9

ഒ​രി​ക്ക​ൽ, ദ​ക്ഷി​ണാ​ഫ്രി​ക്ക​യി​ലെ ജ​ഡ്ജി​മാ​രു​ടെ ചേം​ബ​റു​ക​ളി​ൽ പ്രവേശിക്കുന്നതിൽ അ​വ​ർ​ക്കു വി​ല​ക്കേ​ർ​പ്പെ​ടു​ത്തി. കാ​ര​ണം, അ​വ​രു​ടെ തൊ​ലി​യു​ടെ നി​റം ക​റു​പ്പാ​യി​രു​ന്നു. അ​വ​ഹേ​ള​ന​ങ്ങ​ൾ അ​വ​ളെ ത​ള​ർ​ത്തി​യി​ല്ല. വ​ർ​ഷ​ങ്ങ​ൾ​ക്കു​ശേ​ഷം അ​വ​ർ ദ​ക്ഷി​ണാ​ഫ്രി​ക്ക ഹൈ​കോ​ർ​ട്ടി​ലെ വെ​ളു​ത്ത വ​ർ​ഗ​ക്കാ​രി​യ​ല്ലാ​ത്ത ആ​ദ്യ വ​നി​താ ജ​ഡ്ജി​യാ​യി മാ​റി. പോ​രാ​ട്ട​ങ്ങ​ളു​ടെ​യും സ​മ​ര​ങ്ങ​ളു​ടെ​യും ത്യാ​ഗോ​ജ്വ​ല​മാ​യ ജീ​വി​ത​മാ​ണ് അ​വ​രു​ടേ​ത്. ഐ​ക്യ​രാ​ഷ്‌​ട്ര​സ​ഭ​യു​ടെ മ​നു​ഷ്യാ​വ​കാ​ശ ഹൈ​ക്ക​​മ്മി​ഷ​ണ​ർ സ്ഥാ​നം വ​രെ അ​വ​ർ അ​ല​ങ്ക​രി​ച്ചു. ഇ​പ്പോ​ൾ 85-ാം വ​യ​സി​ൽ സ​മാ​ധാ​ന​ത്തി​നു​ള്ള പ​ര​മോ​ന്ന​ത പു​ര​സ്കാ​രം അ​വ​രെ തേ​ടി​യെ​ത്തി. അ​വ​രു​ടെ പേ​ര്, ന​വ​നീ​തം ന​വി പി​ള്ള. ഇ​ന്ത്യ​ൻ ത​മി​ഴ് വം​ശ​ജ.

ദക്ഷിണാഫ്രിക്കയി​ലെ ​വർ​ണ​വി​വേ​ച​ന വി​രു​ദ്ധ പ്ര​വ​ർ​ത്ത​ക​രെ സം​ര​ക്ഷി​ക്കു​ന്ന​തി​നും, റു​വാ​ണ്ട​യി​ലെ വം​ശ​ഹ​ത്യ​ക്കു കാരണക്കാരായവർക്കെതിരേ നി​യ​മ​ന​ട​പ​ടി സ്വീ​ക​രി​ക്കു​ന്ന​തി​നും ന​ട​ത്തി​യ നിയമപോരാട്ടങ്ങളിലൂടെയാണ് മു​ൻ യു​എ​ൻ മ​നു​ഷ്യാ​വ​കാ​ശ മേ​ധാ​വി ലോകമെന്പാടും പ്രസിദ്ധിയാർജിച്ചത്. ഡ​ർ​ബ​നി​ലെ ബ​സ് ഡ്രൈ​വ​റു​ടെ മ​ക​ളാ​യ നവി പിള്ള തന്‍റെ യാത്ര തുടങ്ങുന്നത് ദക്ഷിണാഫ്രിക്കയിലെ വർണവിവേചനനിലങ്ങളിൽനിന്നാണ്.

ത​മി​ഴ് പാ​ര​മ്പ​ര്യ​മു​ള്ള ഇ​ന്ത്യ​ൻ വം​ശ​ജ​രാ​യ മാ​താ​പി​താ​ക്ക​ളു​ടെ മ​ക​ളാ​യാ​ണ് ന​വി​യു​ടെ ജ​ന​നം. ഏ​റ്റ​വും സാ​ധാ​ര​ണ പ​ശ്ചാ​ത്ത​ല​ത്തി​ൽ നി​ന്നു​ള്ള​വ​രാ​യി​രു​ന്നു അ​വ​രു​ടെ മാ​താ​പി​താ​ക്ക​ളാ​യ ശ​ന്ത​മ്മ​യും നാ​രേൻ​സാ​മി നാ​യി​ഡു​വും. എ​ട്ട് മ​ക്ക​ള​ട​ങ്ങു​ന്ന വ​ലി​യ കു​ടും​ബ​മാ​യി​രു​ന്നു ന​വി​യു​ടേ​ത്. ദ​ക്ഷി​ണാ​ഫ്രി​ക്ക​യി​ലെ വ​ർ​ണ​വി​വേ​ച​ന കാ​ല​ഘ​ട്ട​ത്തി​ൽ ക​റു​ത്ത​വ​ർ​ഗ​ക്കാ​ർ നേ​രി​ട്ട ക​ടു​ത്ത വെ​ല്ലു​വി​ളി​ക​ൾ​ക്കി​ട​യി​ലും ന​വി ത​ന്‍റെ വി​ദ്യാ​ഭ്യാ​സം പൂ​ർ​ത്തി​യാ​ക്കി. 1963-ൽ നറ്റാൽ സ​ർ​വ​ക​ലാ​ശാ​ല​യി​ൽനി​ന്ന് ബി​രു​ദ​വും ര​ണ്ടു വ​ർ​ഷ​ത്തി​നുശേ​ഷം നി​യ​മ​ബി​രു​ദ​വും നേ​ടി. തു​ട​ർ​ന്ന്, ഹാ​ർ​വാ​ർ​ഡ് സ​ർവ​ക​ലാ​ശാ​ല​യി​ൽനിന്ന് ഡോ​ക്‌ട​റേ​റ്റും ക​ര​സ്ഥ​മാ​ക്കി.

1965-ൽ ​ഇ​ന്ത്യ​ൻ വം​ശ​ജ​ൻ ത​ന്നെ​യാ​യ ഗാ​ബി പി​ള്ള എ​ന്ന അ​ഭി​ഭാ​ഷ​ക​നെ അ​വ​ർ വി​വാ​ഹം ക​ഴി​ച്ചു. ഇവർക്ക് ഈ​ശ്വ​രി, കാ​മി​നി എ​ന്നി​ങ്ങ​നെ ര​ണ്ടു മ​ക്ക​ളു​ണ്ട്. പാ​ർ​ക്കി​ലെ ഊ​ഞ്ഞാ​ലു​ക​ൾ വെ​ളു​ത്ത​വ​ർഗ​ക്കാ​ർ​ക്കു മാ​ത്രമുള്ളതാണെന്നറിഞ്ഞിട്ടും, തന്‍റെ പെ​ൺ​മ​ക്ക​ളെ അ​വി​ടെ കൊ​ണ്ടു​പോ​കു​മാ​യി​രു​ന്നു എ​ന്ന് ന​വി പി​ള്ളെ ഒ​രി​ക്ക​ൽ ദ​ക്ഷി​ണാ​ഫ്രി​ക്ക​ൻ മാ​ധ്യ​മ​ത്തോ​ടു വെ​ളി​പ്പെ​ടു​ത്തി​യി​ട്ടു​ണ്ട്.

1967-ൽ ​ന​റ്റാ​ലി​ൽ സ്വ​ന്ത​മാ​യി ഒ​രു ലോ ​ഫേം ആ​രം​ഭി​ക്കു​ന്ന ആ​ദ്യ​ത്തെ ക​റു​ത്ത​വ​ർ​ഗ​ക്കാ​രി​യാ​യ വ​നി​ത​യാ​യി അ​വ​ർ മാ​റി. ഈ ​ചെ​റി​യ ഓ​ഫീ​സി​ലിരുന്നു വ​ർ​ഷ​ങ്ങ​ളോ​ളം വ​ർ​ണ​വി​വേ​ച​ന​ത്തി​നെ​തിരേ പോ​രാ​ടി​യ പ്ര​ക്ഷോ​ഭ​ക​ർ​ക്കും രാ​ഷ്‌ട്രീയ ത​ട​വു​കാ​ർ​ക്കും വേ​ണ്ടി അ​വ​ർ നി​യ​മ​പോ​രാ​ട്ടം ന​ട​ത്തി. ദ​ക്ഷി​ണാ​ഫ്രി​ക്ക​യി​ലെ സ്ത്രീ​ക​ളു​ടെ അ​വ​കാ​ശ​ങ്ങ​ൾ​ക്കു വേ​ണ്ടി​യു​ള്ള നവി പിള്ളയുടെ പ്ര​വ​ർ​ത്ത​ന​ങ്ങ​ളും സ​മാ​ന​ത​ക​ളി​ല്ലാ​ത്ത​താ​യി​രു​ന്നു. 1992-ൽ ​പ്ര​മു​ഖ മ​നു​ഷ്യാ​വ​കാ​ശ പ്ര​വ​ർ​ത്ത​ക​യാ​യ ജെ​സീ​ക്ക ന്യൂ​വി​ർ​ത്തു​മാ​യി ചേ​ർ​ന്ന് 'ഇ​ക്വാ​ളി​റ്റി നൗ' ​എ​ന്ന വ​നി​താസം​ഘ​ട​ന​ രൂപീകരിച്ചു.

'പെ​ൺസുന്നത്ത്', നി​ർ​ബ​ന്ധി​ത ബാ​ല​വി​വാ​ഹം തു​ട​ങ്ങി​യ അ​നാ​ചാ​ര​ങ്ങ​ൾ അ​വ​സാ​നി​പ്പി​ക്കു​ന്ന​തി​നാ​യി ​സം​ഘ​ട​ന സജീവമായി പ്ര​വ​ർ​ത്തി​ച്ചു. വ​ർണ​വി​വേ​ച​ന ഭ​ര​ണം അ​വ​സാ​നി​ച്ച​തി​നുശേ​ഷം, 1995-ൽ ​ദ​ക്ഷി​ണാ​ഫ്രി​ക്ക​യി​ലെ ഹൈ​ക്കോ​ട​തി ജ​ഡ്ജി​യാ​യി അ​വ​ർ നി​യ​മി​ത​യാ​യി.

1995-ൽ ​നവി പിള്ളയുടെ ഔ​ദ്യോ​ഗി​ക ജീ​വി​തം അന്താരാഷ്‌ട്രത​ല​ത്തി​ലേ​ക്കു വി​ക​സി​ച്ചു. റു​വാ​ണ്ട​യ്ക്കാ​യു​ള്ള അ​ന്താ​രാ​ഷ്‌ട്ര ക്രി​മി​ന​ൽ ട്രൈ​ബ്യൂ​ണ​ലി​ലെ ജ​ഡ്ജി​യാ​യി അ​വ​ർ തി​ര​ഞ്ഞെ​ടു​ക്ക​പ്പെ​ട്ടു. 1994-ൽ ​റു​വാ​ണ്ട​യി​ലു​ണ്ടാ​യ വം​ശ​ഹ​ത്യ​ക്ക് ഉ​ത്ത​ര​വാ​ദി​ക​ളാ​യ​വ​രെ വി​ചാ​ര​ണ ചെ​യ്യു​ന്ന​തി​നാ​യാ​ണ് ഈ ​ട്രൈ​ബ്യൂ​ണ​ൽ രൂ​പീ​ക​രി​ച്ച​ത്. റു​വാ​ണ്ട​ൻ പ്ര​സി​ഡ​ന്‍റാ​യി​രു​ന്ന ജു​വ​ന​ൽ ഹ​ബ്യാ​രി​മാ​ന കൊ​ല്ല​പ്പെ​ട്ട​തി​നെ​ത്തു​ട​ർ​ന്ന് ആ​രം​ഭി​ച്ച അ​ക്ര​മ​ങ്ങ​ളി​ൽ, തീ​വ്ര​വാ​ദികൾ ല​ക്ഷ​ക്ക​ണ​ക്കി​ന് ടു​ട്സി വം​ശ​ജ​രെ വ​ധി​ക്കു​ക​യും ആ​യി​ര​ക്ക​ണ​ക്കി​നു സ്ത്രീ​ക​ളെ പീ​ഡ​ന​ത്തി​നി​ര​യാ​ക്കു​ക​യും ചെ​യ്തി​രു​ന്നു. ഈ ​ട്രൈ​ബ്യൂ​ണ​ലി​ൽ എ​ട്ട് വ​ർ​ഷ​ത്തോ​ളം സേ​വ​ന​മ​നു​ഷ്ഠി​ച്ച ന​വി പി​ള്ളെ, 1999 മു​ത​ൽ 2003 വ​രെ അ​തിന്‍റെ പ്ര​സി​ഡന്‍റാ​യും പ്ര​വ​ർ​ത്തി​ച്ചു. പി​ന്നീ​ട് അ​ന്താ​രാ​ഷ്‌ട്ര ക്രി​മി​ന​ൽ കോ​ട​തി​യി​ലും അ​വ​ർ ജ​ഡ്ജി​യാ​യി സേ​വ​ന​മ​നു​ഷ്ഠി​ച്ചു.

2008-ൽ ​ഐ​ക്യ​രാ​ഷ്‌ട്രസ​ഭ​യു​ടെ മ​നു​ഷ്യാ​വ​കാ​ശ വി​ഭാ​ഗ​ത്തി​നു നേ​തൃ​ത്വം ന​ൽ​കു​ന്ന ആ​ദ്യ വ​നി​ത​യാ​യി നവി പിള്ള നിയമിതയായി. 2014 വ​രെ യുഎന്നിൽ പ്രവർത്തിച്ചു. സ​മാ​ധാ​ന​വും അ​ന്താ​രാ​ഷ്‌ട്ര നി​യ​മ​ങ്ങ​ളും പ്രോ​ത്സാ​ഹി​പ്പി​ക്കു​ന്ന​തി​നു ന​ൽ​കി​യ സ​മ​ഗ്രസം​ഭാ​വ​ന​ക​ൾ പ​രി​ഗ​ണി​ച്ചാണു നവി പിള്ളയെ തേടി നൊബേൽ സമ്മാനം എത്തുന്നത്.