മുംബൈ: മഹാരാഷ്ട്ര ഉപമുഖ്യമന്ത്രി സുനേത്ര പവാറിനെതിരേ ബാരാമതിയിൽ കോൺഗ്രസ് മത്സരിക്കുന്നു. ആകാശ് മോറെയാണ് കോൺഗ്രസ് സ്ഥാനാർഥി. മുൻ എംഎൽസി വിജയ്റാവു മോറെയുടെ മകനായ ആകാശ്, ധാൻഗർ സമുദായാംഗമാണ്.
അജിത് പവാർ വിമാനാപകടത്തിൽ മരിച്ചതിനെത്തുടർന്നാണ് ബാരാമതിയിൽ ഉപതെരഞ്ഞെടുപ്പ്. അജിത് പവാറിനോടുള്ള ബഹുമാനാർഥം സുനേത്രയ്ക്കെതിരേ മത്സരിക്കില്ലെന്ന് എൻസിപി (ശരദ് പവാർ ) അറിയിച്ചിരുന്നു. ബാരാമതിയിൽ തെരഞ്ഞെടുപ്പ് ഒഴിവാക്കണമെന്ന് സുനേത്ര പവാർ ഇന്നലെ കോൺഗ്രസ് സംസ്ഥാന അധ്യക്ഷൻ ഹർഷ്വർധൻ സപ്കലിനോട് ഫോണിൽ അഭ്യർഥിച്ചിരുന്നു. കഴിഞ്ഞദിവസം ഉദ്ധവ് താക്കറെയുടെ പിന്തുണയും സുനേത്ര തേടിയിരുന്നു.
Deepika
E-paper LOGIN
LOGIN
