ഇന്ത്യൻ സിനിമയുടെ നൂറ്റാണ്ടോളം നീളുന്ന യാത്രയെ ഒറ്റയിടത്ത് അറിയാനും അനുഭവിക്കാനും സാധിക്കുന്ന അപൂർവ കേന്ദ്രമാണ് മുംബൈയിലെ ദേശീയ സിനിമ മ്യൂസിയം.
സിനിമ ഒരു വിനോദമെന്നതിലുപരി സാമൂഹിക-സാംസ്കാരിക രേഖയാണെന്ന് ബോധ്യപ്പെടുത്തുന്ന ഒരു മ്യൂസിയം രാജ്യത്തെ വിവിധ ഭാഷകളിലെ സിനിമകളെ ഒരുപോലെ ആദരിക്കുന്നതാണ് ഇവിടുത്തെ പ്രത്യേകത.
നാലു നിലകളിലായി സിനിമയുടെ വിവിധ തലങ്ങൾ ഒരുക്കിയിരിക്കുന്ന ഗാലറികൾ സിനിമയുടെ സമഗ്ര നിർമാണപ്രക്രിയ സമഗ്രമായി ആലേഖനം ചെയ്യുന്നതാണ്.
പ്രൊഡക്ഷൻ – കഥ തെരഞ്ഞെടുക്കൽ തിരക്കഥ, ബജറ്റ്, സെറ്റ് ഡിസൈൻ
ഡയറക്ഷൻ – സംവിധായകന്റെ കാഴ്ചപ്പാട്, ഷോട്ട് വിഭജനം അഭിനേതാക്കളുമായുള്ള പ്രവർത്തനം. മേക്കിംഗ് – കാമറ, ലൈറ്റിംഗ്, ശബ്ദം, ആർട്ട്
പോസ്റ്റ് പ്രൊഡക്ഷൻ – എഡിറ്റിംഗ്, ഡബ്ബിംഗ്, പശ്ചാത്തല സംഗീതം, വിഎഫ്എക്സ് എന്നിങ്ങനെ സിനിമ ഒരു കൂട്ടായ പരിശ്രമത്തിന്റെ ഫലമാണെന്ന് ഈ നിലകൾ സന്ദർശകർക്കു വ്യക്തമായി മനസിലാക്കിത്തരുന്നുണ്ട്.