17

തിരുവനന്തപുരം: കേരള സർവകലാശാല വൈസ് ചാൻസലർ ഡോ. മോഹൻ കുന്നുമ്മേലിന്‍റെ പാറ്റ പരാമർശത്തിന് പിന്നാലെ സോഷ്യൽ മീഡിയയിൽ ട്രോൾ മഴ.

കഴക്കൂട്ടം മണ്ഡലത്തിൽ നിന്നും വിവിധ മത്സര പരീക്ഷകളിൽ വിജയികളായ വിദ്യാർഥികളെ അനുമോദിക്കാൻ വി. മുരളീധരൻ എംഎൽഎയുടെ നേതൃത്യത്തിൽ സംഘടിപ്പിച്ച വിജയതാരകം പരിപാടിയിൽ ആയിരുന്നു വിസിയുടെ പരാമർശം.

നിങ്ങൾ പാറ്റകളാണോ സിംഹങ്ങൾ ആണോ എന്നായിരുന്നു അദ്ദേഹം കുട്ടികളോട് ചോദിച്ചത്. മറുപടി പറയാൻ അദ്ദേഹം കുട്ടികളോട് ആവശ്യപ്പെട്ടെങ്കിലും എല്ലാവരും മൗനം പാലിക്കുകയായിരുന്നു. ഡൽഹിയിൽ നടന്ന വിദ്യാർഥി പ്രക്ഷോഭത്തെ ഓർമിപ്പിച്ചു കൊണ്ടായിരുന്നു അദ്ദേഹം പാറ്റ പരാമർശം നടത്തിയത്.

എന്നാൽ കുട്ടികൾ മൗനം പാലിച്ചതിനു പിന്നാലെ സോഷ്യൽ മീഡിയ വിഷയം ഏറ്റെടുത്തു. വിസി മോഹൻ കുന്നുമ്മലിനെതിരേ രൂക്ഷവിമർശനമാണ് ഉയരുന്നത്.