ന്യൂഡൽഹി: വിവിധ രാജ്യങ്ങളുമായി ഇന്ത്യ ഒപ്പുവച്ച സ്വതന്ത്ര വ്യാപാരക്കരാറുകൾ രാജ്യത്തെ യുവാക്കൾക്ക് വലിയ തൊഴിലവസരങ്ങൾ തുറന്നുനൽകുന്നുവെന്ന് പ്രധാനമന്ത്രി നരേന്ദ്ര മോദി.
40ഓളം രാജ്യങ്ങളുമായി ഒപ്പുവച്ച ഈ കരാറുകൾ അഭൂതപൂർവമായ കരിയർ സാധ്യതകളാണ് മുന്നോട്ടു വയ്ക്കുന്നതെന്നും ആഭ്യന്തര സംരംഭകർക്കായി പുതിയ വിപണികളും പങ്കാളിത്തങ്ങളും സൃഷ്ടിക്കുന്നുവെന്നും അദ്ദേഹം പറഞ്ഞു.
കേന്ദ്രസർക്കാരിന്റെ തൊഴിൽ മേളയായ ‘റോസ്ഗാർ മേള’ യുടെ 20-ാം പതിപ്പ് വെർച്വലായി ഉദ്ഘാടനം ചെയ്തു സംസാരിക്കുകയായിരുന്നു പ്രധാനമന്ത്രി.
ഇന്ത്യൻ യുവത്വത്തിന്റെ കഴിവും നൈപുണ്യവും ആഗോളതലത്തിൽ വലിയ വിശ്വാസ്യത നേടിയെടുത്തിട്ടുണ്ടെന്നും രാജ്യത്തെ യുവാക്കളിലും സംരംഭകരിലും വലിയ പ്രതീക്ഷകളാണു ലോകം വച്ചുപുലർത്തുന്നതെന്നും അദ്ദേഹം കൂട്ടിച്ചേർത്തു.
ചടങ്ങിൽ, വിവിധ സർക്കാർ വകുപ്പുകളിലേക്ക് പുതുതായി തെരഞ്ഞെടുക്കപ്പെട്ട 51,000ത്തിലധികം യുവാക്കൾക്കുള്ള നിയമന ഉത്തരവുകൾ പ്രധാനമന്ത്രി വെർച്വലായി കൈമാറി.
Deepika
E-paper LOGIN
LOGIN
