120 രൂപയും 2023 ല് 44,000 രൂപയുമായി. 2024 മാര്‍ച്ച് 31 ന് ഒരു പവന് സ്വര്‍ണത്തിന്‍റെ വില 50,200 രൂപയായി വര്‍ധിക്കുകയായിരുന്നു. 2025 ഡിസംബര്‍ 29 ന് 1,03,560 രൂപയായിരുന്നു സ്വര്‍ണവില. 2026 ജനുവരി 21 ആയപ്പോഴേക്കും ഒരു പവന് സ്വര്‍ണത്തിന് 1,13,520 രൂപയായി.
Business
ഷില്ലോംഗ്: രാജ്യത്തു വിദേശസംഭാവനയായി ലഭിച്ച 22,000 കോടി രൂപയിൽ വെറും ആറു ശതമാനം മാത്രമാണ് പള്ളികൾ ഉൾപ്പടെ വിശ്വാസികൂട്ടായ്മയ്ക്കു ലഭിച്ചതെന്ന് എഫ്സിആർഎ ഭേദഗതിയിലെ സംയുക്ത പാർലമെന്‍ററി സമിതി ചെയർപേഴ്സൺ സഞ്ജയ് ജയ്സ്വാൾ.
വിദേശ സംഭാവന കൈപ്പറ്റുന്ന സംഘടനകളും സ്ഥാപനങ്ങളും നേരിടുന്ന പ്രായോഗിക ബുദ്ധിമുട്ടുകൾ പരിശോധിക്കുമെന്നു പറഞ്ഞ അദ്ദേഹം, വിഷയത്തിൽ നിർദേശങ്ങളും അഭിപ്രായങ്ങളും സ്വരൂപിക്കുന്നത് തുടരുകയാണെന്നും അറിയിച്ചു.
മേഘാലയ മുഖ്യമന്ത്രി കോൺറാഡ് കെ. സംഗ്‌മയുടെ അഭ്യർഥനയെത്തുടർന്ന് ഷില്ലോംഗിൽ നടന്ന കൂടിക്കാഴ്ചയ്ക്കുശേഷം സംസാരിക്കുകയായിരുന്നു സഞ്ജയ് ജയ്സ്വാൾ. അടുത്തതായി ചെന്നൈയിലും കൊച്ചിയിലും സമിതി അഭിപ്രായങ്ങളും നിർദേശങ്ങളും തേടുമെന്നും അദ്ദേഹം വ്യക്തമാക്കി.
മേഘാലയയിലെ ക്രൈസ്തവ, ഹിന്ദു സംഘടനകൾ ഉൾപ്പടെ ഇരുപതോളം പ്രതിനിധികളാണു ജെപിസിയുമായി കൂടിക്കാഴ്ച നടത്തിയത്.
എഫ്സിആർഎ ചട്ടഭേദഗതി ന്യൂനപക്ഷങ്ങളെയും സന്നദ്ധസംഘടനകളെയും ലക്ഷ്യമിട്ടാണെന്ന പ്രതിപക്ഷ ആരോപണത്തെത്തുടർന്ന് കഴിഞ്ഞ ഓഗസ്റ്റ് 12 നാണ് ദേദഗതിബിൽ സംയുക്ത പാർലമെന്‍റി സമിതിക്കു കൈമാറാൻ കേന്ദ്രം തീരുമാനിച്ചത്.
ഭേദഗതി നിർദേശങ്ങൾ ക്രൈസ്തവ സന്നദ്ധസംഘടനകളെയും ന്യൂനപക്ഷങ്ങളുടെ നിയന്ത്രണത്തിലുള്ള സാമൂഹ്യക്ഷേമ, വിദ്യാഭ്യാസ സ്ഥാപനങ്ങളെ പ്രതികൂലമായി ബാധിക്കുമെന്ന് വിമർശനമുയർന്നിരുന്നു.
Business
ന്യൂഡൽഹി: റിക്കാർഡ് വാഹന വിൽപനയും ചരിത്രത്തിലെ ഏറ്റവുമുയർന്ന ജിഎസ്ടി വരുമാനവുമായി നടപ്പ് സാമ്പത്തിക വർഷത്തിന്‍റെ മൂന്നാം പാദത്തിൽ രാജ്യത്ത് മിന്നും തുടക്കം. ഒക്ടോബർ മാസത്തിൽ യുപിഐ വഴിയുള്ള പ്രതിദിന പണമിടപാടുകൾ ആദ്യമായി ഒരു ലക്ഷം കോടി രൂപയെന്ന ചരിത്ര നാഴികക്കല്ല് പിന്നിട്ടു.
ആഗോള അനിശ്ചിതത്വങ്ങളും പണപ്പെരുപ്പ ഭീഷണികളും നിലനിൽക്കുമ്പോഴും, ഉത്സവ സീസൺ ഡിമാൻഡും ശക്തമായ ഉപഭോഗവും ഇന്ത്യൻ സമ്പദ്‌ വ്യവസ്ഥയ്ക്ക് കരുത്തുപകരുന്നതിന്‍റെ സൂചനകളാണ് ഒക്‌ടോബറിലെ കണക്കുകൾ വ്യക്തമാക്കുന്നത്.
◄ യുപിഐ ഇടപാടുകളിലും ജിഎസ്ടി വരുമാനത്തിൽ കുതിപ്പ്
ഡിജിറ്റൽ പണമിടപാടുകളിലും രാജ്യം പുതിയ ഉയരങ്ങൾ തൊട്ടു. ഒക്‌ടോബറിൽ യുപിഐ വഴി 2,550 കോടി ഇടപാടുകളിലായി (25.5 ബില്യൺ) 31.5 ലക്ഷം കോടി രൂപയുടെ ഇടപാടുകൾ നടന്നു. മുൻവർഷത്തെ അപേക്ഷിച്ച് ഇടപാടുകളുടെ എണ്ണത്തിൽ 23 ശതമാനവും മൂല്യത്തിൽ 15.6 ശതമാനവും വർധനവാണുണ്ടായത്. പ്രതിദിന ശരാശരി ഇടപാട് മൂല്യം 1,01,710 കോടി രൂപയായി ഉയർന്നു.
സാമ്പത്തിക ഉണർവിന്‍റെ മറ്റൊരു പ്രധാന സൂചകമായ മൊത്തം ജിഎസ്ടി വരുമാനം ഒക്‌ടോബറിൽ 2.31 ലക്ഷം കോടി രൂപയിലെത്തി. മുൻവർഷത്തെ ഇതേ കാലയളവിനെ അപേക്ഷിച്ച് 22.9 ശതമാനത്തിന്‍റെ വൻ വർധനവാണിത്. കഴിഞ്ഞ നാലു വർഷത്തിനിടയിലെ ഏറ്റവുമുയർന്ന വളർച്ചാ നിരക്കാണിത്. സെപ്റ്റംബറിനെ അപേക്ഷിച്ച് 14.7 ശതമാനം ഉയർച്ചയും രേഖപ്പെടുത്തി. ഇറക്കുമതി വരുമാനത്തിൽ വന്ന 42.2 ശതമാനത്തിന്‍റെ വർധനവാണ് ജിഎസ്ടി വരുമാനം കുത്തനെ ഉയർത്താൻ സഹായിച്ചത്.
◄ ഗ്രാമീണ സമ്പദ്‌വ്യവസ്ഥയിൽ ആശങ്ക
നഗര മേഖലകളിലും വ്യാവസായിക രംഗത്തും ഉണർവ് പ്രകടമാണെങ്കിലും ഗ്രാമീണ സമ്പദ്‌വ്യവസ്ഥയിൽ ചില തിരിച്ചടികൾ പ്രകടമാണ്. മഹീന്ദ്രയുടെ ട്രാക്ടർ വിൽപനയിൽ 13.1 ശതമാനവും എസ്കോർട്ട്സ് കുബോട്ടയുടെ വിൽപനയിൽ 10.92 ശതമാനവും ഇടിവ് രേഖപ്പെടുത്തി.
റാബി സീസണിലെ വിതയ്ക്കൽ ഒക്ടോബർ 26 വരെയുള്ള കണക്കനുസരിച്ച് 36 ശതമാനം കുറഞ്ഞ് 18 ലക്ഷം ഹെക്‌ടറിലൊതുങ്ങി. കൂടാതെ, അണക്കെട്ടുകളിലെ ജലനിരപ്പ് പത്തു വർഷത്തെ ശരാശരിയേക്കാൾ 18.4 ശതമാനം താഴെയാണെന്നതും ശീതകാല വിളകളെ ബാധിച്ചേക്കാം. മോശം കാലാവസ്ഥ തുടർന്നാൽ നടപ്പ് സാമ്പത്തിക വർഷത്തിൽ കാർഷിക വളർച്ച ഒരു ശതമാനത്തിൽ താഴെയാകുകയോ നെഗറ്റീവ് ആകുകയോ ചെയ്തേക്കാമെന്ന് സാമ്പത്തിക വിദഗ്ധർ മുന്നറിയിപ്പ് നൽകുന്നുണ്ട്.
◄ അഞ്ചു ലക്ഷം കടന്ന് പാസഞ്ചർ വാഹനവിൽപന
ചരിത്രത്തിലാദ്യമായി രാജ്യത്തെ പ്രതിമാസ പാസഞ്ചർ വാഹന മൊത്തവിൽപന അഞ്ചു ലക്ഷം യൂണിറ്റ് പിന്നിട്ടു. ഒക്‌ടോബറിൽ 5.25 ലക്ഷം മുതൽ 5.3 ലക്ഷം വരെ വാഹനങ്ങളാണ് വിറ്റഴിച്ചത്; മുൻവർഷത്തെ അപേക്ഷിച്ച് 12 മുതൽ 13 ശതമാനം വരെ വർധന. മാരുതി സുസുക്കി, ടാറ്റ മോട്ടോഴ്‌സ്, മഹീന്ദ്ര, ഹ്യുണ്ടായ്, കിയ തുടങ്ങിയ മുൻനിര കമ്പനികളെല്ലാം റിക്കാർഡ് പ്രതിമാസ വിൽപന രേഖപ്പെടുത്തി.
മാരുതി സുസുക്കി 20.45 ശതമാനം വളർച്ചയോടെ 2.12 ലക്ഷം കാറുകൾ വിറ്റഴിച്ചപ്പോൾ, ടാറ്റ മോട്ടോഴ്‌സ് 20.87 ശതമാനം വർധനവോടെ 73,894 യൂണിറ്റുകൾ നിരത്തിലിറക്കി. ഇരുചക്ര വാഹന വിപണിയിലും മികച്ച മുന്നേറ്റമുണ്ടായി; ടിവിഎസ് മോട്ടോർ 22.09 ശതമാനവും ഹോണ്ട 11 ശതമാനവും വിൽപന വളർച്ച നേടി.
Business
മുംബൈ: രാജ്യത്തെ ഇലക്ട്രിക് ഇരുചക്ര വാഹന വിപണിയിൽ ആധിപത്യം ഉറപ്പിക്കുന്നതിന്‍റെ ഭാഗമായി ഉത്പാദന ശേഷി വൻതോതിൽ വർധിപ്പിക്കാനൊരുങ്ങി പ്രമുഖ വാഹന നിർമാതാക്കളായ ടിവിഎസ് മോട്ടോർ കമ്പനി, ബജാജ് ഓട്ടോ, ഹീറോ മോട്ടോകോർപ്പ്.
2027-28 സാമ്പത്തിക വർഷത്തിന്‍റെ ആദ്യ പകുതിയോടെ പ്രതിവർഷം 10 ലക്ഷം വീതം ഇലക്ട്രിക് വാഹനങ്ങൾ നിർമിക്കാനുള്ള ശേഷി കൈവരിക്കാനാണ് ഈ മൂന്നു മുൻനിര കമ്പനികളും ലക്ഷ്യമിടുന്നത്. മുന്പ് സ്റ്റാർട്ടപ്പുകൾ ഭരിച്ചിരുന്ന ഇവി വിപണിയുടെ 60 ശതമാനത്തിലധികം വിഹിതവും ഇപ്പോൾ ഈ പരമ്പരാഗത നിർമാതാക്കളുടെ കൈകളിലാണ്.
►പ്രതിമാസ ഉത്പാദനം ഇരട്ടിയാക്കാൻ ലക്ഷ്യം
ഫെഡറേഷൻ ഓഫ് ഓട്ടോമൊബൈൽ ഡീലേഴ്സ് അസോസിയേഷൻസ് കണക്കുകൾ പ്രകാരം ജനുവരി മുതൽ സെപ്റ്റംബർ വരെയുള്ള കാലയളവിൽ ടിവിഎസ് പ്രതിമാസം ശരാശരി 40,388 യൂണിറ്റുകളും, ബജാജ് 34,962 യൂണിറ്റുകളും, ഹീറോ 17,036 യൂണിറ്റുകളും വിറ്റഴിച്ചിട്ടുണ്ട്.
നിലവിലെ വിൽപനയേക്കാൾ ഇരട്ടിയിലധികം ഉത്പാദന ശേഷിയാണ് കമ്പനികൾ ആസൂത്രണം ചെയ്യുന്നത്. നടപ്പ് സാമ്പത്തിക വർഷത്തിന്‍റെ നാലാം പാദത്തോടെ പ്രതിമാസ ഉത്പാദനം 80,000 യൂണിറ്റുകളാക്കി ഉയർത്താനാണ് ബജാജ് ലക്ഷ്യമിടുന്നത്. നിലവിലെ 60,000-65,000 യൂണിറ്റുകളിൽനിന്ന് പ്രതിമാസ ശേഷി 80,000 ആയി ഉയർത്തുമെന്ന് ടിവിഎസ് സിഇഒ കെ.എൻ. രാധാകൃഷ്ണനും വ്യക്തമാക്കി. അടുത്ത സാമ്പത്തിക വർഷത്തിന്‍റെ രണ്ടാം പാദത്തോടെ പ്രതിമാസം 80,000 യൂണിറ്റുകൾ എന്ന നാഴികക്കല്ല് പിന്നിടാനാണ് ഹീറോ മോട്ടോകോർപ്പിന്‍റെ പദ്ധതി.
►കിതച്ച് സ്റ്റാർട്ടപ്പുകൾ
ഫാഡയുടെ ഏറ്റവും പുതിയ കണക്കുകൾ പ്രകാരം 26 ശതമാനം വിപണി വിഹിതവുമായി ടിവിഎസ് മോട്ടോർ ഒന്നാം സ്ഥാനത്തും, 22 ശതമാനവുമായി ബജാജ് ഓട്ടോ രണ്ടാം സ്ഥാനത്തും, 11 ശതമാനവുമായി ഹീറോ മോട്ടോകോർപ്പ് മൂന്നാം സ്ഥാനത്തുമാണ്. അതേസമയം, ആദ്യകാലത്ത് വിപണി നിയന്ത്രിച്ചിരുന്ന പല പ്രമുഖ സ്റ്റാർട്ടപ്പുകൾക്കും വലിയ തിരിച്ചടിയാണ് നേരിട്ടത്.
2023-24 സാമ്പത്തിക വർഷത്തിൽ 54 ശതമാനം വിപണി വിഹിതമുണ്ടായിരുന്ന ഓല ഇലക്‌ട്രിക്കിന്‍റെ വിഹിതം ഇപ്പോൾ വെറും ഏഴു ശതമാനമായി ഇടിഞ്ഞു. പ്രതിവർഷം 10 ലക്ഷം യൂണിറ്റുകൾ നിർമിക്കാനുള്ള സൗകര്യമുണ്ടെങ്കിലും ശേഷിയുടെ 20 ശതമാനത്തിൽതാഴെ മാത്രമാണ് നിലവിൽ ഓല ഉത്പാദനം നടത്തുന്നത്. ഹീറോ ഇലക്ട്രിക്, ഒക്കിനാവ തുടങ്ങിയ സ്റ്റാർട്ടപ്പുകളുടെ സംയുക്ത വിഹിതം ഒരു ശതമാനത്തിലും താഴെയായി കുറഞ്ഞു. എന്നാൽ സ്ഥിരതയാർന്ന പ്രകടനവുമായി മുന്നേറുന്ന ഏഥർ എനർജി മാത്രമാണ് സ്റ്റാർട്ടപ്പ് നിരയിൽ പിടിച്ചുനിൽക്കുന്നത്.
►ഇരുചക്ര ഇവി വിൽപനയിൽ കുതിപ്പ്
പെട്രോൾ വിലയിലെ അനിശ്ചിതത്വങ്ങളും കുറഞ്ഞ പ്രാരംഭ വിലയും വിശാലമായ ഡീലർഷിപ്പ് ശൃംഖലകളും ഇലക്ട്രിക് സ്കൂട്ടറുകളുടെ ആവശ്യകത കുത്തനെ ഉയർത്തിയിട്ടുണ്ട്. 2022-23 സാമ്പത്തിക വർഷത്തിലെ 7.28 ലക്ഷം യൂണിറ്റുകളിൽനിന്ന് 2025-26ൽ വിൽപന 14 ലക്ഷം കടന്നിരുന്നു.
നടപ്പ് സാമ്പത്തിക വർഷത്തിന്‍റെ ആദ്യ പകുതിയിലും (ഏപ്രിൽ-സെപ്റ്റംബർ) 73 ശതമാനം വാർഷിക വളർച്ചയോടെ 11 ലക്ഷം വാഹനങ്ങൾ വിറ്റഴിഞ്ഞു. ഈ സാമ്പത്തിക വർഷം അവസാനിക്കുമ്പോൾ വിൽപന 22.5 ലക്ഷം മുതൽ 25 ലക്ഷം വരെ എത്തുമെന്നും, ഇതോടെ രാജ്യത്തെ ആകെ ഇരുചക്ര വാഹന വിൽപനയുടെ 11-12 ശതമാനവും ഇലക്ട്രിക് വിഭാഗത്തിൽ നിന്നാകുമെന്നുമാണ് വിപണി നിരീക്ഷകരുടെ വിലയിരുത്തൽ.
Business
കൊച്ചി: ട്രാന്‍സ്‌പോര്‍ട്ട് കോര്‍പറേഷന്‍ ഓഫ് ഇന്ത്യയുടെ (ടിസിഐ) 2027 സാമ്പത്തികവര്‍ഷത്തിലെ രണ്ടാം പാദ വരുമാനം 14.8 ശതമാനം ഉയര്‍ന്ന് 1,397.9 കോടിയായി. അറ്റാദായം മൂന്നു ശതമാനം വര്‍ധിച്ച് 116.9 കോടിയിലെത്തി.
ആദ്യ ആറുമാസത്തെ വരുമാനം 12 ശതമാനം ഉയര്‍ന്ന് 2,652.7 കോടി രൂപയായി. സാങ്കേതികവിദ്യാധിഷ്ഠിത ചരക്കുനീക്ക സേവനങ്ങളും ബഹുമാര്‍ഗ ഗതാഗതസൗകര്യങ്ങളും വിപുലീകരിച്ച് വളര്‍ച്ച തുടരാനാണ് കമ്പനിയുടെ ലക്ഷ്യം.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN