5

രാജ്യത്തെ കോ​ർപ​റേ​റ്റ് ജീ​വ​ന​ക്കാ​രുടെ ആരോഗ്യനിലയുമായി ബന്ധപ്പെട്ടു പുറത്തുവന്ന റിപ്പോർട്ട് വലിയ ആശങ്കയ്ക്കു വഴിതുറന്നിരിക്കുകയാണ്. പ്ര​മു​ഖ ഇ​ൻ​ഷു​റ​ൻ​സ് കമ്പനികൾ പുറത്തുവിട്ട റിപ്പോർട്ടിൽ ഉ​യ​ർ​ന്ന ര​ക്ത​സ​മ്മ​ർദ​വും പ്ര​മേ​ഹ​സാ​ധ്യ​ത​യും വി​റ്റാ​മി​ൻ കു​റ​വും മാ​ന​സി​ക സ​മ്മ​ർദ​വും വ​ർ​ധിക്കുന്നതായി വ്യക്തമാക്കുന്നു. സാ​ധാ​ര​ണ​യാ​യി പ്രാ​യ​മാ​യ​വ​രി​ൽ ക​ണ്ടു​വ​രാ​റു​ള്ള ആ​രോ​ഗ്യപ്ര​ശ്ന​ങ്ങ​ളും രോ​ഗ​സാ​ധ്യ​ത​ക​ളും ഇ​പ്പോ​ൾ മു​പ്പ​തു​ക​ളി​ലെ ചെ​റു​പ്പ​ക്കാ​രി​ലും വ്യാ​പ​ക​മാ​യി ക​ണ്ടു​വ​രു​ന്നു​ണ്ടെ​ന്നു റിപ്പോർട്ടിൽ ചൂണ്ടിക്കാണിക്കുന്നു.

ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ്, 30-40 ​നും ഇ​ട​യി​ൽ പ്രാ​യ​മു​ള്ള ജീ​വ​ന​ക്കാ​രി​ൽ മൂ​ന്നി​ൽ ഒ​രാ​ൾ​ക്ക് എന്ന ഉ​യ​ർ​ന്ന നി​ല​യി​ലാ​ണ്. ഇ​ന്ത്യ​യി​ലെ പ്ര​ധാ​ന മെ​ട്രോ ന​ഗ​ര​ങ്ങ​ളി​ൽ, ഉ​യ​ർ​ന്ന ര​ക്ത​സ​മ്മ​ർദ​വും ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വും കൂ​ടു​ത​ൽ രേ​ഖ​പ്പെ​ടു​ത്തി​യി​രി​ക്കു​ന്ന​ത് മും​ബൈ​യി​ലാ​ണ് (46.8 ശതമാനം). തൊ​ട്ടു​പി​ന്നി​ൽ പു​നെ (43.2 ശതമാനം) നി​ല​കൊ​ള്ളു​ന്നു. ബം​ഗ​ളൂ​രു​വി​ലാ​ണ് അ​ഞ്ച് പ്ര​ധാ​ന ന​ഗ​ര​ങ്ങ​ളെ അ​പേ​ക്ഷി​ച്ച് ഈ ​നി​ര​ക്ക് ഏ​റ്റ​വും കു​റ​വ് (30.7 ശതമാനം).

ഡ​യ​ബ​റ്റി​ക് പ​രി​ധി​യി​ലു​ള്ള നി​ര​ക്ക് പു​രു​ഷ​ന്മാ​രി​ൽ 10.3 ശ​ത​മാ​ന​വും സ്ത്രീ​ക​ളി​ൽ 4.3 ശ​ത​മാ​ന​വു​മാ​ണ്. എ​ന്നാ​ൽ ര​ക്ത​ക്കു​റ​വ് (അ​നീ​മി​യ) സ്ത്രീ​ക​ളി​ലാ​ണ് കൂ​ടു​ത​ൽ. ഇ​രു​പ​തു​ക​ളി​ലുള്ള​വ​രി​ൽ 30.6 ശതമാനം സ്ത്രീ​ക​ളി​ലും ഹീ​മോ​ഗ്ലോ​ബി​ൻ നി​ര​ക്ക് കു​റ​വാ​ണെ​ന്ന് ക​ണ്ടെ​ത്തി (പു​രു​ഷ​ന്മാ​രി​ൽ ഇ​ത് 4.0 ശതമാനം മാ​ത്ര​മാ​ണ്).

വി​റ്റാ​മി​ൻ ഡി, ​വി​റ്റാ​മി​ൻ ബി12 ​എ​ന്നി​വ​യു​ടെ കു​റ​വും ചെ​റു​പ്പ​ക്കാ​രി​ൽ വ്യാ​പ​ക​മാ​ണ്. കൂ​ടാ​തെ, ഉ​യ​ർ​ന്ന മാ​ന​സി​ക സ​മ്മ​ർദവും കൃ​ത്യ​മാ​യ ചി​കി​ത്സ​യോ മു​ൻ​ക​രു​ത​ലു​ക​ളോ തേ​ടു​ന്ന​തി​ൽ ജീ​വ​ന​ക്കാ​ർ വ​രു​ത്തു​ന്ന വീ​ഴ്ച​യും റി​പ്പോ​ർ​ട്ടിൽ ഗൗരവകരമായി ചൂ​ണ്ടി​ക്കാ​ണി​ക്കു​ന്നു.

രോ​ഗ​ങ്ങ​ൾ നേ​ര​ത്തെ ക​ണ്ടു​പി​ടി​ക്കു​ക​യും ചെ​റു​പ്പ​ക്കാ​രു​ടെ ജീ​വി​ത​രീ​തി​ക്കും പ്രാ​യ​ത്തി​നും അ​നു​യോ​ജ്യ​മാ​യ ചി​കി​ത്സ​യും വ്യാ​യാ​മ​ക്ര​മ​ങ്ങ​ളും കൃ​ത്യ​സ​മ​യ​ത്ത് ന​ൽ​കു​ക​യും ചെ​യ്യേ​ണ്ട​ത് അ​ത്യ​ന്താ​പേ​ക്ഷി​ത​മാ​ണെ​ന്നു വി​ദ​ഗ്ധ​ർ അ​ഭി​പ്രാ​യ​പ്പെ​ടു​ന്നു. 2026-ലെ 11,427 ഹെ​ൽ​ത്ത് റി​പ്പോ​ർ​ട്ടു​ക​ൾ, 9,097 സ​ർ​വേ പ്ര​തി​ക​ര​ണ​ങ്ങ​ൾ, എ​ട്ട് ല​ക്ഷ​ത്തി​ല​ധി​കം (8,16,003) മറ്റു പരിശോധനകൾ എ​ന്നി​വ വി​ശ​ക​ല​നം ചെ​യ്താണ് ​റി​പ്പോ​ർ​ട്ട് ത​യാ​റാ​ക്കി​യ​ത്.