ന്യൂഡൽഹി: നീറ്റ് പരീക്ഷാ ക്രമക്കേടുകളുമായി ബന്ധപ്പെട്ട് കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാനെതിരേ രാജ്യത്തു പ്രതിഷേധം ശക്തമാകുന്നതിനിടെ അദ്ദേഹത്തിന്റെ മകൾ നൈമിഷ പ്രധാൻ ഇൻസ്റ്റഗ്രാം അക്കൗണ്ട് ഉപേക്ഷിച്ചു.
അച്ഛൻ രാജ്യത്തെ വിദ്യാഭ്യാസമന്ത്രിയായിരിക്കെ മകൾ വിദേശത്തു പഠിക്കാൻ പോയതിനെച്ചൊല്ലി സമൂഹമാധ്യമങ്ങളിൽ വലിയരീതിയിൽ സൈബർ ആക്രമണം നേരിട്ടതിനെത്തുടർന്നാണ് നടപടി.
അമേരിക്കയിലെ ടഫ്റ്റ്സ് യൂണിവേഴ്സിറ്റിയിൽനിന്നാണ് നൈമിഷ നിയമത്തിൽ ബിരുദാനന്തര ബിരുദം പൂർത്തിയാക്കിയത്. ഇന്ത്യയിലെ ഉന്നതവിദ്യാഭ്യാസ സംവിധാനത്തിൽ വിശ്വാസമില്ലാത്തതുകൊണ്ടാണോ മന്ത്രിയുടെ മകൾ വിദേശത്തു പഠിച്ചതെന്ന ചോദ്യങ്ങളുമായാണ് ഒരുവിഭാഗം ആളുകൾ രംഗത്തെത്തിയത്.
E-paper LOGIN
LOGIN
