4

ഫു​ജൈ​റ: ഈ​ദ് അ​ൽ ഇ​ത്തി​ഹാ​ദ് ആ​ഘോ​ഷ​ങ്ങ​ളു​ടെ ഭാ​ഗ​മാ​യി കൈ​ര​ളി ക​ൾ​ച്ച​റ​ൽ അ​സോ​സിയേ​ഷ​ൻ ഫു​ജൈ​റ യൂ​ണി​റ്റ് സം​ഘ​ടി​പ്പി​ക്കു​ന്ന "കൈ​ര​ളി കേ​ര​ളോ​ത്സ​വം' ശ​നി​യാ​ഴ്ച വൈ​കുന്നേരം അഞ്ച് മു​ത​ൽ ഫു​ജൈ​റ എ​ക്സ്പോ സെന്‍റർ ഗ്രൗ​ണ്ടി​ൽ ന​ട​ക്കും.

ഷെ​യ്ഖ് സ​ഈ​ദ്‌ സു​റൂ​ർ സൈ​ഫ് അ​ൽ ഷ​ർ​ഖി, മ​ല​യാ​ളം മി​ഷ​ൻ ഡ​യ​റ​ക്‌ട​റും ക​വി​യു​മാ​യ മു​രു​ക​ൻ കാ​ട്ടാ​ക്ക​ട എ​ന്നി​വ​ർ വി​ശി​ഷ്‌ടാ​തി​ഥി​ക​ളാ​യി പ​ങ്കെ​ടു​ക്കും. കേ​ര​ള​ത്തി​ന്‍റെ സാം​സ്കാ​രി​ക​പ്പെ​രു​മ വി​ളി​ച്ചോ​തു​ന്ന ക​ലാ​പ​രി​പാ​ടി​ക​ൾ, തി​രു​വാ​തി​ര, ഒ​പ്പ​ന, അ​റ​ബി​ക് ഡാ​ൻ​സ്, ശാ​സ്ത്രീ​യ നൃ​ത്ത​ങ്ങ​ൾ, നാ​ടോ​ടി നൃ​ത്തം, സി​നി​മാ​റ്റി​ക് ഡാ​ൻ​സ്, നാ​ട​ൻ​പാ​ട്ട്, ശി​ങ്കാ​രി​മേ​ളം, കോ​ൽ​ക്ക​ളി, ക​ള​രി​പ്പ​യ​റ്റ്, വൈ​ഷ്ണ​വ് ഗി​രീ​ഷും ശ്രേ​യ​യും ന​യി​ക്കു​ന്ന ഗാ​ന​മേ​ള, സാം​സ്കാ​രി​ക സ​മ്മേ​ള​നം എ​ന്നി​വ വി​വി​ധ വേ​ദി​ക​ളി​ലാ​യി അ​ര​ങ്ങേ​റും.

തെ​യ്യം, കാ​വ​ടി​യാ​ട്ടം, പു​ലി​ക​ളി തു​ട​ങ്ങി ഒ​ട്ടേ​റെ കേ​ര​ളീ​യ ക​ലാ​രൂ​പ​ങ്ങ​ളും വാ​ദ്യ​മേ​ള​ങ്ങ​ളും അ​ണി​നി​ര​ക്കു​ന്ന വ​ർ​ണശ​ബ​ള​മാ​യ ഘോ​ഷ​യാ​ത്ര കേ​ര​ളോ​ത്സ​വ​ത്തി​ന് പൂ​ര​പ്പൊ​ലി​മ​യേ​കും. ഉ​ത്സ​വ ന​ഗ​രി​യി​ലേ​ക്ക് ക​ട​ന്നുവ​രു​ന്ന പ്ര​വാ​സി ക​ലാ​പ്ര​തി​ഭ​ക​ൾ​ക്ക് ക​ലാ​പ​രി​പാ​ടി​ക​ൾ അ​വ​ത​രി​പ്പി​ക്കു​വാ​നു​ള്ള പ്ര​ത്യേ​ക വേ​ദി​ക​ളും കേ​ര​ളോ​ത്സ​വ​ത്തിന്‍റെ പ്ര​ത്യേ​ക​ത​യാ​ണ്.

രു​ചി​ഭേ​ദ​ങ്ങ​ളു​ടെ ക​ല​വ​റ തീ​ർ​ക്കു​ന്ന ഭ​ക്ഷ​ണ​ശാ​ല​ക​ൾ, പു​സ്ത​ക സ്റ്റാ​ളു​ക​ൾ തു​ട​ങ്ങി വ്യ​ത്യ​സ്ത​ങ്ങ​ളാ​യ സ്റ്റാ​ളു​ക​ൾ കേ​ര​ളോ​ത്സ​വ​ത്തി​ന് സ​ജ്ജ​മാ​കും.​ മ​ല​യാ​ളം മി​ഷന്‍റെ​യും നോ​ർ​ക്ക​യു​ടെ​യും പ്ര​ത്യേ​ക പ​വ​ലി​യ​നു​ക​ളും ഉ​ത്സ​വന​ഗ​റി​ൽ പ്ര​വ​ർ​ത്തി​ക്കു​ന്ന​താ​യി​രി​ക്കും.​

എ​ല്ലാ ഒ​രു​ക്ക​ങ്ങ​ളും പൂ​ർ​ത്തി​ക​രി​ച്ച് വ​രു​ന്ന​താ​യി സം​ഘാ​ട​ക സ​മി​തി ജ​ന​റ​ൽ ക​ൺ​വീ​ന​ർ ഹ​രി​ഹ​ര​ൻ, ചെ​യ​ർ​മാ​ൻ അ​ബ്ദു​ൾ ഹ​ഖ്, മീ​ഡി​യ ക​ൺ​വീ​ന​ർ ജോ​യ് മോ​ൻ, കൈ​ര​ളി ഫു​ജൈ​റ യൂ​ണി​റ്റ്, ട്ര​ഷ​റ​ർ റ്റി​റ്റോ തോ​മ​സ്, സെ​ൻ​ട്ര​ൽ ക​മ്മിറ്റി പ്ര​സി​ഡ​ന്‍റ് വി​ത്സ​ൺ പ​ട്ടാ​ഴി, സെ​ൻ​ട്ര​ൽ ക​മ്മി​റ്റി ആ​ക്ടിം​ഗ് സെ​ക്ര​ട്ട​റി സു​ധീ​ർ തെ​ക്കേ​ക്ക​ര, സ​ന്തോ​ഷ് ഓ​മ​ല്ലൂ​ർ, ലോ​ക കേ​ര​ള സ​ഭാം​ഗം ലെ​നി​ൻ​ ജി.​ കു​ഴി​വേ​ലി എ​ന്നി​വ​ർ അ​റി​യി​ച്ചു.