18

ശ്രീനഗർ: ജമ്മു കാഷ്മീരിലെ കുപ്വാര ജില്ലയിൽ നിയന്ത്രണരേഖയ്ക്ക് സമീപം ഭീകരരുടെ നുഴഞ്ഞുകയറ്റ ശ്രമം ഇന്ത്യൻ സൈന്യം പരാജയപ്പെടുത്തി. കെറാൻ സെക്ടറിലെ ജുംഗുണ്ട് വനമേഖലയിലാണ് ഏറ്റുമുട്ടലുണ്ടായത്.

ശനിയാഴ്ച പുലർച്ചെയായിരുന്നു സംഭവം. നിയന്ത്രണരേഖയിലൂടെ സംശയാസ്പദമായ രീതിയിൽ കുറച്ചുപേർ അതിർത്തി കടക്കാൻ ശ്രമിക്കുന്നത് സൈനികരുടെ ശ്രദ്ധയിൽപ്പെട്ടു. തുടർന്ന് സൈന്യം ഭീകരർക്ക് നേരെ വെടിയുതിർക്കുകയായിരുന്നു.

പ്രദേശത്ത് നുഴഞ്ഞുകയറ്റക്കാർ ഒളിച്ചിരിപ്പുണ്ടോയെന്ന് കണ്ടെത്താൻ സൈന്യവും സുരക്ഷാ സേനയും ചേർന്ന് വ്യാപകമായ തെരച്ചിൽ നടത്തിവരികയാണ്.