കരിങ്കുന്നം : സെന്റ് അഗസ്റ്റിന്സ് എച്ച്എസ്എസ് വാര്ഷികം നടത്തി. മിയാവ് രൂപതാധ്യക്ഷനും സ്കൂള് പൂര്വവിദ്യാര്ഥിയുമായ മാര് ജോര്ജ് പള്ളിപ്പറമ്പില് ഉദ്ഘാടനം ചെയ്തു. വിദ്യാഭ്യാസ കാലഘട്ടത്തില് വിവിധ മേഖലകളില് പ്രശോഭിക്കാന് ലഭിക്കുന്ന അവസരങ്ങള് പരമാവധി പ്രയോജനപ്പെടുത്താന് വിദ്യാര്ഥികള് പരിശ്രമിക്കണമെന്ന് അദ്ദേഹം പറഞ്ഞു. സ്കൂള് മാനേജര് ഫാ. ജയിംസ് വടക്കേകണ്ടങ്കരിയില് അധ്യക്ഷത വഹിച്ചു. കോട്ടയം അതിരൂപത കോര്പറേറ്റ് എഡ്യൂക്കേഷന് സെക്രട്ടറി റവ. ഡോ. തോമസ് പുതിയകുന്നേല് മുഖ്യപ്രഭാഷണവും വിരമിക്കുന്ന അധ്യാപകരുടെ ഫോട്ടോ അനാച്ഛാദനവും നിര്വഹിച്ചു. സര്വീസില്നിന്നു വിരമിച്ച അധ്യാപകരെ മെമന്റോ നല്കി ചടങ്ങില് ആദരിച്ചു.
കലാ,കായിക മേഖലകളില് സംസ്ഥാന, ദേശീയ, അന്തര്ദേശീയ തലങ്ങളില് മികവു പുലര്ത്തിയ വിദ്യാര്ഥികളെയും ചടങ്ങില് ആദരിച്ചു. ഹെഡ്മിസ്ട്രസ് സിസ്റ്റര് നമിത ഡിജിറ്റല് റിപ്പോര്ട്ട് അവതരിപ്പിച്ചു. ജില്ലാ പഞ്ചായത്ത് പ്രസിഡന്റ് പ്രഫ. ഷീല സ്റ്റീഫന്, കരിങ്കുന്നം പഞ്ചായത്ത് പ്രസിഡന്റ് ഷൈനി ജോമോന്, പഞ്ചായത്തംഗം ജോബി ജോസ്, സിസ്റ്റര് റിന്സി, പിടിഎ പ്രസിഡന്റ് ജോസ് കളരിക്കല്, എംപിടിഎ പ്രസിഡന്റ് മേരി ജെന്സി, സീനിയര് അസിസ്റ്റന്റ് ഷീബ സ്റ്റീഫന്, ഹൈസ്കൂള് വിഭാഗം സീനിയര് അസിസ്റ്റന്റ് റമിത ഡാനി, സ്റ്റാഫ് സെക്രട്ടറി സാലസ് ചാക്കോ, സ്കൂള് ചെയര്പേഴ്സണ് എസ്തര് എലിസബത്ത് വിജയ് എന്നിവര് പ്രസംഗിച്ചു. തുടര്ന്നു കുട്ടികളുടെ വിവിധ കലാപരിപാടികളും നടന്നു.
Deepika
E-paper LOGIN
LOGIN
