കോട്ടയം: ജില്ലാതല ഏകജാലക ക്ലിയറന്സ് ബോര്ഡിന്റെ ജില്ലാതല പരാതി പരിഹാര കമ്മിറ്റി സംയുക്ത യോഗത്തില് ലൈസന്സുമായി ബന്ധപ്പെട്ട 26 അപേക്ഷകള് തീര്പ്പാക്കി. വ്യവസായ സംരംഭകരുടെ 35 അപേക്ഷകളാണ് കമ്മിറ്റിക്ക് ലഭിച്ചത്. ബാക്കി അപേക്ഷകള് ന്യൂനതകള് പരിഹരിച്ചു നല്കാന് സംരംഭകര്ക്കും സമയബന്ധിതമായി തുടര്നടപടി സ്വീകരിക്കാന് വകുപ്പുകള്ക്കും നിര്ദേശം നല്കി.
ജില്ലാ കളക്ടര് ചേതന്കുമാര് മീണ അധ്യക്ഷത വഹിച്ചു. വ്യവസായകേന്ദ്രം ജനറല് മാനേജര്, തദ്ദേശ സ്വയംഭരണം, നഗരാസൂത്രണം, ഫാക്ടറീസ് ആന്ഡ് ബോയിലേഴ്സ്, മൈനിംഗ് ആന്ഡ് ജിയോളജി, റവന്യു, കൃഷി എന്നീ വകുപ്പുകളുടെയും കെഎസ്ഇബിയുടെയും മലിനീകരണ നിയന്ത്രണ ബോര്ഡിന്റെയും ജില്ലാമേധാവികള് എന്നിവര് പങ്കെടുത്തു.
വ്യവസായ സംരംഭങ്ങള്ക്ക് സമയബന്ധിതമായി ലൈസന്സ് ലഭിക്കുന്നതിന് ജില്ലാ കളക്ടര് ചെയര്മാനായും ജില്ലാ വ്യവസായ കേന്ദ്രം ജനറല് മാനേജര് കണ്വീനറായും പ്രവര്ത്തിക്കുന്ന സര്ക്കാര് സംവിധാനമാണ് ഏകജാലക ക്ലിയറന്സ് ബോര്ഡ്. ലൈസന്സ് അപേക്ഷകളുമായി ബന്ധപ്പെട്ട് വ്യവസായ സംരംഭകരുടെ പരാതി പരിഹരിക്കുന്നതിനുള്ളതാണ് ജില്ലാതല പരാതി പരിഹാര കമ്മിറ്റി. അപേക്ഷ സമര്പ്പിക്കുന്നതിന് ജില്ലാ വ്യവസായ കേന്ദ്രവുമായും താലൂക്ക് വ്യവസായ ഓഫീസുകളുമായുമാണ് ബന്ധപ്പെടേണ്ടത്.
Deepika
E-paper LOGIN
LOGIN
