തൃശൂർ: മത്സരിക്കാൻ പാർട്ടി പറഞ്ഞിട്ടില്ലെന്നും പറഞ്ഞാൽ മത്സരിക്കുമെന്നും ബിജെപി ദേശീയ നിർവാഹകസമിതിയംഗം പദ്മജ വേണുഗോപാൽ. ബിജെപിയുടെ തൃശൂർ മണ്ഡലത്തിലെ തെരഞ്ഞെടുപ്പു പ്രചാരണം അയ്യന്തോൾ അമർജവാൻ ജ്യോതിക്കു സമീപം ചുവരെഴുതി ഉദ്ഘാടനംചെയ്തശേഷം പ്രതികരിക്കുകയായിരുന്നു അവർ.
ബിജെപിയുടെ പ്രചാരണത്തിനു തുടക്കമിടാനാണ് എത്തിയത്. സ്ഥാനാർഥിയെന്ന നിലയിലല്ല. പരമാവധി എന്റെ പണി ഞാൻ ചെയ്തോളാം. എനിക്കിട്ടു പണിയാതിരുന്നാൽ മതി.
എനിക്കു തൃശൂരുകാരെ അറിയാം. അതിൽ അഞ്ചാറു പേരാണ് എനിക്കിട്ടു താങ്ങിയത്. ബാക്കിയുള്ളവരെല്ലാം എനിക്കൊപ്പമുണ്ട്. അതാണു തൃശൂരിലേക്കു തിരിച്ചുവന്നത്. പദ്മജ പറഞ്ഞു.