4

ടെ​ക്സ​സ്: ഡാ​ള​സ് പ​ട്ട​ണ​ത്തി​ലെ മ​ല​യാ​ളി പെ​ന്ത​ക്കോ​സ്ത​ൽ സ​ഭ​ക​ളു​ടെ ഐ​ക്യ​വേ​ദി​യാ​യ ഡാ​ള​സ് സി​റ്റി-​വൈ​ഡ് ഫെ​ലോ​ഷി​പ്പിന്‍റെ (ഡിസിഎഫ്) ​പ്ര​വ​ർ​ത്ത​നോദ്​ഘാ​ട​നം ഷാ​രോ​ൺ ഫെ​ലോ​ഷി​പ്പ് സ​ഭ​യി​ൽ വ​ച്ച് ഡാ​ള​സ് പ​ട്ട​ണ​ത്തി​ലെ സ​ഭാ ശു​ശ്രൂ​ഷ​ക​ന്മാ​രു​ടെ​യും വി​ശ്വാ​സ സ​മൂ​ഹ​ത്തി​ന്‍റെ​യും സാ​ന്നി​ധ്യത്തി​ൽ ന​ട​ന്നു.

"ദൈ​വ​രാ​ജ്യ​ത്തി​നാ​യി ഐ​ക്യ​പ്പെ​ടു​ക' എ​ന്ന​താ​യി​രു​ന്നു സെ​മി​നാ​റി​ന്‍റെ മു​ഖ്യ വി​ഷ​യം. ക​ഴി​ഞ്ഞ ചി​ല വ​ർ​ഷ​ങ്ങ​ളാ​യി സി​റ്റി-​വൈ​ഡി​ന് നേ​തൃ​ത്വം ന​ൽ​കി​യ പാ​സ്റ്റ​ർ മാ​ത്യു ശാ​മു​വ​ലാ​യി​രു​ന്നു യോ​ഗ​ത്തി​ന് അ​ധ്യക്ഷത വ​ഹി​ച്ച​ത്.

ഡാ​ള​സ് പ​ട്ട​ണ​ത്തി​ലെ സ​ഭ​ക​ളെ ഒ​രു കു​ട​ക്കീ​ഴി​ൽ നി​ർ​ത്തു​വാ​ൻ ഡാ​ള​സ് സി​റ്റി-​വൈ​ഡി​ന് ക​ഴി​ഞ്ഞ​കാ​ല​ങ്ങ​ളി​ൽ നേ​തൃ​ത്വം ന​ൽ​കി​യ നേ​തൃ​ത്വ​ത്തെ​യും ക​ഴി​ഞ്ഞ നാ​ൽ​പ്പ​ത് വ​ർ​ഷ​മാ​യി ചെ​യ്തു​വ​രു​ന്ന പ്ര​വ​ർ​ത്ത​ന​ങ്ങ​ളെ​ക്കു​റി​ച്ചും അ​ദ്ദേ​ഹം എ​ടു​ത്തു​പ​റ​യു​ക​യു​ണ്ടാ​യി.

തു​ട​ർ​ന്ന് ഡിസിഎഫിന്‍റെ ​ചെ​യ​ർ​മാ​നാ​യി ഈ ​വ​ർ​ഷം ചു​മ​ത​ല​യേ​റ്റ പാ​സ്റ്റ​ർ തോ​മ​സ് മു​ല്ല​യ്ക്ക​ൽ ഉ​ദ്ഘാ​ട​ന പ്ര​സം​ഗം ന​ട​ത്തു​ക​യു​ണ്ടാ​യി. ക​ഴി​ഞ്ഞ ര​ണ്ടു മാ​സ​ത്തി​നു​ള്ളി​ൽ സം​ഘ​ട​നാ​പ​ര​മാ​യി ചെ​യ്ത പ്ര​വ​ർ​ത്ത​ന​ങ്ങ​ളെ​ക്കു​റി​ച്ച് താ​ൻ വി​വ​രി​ക്കു​ക​യു​ണ്ടാ​യി.

ആ​ദ്യ​മാ​യി ഡിസിഎഫ് ടെ​ക്സ​സി​ൽ ര​ജി​സ്റ്റ​ർ ചെ​യ്ത​തും ക്ര​മീ​കൃ​ത​മാ​യ പ്ര​വ​ർ​ത്ത​ന​ങ്ങ​ൾ​ക്കാ​യി 11 അം​ഗ ക​മ്മി​റ്റി​യെ തെ​ര​ഞ്ഞെ​ടു​ത്ത​തും ഈ ​വ​ർ​ഷ​ത്തെ വി​വി​ധ പ്ര​വ​ർ​ത്ത​ന​ങ്ങ​ളെ പ​രി​ച​യ​പ്പെ​ടു​ത്തി​യ​തും വ​ലി​യ ആ​വേ​ശ​ത്തോ​ടെ​യാ​ണ് തി​ങ്ങി​നി​റ​ഞ്ഞ സ​ദ​സ് ഏ​റ്റെ​ടു​ത്ത​ത്.