കോട്ടയം: വിവിധ സാമൂഹ്യശുശ്രൂഷ മേഖലകളില് സുത്യര്ഹമായ സേവനം അനുഷഠിക്കുന്ന സന്യാസിനികളെ ആദരിക്കുന്നതിനായി കോട്ടയം സോഷ്യല് സര്വീസ് സൊസൈറ്റി ഫാ. ഏബ്രഹാം മുത്തോലത്ത് ഫൗണ്ടേഷനുമായി സഹകരിച്ചു ഏര്പ്പെടുത്തിയിരിക്കുന്ന സമരിറ്റന് സമര്പ്പിത സാമൂഹ്യ ശ്രേഷ്ഠ പുരസ്കാരങ്ങള് പ്രഖ്യാപിച്ചു.
സെന്റ് ജോസഫ് കോണ്ഗ്രിഗേഷന് സുപ്പിരീയര് ജനറല് സിസ്റ്റര് സൗമി എസ്ജെസി, കിടങ്ങൂര് ലിറ്റില് ലൂര്ദ് ഹോസ്പിറ്റല് മെഡിക്കല് സൂപ്രണ്ടും പീഡിയാട്രിക് ആന്ഡ് നിയോനേറ്റോളജി കണ്സള്ട്ടന്റുമായ സിസ്റ്റര് ഡോ. ലത എസ്വിഎം, ഇടുക്കി ഗ്രീന്വാലി ഡെവലപ്മെന്റ് സൊസൈറ്റി പ്രോഗ്രാം കോ-ഓര്ഡിനേറ്റര് സിസ്റ്റര് ജിജി വെളിഞ്ചായില്, ലിറ്റില് ഡോട്ടേഴ്സ് ഓഫ് സെന്റ് ജോണ് ഗില്ബര്ട്ട് കോണ്ഗ്രിഗേഷന് റീജണല് സുപ്പീരിയര് സിസ്റ്റര് റോമില്ഡ, ഡോട്ടേഴ്സ് ഓഫ് ചാരിറ്റി ഓഫ് ദ മോസ്റ്റ് പ്രെഷ്യസ് ബ്ലെഡ് കോണ്ഗ്രിഗേഷന് റീജണല് സുപ്പീരിയര് സിസ്റ്റര് റിന്സി കോയിക്കര എന്നിവരാണ് പുരസ്കാര ജേതാക്കള്.
5001 രൂപയും മെമന്റോയും പൊന്നാടയും അടങ്ങുന്ന പുരസ്കാരം സെപ്റ്റംബര് 12ന് ഉച്ചകഴിഞ്ഞ് 2.30നു പാലാ ചേര്പ്പുങ്കല് മുത്തോലത്ത് ഓഡിറ്റോറിയത്തിൽ നടക്കുന്ന സമ്മേളനത്തില് സമ്മാനിക്കുമെന്ന് കെഎസ്എസ്എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര് അറിയിച്ചു.
പുരസ്കാര സമര്പ്പണ സമ്മേളനത്തിന്റെ ഉദ്ഘാടനം കേരള ഗവണ്മെന്റ് ചീഫ് വിപ്പ് അപു ജോണ് ജോസഫ് നിര്വഹിക്കും. കോട്ടയം ആര്ച്ച്ബിഷപ് മാര് മാത്യു മൂലക്കാട്ട് അധ്യക്ഷത വഹിക്കും.
Deepika
E-paper LOGIN
LOGIN
