ആപ്പിളും ഓപ്പൺഎഐയും തമ്മിലുള്ള രണ്ട് വർഷത്തെ പ്രത്യേക കരാർ പിൻവലിക്കാൻ ഒരുങ്ങുന്നതായി റിപ്പോർട്ട്. സിരിയിൽ ഇനി ഒന്നിലധികം ചാറ്റ്ബോട്ടുകൾ ഉപയോഗിക്കാൻ സാധിക്കുന്ന പുതിയ ഫീച്ചർ ഉൾപ്പെടുത്തുമെന്ന് ആപ്പിൾ.
ഐഒഎസ് 27ൽ അവതരിപ്പിക്കുന്ന പുതിയ എക്സ്റ്റൻഷൻ ഫീച്ചറിലൂടെ സിരിയെ ഒന്നിലധികം ചാറ്റ്ബോട്ടുകളുമായി ബന്ധിപ്പിക്കാൻ ആപ്പിൾ ഒരുങ്ങുന്നു. ഓപ്പൺ എഐ മാത്രം ലഭിയമായിരുന്ന സിരിയിൽ ഇനി മുതൽ ഗൂഗിൾ ജെമിനി, ആന്ത്രോപിക് ക്ലോഡ് തുടങ്ങിയവ ലഭ്യമാകും.
ഉപയോക്താക്കൾക്ക് ആപ്പ് സ്റ്റോറിൽ നിന്ന് തങ്ങൾക്കിഷ്ടപ്പെട്ട എഐ തെരഞ്ഞെടുക്കാനും സെറ്റിംഗ്സ് വഴി അത് നേരിട്ട് ക്രമീകരിക്കാനും സാധിക്കും. ഐഒഎസ് 27, ഐപാഡ് ഒഎസ് 27, മാക് ഒഎസ് 27 എന്നിവയിൽ ഈ ഫീച്ചർ ലഭ്യമാകും എന്നാണ് റിപ്പോർട്ട്.
ഉപയോക്താക്കൾക്ക് ഇഷ്ടമുള്ള ചാറ്റ്ബോട്ട് ആപ്പ് ഡൗൺലോഡ് ചെയ്ത ശേഷം ആപ്പിൾ ഇന്റലിജൻസ് ആൻഡ് സിരി സെക്ഷനിൽ പോയി അത് പ്രവർത്തനസജ്ജമാക്കാം.
എഐ സാങ്കേതികവിദ്യയിൽ പിന്നിലായിപ്പോയ ആപ്പിൾ, ഒരു പങ്കാളിയെ മാത്രം ആശ്രയിക്കുന്നതിന് പകരം എല്ലാവർക്കും അവസരം നൽകുന്ന രീതിയിലേക്കാണ് ഇപ്പോൾ മാറുന്നത്.
2026 ജനുവരിയിൽ ഗൂഗിളുമായി ആപ്പിൾ 100 കോടി ഡോളറിന്റെ കരാർ ഒപ്പുവച്ചതോടെ ജെമിനി മോഡലുകളെ ആപ്പിൾ ഉപകരണങ്ങളിൽ നേരിട്ട് ഉപയോഗിക്കാനുള്ള അധികാരം ആപ്പിൾ സ്വന്തമാക്കി.