റോം: വേൾഡ് മലയാളി കൗൺസിൽ റോം പ്രൊവിൻസിന്റെ പുതുതായി തെരഞ്ഞെടുക്കപ്പെട്ട ഭാരവാഹികളെ അനുമോദിച്ചു. റോമിൽ കൂടിയ യോഗം പ്രസിഡന്റ് ജോബി ആണ്ടൂകുന്നേലിന്റെ അധ്യക്ഷതയിൽ ഗ്ലോബൽ പ്രസിഡന്റ് ബേബി മാത്യു സോമതീരം ഓൺലൈനായി ഉദ്ഘാടനം ചെയ്തു.
ഗ്ലോബൽ ചെയർമാൻ ഐസക് ജോൺ പട്ടാണിപറമ്പിൽ മുഖ്യ പ്രഭാഷണം നടത്തി അനുമോദിച്ചു. സെക്രട്ടറി ജനറൽ മൂസ കോയ, വൈസ് ചെയർമാൻ സി.യു. മത്തായി, വെസ് പ്രസിഡന്റുമാരായ ചാൾസ്, ആൻസി ജോയി എന്നിവർ സംഘടനയെ കുറിച്ചും ഭാവി പ്രവർത്തനങ്ങൾ തുടങ്ങി നിരവധി വിഷയങ്ങൾ അവതരിപ്പിച്ചു.
യൂറോപ്പ് റീജിയൺ ചെയർമാൻ ഡോ. സോജി അലക്സ്, പ്രസിഡന്റ് അജിത് പാലിയത്ത് എന്നിവർ യോഗത്തിന് ആശംസകൾ അർപ്പിച്ചു. വിമൺസ് ഫോറവും യൂത്ത് ഫോറവും സംഘടിപ്പിക്കുന്നതിനൊപ്പം കൂടുതൽ അംഗങ്ങളെ പ്രൊവിൻസിലേക് ചേർക്കുവാനും യോഗത്തിൽ തീരുമാനിച്ചു.
യോഗത്തിൽ ജെജി മാന്നാർ, ഷിജി ജോസഫ്, ഫിലിപ്പ് കുര്യാക്കോസ്, ലിബിൻ ചുങ്കത്ത്, ജോമോൻ പത്തിൽചിറ, മോബിൻ വർഗീസ്, ബെന്നി അരീക്കര, ജിനോ സി. ജോസഫ്, ബിനു പനച്ചവിള, രാജീവ് വേങ്ങാട്ട്, സനിൽ മണവാളൻ, ഡിവിൻ ഡേവി തുടങ്ങിയവർ പ്രസംഗിച്ചു.